കോവിഡ് 19 രോഗവ്യാപനം തടയുന്നതിനുള്ള സർക്കാർ  നിർദ്ദേശങ്ങൾ പാലിക്കാത്തതിനെ തുടർന്ന് ജില്ലയിൽ ഇന്ന് (ഒക്ടോബർ 16) വൈകിട്ട് 6 വരെ  പോലീസ് നടത്തിയ പരിശോധനയിൽ 12 കേസ്  രജിസ്റ്റർ ചെയ്തതായി സ്പെഷൽ ബ്രാഞ്ച് ഡി.വൈ.എസ്.പി എം. കൃഷ്ണൻ അറിയിച്ചു. ഇത്രയും കേസുകളിലായി 13 പേരെ അറസ്റ്റ് ചെയ്തു. നാലു വാഹനങ്ങളും പിടിച്ചെടുത്തു.
 
 മാസ്ക് ധരിക്കാത്ത 182 പേർക്കെതിരെ കേസ് 

മാസ്ക് ധരിക്കാതെ പൊതുസ്ഥലങ്ങളിൽ ഇറങ്ങിയ 182 പേർക്കെതിരെ പോലീസ് കേസെടുത്തു.  മാസ്ക് ധരിക്കേണ്ടതിന്റെ   ആവശ്യകത ബോധ്യപ്പെടുത്തി കോടതിയിൽ പിഴ അടയ്ക്കാൻ നോട്ടീസ് നൽകി വിട്ടയച്ചു. 
 

എലിപ്പനിക്കെതിരെ   പ്രതിരോധ പ്രവര്‍ത്തനങ്ങള്‍ ശക്തിപ്പെടുത്തുന്നതിന്റെ  ഭാഗമായി ജില്ലയില്‍ കവചം എലിപ്പനി രോഗ നിയന്ത്രണ ക്യാമ്പയിന്‍ ഒക്ടോബര്‍ 19 മുതല്‍ ഡിസംബര്‍ 31 വരെ നടത്തും. എലിപ്പനി മൂലം  ഉണ്ടാവുന്ന മരണവും രോഗവും കുറയ്ക്കുകയാണ്  ക്യാമ്പയിന്റെ  ഉദ്ദേശം. ജില്ലയില്‍  കൂടുതലും എലിപ്പനി റിപ്പോര്‍ട്ട് ചെയ്തത്  തൊഴിലുറപ്പ് ജോലിക്കാരുടെയും  കര്‍ഷക വൃത്തിയില്‍  ഏര്‍പ്പെടുന്നവരിലും  ക്ഷീര കര്‍ഷകരിലും  ശുചീകരണ  തൊഴിലാളികളിലും  ആണ്. ഇവര്‍ക്ക് പ്രതിരോധ ഗുളിക നല്‍കി രോഗം തടയാലാണ്  ലക്ഷ്യം.

മീനങ്ങാടി ഗവ. പോളിടെക്‌നിക് കോളേജിന് കീഴിലുളള ചുണ്ടേല്‍ ഗവ. ഫാഷന്‍ ഡിസൈനിംഗ് ഇന്‍സ്റ്റിറ്റ്യൂട്ടിലേക്കുളള പ്രവേശനത്തിന് അപേക്ഷ ക്ഷണിച്ചു. അപേക്ഷ ഫോറവും വിശദാംശങ്ങളും www.sittrkerala.ac.in  എന്ന വെബ്‌സൈറ്റില്‍ ലഭിക്കും. സര്‍ട്ടിഫിക്കറ്റുകളുടെ സാക്ഷ്യപ്പെടുത്തിയ പകര്‍പ്പും 25 രൂപ രജിസ്‌ട്രേഷന്‍ ഫീസും സഹിതം അപേക്ഷ ഒക്‌ടോബര്‍ 27 ന് വൈകീട്ട് 4 നകം ഇന്‍സ്റ്റിറ്റ്യൂട്ടില്‍ ലഭിക്കണം. ഫോണ്‍. 04936 247420, 9846608596, 9656934272.

പരിസ്ഥിതി പുനസ്ഥാപന പ്രക്രിയയില്‍ തദ്ദേശ സ്വയംഭരണ സ്ഥാപനങ്ങളുടെ പങ്ക് വിഷയമാക്കി സംഘടിപ്പിക്കുന്ന ദേശീയ വെബിനാര്‍ ശനി (17. ശനി) ഉച്ചയ്ക്ക് 2.30 മുതല്‍ 4 വരെ നടക്കും. സുസ്ഥിര വികസന മാതൃകകള്‍ തദ്ദേശ സ്വയംഭരണ സ്ഥാപനങ്ങളില്‍ എന്ന വിഷയത്തെ ആസ്പദമാക്കി കേരള ഇന്‍സ്റ്റിറ്റ്യൂട്ട് ഓഫ് ലോക്കല്‍ അഡ്മിനിസ്‌ട്രേഷനും (കില), ഹരിതകേരളം മിഷനും ഗുലാത്തി ഇന്‍സ്റ്റിറ്റ്യൂട്ട് ഓഫ് ഫിനാന്‍സ് ആന്റ് ടാക്‌സേഷനും (ഗിഫ്റ്റ്) സംയുക്തമായി സംഘടിപ്പിച്ചു വരുന്ന വെബിനാര്‍ പരമ്പരയില്‍ ഉള്‍പ്പെടുത്തിയാണ് പരിപാടി.

ജല ജീവന്‍ മിഷന്‍ പ്രവൃത്തികളുടെ പ്രാഥമികഘട്ട പ്രോജക്ടുകള്‍ക്ക് അനുമതി നല്‍കുന്നതുമായി ബന്ധപ്പെട്ട ജില്ലാതല ജല ശുചിത്വമിഷന്‍ യോഗം  ഒക്‌ടോബര്‍ 19 ന് രാവിലെ 12 ന് കളക്‌ട്രേറ്റില്‍ ചേരും.

പാലക്കാട് ജില്ലയിൽ ഇന്ന്(ഒക്ടോബർ 16)  പേർക്ക് കോവിഡ് 19 സ്ഥിരീകരിച്ചതായി ആരോഗ്യവകുപ്പ് അധികൃതർ അറിയിച്ചു. ഇതിൽ സമ്പർക്കത്തിലൂടെ രോഗബാധ ഉണ്ടായ 434 പേർ, ഉറവിടം അറിയാതെ രോഗം ബാധിച്ച 187 പേർ, ഇതര സംസ്ഥാനത്തു നിന്നും വിദേശത്തു നിന്നും ആയി വന്ന 10 പേർ, 17 ആരോഗ്യ പ്രവർത്തകർ എന്നിവർ ഉൾപ്പെടും.  322 പേർക്ക് രോഗമുക്തി ഉള്ളതായും അധികൃതർ അറിയിച്ചു.

ഇന്ന് രോഗം സ്ഥിരീകരിച്ചവരുടെ വിവരങ്ങൾ
അഗളി സ്വദേശികൾ - 4 പേർ

അകത്തേത്തറ സ്വദേശികൾ - 10 പേർ

അലനല്ലൂർ സ്വദേശികൾ - 9 പേർ

ആലത്തൂർ സ്വദേശികൾ - 9 പേർ

അമ്പലപ്പാറ സ്വദേശികൾ - 13 പേർ

ആനക്കര സ്വദേശികൾ - 3 പേർ

110 കെ. വി. കൊളഗപ്പാറ -അമ്പലവയല്‍ ഇ. എച്ച്. ടി.  ലൈന്‍ നിര്‍മ്മാണവുമായി ബന്ധപ്പെട്ട് ലൈന്‍ റൂട്ടില്‍ വരുന്ന ചീങ്ങേരി ട്രൈബല്‍ ഫാമിലെ 738 മരങ്ങള്‍ നില്‍പ്പു മരങ്ങളായി മുറിച്ച് നീക്കം ചെയ്ത് കൊണ്ടുപോകുന്നതിന്  സാമ്പത്തിക ഭദ്രതയും പ്രവൃത്തി പരിചയുമുള്ള കരാറുകാരില്‍നിന്ന് ദര്‍ഘാസുകള്‍ ക്ഷണിച്ചു. ലേലം 28 ന് രാവിലെ 11.30 ന് കണിയാമ്പറ്റ ട്രാന്‍സ്മിഷന്‍ ഡിവിഷന്‍, എക്‌സിക്യൂട്ടീവ് എഞ്ചിനീയറുടെ കാര്യാലയത്തില്‍ വെച്ച് നടക്കും. ദര്‍ഘാസ് ഫോറങ്ങള്‍ ഒക്ടോബര്‍ 16 മുതല്‍ 23 വരെ ലഭിക്കും. ഒരു മാസമാണ് കരാര്‍ കാലാവധി.

കുരങ്ങ്പനി പ്രതിരോധവുമായി ബന്ധപ്പെട്ട  മുന്നൊരുക്കയോഗം ജില്ലാ കളക്ടര്‍ ഡോ.അദീല അബ്ദുളളയുടെ അധ്യക്ഷതയില്‍ കലക്ട്രേറ്റില്‍ ചേര്‍ന്നു. കുരങ്ങ്പനി പിടിപ്പെടാന്‍ കൂടുതല്‍ സാധ്യതയുളള നവംബര്‍ മുതല്‍ ഏപ്രില്‍ വരെയുളള കാലയളവില്‍  വനാതിര്‍ത്തിയോട് ചേര്‍ന്ന പ്രദേശങ്ങളില്‍ താമസിക്കുന്നവര്‍ അതീവ ജാഗ്രത പുലര്‍ത്തണമെന്ന് കളക്ടര്‍ പറഞ്ഞു. ഇവരില്‍ കുരങ്ങ്പനി പ്രതിരോധ വാക്സിനേഷന്‍ നടത്തുന്നതിനുളള നടപടികള്‍ ഊര്‍ജ്ജിതപ്പെടുത്തണം. ആവശ്യമായ ലേപനങ്ങളും മരുന്നുകളും സ്റ്റോക്ക് ചെയ്യാനുളള നടപടികളും സ്വീകരിക്കണം.

സര്‍ക്കാര്‍/ എയ്ഡഡ് സ്‌കൂളുകളില്‍ ഒന്നുമുതല്‍ എട്ട് വരെ ക്ലാസുകളില്‍ പഠിക്കുന്ന പട്ടികജാതി വിദ്യാര്‍ത്ഥികള്‍ക്ക് 2020-2021 അധ്യയന വര്‍ഷത്തില്‍ പ്രാഥമിക പഠനാവശ്യങ്ങള്‍ക്കായി (യൂണിഫോം, കുട, ബാഗ്, സ്‌റ്റേഷനറി തുടങ്ങിയവ വാങ്ങുന്നതിന്) പ്രൈമറി സെക്കണ്ടറി എഡ്യുക്കേഷന്‍ എയ്ഡ് പദ്ധതിപ്രകാരം ഒരു വിദ്യാര്‍ത്ഥിക്ക് 2000 രൂപ വീതം അനുവദിക്കുന്നു. വിദ്യാര്‍ത്ഥികള്‍ പഠിക്കുന്ന സ്‌കൂളുമായി രക്ഷാകര്‍ത്താക്കള്‍ ബന്ധപ്പെടേണ്ടതാണെന്ന് അസി. ജില്ലാ പട്ടികജാതി വികസന ഓഫീസര്‍ അറിയിച്ചു. ഫോണ്‍: 0491 2505005.