ജില്ലയില്‍ റേഷന്‍ കാര്‍ഡുകള്‍  ആധാറുമായി ഇനിയും ബന്ധിപ്പിക്കാന്‍ ബാക്കിയുളള എ.എ.വൈ, മുന്‍ഗണന (ബിപിഎല്‍) വിഭാഗത്തില്‍ ഉള്‍പ്പെട്ടവരടക്കമുള്ള ഗുണഭോക്താക്കള്‍ അടിയന്തരമായി നവംബര്‍ 30 നകം അക്ഷയ കേന്ദ്രങ്ങള്‍/റേഷന്‍ കടകള്‍/അതാത് സപ്ലൈ ഓഫീസ്/സിറ്റിസെണ്‍ ലോഗിന്‍ മുഖേന റേഷന്‍ കാര്‍ഡുകള്‍ ആധാറുമായി ബന്ധിപ്പിക്കണമെന്ന് ജില്ലാ സപ്ലൈ ഓഫീസര്‍ അറിയിച്ചു.

പോളിടെക്നിക് പ്രവേശനത്തിനായുള്ള മൂന്നാം ഘട്ട അലോട്ടുമെന്റ് ലഭിച്ച വിദ്യാര്‍ത്ഥികള്‍ക്ക് നവംബര്‍ 16, 17 തീയതികളില്‍ പ്രവേശനം നല്‍കും.  നവംബര്‍ 16 ന് ഇലക്ട്രോണിക്‌സ് എഞ്ചിനീയറിംഗിലും 17ന് കൊമേര്‍ഷ്യല്‍ പ്രാക്ടീസിലുമാണ് പ്രവേശനം.  അലോട്ടുമെന്റ് ലഭിച്ച വിദ്യാര്‍ത്ഥികള്‍ പ്രോസ്‌പെക്ടസില്‍ നിര്‍ദേശിച്ച അസ്സല്‍ രേഖകള്‍, ഫീസ് അടക്കാനുള്ള ക്രെഡിറ്റ്/ഡെബിറ്റ് കാര്‍ഡ,്  പി ടി എ ഫണ്ടിനുള്ള തുക സഹിതം നിര്‍ദ്ദിഷ്ട ദിവസം രാവിലെ 10ന് കോഴിക്കോട് വനിതാ പോളിടെക്നിക്  കോളേജില്‍ റിപ്പോര്‍ട്ട് ചെയ്യണമെന്ന് പ്രിന്‍സിപ്പാള്‍ അറിയിച്ചു.  കൂടുതല്‍ വിവരങ്ങള്‍ക്ക് 0495 2370714
 

ഫാഷന്‍ ഡിസൈനിങ് ആന്‍ഡ് ഗാര്‍മെന്റ് ടെക്‌നോളജി പ്രവേശനത്തിന് അലോട്ടുമെന്റ് ലഭിച്ച വിദ്യാര്‍ത്ഥികള്‍ പ്രോസ്‌പെക്ടസില്‍ നിര്‍ദേശിച്ച അസ്സല്‍ രേഖകള്‍, ഫീസ് അടക്കാനുള്ള ക്രെഡിറ്റ്/ഡെബിറ്റ് കാര്‍ഡ,്  പി ടി എ ഫണ്ടിനുള്ള തുക സഹിതം നവംബര്‍ 16 ന് രാവിലെ 10ന് കോഴിക്കോട് വനിതാ പോളിടെക്‌നിക് കോളേജില്‍ പ്രവേശനത്തിനായി  റിപ്പോര്‍ട്ട് ചെയ്യണമെന്ന് പ്രിന്‍സിപ്പാള്‍ അറിയിച്ചു

കേരളപ്പിറവി ദിനാഘോഷത്തിന്റെ ഭാഗമായി കോഴിക്കോട് ജില്ലാ ഇന്‍ഫര്‍മേഷന്‍ ഓഫീസ് കവിത രചനാ മത്സരം സംഘടിപ്പിക്കുന്നു. 'എന്റെ മലയാളം' എന്ന വിഷയത്തില്‍ നടത്തുന്ന മത്സരത്തില്‍ ജില്ലയിലെ ഹൈ സ്‌കൂള്‍ വിദ്യാര്‍ത്ഥികള്‍ക്ക് പങ്കെടുക്കാം.  കവിതകള്‍ പിഡിഎഫ് ഫോര്‍മാറ്റില്‍  പേര്, ക്ലാസ്, സ്‌കൂള്‍, ഫോണ്‍ നമ്പര്‍ എന്നിവ സഹിതം diodir.clt@gmail.com എന്ന വിലാസത്തില്‍ നവംബര്‍ 20 ന് മുമ്പ് അയkdk കൂടുതല്‍ വിവരങ്ങള്‍ക്ക് 0495 2370225 എന്ന നമ്പറില്‍ ബന്ധപ്പെടുക.