തിരുവനന്തപുരത്ത് ഇന്ന് (19 നവംബര്‍ 2020) 456 പേര്‍ക്കു കൂടി കോവിഡ് 19 സ്ഥിരീകരിച്ചു. 658 പേര്‍ രോഗമുക്തരായി. നിലവില്‍ 5,745 പേരാണു രോഗം സ്ഥിരീകരിച്ചു ചികിത്സയില്‍ കഴിയുന്നത്. ജില്ലയില്‍ മൂന്നു പേരുടെ മരണം കോവിഡ് മൂലമാണെന്നു സ്ഥിരീകരിച്ചു. നെടുമങ്ങാട് സ്വദേശിനി ഗോമതി അമ്മാള്‍(98), വെങ്ങാനൂര്‍ സ്വദേശി സുരേഷ് കുമാര്‍(56), തൊളിക്കോട് സ്വദേശിനി അസ്മ ബീവി(75) എന്നിവരുടെ മരണമാണു കോവിഡ് മൂലമാണെന്നു സ്ഥിരീകരിച്ചത്. 

എറണാകുളം : തദ്ദേശ സ്വയം ഭരണ സ്ഥാപങ്ങളിലേക്കുള്ള പൊതു തിരഞ്ഞെടുപ്പിനുള്ള പത്രിക സമർപ്പണം പൂർത്തിയായി. വെള്ളിയാഴ്ചയാണ് നാമ നിർദേശപത്രികകളുടെ സൂക്ഷ്മ പരിശോധന.  നവംബർ 23 ആണ് നാമ നിർദേശ പത്രിക പിൻവലിക്കാനുള്ള അവസാന തിയതി.

ജില്ലയിൽ ഇതുവരെ 17265 നാമ നിർദേശ പത്രികകൾ  സമർപ്പിച്ചത്. ജില്ലാ പഞ്ചായത്തിലേക്ക് 253 പത്രികകളും  കൊച്ചി കോർപറേഷനിലേക്ക് 835  നാമ നിർദേശപത്രികകളും സമർപ്പിച്ചു. ജില്ലയിലെ 13 മുൻസിപ്പാലിറ്റികളിൽ ആയി 3586  നാമ നിർദേശപത്രികകൾ ആണ്  സമർപ്പിച്ചത്. ബ്ലോക്ക്‌ പഞ്ചായത്തിൽ 1405 പത്രികകളും ഗ്രാമ പഞ്ചായത്തുകളിലേക്ക്  11186  നാമ നിർദേശപത്രികകളും  സമർപ്പിച്ചിട്ടുണ്ട്.

നാമനിര്‍ദ്ദേശ പത്രിക സമര്‍പ്പിക്കേണ്ടതിന്റെ അവസാന ദിനമായ ഇന്ന് (നവംബര്‍ 19) ജില്ലയില്‍ മുനിസിപ്പാലിറ്റി, ജില്ലാ, ബ്ലോക്ക്, ഗ്രാമപഞ്ചായത്തുകളിലായി ലഭിച്ചത് 5303 നാമനിര്‍ദ്ദേശപത്രികകള്‍. നഗരസഭകളില്‍ 774 ഉം ജില്ലാ പഞ്ചായത്ത് ഡിവിഷനുകളിലേക്ക് 78 ഉം ബ്ലോക്ക് പഞ്ചായത്തില്‍ 514 ഉം  ഗ്രാമപഞ്ചായത്തുകളില്‍ 3937 നാമനിര്‍ദ്ദേശപത്രികകളുമാണ് ലഭിച്ചത്. ജില്ലയിൽ കഴിഞ്ഞ ആറ് ദിവസങ്ങളിലായി 13733 നാമനിർദേശ പത്രികകളാണ് ലഭിച്ചത്. ഇതോടെ ജില്ലയിൽ നാമനിർദ്ദേശപത്രിക സമർപ്പണം പൂർത്തിയായി.

ജില്ലാ പഞ്ചായത്തിലെ വിവിധ ഡിവിഷനുകളിലേക്ക് ലഭിച്ച 78 ഉൾപ്പെടെ ഇതുവരെ 178 നാമനിർദ്ദേശ പത്രികകൾ ലഭിച്ചു. 

മാസ്ക് ധരിക്കാതെ പൊതുസ്ഥലങ്ങളിൽ ഇറങ്ങിയ 107 പേർക്കെതിരെ പോലീസ് ഇന്ന്  (നവംബർ19) കേസെടുത്തു.  മാസ്ക് ധരിക്കേണ്ടതിന്റെ   ആവശ്യകത ബോധ്യപ്പെടുത്തി കോടതിയിൽ പിഴ അടയ്ക്കാൻ നോട്ടീസ് നൽകി വിട്ടയച്ചു. 
 

കോവിഡ് 19 ബാധിതരായി ജില്ലയില്‍ നിലവില്‍ 4740 പേരാണ് ചികിത്സയിലുള്ളത്.  ഇന്ന് (നവംബർ 19) ജില്ലയില്‍ 496 പേര്‍ക്കാണ് രോഗം സ്ഥിരീകരിച്ചത്. ഇന്ന് 123 പേരെ ആശുപത്രിയില്‍ പ്രവേശിപ്പിക്കുകയും ചെയ്തു.  

ഇതുവരെ 87831 സാമ്പിളുകള്‍ പരിശോധനയ്ക്കായി അയച്ചതില്‍ 86229 പരിശോധനാ ഫലങ്ങളാണ് ലഭ്യമായത്. ഇന്ന് 324 പരിശോധനാ ഫലങ്ങളാണ് ലഭിച്ചത്. പുതുതായി 298 സാമ്പിളുകൾ അയച്ചു. 33773 പേർക്കാണ് ഇതുവരെ  പരിശോധനാഫലം പോസിറ്റീവായത്. ഇതുവരെ 28337 പേർ രോഗമുക്തി നേടി. ഇനി 447 സാമ്പിളുകളുടെ പരിശോധനാ ഫലം കൂടി ലഭിക്കാനുണ്ട്.

പാലക്കാട് ജില്ലയിൽ ഇന്ന്(നവംബർ 19) 496 പേർക്ക് കോവിഡ് 19 സ്ഥിരീകരിച്ചതായി ആരോഗ്യവകുപ്പ് അധികൃതർ അറിയിച്ചു. ഇതിൽ സമ്പർക്കത്തിലൂടെ രോഗബാധ ഉണ്ടായ 277 പേർ, ഉറവിടം അറിയാതെ രോഗം ബാധിച്ച 206 പേർ, ഇതര സംസ്ഥാനത്തുനിന്നും വിദേശത്തുനിന്നുമായി വന്ന 10 പേർ , 3 ആരോഗ്യപ്രവർത്തകർ എന്നിവർ ഉൾപ്പെടും. 406 പേർക്ക് രോഗമുക്തി ഉള്ളതായും അധികൃതർ അറിയിച്ചു.

ഇന്ന് രോഗം സ്ഥിരീകരിച്ചവരുടെ വിവരങ്ങൾ

പാലക്കാട് സ്വദേശികൾ - 71 പേർ

ഒറ്റപ്പാലം സ്വദേശികൾ-31 പേർ

അമ്പലപ്പാറ സ്വദേശികൾ- 25 പേർ

കിഴക്കഞ്ചേരി സ്വദേശികൾ- 21 പേർ

വല്ലപ്പുഴ സ്വദേശികൾ- 18 പേർ

ലീഗല്‍ മെട്രോളജി ആലത്തൂര്‍ ഇന്‍സ്‌പെക്ടര്‍ ഓഫീസിന്റെ പരിധിയില്‍ വരുന്ന 2020 ജനുവരി മുതല്‍ ജൂണ്‍വരെ പുന:പരിശോധനകള്‍ നടത്താത്ത ത്രാസ് / ഓട്ടോ ഫെയര്‍ മീറ്ററുകളുടെ പരിശോധന നടത്തുന്നു. ഓട്ടോഫെയര്‍ മീറ്ററുകള്‍ മുദ്രപതിപ്പിക്കുന്നതിന് നവംബര്‍ 25 ന് മുമ്പായി 04922 225785 എന്ന നമ്പറില്‍ ബന്ധപ്പെടുക. മറ്റ് അളവ് തൂക്ക ഉപകരണങ്ങള്‍ മുദ്രപതിപ്പിക്കുന്നതിനായി കോവിഡ് മാനദണ്ഡങ്ങള്‍ പാലിച്ച് നവംബര്‍ 28 ന് ഓഫീസില്‍ ഹാജരാകണമെന്നും ആലത്തൂര്‍ ലീഗല്‍ മെട്രോളജി ഇന്‍സ്‌പെക്ടര്‍ അറിയിച്ചു.  
 

കേരള ഓട്ടോമൊബൈല്‍ വര്‍ക്ക്‌ഷോപ്പ് തൊഴിലാളി ക്ഷേമനിധി പദ്ധതിയില്‍ അംഗത്വം എടുത്തശേഷം  അംശാദായം അടക്കുന്നതില്‍ വീഴ്ച വരുത്തിയ എല്ലാ തൊഴിലാളികള്‍ക്കും അംശാദായം അടക്കുന്നതിനുള്ള സമയം ഡിസംബര്‍ 31 വരെ ദീര്‍ഘീപ്പിച്ചിട്ടുള്ളതായി  ചീഫ് എക്‌സിക്യൂട്ടീവ് ഓഫീസര്‍ അറിയിച്ചു. ഫോണ്‍ - 0491 2547437
 

വാണിയംകുളം ഗവ.ഐ.ടി.ഐ യില്‍ ഫാഷന്‍ ഡിസൈന്‍ ആന്റ് ടെക്‌നോളജി ട്രേഡില്‍ പട്ടികവര്‍ഗ്ഗ വിഭാഗത്തില്‍ രണ്ട് സീറ്റുകള്‍ ഒഴിവുണ്ട്. താല്‍പ്പര്യമുള്ളവര്‍ നവംബര്‍ 20 ന് രാവിലെ 10 ന് ഐ.ടി.ഐ യില്‍ എത്തണമെന്ന് പ്രിന്‍സിപ്പാള്‍ അറിയിച്ചു. ഫോണ്‍: 9447986029
 

ബി.എം ആന്റ് ബി.സി പ്രവൃത്തികള്‍ നടക്കുന്നതിനാല്‍ വാണിയംകുളം - വല്ലപ്പുഴ റോഡില്‍ പ്രവൃത്തി തീരൂന്നതുവരെ ഗതാഗതം നിരോധിച്ചതായി എക്‌സിക്യൂട്ടീവ് എഞ്ചിനീയര്‍ അറിയിച്ചു. വാണിയംകുളം ഭാഗത്തു നിന്നു വരുന്ന വാഹനങ്ങള്‍ കൂനത്തറ വഴി വായനശാല ഭാഗത്തേക്കും, വല്ലപ്പുഴ ഭാഗത്തു നിന്ന് വരുന്ന വാഹനങ്ങള്‍ മാമ്പറ്റപ്പടി വഴി കുളപ്പുള്ളി ഭാഗത്തേക്കും തിരിഞ്ഞുപോകണം.