സമൂഹത്തില്‍ പ്രത്യേക ശ്രദ്ധയും കരുതലുംവേണ്ട കുട്ടികള്‍ക്കു വേണ്ടി വനിതാ ശിശു വികസന വകുപ്പ് ജില്ലാ ശിശുസംരക്ഷണ യൂണിറ്റ് കാവല്‍ പദ്ധതിയുടെ ഭാഗമായി പത്തനംതിട്ട ദിശയുമായി സഹകരിച്ച് നടത്തുന്ന കാവലിന്‍ കരുതല്‍ എന്ന പദ്ധതിക്ക് ജില്ലയില്‍ തുടക്കമായി. ലോക ഭക്ഷ്യ ദിനത്തോടനുബന്ധിച്ച് വയലത്തല ജില്ലാ ജുവനൈല്‍ ജസ്റ്റീസ് ബോര്‍ഡ് ഓഫീസില്‍ തെരഞ്ഞെടുത്ത കാവല്‍ കുടുംബങ്ങള്‍ക്ക് ആറുമാസത്തേക്ക് ഭക്ഷ്യ കിറ്റ് എത്തിച്ചു നല്‍കുന്ന പരിപാടിക്കാണ് ജുവൈനല്‍ ജസ്റ്റീസ് ബോര്‍ഡ് പ്രിന്‍സിപ്പല്‍ മജിസ്‌ട്രേറ്റ് എന്‍.എന്‍ സിജി.   തുടക്കം കുറിച്ചത്.

കെ.എ.പി 3 ബറ്റാലിയനില്‍ പോലീസ് കോണ്‍സ്റ്റബിള്‍ തസ്തികയിലേക്ക് അഡൈ്വസ് മെമ്മോ ലഭിച്ച ഉദ്യോഗാര്‍ത്ഥികളുടെ വൈദ്യപരിശോധന ഈ മാസം 19, 20, 21 തീയതികളിലായി വടക്കടത്തുകാവ് ഗവ.വോക്കേഷനല്‍ ഹയര്‍ സെക്കന്‍ഡറി സ്‌കൂളില്‍ രാവിലെ എട്ടുമുതല്‍ നടക്കും.

         ജലജീവന്‍ മിഷന്‍ പദ്ധതിയുടെ എഴുമറ്റൂര്‍ പഞ്ചായത്തിലെ നിര്‍മ്മാണോദ്ഘാടനം ഈ മാസം 20ന് രാവിലെ 10.30 ന് രാജു ഏബ്രഹാം എംഎല്‍എ നിര്‍വഹിക്കും. ഗ്രാമീണ മേഖലയിലെ എല്ലാ വീടുകളിലും കൃത്യമായ അളവിലും നിഷ്‌കര്‍ഷിച്ചിട്ടുള്ള ഗുണനിലവാരത്തിലും ദീര്‍ഘകാലാടിസ്ഥാനത്തില്‍ പതിവായി പ്രവര്‍ത്തനക്ഷമമായ ശുദ്ധജലം നല്‍കുക എന്ന ലക്ഷ്യത്തോടെയാണ് ജലജീവന്‍ പദ്ധതി സര്‍ക്കാര്‍ ഏറ്റെടുത്തിരിക്കുന്നത്. 

ശബരിമല ദര്‍ശനത്തിന് എത്തുന്ന ഭക്തര്‍ ആചാരപ്രകാരമുള്ള സാധനങ്ങള്‍ കൂടാതെ പരമാവധി കുറച്ചു സാധനങ്ങള്‍ മാത്രമേ കൊണ്ടുവരാവു എന്ന് സംസ്ഥാന പോലീസ് മേധാവി ലോക്‌നാഥ് ബെഹ്‌റ അഭ്യര്‍ത്ഥിച്ചു. സാനിറ്റൈസര്‍, കൈയ്യുറകള്‍ എന്നിവ നിര്‍ബന്ധമായും കൊണ്ടുവരികയും ഉപയോഗിക്കുകയും വേണം. നല്ല ഗുണനിലവാരമുള്ളതും വീണ്ടും ഉപയോഗിക്കാവുന്നതുമായ മാസ്‌ക്കുകള്‍ കരുതണം.

ശബരിമല തുലാമാസ പൂജയുമായി ബന്ധപ്പെട്ട് മണ്ണാറക്കുളഞ്ഞി-പമ്പാ റോഡിലെ അട്ടത്തോട്-ചാലക്കയം റോഡില്‍ പ്ലാന്തോട്ടം ഭാഗത്ത് ഈ മാസം 24 വരെ നിയന്ത്രണങ്ങളോടെ ഒറ്റവരി ഗതാഗതം നടത്തുന്നതിന് അനുമതി നല്‍കി ജില്ലാ കളക്ടര്‍ പി.ബി.നൂഹ് ഉത്തരവായി. പ്ലാന്തോട്ടം ഭാഗത്ത് ഒറ്റവരി ഗതാഗത നിയന്ത്രണം പാലിക്കുന്നുവെന്ന് പോലീസ് ഉറപ്പു വരുത്തണമെന്നും റോഡില്‍ പൊതുമരാമത്ത് നിരത്ത് വിഭാഗം ദിവസവും പരിശോധന നടത്തുകയും  ഒറ്റവരി ഗതാഗതം സംബന്ധിച്ച ബോര്‍ഡുകള്‍ സ്ഥാപിക്കുകയും ചെയ്യണമെന്നും ഉത്തരവില്‍ പറയുന്നു.

കെ.എ.പി മൂന്നാം ബറ്റാലിയന്‍ പാസിംഗ് ഔട്ട് പരേഡില്‍

മുഖ്യമന്ത്രി സല്യൂട്ട് സ്വീകരിച്ചു

കേരളസംസ്ഥാന യുവജന ക്ഷേമബോര്‍ഡ് സംസ്ഥാനത്തൊട്ടാകെ നടത്തിവരുന്ന കോവിഡ് 19 പ്ലാസ്മാ ഡോണേഷന്റെ ഭാഗമായി പത്തനംതിട്ട ജില്ലാ യുവജന കേന്ദ്രത്തിന്റെ നേതൃത്വത്തില്‍ കടപ്ര ഗ്രാമപഞ്ചായത്തിലെ കോവിഡ് മുക്തരായ യുവാക്കള്‍ പ്ലാസ്മാ ദാനം ചെയ്തു.  ജനറല്‍ ആശുപത്രിയില്‍ നടന്ന പ്ലാസ്മാ ദാനം ചെയ്യലിന് പത്തനംതിട്ട ജില്ലയൂത്ത് പ്രോഗ്രാം ഓഫീസര്‍ ആര്‍.ശ്രീലേഖ, കടപ്ര പഞ്ചായത്ത് കോര്‍ഡിനേറ്റര്‍ എസ്.സോജിത്ത്, ഡോ.പ്രിത്‌വി എന്നിവര്‍ നേതൃത്വം നല്‍കി.

രോഗമുക്തി 1057