എസ്.എസ്്.കെ യുടെ വാഹനമായ കെ.എല്‍.01 എ.വൈ 1598 നമ്പര്‍ വാഹനം (2010 മോഡല്‍ ടാറ്റാസുമോ) ലേലം ചെയ്യുന്നു. 2000 രൂപയാണ് നിരതദ്രവ്യം. താല്‍പ്പര്യമുള്ളവര്‍ നവംബര്‍ പതിനെട്ടിന് രാവിലെ 11 ന് എസ്.എസ്.കെ ഓഫീസില്‍ ക്വട്ടേഷന്‍ ലഭ്യമാക്കണം. അന്നേ ദിവസം ഉച്ചക്ക് 12 ന് ലേലം ചെയ്യും. കൂടുതല്‍ വിവരങ്ങള്‍ ജില്ലാ പ്രൊജക്ട് കോര്‍ഡിനേറ്റര്‍, സമഗ്ര ശിക്ഷാ കേരളം, സിവില്‍ സ്‌റ്റേഷന്‍, പാലക്കാടില്‍ ലഭിക്കും. ഫോണ്‍ -0491 2505995

ഐ.എച്ച്.ആര്‍.ഡിയുടെ തിരൂര്‍, വളാഞ്ചേരി കേന്ദ്രങ്ങളില്‍ പട്ടിക വിഭാഗം, ഒ.ഇ.സി വിദ്യാര്‍ഥികള്‍ക്ക് സൗജന്യമായി കമ്പ്യൂട്ടര്‍ കോഴ്‌സുകള്‍ ആരംഭിക്കുന്നു. ഫോണ്‍: 8547005088, 0494 2646303. 

കൈത്തറി മേഖലയില്‍ 40 ശതമാനം സര്‍ക്കാര്‍ ഗ്രാന്റോടു കൂടി സ്വയം തൊഴില്‍ സംരഭങ്ങള്‍ തുടങ്ങുന്നതിനായി അപേക്ഷിക്കാം. അപേക്ഷ ഫോമിനും കൂടുതല്‍ വിവരങ്ങള്‍ക്കും ജില്ലാ വ്യവസായ കേന്ദ്രം പാലക്കാട് -0491 2505385, താലൂക്ക് വ്യവസായ ഓഫീസ് പാലക്കാട് - 9847098374,  ചിറ്റൂര്‍ - 9446014862,് മണ്ണാര്‍ക്കാട് - 9946014862,  ഒറ്റപ്പാലം - 9495413081,  ആലത്തൂര്‍ - 9497353615 ല്‍ ബന്ധപ്പെടാം.

കൊണ്ടോട്ടി പൊലീസ് സ്റ്റേഷന്‍ പരിധിയിലെ ഒളവട്ടൂരിലെ പോര്‍ട്ട് ലാന്‍ഡ് ഗ്രാനൈറ്റ് പ്രൈവറ്റ് ലിമിറ്റഡ് എന്ന സ്ഥാപനത്തില്‍ സൂക്ഷിച്ച ഇലക്ട്രിക് ഡിറ്റനേറ്റര്‍, ഓഡിനറി ഡിറ്റനേറ്റര്‍ എന്നിവ നവംബര്‍ 30ന് രാവിലെ 10ന് കൊണ്ടോട്ടി പൊലീസ് സ്റ്റേഷന്‍ പരിസരത്ത് ലേലം ചെയ്യും.  ലേലത്തില്‍ പങ്കെടുക്കാനാഗ്രഹിക്കുന്ന ലൈസന്‍സുള്ള അംഗീകൃത ഡീലര്‍മാര്‍ സീല്‍ ചെയ്ത ദര്‍ഘാസുകള്‍ നേരിട്ടോ തപാല്‍ മാര്‍ഗമോ നിശ്ചിത നിരതദ്രവ്യമായ  സംഖ്യ അടച്ചതിന്റെ ഡിമാന്‍ഡ് ഡ്രാഫ്റ്റ് സഹിതം  നവംബര്‍ 25നകം  മലപ്പുറം നാര്‍ക്കോട്ടിക് സെല്‍ ഡി.വൈ.എസ്.പി മുമ്പാകെ സമര്‍പ്പിക്കാം.  ഫോണ്‍: 0483 2734983.

ഐ.എച്ച്.ആര്‍.ഡി ഡിപ്ലോമ കോഴ്‌സുകളുടെ ഒന്നും രണ്ടും സെമസ്റ്റര്‍ പരീക്ഷ നവംബര്‍ ഒന്‍പത് മുതല്‍ തുടങ്ങും. ടൈംടേബിള്‍ വെബ്‌സൈറ്റില്‍ നല്‍കിയിട്ടുണ്ട്. ഫോണ്‍: 8547005088.

മലപ്പുറം വിദ്യാഭ്യാസ ജില്ലയിലെ സെന്ററുകളില്‍ പരീക്ഷ എഴുതി പാസ്സായി സര്‍ട്ടിഫിക്കറ്റ് വെരിഫിക്കേഷന്‍ പൂര്‍ത്തികരിച്ചവരുടെ കെ-ടെറ്റ് സര്‍ട്ടിഫിക്കറ്റ് വിതരണം നവംബര്‍ ഒന്‍പത്, 10, 11, 12 തീയതികളില്‍ ജില്ലാ വിദ്യാഭ്യാസ ഓഫീസില്‍ നടക്കും. കാറ്റഗറി ഒന്നിന് നവംബര്‍ ഒന്‍പതിനും കാറ്റഗറി രണ്ട് നവംബര്‍ 10നും കാറ്റഗറി മൂന്നിന് നവംബര്‍ 11നും കാറ്റഗറി നാലിന് നവംബര്‍ 12നും നടക്കും. ഉദ്യോഗാര്‍ത്ഥികള്‍ ഹാള്‍ടിക്കറ്റിന്റെ പകര്‍പ്പുമായി വന്ന് സര്‍ട്ടിഫിക്കറ്റ് കൈപ്പറ്റണമെന്ന് ജില്ലാ വിദ്യാഭ്യാസ ഓഫീസര്‍ അറിയിച്ചു.

ജില്ലയില്‍ നടപ്പിലാക്കുന്ന വിവിധ കേന്ദ്രാവിഷ്‌കൃത പദ്ധതികള്‍ നടപ്പിലാക്കുന്നതില്‍ നിലവിലെ ജനപ്രതിനിധികളുടെ സേവന സന്നദ്ധത പ്രശംസാര്‍ഹമാണെന്ന് ഇ.ടി.മുഹമ്മദ് ബഷീര്‍ എം.പി. ജില്ലാതല കോഓര്‍ഡിനേഷന്‍ ആന്‍ഡ് മോണിറ്ററിങ് കമ്മറ്റി (ദിശ) വീഡിയോ കോണ്‍ഫറന്‍സിങ് വഴി നടത്തിയ അവലോകന യോഗത്തില്‍ സംസാരിക്കുകയായിരുന്നു എം.പി. കോവിഡ് പ്രതിരോധ പ്രവര്‍ത്തനങ്ങള്‍ ഏകോപിപ്പിക്കുന്നതിലും വിവിധ പദ്ധതികള്‍ കോവിഡ് മാനദണ്ഡങ്ങള്‍ പാലിച്ച് നടപ്പിലാക്കുന്നതിനായി തദ്ദേശ സ്ഥാപന പ്രതിനിധികളും  ഉദ്യോഗസ്ഥരും കൈക്കൊണ്ട സമീപനം  മാതൃകാപരമാണെന്നും എം.പി പറഞ്ഞു.

പാലക്കാട് ലീഗല്‍ മെട്രോളജി വകുപ്പ് അസി. കണ്‍ട്രോളറുടെ അധികാര പരിധിയില്‍ വരുന്ന അളവുതൂക്ക ഉപകരണങ്ങളുടെയും ഓട്ടോറിക്ഷ മീറ്ററുകളുടെയും പുന:പരിശോധന ജോലികള്‍ പുന:രാരംഭിച്ചതായി അസി. കണ്‍ട്രോളര്‍ അറിയിച്ചു. ഈ വര്‍ഷത്തെ ഒന്ന്, രണ്ട് പാദവര്‍ഷങ്ങളില്‍ മുദ്രപതിപ്പിക്കേണ്ട ഉപകരണങ്ങളും മീറ്ററുകളും ഓഫീസില്‍ മുന്‍കൂട്ടി ബുക്ക് ചെയ്ത് ലഭിക്കുന്ന തിയ്യതികളില്‍ യഥാസമയം കോവിഡ് മാനദണ്ഡങ്ങള്‍ പാലിച്ച് നവംബര്‍ 30 നകം പരിശോധനക്ക് ഹാജരാകേണ്ടതാണ്. നിശ്ചിത തിയ്യതി കഴിഞ്ഞ് ഹാജരാക്കുന്നവക്ക് രാജിഫീസ്, അഡീഷണല്‍ ഫീസ് എന്നിവ ഈടാക്കുന്നതാണ്. ഫോണ്‍: 04912505268.