കല്ലേലി നിവാസികളുടെ യാത്ര ദുരിതത്തിന് സാന്ത്വനമായി കല്ലേലി എസ്റ്റേറ്റിലെ വിവിധ ഗ്രാമീണ റോഡുകളുടെ നിര്‍മ്മാണ ഉദ്ഘാടനം അഡ്വ.കെ.യു ജനീഷ് കുമാര്‍ എംഎല്‍എ നിര്‍വഹിച്ചു. കല്ലേലി എസ് സ്റ്റേറ്റിലെ വര്‍ഷങ്ങളായി തകര്‍ന്നു കിടന്നിരുന്ന ഈസ്റ്റ് ഡിവിഷന്‍ - കല്ലേലി റോഡ് 35 ലക്ഷം രൂപ മുതല്‍ മുടക്കിയും കല്ലേലി തോട്ടം - മേസ്തിരി കാനറോഡ് 15 ലക്ഷം രൂപ മുതല്‍ മുടക്കിയും മുഖ്യമന്ത്രിയുടെ തദ്ദേശ സ്വയംഭരണ റോഡ് പുനരുദ്ധാരണ പദ്ധതിയില്‍ ഉള്‍പെടുത്തി നിര്‍മിക്കുന്നത്.  റോഡുകളുടെ ശോച്യാവസ്ഥയെ തുടര്‍ന്ന് തൊഴിലാളികള്‍ എംഎല്‍എ യ്ക്ക് നിവേദനം നല്‍കിയിരുന്നു.

അരുവാപ്പുലം - ഐരവണ്‍ പ്രദേശങ്ങളെ ബന്ധിപ്പിച്ച് അച്ചന്‍കോവില്‍ ആറിനു കുറുകെ പാലം വേണമെന്ന ജനകീയ കൂട്ടായ്മയുടെ ആവശ്യം നടപ്പിലാക്കാന്‍ അടിയന്തര ഇടപെടല്‍ നടത്തുമെന്ന് അഡ്വ.കെ.യു.ജനീഷ് കുമാര്‍ എം.എല്‍.എ അറിയിച്ചു. ഈ ആവശ്യം മുന്‍നിര്‍ത്തി അരുവാപ്പുലം - ഐരവണ്‍ ജനകീയ കൂട്ടായ്മ 12741 പേരുടെ ഒപ്പുകള്‍ രേഖപ്പെടുത്തിയ നിവേദനം എം.എല്‍.എയ്ക്ക് നല്കിയതിനെ തുടര്‍ന്നാണ് എം.എല്‍.എ ഇക്കാര്യം അറിയിച്ചത്.

അട്ടച്ചാക്കല്‍ - കുമ്പളാംപൊയ്ക റോഡ് നിര്‍മ്മാണത്തിന് 1.45 കോടി രൂപ കൂടി അധിക തുകയായി അനുവദിച്ചതായി അഡ്വ.കെ.യു.ജനീഷ് കുമാര്‍ എം.എല്‍.എ അറിയിച്ചു. ആദ്യഘട്ടത്തില്‍ കിഫ്ബി പദ്ധതിയില്‍ ഉള്‍പ്പെടുത്തി  14.62 കോടി രൂപ അനുവദിച്ച് നിര്‍മ്മാണം പൂര്‍ത്തിയാക്കിയിരുന്നു. എന്നാല്‍ ഈ തുകയില്‍ റോഡ് സേഫ്റ്റി വര്‍ക്കുകളും ഡ്രെയിനേജ് വര്‍ക്കുകളും ഉള്‍പ്പെടുത്തിയിരുന്നില്ല. ഇതിനായാണ് അധികതുക കിഫ്ബിയില്‍ നിന്നും അനുവദിച്ചത്.

മലപ്പുഴശേരി പഞ്ചായത്തില്‍ മുഖ്യമന്ത്രിയുടെ തദ്ദേശ റോഡ് പുനരുദ്ധാരണ പദ്ധതിയില്‍ ഉള്‍പ്പെടുത്തി നിര്‍മ്മിക്കുന്ന അഞ്ച് റോഡുകളുടെ നിര്‍മ്മാണോദഘാടനവും എം.എല്‍.എ ഫണ്ടില്‍ നിന്നും നിര്‍മ്മാണം പൂര്‍ത്തീകരിച്ച രണ്ടു റോഡുകളുടെ ഉദ്ഘാടനവും വീണാ ജോര്‍ജ് എം.എല്‍.എ നിര്‍വഹിച്ചു. 

ജില്ലയിൽ കോവിഡ് ആംബുലൻസ് കൺട്രോൾ റൂം ആരംഭിച്ചു. 24 മണിക്കൂർ സേവനം ലഭിക്കും. ഫോൺ നമ്പറുകൾ 0495-2376900,  0495-2376901, 0495-2376902.

പ്രമാടം ഗ്രാമപഞ്ചായത്തിലെ വാര്‍ഡ് 8 (വട്ടപ്പാറ മുതല്‍ വഞ്ചിപ്പടി ഭാഗം),കൊറ്റനാട് ഗ്രാമപഞ്ചായത്തിലെ വാര്‍ഡ് 3 (ചിരട്ടോലി, പുന്നത്തോലി, തൂങ്ങുപാല, കവല മുതല്‍ പുന്നത്തോലി ചിരട്ടോലി ചുട്ടുമണ്‍ പാറക്കുറി വരെ), തണ്ണിത്തോട് ഗ്രാമപഞ്ചായത്തിലെ വാര്‍ഡ് 11, 13, കോയിപ്രം ഗ്രാമപഞ്ചാ യത്തിലെ വാര്‍ഡ് 5 (പുല്ലാട് ഭാഗം), വാര്‍ഡ് 6 (ബ്ലോക്ക് പഞ്ചായത്തിനു സമീപമുള്ള അഴക്കേടത്തു ഭാഗം), പത്തനംതിട്ട നഗരസഭയിലെ വാര്‍ഡ് 30 (മിനി സിവില്‍ സ്റ്റേഷനും പരിസരവും)എന്നീ സ്ഥലങ്ങള്‍ ഒക്ടോബര്‍ 17 മുതല്‍ കണ്ടെയ്ന്‍മെന്റ് സോണ്‍ നിയന്ത്രണത്തില്‍ നിന്നും ഒഴിവാക്കി ജില്ലാ കളക്ടര്‍ പി.ബി നൂഹ് ഉത്തരവ് പുറപ്പെടുവിച്ചു.

മെഴുവേലി ഗ്രാമപഞ്ചായത്തിലെ വാര്‍ഡ് 11 (മുള്ളന്‍ വാതുക്കല്‍ ഭാഗം)(മൈക്രോ കണ്ടെയ്ന്‍മെന്റ് സോണ്‍), ആറന്മുള ഗ്രാമപഞ്ചായത്തിലെ വാര്‍ഡ് 18 , എഴുമറ്റൂര്‍ ഗ്രാമപഞ്ചായത്തിലെ വാര്‍ഡ് 1 (കൊറ്റന്‍കുടി - പെരുമ്പാറ റോഡ്, കൊറ്റന്‍കുടി ഇടക പള്ളി ഭാഗം എന്നീ സ്ഥലങ്ങളില്‍ ഒക്ടോബര്‍ 16 മുതല്‍ 7 ദിവസത്തേക്ക് കണ്ടെയ്ന്‍മെന്റ് സോണ്‍ നിയന്ത്രണം.

രോഗം സ്ഥിരീകരിച്ചവരുടെ പ്രാഥമിക സമ്പര്‍ക്കപട്ടിക ഉയരുന്നതുകണക്കിലെടുത്ത് ജില്ലാ മെഡിക്കല്‍ ഓഫീസറുടെ (ആരോഗ്യം) ശുപാര്‍ശ പ്രകാരമാണ് പുതിയ കണ്ടെയ്ന്‍മെന്റ് സോണുകള്‍ ജില്ലാ കളക്ടര്‍ പി.ബി. നൂഹ് പ്രഖ്യാപിച്ചത്.