* ചികിത്സയിലുള്ളവർ 69,394; ആറ് പുതിയ ഹോട്ട് സ്‌പോട്ടുകൾ
കേരളത്തിൽ ബുധനാഴ്ച 6419 പേർക്ക് കോവിഡ്-19 സ്ഥിരീകരിച്ചു. എറണാകുളം 887, കോഴിക്കോട് 811, തൃശൂർ 703, കൊല്ലം 693, ആലപ്പുഴ 637, മലപ്പുറം 507, തിരുവനന്തപുരം 468, പാലക്കാട് 377, കോട്ടയം 373, ഇടുക്കി 249, പത്തനംതിട്ട 234, കണ്ണൂർ 213, വയനാട് 158, കാസർഗോഡ് 109 എന്നിങ്ങനെയാണ് ജില്ലകളിൽ രോഗബാധ സ്ഥിരീകരിച്ചത്.

2020-21 പോസ്റ്റ് ബേസിക് ബി.എസ്.സി. നഴ്‌സിംഗ് ഡിഗ്രി കോഴ്‌സ് പ്രവേശനത്തിന് അപേക്ഷിച്ചവരുടെ പ്രൊവിഷണൽ റാങ്ക് ലിസ്റ്റ്  www.lbscentre.kerala.gov.in എന്ന വെബ്‌സൈറ്റിൽ 19 ന് (ഇന്ന്) പ്രസിദ്ധീകരിക്കു  റാങ്ക് ലിസ്റ്റിൽ ഉൾപ്പെട്ടവർക്ക് കോളേജ് ഓപ്ഷനുകൾ സമർപ്പിക്കാം. ഓപ്ഷൻ സമർപ്പണത്തിനുള്ള അവസാന തീയതി നവംബർ 22ന് വൈകിട്ട് അഞ്ചു മണി.
പി.എൻ.എക്‌സ്. 4061/2020

2020-21 ബി.എസ്.സി നഴ്സിംഗ് ആൻഡ് പാരാമെഡിക്കൽ ഡിഗ്രി  കോഴ്സുകളിലേക്ക് പുതുതായി ഉൾപ്പെടുത്തിയ ബാച്ച്‌ലർ ഓഫ് ഒക്കുപ്പേഷണൽ തെറാപ്പി കോഴ്‌സിന്റെ പ്രൊവിഷണൽ റാങ്ക് ലിസ്റ്റ് www.lbscentre.kerala.gov.in ൽ പ്രസിദ്ധീകരിച്ചു.  ലിസ്റ്റിൽ ഉൾപ്പെട്ടവർക്ക് കോളേജ്  ഓപ്ഷനുകൾ  സമർപ്പിക്കാം. ഓപ്ഷൻ സമർപ്പണത്തിനുളള അവസാന തിയതി നവംബർ 22 ന് വൈകിട്ട് മൂന്നു മണിവരെ.
പി.എൻ.എക്‌സ്. 4060/2020

പ്ലസ് വൺ ജില്ല/ജില്ലാന്തര സ്‌കൂൾ/കോമ്പിനേഷൻ ട്രാൻസ്ഫർ അലോട്ട്‌മെന്റ് റിസൾട്ട് നവംബർ 19ന് (ഇന്ന്) രാവിലെ പത്തു മണിമുതൽ പ്രവേശനം സാധ്യമാകുംവിധം പ്രസിദ്ധപ്പെടുത്തും. ക്യാൻഡിഡേറ്റ് ലോഗിനിലെ TRANSFER ALLOT RESULTS എന്ന ലിങ്കിലൂടെ റിസൾട്ട് പരിശോധിക്കാനുളള സൗകര്യം അതത് സ്‌കൂൾ പ്രിൻസിപ്പൾമാർ ചെയ്ത കൊടുത്ത് ട്രാൻസ്ഫർ അലോട്ട്‌മെന്റ് ലെറ്റർ എടുത്ത് നൽകണം. അതേ സ്‌കൂളിൽ കോമ്പിനേഷൻ മാറ്റം ലഭിച്ചാലും പുതിയ അലോട്ട്‌മെന്റ് ലെറ്റർ പ്രകാരം പ്രവേശനം മാറ്റി കൊടുക്കണം.

കിറ്റ്‌സ് നടത്തുന്ന ആറു ദിവസത്തെ പൂൾ ലൈഫ് ഗാർഡ് പരിശീലനത്തിന് നീന്തൽ അറിയാവുന്ന പട്ടികജാതി-പട്ടികവർഗ വിഭാഗത്തിലെ സ്ത്രീകൾക്ക് അപേക്ഷിക്കാം. പ്രായപരിധി 20-45 വയസ്സ്.  ആദ്യം അപേക്ഷിക്കുന്ന 125 പേർക്ക് ആണ് പരിശീലനം. അപേക്ഷിക്കാനുള്ള അവസാന തിയതി ഡിസംബർ രണ്ട്. കൂടുതൽ വിവരങ്ങൾക്ക്: www.kittsedu.org, ഫോൺ: 0471-2329539.
പി.എൻ.എക്‌സ്. 4058/2020

മെഡിക്കൽ പി.ജി പ്രവേശനം (ഡി.എൻ.ബി ഉൾപ്പെടെ) നേടുന്ന വിദ്യാർഥികൾ മെഡിക്കൽ കൗൺസിൽ രജിസ്ട്രേഷൻ നേടിയിരിക്കണമെന്ന് ട്രാവൻകൂർ-കൊച്ചിൻ മെഡിക്കൽ കൗൺസിൽസ് അറിയിച്ചു.
കേരളത്തിൽ മെഡിക്കൽ പി.ജി പ്രവേശനം നേടുന്നവർ രണ്ടാഴ്ചയ്ക്കുള്ളിൽ മെഡിക്കൽ കൗൺസിൽ രജിസ്ട്രേഷൻ നേടിയിരിക്കണം. പി.ജി കോഴ്സ് പൂർത്തിയാക്കിയശേഷം രജിസ്ട്രേഷനായി മെഡിക്കൽ കൗൺസിലിൽ വിദ്യാർഥികൾ സമീപിക്കുന്നത് മാനദണ്ഡങ്ങൾക്ക് വിരുദ്ധമാണ്. ഇത്തരം നിയമലംഘനങ്ങൾ ശ്രദ്ധയിൽപ്പെട്ടാൽ നിയമനടപടി സ്വീകരിക്കുമെന്നും രജിസ്ട്രാർ അറിയിച്ചു.
പി.എൻ.എക്‌സ്. 4057/2020

    തിരുവനന്തപുരം സർക്കാർ വനിതാ കോളേജ് സംഗീത വിഭാഗത്തിൽ ഒന്നാം വർഷ ബിരുദ ക്ലാസിലേക്ക് പട്ടികജാതി വിഭാഗത്തിൽ രണ്ടും, പട്ടികവർഗ വിഭാഗത്തിൽ ഒരു സീറ്റും ഒഴിവുണ്ട്. അർഹരായ വിദ്യാർത്ഥിനികൾ 20ന് ഉച്ചക്ക് ഒരു മണിക്ക് മുമ്പ് കോളേജിൽ റിപ്പോർട്ട് ചെയ്യണമെന്ന് പ്രിൻസിപ്പൽ അറിയിച്ചു.
പി.എൻ.എക്‌സ്. 4056/2020

ലേലം
ഇരിങ്ങാലക്കുട മിനി സിവില്‍ സ്റ്റേഷനില്‍ കോടതി നിര്‍മ്മാണവുമായി ബന്ധപ്പെട്ട് കോമ്പൗണ്ടില്‍ കൂട്ടിയിരിക്കുന്ന മണ്ണ് ഡിസംബര്‍ മൂന്ന് രാവിലെ 11 ന് താലൂക്ക് ഓഫീസില്‍ ലേലം ചെയ്യും. ഫോണ്‍: 0480-2825259.

തൃശൂർ ജില്ലയിൽ ബുധനാഴ്ച (18/11/2020) 703 പേർക്ക് കൂടി കോവിഡ്-19 സ്ഥിരീകരിച്ചു. 793 പേർ രോഗമുക്തരായി. ജില്ലയിൽ രോഗബാധിതരായി ചികിത്സയിൽ കഴിയുന്നവരുടെ എണ്ണം 7812 ആണ്. തൃശൂർ സ്വദേശികളായ 89 പേർ മറ്റു ജില്ലകളിൽ ചികിത്സയിൽ കഴിയുന്നു. ജില്ലയിൽ ഇതുവരെ കോവിഡ് സ്ഥീരികരിച്ചവരുടെ എണ്ണം 52766 ആണ്. 44559 പേരെയാണ് ആകെ രോഗമുക്തരായി ആശുപത്രിയിൽ നിന്നും ഡിസ്ചാർജ്ജ് ചെയ്തത്.
ജില്ലയിൽ ബുധനാഴ്ച്ച സമ്പർക്കം വഴി 680 പേർക്കാണ് രോഗം സ്ഥീരികരിച്ചത്. കൂടാതെ 4 ആരോഗ്യ പ്രവർത്തകർക്കും, സംസ്ഥാനത്തിന് പുറത്തുനിന്ന് എത്തിയ 7 പേർക്കും, രോഗ ഉറവിടം അറിയാത്ത 12 പേർക്കും രോഗബാധ ഉണ്ടായിട്ടുണ്ട്.