* നിർമ്മാണത്തിന് ആറ് കോടി രൂപ അനുവദിച്ചതായി മന്ത്രി രാമചന്ദ്രൻ കടന്നപ്പള്ളി
സംസ്ഥാന പുരാരേഖാ വകുപ്പിന് കീഴിൽ കേരള സർവ്വകലാശാലയുടെ കാര്യവട്ടം കാമ്പസ്സിൽ അന്താരാഷ്ട്ര ആർക്കൈവ്സ് ആൻറ് ഹെറിറ്റേജ് സെന്റർ സ്ഥാപിക്കുന്നു. ആറുകോടി രൂപ ചെലവിൽ കെട്ടിടവും അനുബന്ധ സൗകര്യങ്ങളും നിർമ്മിക്കാൻ സർക്കാർ ഭരണാനുമതി നൽകിതായി തുറമുഖ, മ്യൂസിയം, പുരാവസ്തു, പുരാരേഖാ വകുപ്പ് മന്ത്രി രാമചന്ദ്രൻ കടന്നപ്പള്ളി അറിയിച്ചു.

സംസ്ഥാനത്ത് അനെര്‍ട്ട് മുഖേന അയ്യായിരം സൗരോര്‍ജ്ജ റാന്തല്‍ വിതരണം ചെയ്യുന്നു. മൊബൈല്‍ ഫോണ്‍ ചാര്‍ജ് ചെയ്യാന്‍ സൗകര്യമുള്ള ഒരു സൗരോര്‍ജ റാന്തലും എഫ് എം റേഡിയോയും കിറ്റിലടങ്ങിയിരിക്കുന്നു. രണ്ടു വര്‍ഷം വാറണ്ടിയുള്ള സൗരസുവിധ കിറ്റിന് 3490 രൂപയാണ് വില. ആവശ്യക്കാര്‍ അനെര്‍ട്ട് കോഴിക്കോട് ജില്ലാ ഓഫീസുമായി ബന്ധപ്പെടുക. 04952373764

കോവിഡ് 19 രോഗവ്യാപനം തടയുന്നതിനുള്ള സർക്കാർ നിർദ്ദേശങ്ങൾ പാലിക്കാത്തതിനെ തുടർന്ന് ജില്ലയിൽ ഇന്ന് (ഒക്ടോബർ 18) വൈകിട്ട് 6.30 വരെ  പോലീസ് നടത്തിയ പരിശോധനയിൽ 24 കേസ്  രജിസ്റ്റർ ചെയ്തതായി സ്പെഷൽ ബ്രാഞ്ച് ഡി.വൈ.എസ്.പി എം. കൃഷ്ണൻ അറിയിച്ചു. ഇത്രയും കേസുകളിലായി 50 പേരെ അറസ്റ്റ് ചെയ്തു. 
 
 മാസ്ക് ധരിക്കാത്ത 224 പേർക്കെതിരെ കേസ് 

മാസ്ക് ധരിക്കാതെ പൊതുസ്ഥലങ്ങളിൽ ഇറങ്ങിയ 224 പേർക്കെതിരെ പോലീസ് കേസെടുത്തു.  മാസ്ക് ധരിക്കേണ്ടതിന്റെ   ആവശ്യകത ബോധ്യപ്പെടുത്തി കോടതിയിൽ പിഴ അടയ്ക്കാൻ നോട്ടീസ് നൽകി വിട്ടയച്ചു. 
 

കോവിഡ് -19  വർദ്ധനവിന്റെ പശ്ചാത്തലത്തിൽ അന്താരാഷ്ട്ര ദുരന്ത ലഘൂകരണ വാരാഘോഷത്തിന്റെ ഭാഗമായി ജില്ലാ ദുരന്ത നിവാരണ വിഭാഗത്തിന്റെ ആഭിമുഖ്യത്തിൽ വിദ്യാര്‍ത്ഥികൾക്ക് വിവിധ മത്സരങ്ങൾ  സംഘടിപ്പിക്കുന്നു.  എൽ‌പി‌ സ്കൂള്‍ വിദ്യാർത്ഥികൾക്കായി ചിത്രരചന, യുപി ഹൈസ്കൂള്‍ വിദ്യാർത്ഥികൾക്കായി ഉപന്യാസ രചന, പ്രസംഗം, കാര്‍ട്ടൂണ്‍ രചന, ദുരന്ത ലഘൂകരണ വിഷയവുമായി ബന്ധപ്പെട്ട ക്വിസ് എന്നീ മത്സരങ്ങളാണ് നടത്തുക. ദുരന്ത നിവാരണ പ്രവര്‍ത്തനങ്ങളുടെ ആവശ്യകതയെക്കുറിച്ച് വിദ്യാര്‍ത്ഥികളെ ബോധവാന്മാരാക്കുകയാണ് വാരാചരണ ത്തിലൂടെ  ലക്ഷ്യമിടുന്നത്.

കോവിഡ് 19 ബാധിതരായി  ജില്ലയില്‍ നിലവില്‍ 7192 പേരാണ് ചികിത്സയിലുള്ളത്.  ഇന്ന് (ഒക്ടോബർ 18) ജില്ലയില്‍ 342 പേര്‍ക്കാണ് രോഗം സ്ഥിരീകരിച്ചത്. ഇന്ന് 195 പേരെ ആശുപത്രിയില്‍ പ്രവേശിപ്പിക്കുകയും ചെയ്തു.  

ഇതുവരെ 75149 സാമ്പിളുകള്‍ പരിശോധനയ്ക്കായി അയച്ചതില്‍ 72210 പരിശോധനാ ഫലങ്ങളാണ് ലഭ്യമായത്. ഇന്ന് 574 പരിശോധനാ ഫലങ്ങളാണ് ലഭിച്ചത്. പുതുതായി 446 സാമ്പിളുകൾ അയച്ചു. ജില്ലയിൽ  ഇതുവരെ 21050 പേർക്കാണ്   പരിശോധനാഫലം പോസിറ്റീവായത്.  13630 പേർ രോഗമുക്തി നേടി. ഇനി 1857 സാമ്പിളുകളുടെ പരിശോധനാ ഫലം  ലഭിക്കാനുണ്ട്.

ആരോഗ്യ കേരളം കോവിഡിന്റെ ഭാഗമായി കോഴിക്കോട് ജില്ലയിലെ വിവിധ സ്ഥാപനങ്ങളിലേക്ക് ബോഡി ബാഗുകള്‍ / കേഡവര്‍ (മുതിര്‍ന്നവരും പീഡിയാട്രിക്) ഷോര്‍ട്ട് ടെന്‍ഡര്‍ (റണ്ണിംഗ് കരാര്‍) ക്ഷണിച്ചു. അവസാന തീയതി ഒക്ടോബര്‍ 21 ന് രണ്ട് മണി. കൂടുതല്‍ വിവരങ്ങള്‍ക്ക്: 0495 2374990.

പാലക്കാട് ജില്ലയിൽ ഇന്ന്(ഒക്ടോബർ 18)  പേർക്ക് കോവിഡ് 19 സ്ഥിരീകരിച്ചതായി ആരോഗ്യവകുപ്പ് അധികൃതർ അറിയിച്ചു. ഇതിൽ സമ്പർക്കത്തിലൂടെ രോഗബാധ ഉണ്ടായ 179 പേർ, ഉറവിടം അറിയാതെ രോഗം ബാധിച്ച 162 പേർ, വിദേശത്തുനിന്ന് വന്ന ഒരാൾ എന്നിവർ ഉൾപ്പെടും.  275 പേർക്ക് രോഗമുക്തി ഉള്ളതായും അധികൃതർ അറിയിച്ചു.

ഇന്ന് രോഗം സ്ഥിരീകരിച്ചവരുടെ വിവരങ്ങൾ
അഗളി സ്വദേശികൾ-2 പേർ

അകത്തേത്തറ സ്വദേശികൾ-7 പേർ

അലനല്ലൂർ സ്വദേശികൾ-27 പേർ

ആലത്തൂർ സ്വദേശികൾ-4 പേർ

അമ്പലപ്പാറ സ്വദേശികൾ-3 പേർ

ആനക്കര സ്വദേശികൾ-3 പേർ

അനങ്ങനടി സ്വദേശികൾ-2 പേർ

മണ്ണാർക്കാട് സ്വദേശികൾ-10 പേർ

ഡിസ്ട്രിക്ട് ലെവല് റിവ്യൂ കമ്മിറ്റി (ഡി.എല്‍.ആര്‍.സി) യോഗം ഒക്ടോബര്‍ 21 ന് ഉച്ചയ്ക്ക് രണ്ട് മണിക്ക് ഓണ്‍ലൈനില്‍ നടക്കുമെന്ന് ലീഡ് ബാങ്ക് മാനേജര്‍ അറിയിച്ചു.