കളക്ടറേറ്റിലെ ഔദ്യോഗിക വാഹനമായ കെ.എല്‍ 01.എ.ക്യു 4979 നമ്പര്‍ ജീപ്പ് നവംബര്‍ 20 രാവിലെ 11 ന് കോട്ടയം താലൂക്ക് ഓഫീസ് കോണ്‍ഫറന്‍സ് ഹാളില്‍ ലേലം ചെയ്യും. നവംബര്‍ 17 വൈകിട്ട് നാലിനകം ദര്‍ഘാസ് തഹസില്‍ദാര്‍ക്ക് നല്‍കണം.

തൃശ്ശൂർ ജില്ലയിൽ തിങ്കളാഴ്ച്ച (16/11/2020 ) 228 പേർക്ക് കൂടി കോവിഡ്-19 സ്ഥീരികരിച്ചു. 647 പേർ രോഗമുക്തരായി. ജില്ലയിൽ രോഗബാധിതരായി ചികിത്സയിൽ കഴിയുന്നവരുടെ എണ്ണം 7967 ആണ്. തൃശ്ശൂർ സ്വദേശികളായ 89 പേർ മറ്റു ജില്ലകളിൽ ചികിത്സയിൽ കഴിയുന്നു. ജില്ലയിൽ ഇതുവരെ കോവിഡ് സ്ഥീരികരിച്ചവരുടെ എണ്ണം 51396 ആണ്. 43043 പേർ രോഗമുക്തരായി ആശുപത്രിവിട്ടു.
ജില്ലയിൽ തിങ്കളാഴ്ച്ച സമ്പർക്കം വഴി 221 പേർക്കാണ് രോഗം സ്ഥീരികരിച്ചത്. കൂടാതെ 3 ആരോഗ്യ പ്രവർത്തകർക്കും, സംസ്ഥാനത്തിന് പുറത്തുനിന്ന് എത്തിയ ഒരാൾക്കും രോഗ ഉറവിടം അറിയാത്ത 3 പേർക്കും രോഗബാധ ഉണ്ടായിട്ടുണ്ട്.

ഇടമണ്‍-കൊച്ചി 400 കെ.വി പ്രസരണ ലൈന്‍ നിര്‍മ്മാണാവുമായി ബന്ധപ്പെട്ട് നഷ്ടപരിഹാര തുക വിതരണം-പ്രവര്‍ത്തന പുരോഗതി വിലയിരുത്തി. പവര്‍ സെക്രട്ടറി ദിനേഷ് അറോറയുടെ നേതൃത്വത്തിലാണ് യോഗം ചേര്‍ന്നത്. പത്തനംതിട്ട ജില്ലാ കളക്ടര്‍ പി.ബി നൂഹ് ഉള്‍പ്പെടെയുള്ളവര്‍ യോഗത്തില്‍ പങ്കെടുത്തു.

പത്തനംതിട്ട ജില്ലയില്‍ തദ്ദേശ പൊതുതെരഞ്ഞെടുപ്പുമായി ബന്ധപ്പെട്ട് ഗ്രാമപഞ്ചായത്തുകളില്‍ ഇതുവരെ 672 നാമനിര്‍ദ്ദേശ പത്രികകള്‍ ലഭിച്ചു. ഇന്നലെ(16) മാത്രം ഗ്രാമപഞ്ചായത്തുകളില്‍ ലഭിച്ചത്  656 പത്രികകളാണ്. 

  പ്രൊബേഷന്‍ പക്ഷാചരണത്തിന്റെ ഭാഗമായ  പ്രൊബേഷന്‍ ബോധവല്‍കരണ  ബോര്‍ഡുകളുടെ പ്രദര്‍ശനവും  ഐ.ഇ.സി ക്യാമ്പയിനും സംഘടിപ്പിച്ചു. പത്തനംതിട്ട മിനി സിവില്‍ സ്റ്റേഷന്‍ കോടതി സമുച്ചയത്തില്‍ നടന്ന ചടങ്ങില്‍ ജില്ലാ ഗവണ്‍മെന്റ് പ്ലീഡര്‍ ആന്‍ഡ് പബ്ലിക് പ്രോസിക്യൂട്ടര്‍  അഡ്വക്കേറ്റ് എ.സി ഈപ്പന്‍ ഉദ്ഘാടനം നിര്‍വഹിച്ചു. ഉദ്ഘാടനത്തോടനുബന്ധിച്ച് പ്രൊബേഷന്‍ സേവനങ്ങളെ സംബന്ധിച്ച ലഘുലേഖകളുടെ വിതരണവും നടന്നു. ബോധവല്‍കരണ  ബോര്‍ഡുകളുടെ പ്രദര്‍ശനവും ഐ.ഇ.സി ക്യാമ്പയിനും ഈ മാസം 18 ന് സമാപിക്കും. 

ജില്ലാ പഞ്ചായത്തിലെ നിലവിലുണ്ടായിരുന്ന ഭരണസമിതിയുടെ കാലാവധി നവംബര്‍ 11ന് അവസാനിച്ച സാഹചര്യത്തില്‍ കേരളാ പഞ്ചായത്ത് രാജ് ആക്ട് പ്രകാരം ജില്ലാ പഞ്ചായത്തില്‍ നിലവില്‍വന്ന അഡ്മിനിസ്‌ട്രേറ്റീവ് കമ്മിറ്റി യോഗം ചേര്‍ന്നു. ജില്ലാ കളക്ടര്‍ പി.ബി നൂഹ് അധ്യക്ഷനായ മൂന്നംഗ അഡ്മിനിസ്‌ട്രേറ്റീവ് കമ്മിറ്റിയില്‍ ജില്ലാ ദാരിദ്ര്യ ലഘൂകരണ വിഭാഗം പ്രൊജക്ട് ഡയറക്ടര്‍ എന്‍.ഹരി, ജില്ലാ പഞ്ചായത്ത് സെക്രട്ടറിയുടെ അധിക ചുമതല വഹിക്കുന്ന എന്‍. നന്ദകുമാര്‍ എന്നിവരാണ് മറ്റ് അംഗങ്ങള്‍. സര്‍ക്കാര്‍ ഉത്തരവ് പ്രകാരമാണ് കമ്മിറ്റി രൂപികരിച്ചത്. 

മിഷന്‍ ഗ്രീന്‍ ശബരിമല 2020-21 ന്റെ ഭാഗമായി വിവിധ ഭാഷകളിലുള്ള സന്ദേശങ്ങളടങ്ങിയ 18 സെ.മീറ്റര്‍ ഃ 14 സെ.മീറ്റര്‍ അളവിലുള്ള 7500 പോക്കറ്റ് കാര്‍ഡുകള്‍ തയ്യാറാക്കുന്നതിനും തദ്ദേശസ്ഥാപന തെരഞ്ഞെടുപ്പുമായി ബന്ധപ്പെട്ട് നടത്തുന്ന ഹരിത തെരഞ്ഞെടുപ്പിന്റെ ഭാഗമായി ജില്ലാ കളക്ടറേറ്റില്‍ പ്രകൃതി സൗഹൃദ വസ്തുക്കള്‍ ഉപയോഗിച്ച് മാതൃകാ പോളിംഗ് ബൂത്ത് സ്ഥാപിക്കുന്നതിനും പത്തനംതിട്ട ജില്ലാ ശുചിത്വമിഷന്‍ ക്വട്ടേഷന്‍ ക്ഷണിച്ചു.  ക്വട്ടേഷനുകള്‍ ഈ മാസം 18ന് ഉച്ചകഴിഞ്ഞ് മൂന്നിനകം പത്തനംതിട്ട ജില്ലാശുചിത്വമിഷന്‍ ഓഫീസില്‍ ലഭിക്കണം. ഫോണ്‍: 0468 2322014, 8129557741.

ജില്ലാ മെഡിക്കല്‍ ഓഫീസിന്റെയും ജില്ലയിലെ  വൊക്കേഷണല്‍ ഹയര്‍ സെക്കന്‍ഡറി വിഭാഗത്തിന്റെയും ആഭിമുഖ്യത്തില്‍ ലോക ഡയബറ്റിക് ദിനത്തോടനുബന്ധിച്ച്  ജീവിതശൈലീ രോഗങ്ങളും പ്രതിവിധിയും  എന്ന വിഷയത്തില്‍   വെബിനാര്‍ സംഘടിപ്പിച്ചു. 

2020 ശിശു ദിനാഘോഷത്തിന്റെ ഭാഗമായി വനിതാ ശിശു വികസനവകുപ്പ് ജില്ലാ ചൈല്‍ഡ് പ്രൊട്ടക്ഷന്‍ യൂണിറ്റ് നവംബര്‍ 20 വരെ സംഘടിപ്പിക്കുന്ന ബാലാവകാശവാരാചരണത്തിന്റെ ഭാഗമായി പത്തനംതിട്ട ജില്ലയിലെ കുട്ടികള്‍ക്കും കുട്ടികളുടെ അമ്മമാര്‍ക്കുമായി മത്സരങ്ങള്‍ സംഘടിപ്പിക്കുന്നു. 

മത്സരങ്ങള്‍