ജില്ലാ പഞ്ചായത്തിലേക്കുള്ള നാമനിര്‍ദേശ പത്രികകളുടെ സൂക്ഷ്മ പരിശോധനയ്ക്ക് ഓരോ ഡിവിഷനും അനുവദിച്ചിട്ടുള്ള സമയത്തിന് തൊട്ടുമുമ്പായി മാത്രമേ സ്ഥാനാര്‍ഥികള്‍, ഏജന്റുമാര്‍ എന്നിവര്‍ എത്താന്‍ പാടുള്ളൂ. അനുവദിച്ചിട്ടുള്ള സമയം, ഡിവിഷന്‍ എന്നീ ക്രമത്തില്‍.  രാവിലെ 11 മുതല്‍ 11.30 വഴിക്കടവ്, ചോക്കാട്, കരുവാരക്കുണ്ട്. 11.30 മുതല്‍ 12 വരെ വണ്ടൂര്‍, പാണ്ടിക്കാട്, ഏലംകുളം. 12 മുതല്‍ 12.30 വരെ അങ്ങാടിപ്പുറം, ആനക്കയം, മക്കരപ്പറമ്പ്. 12.30 മുതല്‍ 1 വരെ എടയൂര്‍, ആതവനാട്, എടപ്പാള്‍. 1 മുതല്‍ 1.30 വരെ ചങ്ങരംകുളം, മാറഞ്ചേരി, മംഗലം. 2 മുതല്‍ 2.30 വരെ തിരുന്നാവായ, നിറമരുതൂര്‍, രണ്ടത്താണി.

ആലപ്പുഴ:  ജില്ലാ പഞ്ചായത്ത് തെരഞ്ഞെടുപ്പിൽ മത്സരിക്കുന്നതിന് നാമനിർദേശപത്രിക സമർപ്പിച്ചിട്ടുള്ളവരിൽ  രാഷ്ട്രീയപാർട്ടിയുടെ കത്ത് നാമ നിർദേശ പത്രിക യോടൊപ്പം സമർപ്പിച്ചിട്ടില്ലാത്തവർ, സ്ഥാനാർഥിത്വം പിൻവലിക്കുന്നതിനുള്ള അവസാന തീയതിയായ 23 ന് 3 മണിക്ക് മുമ്പായി വരണാധികാരിയായ ജില്ലാ കളക്ടർ മുമ്പാകെ രാഷ്ട്രീയ പാർട്ടിയുടെ കത്ത്  സമർപ്പിക്കണമെന്ന് ജില്ലാ കളക്ടർ അറിയിച്ചു.

ഇന്ന് ആലപ്പുഴ ജില്ലയിൽ527 പേർക്ക് കോവിഡ് സ്ഥിരീകരിച്ചു.  2പേർ   മറ്റ് സംസ്ഥാനത്തു നിന്നുംഒരാൾ  വിദേശത്തുനിന്നും എത്തിയതാണ് .   519പേർക്ക് സമ്പർക്കത്തിലൂടെയാണ് രോഗം ബാധിച്ചത് . 5
പേരുടെ സമ്പർക്ക ഉറവിടം വ്യക്തമല്ല .   626പേരുടെ പരിശോധനാഫലം നെഗറ്റീവായി. ആകെ 35044പേർ രോഗ മുക്തരായി. 8226പേർ ചികിത്സയിൽ ഉണ്ട്.

തദ്ദേശസ്വയംഭരണ സ്ഥാപനങ്ങളിലേക്കുള്ള തിരഞ്ഞെടുപ്പിനായി സമര്‍പ്പിക്കപ്പെട്ട നാമനിര്‍ദേശ പത്രികകളുടെ സൂക്ഷ്മ പരിശോധന നാളെ (നവംബര്‍ 20) നടക്കും. കോവിഡ് പ്രോട്ടോക്കോള്‍ പാലിച്ച് അതത് തദ്ദേശ സ്ഥാപനങ്ങളിലെ വരണാധികാരികളാണ്  സൂക്ഷ്മ പരിശോധന നടത്തുക.  ജില്ലാ പഞ്ചായത്തിലെ സ്ഥാനാർഥികളുടെ നാമനിർദ്ദേശ പത്രികകളുടെ സൂക്ഷ്മ പരിശോധന കലക്ടറേറ്റ് കോൺഫറൻസ് ഹാളിൽ നടക്കുമെന്ന് ജില്ലാ കലക്ടർ എ അലക്സാണ്ടർ അറിയിച്ചു

കോവിഡ് പശ്ചാത്തലത്തില്‍ രോഗവ്യാപനം തടയുന്നതിനും നാമനിര്‍ദ്ദേശ പത്രികകളുടെ സുക്ഷ്മ പരിശോധന സുഗമമാക്കുന്നതിനും സ്ഥാനാര്‍ഥികളും രാഷ്ട്രീയ പാര്‍ട്ടി പ്രതിനിധികളും സഹകരിക്കണമെന്ന് ജില്ലാ കലക്ടര്‍ കെ. ഗോപാല കൃഷ്ണന്‍ രാഷ്ട്രീയ പാര്‍ട്ടി പ്രതിനിധികളുടെ യോഗത്തില്‍ അഭ്യര്‍ത്ഥിച്ചു. ഇന്ന് (നവംബര്‍ 20) സൂക്ഷമപരിശോധനാ സ്ഥലത്ത് ആള്‍ക്കൂട്ടങ്ങള്‍ ഉണ്ടാകുന്നതും കോവിഡ് മാര്‍ഗനിര്‍ദേശങ്ങള്‍ പാലിക്കാതെ വരുന്നതും രോഗവ്യാപനത്തിന് കാരണമാകും.

താനൂര്‍ ഗവ. ആര്‍ട്‌സ് ആന്റ്  സയന്‍സ് കോളേജില്‍ ബി.സി.എ, ബി.എസ്.സി (ഇലക്ട്രോണിക്‌സ്) കോഴ്‌സുകളില്‍ സ്‌പോര്‍ട്‌സ് ക്വാട്ട വിഭാഗത്തില്‍ സീറ്റ് ഒഴിവുണ്ട്. താല്‍പര്യമുള്ള വിദ്യാര്‍ത്ഥികള്‍ നവംബര്‍ 25 ന് ഉച്ചയ്ക്ക് രണ്ട് മണിക്ക് മുമ്പായി യോഗ്യത സര്‍ട്ടിഫിക്കറ്റുകളുടെയും സപോര്‍ട്‌സ് സര്‍ട്ടിഫിക്കറ്റുകളുടെയും സാക്ഷ്യപ്പെടുത്തിയ പകര്‍പ്പ് സഹിതം കോളേജ് ഓഫീസില്‍ ഹാജരാകണം.

ആലപ്പുഴ:സ്റ്റേറ്റ് റിസോഴ്സ് സെന്ററിന് കീഴില്‍ പ്രവര്‍ത്തിക്കുന്ന എസ്.ആര്‍.സി കമ്മ്യൂണിറ്റി കോളജ് 2021 ജനുവരി സെഷനില്‍ നടത്തുന്ന സര്‍ട്ടിഫിക്കറ്റ് ഡിപ്ലോമ ഇന്‍ കൗണ്‍സിലിങ് സൈക്കോളജി കോഴ്സിന് അപേക്ഷ ക്ഷണിച്ചു. സര്‍ട്ടിഫിക്കറ്റ് കോഴ്സിന് ആറു മാസവും ഡിപ്ലോമയ്ക്ക് ഒരു വര്‍ഷവുമാണ് കാലാവധി. കോണ്ടാക്ട് ക്ലാസുകളും ഇന്റേണ്‍ഷിപ്പും, പ്രോജക്ട് വര്‍ക്കും പഠനപരിപാടിയുടെ ഭാഗമായി ഉണ്ട്. വിശദാംശങ്ങള്‍ www.srccc.in എന്ന വെബ്സൈറ്റില്‍ ലഭിക്കും. പൂരിപ്പിച്ച അപേക്ഷകള്‍ ലഭിക്കേണ്ട അവസാന തീയതി ഡിസംബര്‍ 10. ഫോണ്‍: 9074522072, 9447597983.

ആലപ്പുഴ: ചേര്‍ത്തല താലൂക്ക് കഞ്ഞിക്കുഴി വില്ലേജില്‍ റീസര്‍വ്വെ  ബ്ലോക്ക് 33ല്‍  512/2, 512/5 എന്നിവയില്‍ ഉള്‍പ്പെട്ട സര്‍ക്കാര്‍ തരിശ് പുറമ്പോക്കില്‍ നിന്നിരുന്ന ചെറുപുന്ന മരത്തിന്റെ തടി കഷണങ്ങള്‍ ഡിസംബര്‍ മൂന്നിന് രാവിലെ 11ന് ലേലം ചെയ്യും. വിശദവിവരത്തിന് ഫോണ്‍: 0478 2813103.

സ്റ്റേറ്റ് റീസോഴ്‌സ് സെന്ററിനു കീഴിലെ എസ്.ആര്‍.സി കമ്മ്യൂണിറ്റി കോളേജ് 2021 ജനുവരി സെഷനില്‍ നടത്തുന്ന സര്‍ട്ടിഫിക്കറ്റ്/ഡിപ്ലോമ ഇന്‍ കൗണ്‍സലിംഗ് സൈക്കോളജി കോഴ്‌സിന് അപേക്ഷ ക്ഷണിച്ചു. സര്‍ട്ടിഫിക്കറ്റ് കോഴ്‌സിന് ആറു മാസവും ഡിപ്ലോമയ്ക്ക് ഒരു വര്‍ഷവുമാണ് കാലാവധി. കോണ്ടാക്ട് ക്ലാസ്, ഇന്റേണ്‍ഷിപ്പ്, പ്രോജക്ട് വര്‍ക്ക് എന്നിവ ഉണ്ടാകും. അപേക്ഷകള്‍ ലഭിക്കേണ്ട അവസാന തീയതി ഡിസംബര്‍ 10. കൂടുതല്‍ വിവരങ്ങള്‍ക്ക് www.srccc.in സന്ദര്‍ശിക്കുക. ഫോണ്‍ 9567991416, 9847610871.

ആലപ്പുഴ: തദ്ദേശ സ്ഥാപനങ്ങളിലേക്കുള്ള പൊതു തിരഞ്ഞെടുപ്പ് ജോലിയ്ക്ക് നിയോഗിക്കേണ്ട ഉദ്യോഗസ്ഥരുടെ വിവരം ഇ- ഡ്രോപ് സോഫ്റ്റ് വെയറില്‍ ലഭ്യമാക്കാത്ത സ്ഥാപന മേധാവികള്‍ക്കെതിരെ നിയമനടപടി സ്വീകരിക്കുമെന്ന് ജില്ല കളക്ടര്‍ അറിയിച്ചു.   വിവരങ്ങള്‍ ഇന്ന് (20.11.2020) രാവിലെ 11മണിയ്ക്ക് മുന്‍പായി ബന്ധപ്പെട്ട തദ്ദേശ സ്വയംഭരണ സെക്രട്ടറിമാരെയാണ് അറിയിക്കേണ്ടത്.