നാഷണല്‍ സ്‌കില്‍ ഡവലപ്മെന്റ് കോര്‍പ്പറേഷന്റെ അംഗീകാരമുളള കോഴ്സുകളുടെ ലിസ്റ്റ്  www.srccc.in ല്‍ പസിദ്ധീകരിച്ചതായി ഡയറക്ടര്‍ അറിയിച്ചു.   കോഴ്സുകള്‍ക്ക് എസ്ആര്‍സി-എന്‍എസ്ഡിസി സംയുക്ത സര്‍ട്ടിഫിക്കറ്റ് ലഭിക്കും.

കുമ്പള ഗവണ്‍മെന്റ് ഹയര്‍സെക്കന്‍ഡറി സ്‌കൂളിന് കിഫ്ബിയിലൂടെ മൂന്ന് കോടി രൂപയുടെ പുതിയ കെട്ടിടം വരുന്നു. ശിലാസ്ഥാപനം വീഡിയോ കോണ്‍ഫറന്‍സിലൂടെ മുഖ്യമന്ത്രി പിണറായി വിജയന്‍ നിര്‍വഹിച്ചു. വിദ്യാഭ്യാസ മന്ത്രി പ്രൊഫ. സി രവീന്ദ്രനാഥ് അധ്യക്ഷത വഹിച്ചു. ധനമന്ത്രി ഡോ. ടി എം തോമസ് ഐസക്, പൊതുവിദ്യാഭ്യസ ഡയറക്ടര്‍ ജീവന്‍ ബാബു, പൊതുവിദ്യാഭ്യാസ സെക്രട്ടറി എ ഷാജഹാന്‍ സംബന്ധിച്ചു. എംസി ഖമറുദ്ദീന്‍ എംഎല്‍എ ശിലാഫലകം അനാഛാദനം ചെയ്തു.

ഭാരതത്തിലെ ഒരെഴുത്തുകാരനും ലഭിക്കാത്ത  അംഗീകാരമാണ് ഒ.വി വിജയന്റെ പേരിലുള്ള എഴുത്തുകാരുടെ ഗ്രാമം എന്ന് ടൂറിസം വകുപ്പ് മന്ത്രി കടകംപള്ളി സുരേന്ദ്രൻ പറഞ്ഞു. തസ്രാക്കിലെ ഒ.വി വിജയൻ സ്മാരകം എഴുത്തുകാരുടെ ഗ്രാമം നിർമ്മാണോദ്ഘാടനം ഓൺലൈനായി നിർവഹിച്ച് സംസാരിക്കുകയായിരുന്നു അദ്ദേഹം. ഒ.വി വിജയൻ സ്മാരകത്തെ ലോക നിലവാരത്തിലേക്ക് ഉയർത്താനും ഇതിലൂടെ ദേശീയ-അന്തർദേശീയ വിനോദസഞ്ചാരികളെ ഇവിടേക്ക് ആകർഷിക്കാനും കഴിയുമെന്നും അദ്ദേഹം പറഞ്ഞു. പരിപാടിയിൽ ഭരണപരിഷ്കാര കമ്മീഷൻ ചെയർമാൻ വി.എസ് അച്യുതാനന്ദൻ അധ്യക്ഷനായി.

നികുതി കുടിശ്ശിക ഈടാക്കുന്നതന് കണ്ടുകെട്ടിയ കെ.എല്‍.11 ഇ-772  നമ്പര്‍ ജീപ്പ്് നവംബര്‍ 26 ന് രാവിലെ 11 മണിക്ക് ശിവപുരം വില്ലേജ് ഓഫീസില്‍  ലേലം ചെയ്യുമെന്ന് താമരശ്ശേരി തഹസില്‍ദാര്‍ അറിയിച്ചു.  

കോവിഡ് 19 രോഗവ്യാപനം തടയുന്നതിനുള്ള സർക്കാർ നിർദ്ദേശങ്ങൾ പാലിക്കാത്തതിനെ തുടർന്ന് ജില്ലയിൽ ഇന്ന് ( നവംബർ 04) വൈകിട്ട് 7 വരെ  പോലീസ് നടത്തിയ പരിശോധനയിൽ രണ്ട് കേസ്  രജിസ്റ്റർ ചെയ്തതായി സ്പെഷൽ ബ്രാഞ്ച് ഡി.വൈ.എസ്.പി എം. കൃഷ്ണൻ അറിയിച്ചു. ഇത്രയും കേസുകളിലായി 15 പേരെ അറസ്റ്റ് ചെയ്തു. 
 
 മാസ്ക് ധരിക്കാത്ത 195 പേർക്കെതിരെ കേസ് 

മാസ്ക് ധരിക്കാതെ പൊതുസ്ഥലങ്ങളിൽ ഇറങ്ങിയ 195 പേർക്കെതിരെ പോലീസ് കേസെടുത്തു.  മാസ്ക് ധരിക്കേണ്ടതിന്റെ   ആവശ്യകത ബോധ്യപ്പെടുത്തി കോടതിയിൽ പിഴ അടയ്ക്കാൻ നോട്ടീസ് നൽകി വിട്ടയച്ചു. 
 

തിക്കോടി ഗ്രാമപഞ്ചായത്തിലെ അളവു തൂക്ക ഉപകരണങ്ങളുടെ പുന:പരിശോധനാ ക്യാമ്പ് ഇന്നും നാളെയും (നവംബര്‍ അഞ്ച്, ആറ്) പുതിയകുളങ്ങര തിക്കോടിയന്‍ സാംസ്‌കാരിക നിലയത്തില്‍ നടത്തുമെന്ന്  കൊയിലാണ്ടി ലീഗല്‍ മെട്രോളജി ഇന്‍സ്പെക്ടര്‍ അറിയിച്ചു. വ്യാപാരികള്‍ കോവിഡ് മാനദണ്ഡങ്ങള്‍ പാലിച്ച് ക്യാമ്പിന് ഹാജരാകണം. ഫോണ്‍ : 0496 2623032.
 

കോവിഡ് 19 ബാധിതരായി  ജില്ലയില്‍ നിലവില്‍ 6144 പേരാണ് ചികിത്സയിലുള്ളത്.  ഇന്ന് (നവംബർ 04) ജില്ലയില്‍ 453 പേര്‍ക്കാണ് രോഗം സ്ഥിരീകരിച്ചത്. ഇന്ന് 126 പേരെ ആശുപത്രിയില്‍ പ്രവേശിപ്പിക്കുകയും ചെയ്തു.  

ഇതുവരെ 82600 സാമ്പിളുകള്‍ പരിശോധനയ്ക്കായി അയച്ചതില്‍ 79801 പരിശോധനാ ഫലങ്ങളാണ് ലഭ്യമായത്. ഇന്ന് 331 പരിശോധനാ ഫലങ്ങളാണ് ലഭിച്ചത്. പുതുതായി 484 സാമ്പിളുകൾ അയച്ചു. 27982 പേർക്കാണ് ഇതുവരെ  പരിശോധനാഫലം പോസിറ്റീവായത്. ഇതുവരെ 21537 പേർ രോഗമുക്തി നേടി. ഇനി 1695 സാമ്പിളുകളുടെ പരിശോധനാ ഫലം കൂടി ലഭിക്കാനുണ്ട്.

അംശക്കച്ചേരി - ചെറുകുളം റോഡ് നവീകരണ പ്രവൃത്തിയുമായി ബന്ധപ്പെട്ട് കൂടുത്തും പൊയില്‍ ഒറ്റത്തെങ്ങ് വഴി ചെറുകുളം റോഡില്‍ കലുങ്ക് -ഓവുചാല്‍ നിര്‍മ്മാണം തുടങ്ങുന്നതിനാല്‍  പ്രവൃത്തി തീരുന്നതുവരെ ഈ റോഡിലൂടെയുളള വാഹന ഗതാഗതം നിരോധിച്ചതായി എക്സിക്യൂട്ടീവ് എഞ്ചിനീയര്‍ അറിയിച്ചു.   ഇത് വഴി പോകുന്ന വാഹനങ്ങള്‍ കക്കോടി ചെലപ്രം വഴിയും തിരിച്ചും പോകണം.