കേന്ദ്ര-സംസ്ഥാന സര്‍ക്കാര്‍ സംയുക്തമായി കാസറകോട്് ജില്ലയില്‍  നടപ്പിലാക്കുന്ന ആയുഷ് ഗ്രാമം പദ്ധതിയുടെ ഭാഗമായി സൗജന്യ ഓണ്‍ലൈന്‍ യോഗ ക്ലാസുകള്‍ സംഘടിപ്പിക്കുന്നു. കോവിഡ് കാലത്തെ മാനസിക പിരിമുറക്കം കുറക്കാനും ജീവിത ശൈലീ രോഗങ്ങളെ നിയന്ത്രിക്കാനുമുള്ള ആസന പ്രാണായാമങ്ങളാണ് ക്ലാസ്സില്‍ ഉള്‍പ്പെടുത്തിയിരിക്കുന്നത്. താത്പര്യമുള്ളവര്‍   നവംബര്‍ 23 നകം 0467 2238477 ,9497875085 എന്നീ നമ്പറുകളില്‍ ബന്ധപ്പെടണം.

കാസര്‍കോട് ജില്ലാ എംപ്‌ളോയ്‌മെന്റ് എക്‌സ്‌ചേഞ്ചിന്റെ ആഭിമുഖ്യത്തില്‍ കേരള പി.എസ്.സി. യുടെ വിവിധ മത്സര പരീക്ഷകള്‍ക്ക് തയ്യാറെടുക്കുന്ന ഉദേ്യാഗാര്‍ത്ഥികള്‍ക്കായി  സൗജന്യമായി ഒരു മാസത്തെ സമഗ്ര കോച്ചിംഗ് ക്‌ളാസ്സ് നല്‍കുന്നു.  എസ്.എസ്.എല്‍.സി. പാസ്സായവര്‍ക്കും അതിനുമുകളിലും യോഗ്യതയുളള   ജില്ലയിലെ എല്ലാ വിഭാഗത്തില്‍പ്പെട്ട ഉദേ്യാഗാര്‍ത്ഥികള്‍ക്കും  അപേക്ഷിക്കാം.

മടിക്കൈ ഐ.എച്ച്.ആര്‍.ഡി.മോഡല്‍ കോളേജില്‍ ബി.കോംവിത്ത് കമ്പ്യൂട്ടര്‍ അപ്ലിക്കേഷന്‍, ബി.എ.ഇംഗ്ലീഷ്,ബി.എസ്.സി, ഇലക്‌ട്രോണിക്‌സ്, കോഴ്‌സുകളില്‍ ഒഴിവുളള സീറ്റുകളിലേക്ക് നവംബര്‍ 20, 23 തിയതികളില്‍  രാവിലെ 10 ന് സ്‌പോട്ട് അഡ്മിഷന്‍  നടക്കും.  ഫോണ്‍ 0467 2240911,  9447070714

തദ്ദേശസ്വയംഭരണ തെരഞ്ഞെടുപ്പ് ചൂടുകള്‍ക്കിടയിലും ജില്ലയ്ക്ക് ആശ്വസിക്കാന്‍ വക  നല്‍കുന്നതാണ്  ജില്ലയിലെ  കോവിഡ് രോഗികളുടെ എണ്ണം ക്രമാതീതമായി കുറഞ്ഞുവരുന്നു എന്നത്.നവംബര്‍ 11 മുതല്‍ 17 വരെയുള്ള  കണക്കുകള്‍ പ്രകാരം  ജില്ലയില്‍ റിപ്പോര്‍ട്ട് ചെയ്യപ്പെട്ടത് 691  കോവിഡ് കേസുകള്‍ മാത്രമാണ്.ഈ കാലയളവില്‍ വോര്‍ക്കാടി,കാറഡുക്ക,മീഞ്ച ഗ്രാമപഞ്ചായത്തുകളില്‍ ഒറ്റ കോവിഡ് പോസറ്റീവ് കേസുപോലും റിപ്പോര്‍ട്ട് ചെയ്തില്ലയെന്നതും ശ്രദ്ധേയമാണ്.കൂടാതെ ബദിയടുക്ക(5),ബെള്ളൂര്‍(3) ചെങ്കള(6), ഈസ്റ്റ്-എളേരി(1), എന്‍മകജെ(3), കുംബടാജെ(2),മംഗല്‍പ്പാടി(6),മൊഗ്രാല്‍-പുത്തൂര്‍(3),പൈവളിഗെ(1),പുത്തിഗൈ(3),വലിയപറമ്പ(2) എന്നീ പഞ്ചായ

തദ്ദേക സ്വയംഭരണ സ്ഥാപന തെരഞ്ഞെടുപ്പില്‍ പ്രചരണം തുടങ്ങി വോട്ടെണ്ണല്‍ വരെയുള്ള പ്രവര്‍ത്തനങ്ങള്‍ സംസ്ഥാന തെരഞ്ഞെടുപ്പ് കമ്മീഷനും സംസ്ഥാന സര്‍ക്കാരും നിഷ്‌കര്‍ഷിക്കുന്നത് പോലെ കോവിഡ് മാനദണ്ഡങ്ങള്‍ പാലിച്ചു മാത്രമേ പാടുള്ളുവെന്ന് ജില്ലാ കളക്ടര്‍ ഡോ ഡി സജിത് ബാബു പറഞ്ഞു.  വളരെ കഷ്ടപ്പെട്ടതിന്റെ ഫലമായാണ്  നമ്മുടെ ജില്ലയില്‍ കോവിഡ് 19 നിയന്ത്രണ വിധേയമാക്കാന്‍ സാധിച്ചത്.  ജില്ല കോവിഡ് 19 പ്രതിരോധത്തില്‍ കൈവരിച്ച നേട്ടം നിലനിര്‍ത്താന്‍ എല്ലാവരും സഹകരിക്കണം.

തദ്ദേശ തെരഞ്ഞെടുപ്പ് പരസ്യത്തിനായി സ്ഥാനാര്‍ഥികളും രാഷ്ട്രീയകക്ഷികളും പരിസ്ഥിതി സൗഹൃദവും മണ്ണില്‍ അലിഞ്ഞു ചേരുന്നതും പുന: ചംക്രമണം ചെയ്യാന്‍ കഴിയുന്നതുമായ വസ്തുക്കള്‍ മാത്രമേ ഉപയോഗിക്കാവൂ എന്നാണ് സംസ്ഥാന തെരഞ്ഞെടുപ്പ് കമ്മീഷന്റെ നിര്‍ദേശം.  പ്ലാസ്റ്റിക്, പി.വി.സി ഉള്‍പ്പടെയുള്ളവ കൊണ്ട് നിര്‍മിച്ച ബോര്‍ഡുകള്‍, ബാനറുകള്‍, കൊടി തോരണങ്ങള്‍, ഫ്ളക്സ് എന്നിവ ഉപയോഗിക്കാന്‍ പാടില്ല. പ്ലാസ്റ്റിക് പേപ്പറുകള്‍, പ്ലാസ്റ്റിക് നൂലുകള്‍, പ്ലാസ്റ്റിക് റിബണുകള്‍ എന്നിവയും ഉപയോഗിക്കാന്‍ പാടില്ല.

ഉദുമ ഗവ.ആര്‍ട്‌സ് ആന്റ് സയന്‍സ് കോളേജില്‍ ഇക്കണോമിക്‌സ് വിഭാഗത്തില്‍ ഗസ്റ്റ് അധ്യാപകന്റെ ഒഴിവുണ്ട്. കൂടിക്കാഴ്ച നവംബര്‍ 24 ന് രാവിലെ 11 ന് കോളേജില്‍ നടക്കും. ഫോണ്‍ 0467 2952477

വെസ്റ്റ് എളേരി ഗവ.(വനിത) ഐടിഐ പ്രവേശനത്തിന് നവംബര്‍ 20 ന്  വരെ അപേക്ഷിക്കാം.  വിദ്യാര്‍ഥികള്‍ 20 ന്  രാവിലെ 10 നകം ഓഫീസില്‍ ഹാജരാകണം. കൂടുതല്‍ വിവരങ്ങള്‍ക്ക്  9496335327, 04672341666.

കാസര്‍കോട് എല്‍.ബി.എസ് എഞ്ചിനീയറിങ് കോളേജിലെ ഒഴിവുള്ള ബി.ടെക്,എം.ടെക് മാനേജ്‌മെന്റ്, എന്‍.ആര്‍.ഐ സീറ്റുകളിലേക്ക് (എല്ലാ ബ്രാഞ്ചുകളും) നവംബര്‍ 20 ന് രാവിലെ 11 ന് സ്‌പോട്ട് അഡ്മിഷന്‍ നടക്കും. എന്‍.ആര്‍.ഐ ക്വാട്ട ഒഴികെയുള്ള സീറ്റുകള്‍ക്ക് കേരള എന്‍ട്രന്‍സ് 2020 അല്ലെങ്കില്‍ തത്തുല്യമായ മറ്റേതെങ്കിലും പ്രവേശന പരീക്ഷയോ പാസായ യോഗ്യതാ സര്‍ട്ടിഫിക്കറ്റും സമര്‍പ്പിക്കണം. കൂടുതല്‍ വിവരങ്ങള്‍ക്ക് 04994-250290, 9496463548 

ജില്ലയില്‍ കോവിഡ് രോഗികളുടെ എണ്ണം കുറഞ്ഞു വരുന്നുണ്ടെങ്കിലും സാമ്പിള്‍ പരിശോധന വര്‍ധിപ്പിക്കുന്നതിന് ജില്ലാതല കോറോണ കോര്‍കമ്മിറ്റി യോഗം തിരുമാനിച്ചു.  വ്യാപാര സ്ഥാപനങ്ങളിലെ ഉടമകളും ജീവനക്കാരും പൊതുഗതാഗത സംവിധാനത്തിലെ ഡ്രൈവര്‍മാരും ജീവനക്കാരും പൊതുജനങ്ങളും ആന്റിജന്‍ പരിശോധനയ്ക്ക് വിധേയമായി സംഹകരിക്കണമെന്ന്  ജില്ലാ മെഡിക്കല്‍ ഓഫീസര്‍ ഡോ എ വി രാംദാസ് പറഞ്ഞു.