മണക്കടവ് വിയറില്‍ 2020 ജൂലൈ ഒന്ന് മുതല്‍ നവംബര്‍ നാല് വരെ 1142 ദശലക്ഷം ഘനയടി ജലം ലഭിച്ചു. പറമ്പിക്കുളം - ആളിയാര്‍ കരാര്‍ പ്രകാരം 6108 ദശലക്ഷം ഘനയടി ജലം ലഭിക്കാനുള്ളതായി സംയുക്ത ജലക്രമീകരണ വിഭാഗം ജോയിന്റ് ഡയറക്ടര്‍ അറിയിച്ചു. പറമ്പിക്കുളം-ആളിയാര്‍ പദ്ധതിയിലെ ജലസംഭരണനില ദശലക്ഷം ഘനയടിയില്‍ ചുവടെ കൊടുക്കുന്നു. ബ്രാക്കറ്റില്‍ കഴിഞ്ഞ വര്‍ഷത്തെ ജല ലഭ്യതയുടെ ശതമാന കണക്ക്.

പോലീസ് വകുപ്പിലെ വനിത പോലീസ് കോണ്‍സ്റ്റബിള്‍ / പോലീസ് കോണ്‍സ്റ്റബിള്‍ (അട്ടപ്പാടി ബ്ലോക്കിലെ പട്ടിക വര്‍ഗ്ഗ വിഭാഗത്തില്‍പ്പെട്ട ഉദ്യോഗാര്‍ത്ഥികള്‍ക്കായുള്ള പ്രത്യേക നിയമനം കാറ്റഗറി നമ്പര്‍ 008/2020, 009/2020) തസ്തികകളുടെ തിരഞ്ഞെടുപ്പ് നടപടികള്‍ മുന്‍ഗണനാ വിഭാഗമായ അട്ടപ്പാടി ബ്ലോക്കിലെ പ്രാക്തന ഗോത്രവര്‍ഗ്ഗമായ കുറുമ്പര്‍ വിഭാഗത്തില്‍പ്പെടുന്നവരെ മാത്രം ഉള്‍പ്പെടുത്തി പൂര്‍ത്തിയാക്കാന്‍ കമ്മീഷന്‍ തീരുമാനിച്ച സാഹചര്യത്തില്‍ ഇതര വിഭാഗത്തില്‍ ഉള്‍പ്പെടുന്നവരുടെ അപേക്ഷകള്‍ റദ്ദാക്കിയതായി പി.എസ്.സി ജില്ലാ ഓഫീസര്‍ അറിയിച്ചു.

സാക്ഷരതാ മിഷനും പൊതുവിദ്യാഭ്യാസ വകുപ്പും സംയുക്തമായി നടത്തുന്ന പത്താംതരം തുല്യതാ കോഴസ് സേ പരീക്ഷകള്‍ നവംബര്‍ 9 മുതല്‍ ആരംഭിക്കും.  
പരീക്ഷാ ഹാള്‍ ടിക്കറ്റ് പി.എം.ജി ഹയര്‍ സെക്കന്‍ഡറി സ്‌കൂള്‍,  ഒറ്റപ്പാലം ഈസ്റ്റ് ഹയര്‍ സെക്കന്ററി സ്‌ക്കൂള്‍ എന്നിവിടങ്ങളില്‍ നിന്ന്  ഇന്ന് ( നവംബര്‍ 5) മുതല്‍ ലഭിക്കുമെന്ന് സാക്ഷരതാ മിഷന്‍ ജില്ലാ കോ-ഓര്‍ഡിനേറ്റര്‍ ഡോ. മനോജ് സെബാസ്റ്റ്യന്‍ അറിയിച്ചു.

അട്ടപ്പാടി ഗവ. ഐ.ടി.ഐയിലെ വിവിധ ട്രേഡുകളില്‍ ഒഴിവുള്ള സീറ്റുകളിലേയ്ക്ക് അപേക്ഷിക്കാം. പട്ടികവര്‍ഗ്ഗ വിഭാഗക്കാര്‍ക്കാണ് അപേക്ഷിക്കാന്‍ അവസരം. താത്പര്യമുള്ളവര്‍ അസ്സല്‍ സര്‍ട്ടിഫിക്കറ്റുകള്‍ സഹിതം നവംബര്‍ 10 ന് മുന്‍പായി ഐ.ടി.ഐയില്‍ നേരിട്ട് ഹാജരാകണമെന്ന് പ്രിന്‍സിപ്പാള്‍ അറിയിച്ചു. ഫോണ്‍: 9061291291.  

ജൈവകൃഷിക്കാവശ്യമായ ബയോകണ്‍ട്രോള്‍ ഉപാധികള്‍ ഉത്പാദിപ്പിക്കുന്നതിന് ആര്‍.കെ.വി.വൈ ധനസഹായത്തോടെ വെജിറ്റബിള്‍ ആന്റ് ഫ്രൂട്ട് പ്രൊമോഷന്‍ കൗണ്‍സില്‍ കേരള അയിലൂരില്‍ നിര്‍മ്മിച്ച ബയോകണ്‍ട്രോള്‍ ലാബിന്റെ ഉദ്ഘാടനം കൃഷി വകുപ്പ് മന്ത്രി വി.എസ്. സുനില്‍കുമാര്‍ വീഡിയോ കോണ്‍ഫറന്‍സിലൂടെ നിര്‍വഹിച്ചു. സംസ്ഥാനത്ത് കാര്‍ഷികമേഖലയുടെ കുതിച്ചുചാട്ടത്തിന് വി.എഫ്.പി.സി.കെ വലിയ പങ്കുവഹിക്കുന്നുണ്ടെന്ന് മന്ത്രി പറഞ്ഞു.

സ്ത്രി ശാക്തീകരണത്തിന്റെ വേറിട്ട വഴിയിൽ കരുത്ത് തെളിയിച്ച് ജില്ലയിൽ വനിതകളുടെ വിജിലന്റ് ഗ്രൂപ്പിനു തുടക്കമായി. 1038 വനിതകളാണ് കാരാട്ടെ ,കളരി, യോഗ അഭ്യസത്തിലൂടെ പ്രഥമ വിജിലന്റ് ഗ്രൂപ്പിൽ പരിശീലനം പൂർത്തിയാക്കിയത്. ജില്ലാ പഞ്ചായത്തും,  ജില്ലാ കുടുംബശ്രീ മിഷനും സംയുക്തമായാണ്  പദ്ധതി ആവിഷ്കരിച്ചത്. സ്ത്രീകൾക്കും കുട്ടികൾക്കുമെതിരേയുള്ള അതിക്രമങ്ങൾ തടയുന്നതിനും സ്ത്രീ-ശിശു സൗഹൃദഅന്തരീക്ഷം ഉണ്ടാക്കുന്നതിനുമായാണ് വിജിലന്റ് ഗ്രൂപ്പ് രൂപികരിച്ചത്. സുരക്ഷയുടെ സ്വയം പാഠങ്ങളാണ് അഭ്യസിക്കുന്നത്.

  പൊന്നാനി നഗരസഭയുടെ സുഭിക്ഷ കേരളം പദ്ധതി പ്രകാരം കിഴങ്ങുവര്‍ഗ്ഗ കിറ്റുകള്‍ വിതരണം ചെയ്തു.  കാവ്ത്ത്, ചേമ്പ്, ചേന, തൊപ്പ കിഴങ്ങ് എന്നീ  കിഴങ്ങുവിത്തുകളാണ് ഒരു കിറ്റില്‍ ഉള്‍പ്പെടുത്തിയിരിക്കുന്നത്. കിഴങ്ങു  വര്‍ഗ്ഗ കൃഷി വികസനത്തിന്റെ ഭാഗമായി അപേക്ഷ നല്‍കിയ 510 പേര്‍ക്കാണ് കിറ്റ് സൗജന്യമായി വിതരണം ചെയ്തത്.