മണ്ണ് പര്യവേക്ഷണ - മണ്ണ് സംരക്ഷണ വകുപ്പിൽ ട്രേസർ തസ്തികയുടെ സാധ്യതാ പട്ടികയിലുള്ളവരുടെ ഒറ്റത്തവണ പ്രമാണ പരിശോധന നവംബർ 19,  20 തീയതികളിൽ കോട്ടയം ജില്ലാ പി.എസ്.സി. ഓഫീസിൽ നടത്തും. ഉദ്യോഗാർഥികൾ അസൽ പ്രമാണങ്ങൾ പ്രൊഫൈലിൽ അപ് ലോഡ് ചെയ്യണമെന്നും നിർദിഷ്ട തീയതിയിലും സമയത്തും പരിശോധനക്ക് എത്തണമെന്നും ജില്ലാ പി.എസ്.സി ഓഫീസർ അറിയിച്ചു

=====
തദ്ദേശ സ്വയംഭരണ സ്ഥാപനങ്ങളിലേക്കുള്ള തിരഞ്ഞെടുപ്പില്‍ ഉടമസ്ഥരുടെ അനുമതിയില്ലാതെ സ്വകാര്യ ഭൂമിയില്‍ പ്രചാരണ സാമഗ്രികള്‍ സ്ഥാപിക്കാന്‍ പാടില്ലെന്ന് സംസ്ഥാന തിരഞ്ഞെടുപ്പ് കമ്മീഷന്‍ വ്യക്തമാക്കിയിട്ടുണ്ട്.   

സ്വകാര്യ ഉടമസ്ഥതയിലുള്ള കെട്ടിടങ്ങളുടെ ഭിത്തികളിലും മതിലുകളിലും എഴുതുന്നതിനും പോസ്റ്റര്‍, ബാനര്‍, ബോര്‍ഡ് തുടങ്ങിയ പ്രചരണ സാമഗ്രികള്‍ സ്ഥാപിക്കുന്നതിനും അനുമതി ആവശ്യമാണ്. ഉടമസ്ഥനില്‍ നിന്ന് വാങ്ങുന്ന രേഖാമൂലമുള്ള അനുമതി മൂന്നു ദിവസത്തിനകം വരണാധികാരിക്കോ ചുമതലയുള്ള ഉദ്യോഗസ്ഥനോ നല്‍കണം. 

=====
വോട്ടെടുപ്പുമായി ബന്ധപ്പെട്ട വിവരങ്ങള്‍ എളുപ്പത്തില്‍ കൈമാറാന്‍ ഉപകരിക്കുന്ന പോള്‍ മാനേജര്‍ മൊബൈല്‍ ആപ്ലിക്കേഷന്‍  തദേശ സ്വയംഭരണ സ്ഥാപന തിരഞ്ഞെടുപ്പില്‍ ഉപയോഗിക്കും. 

ഇലക്ട്രോണിക് വോട്ടിംഗ് യന്ത്രവും പോളിംഗ്  സാമഗ്രികളുമായി വോട്ടെടുപ്പിന്റെ തലേന്ന്  ഉദ്യോഗസ്ഥര്‍ വിതരണ കേന്ദ്രത്തില്‍നിന്ന് പുറപ്പെടുന്നതു മുതല്‍ വോട്ടെടുപ്പ് അവസാനിച്ച് തിരികെ സ്വീകരണ കേന്ദ്രത്തില്‍ എത്തുന്നതുവരെയുള്ള വിവരങ്ങള്‍ തത്സമയം മേലുദ്യോഗസ്ഥരെ അറിയിക്കുന്നതിനാണ് ആ ആന്‍ഡ്രോയ്ഡ് ആപ്ലിക്കേഷന്‍ ഉപയോഗിക്കുന്നത്. 

എറണാകുളം: കോവിഡിനെ പ്രതിരോധിക്കാൻ തിരഞ്ഞെടുപ്പ് ജീവനക്കാർക്കുള്ള സാനിറ്റൈസറ്റുകളുടെയും എൻ 95 മാസ്കുകളുടെയും കൈയുറകളുടെയും വിതരണം ആരംംഭിച്ചു . ജില്ലാ കളക്ടർ എസ്.സുഹാസ് റിട്ടേണിംഗ് ഓഫീസർ കൂടിയായ ഡപ്യൂട്ടി കലക്ടർ പി.ബി.സുനിലാലിന് നൽകി വിതരണോദ്ഘാടനം നടത്തി. 

തദ്ദേശ സ്വയംഭരണ സ്ഥാപനങ്ങളിലേയ്ക്കുള്ള പൊതുതിരഞ്ഞെടുപ്പ് പെരുമാറ്റ ചട്ടത്തിൻ്റെ ഭാഗമായി ജില്ലയിലെ എല്ലാ തോക്ക് ലൈസൻസികളും കൈവശമുള്ള തോക്കുകൾ ബന്ധപ്പെട്ട സ്റ്റേഷൻ ഹൗസ് ഓഫീസർ മുമ്പാകെ ഉടൻ സറണ്ടർ ചെയ്യാൻ ജില്ലാ കലക്ടർ എസ് ഷാനവാസ് ഉത്തരവിട്ടു.
പൊതുമേഖലാ ബാങ്ക്, മറ്റ് ധന കാര്യ സ്ഥാപനങ്ങൾ, കായിക താരങ്ങൾ എന്നിവരെ ആയുധം സറണ്ടർ ചെയ്യുന്നതിൽ നിന്നും ഒഴിവാക്കുന്നതിനായി സ്ക്രീനിംഗ് കമ്മിറ്റി മുമ്പാകെ അപേക്ഷ സമർപ്പിക്കണം.

തദ്ദേശ സ്വയംഭരണ തെരഞ്ഞെടുപ്പിന് നിലവിലെ റിട്ടേണിംഗ് ഓഫീസർമാർ, അസി. റിട്ടേണിംഗ് ഓഫീസർമാർ എന്നിവർക്ക് പകരം നിയോഗിക്കാനുള്ള റിസർവ്വ് ഓഫീസർമാർമാർക്കുള്ള പരിശീലനം ജില്ലാ പ്ലാനിംഗ് ഓഫീസ് ഹാളിൽ നടന്നു. മുൻ വർഷങ്ങളിലൊന്നും ചുമതലയേൽക്കുന്ന റിട്ടേണിംഗ് ഓഫീസർമാർക്കും അസി. റിട്ടേണിംഗ് ഓഫീസർമാർക്കും റിസർവ്വ് ഉദ്യോഗസ്ഥർ ഉണ്ടായിരുന്നില്ല. കോവിഡ് വ്യാപനം തുടരുന്ന സാഹചര്യത്തിലാണ് റിസർവ്വ് ഓഫീസർമാരെ നിയോഗിക്കുന്നതും പരിശീലനം നൽകുന്നതെന്നും ഇലക്ഷൻ ഡെപ്യൂട്ടി കളക്ടർ യു. ഷീജാബീഗം പറഞ്ഞു. 35 ഉദ്യോഗസ്ഥർക്കാണ് രണ്ടു ദിവസങ്ങളിലായി പരിശീലനം നൽകിയത്.

തദ്ദേശ തിരഞ്ഞെടുപ്പുമായി ബന്ധപ്പെട്ട് വിവിധ രാഷ്ട്രീയ കക്ഷികളും സ്ഥാനാർത്ഥികളും നടത്തുന്ന തിരഞ്ഞെടുപ്പ് പ്രചരണ പരിപാടികൾ നിയമപരമാണെന്ന് പരിശോധിക്കുന്നതിന് ജില്ലാ, താലൂക്ക് തലത്തിൽ ആന്റി ഡീഫേസ്‌മെന്റ് സ്‌ക്വാഡ് നിലവിൽ വന്നതായി ജില്ലാ കലക്ടർ എസ് ഷാനവാസ് അറിയിച്ചു. ജില്ലാതലത്തിൽ സി ലതിക (ആർഡിഒ ഇരിങ്ങാലക്കുട - 9497715877), പി. രേഖ- 9496124450, ഐ കെ പൂക്കോയ - 9446062408, ജി പ്രസീത - 9946469467, പി വിജയശ്രീ - 9747816961, കെ എൻ സുനിൽകുമാർ - 9249755241 എന്നിവരാണ് സ്‌ക്വാഡിനു നേതൃത്വം നൽകുന്നത്.

17-11-2020 മുതൽ 19-11-2020 വരെ കേരള തീരത്ത് മണിക്കൂറിൽ 40 മുതൽ 50 കിലോമീറ്റർ വരെയും ചില അവസരങ്ങളിൽ 60 കിലോമീറ്റർ വരെയും വേഗത്തിൽ കാറ്റ് വീശാനും മോശം കാലാവസ്ഥക്കും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചിരിക്കുന്നു. മൽസ്യത്തൊഴിലാളികൾ ഈ ദിവസങ്ങളിൽ കേരള തീരത്ത് നിന്ന് മൽസ്യബന്ധനത്തിനു പോകരുത്.

2020 നവംബർ 19 നോട് കൂടി തെക്ക് കിഴക്കൻ അറബിക്കടലിൽ ഒരു ന്യൂനമർദം രൂപപ്പെടാൻ സാധ്യതയുണ്ടെന്നും ശേഷമുള്ള 48 മണിക്കൂറിൽ അത് ശക്തിപ്പെട്ട് തീവ്ര ന്യൂനമർദമായി മാറിയേക്കുമെന്നും കേന്ദ്ര കാലാവസ്ഥ വകുപ്പ് അറിയിച്ചു. 

പ്രത്യേക ജാഗ്രത നിർദേശം 

വി.എച്ച്.എസ്.ഇ. വിദ്യാർത്ഥികൾക്ക് കേരള ഫിഷറീസ് സമുദ്ര പഠന സർവകലാശാലയുടെ സഹായത്തോടെ സർട്ടിഫിക്കേഷനോടെ അലങ്കാര മത്സ്യ കൃഷിയിൽ സൗജന്യ ഓൺലൈൻ പരിശീലനം നൽകുന്നു. ഇന്ന് (നവംബർ 18) മുതൽ 21 വരെ നീണ്ടു നിൽക്കുന്ന പരിശീലനത്തിൽ വിദ്യാർത്ഥികൾക്ക് വീടുകളിലിരുന്ന് പങ്കെടുക്കാം. 4500 ഓളം വിദ്യാർഥികൾക്കായി എൻ.എസ്.എസിന്റെയും വി.എച്ച്.എസ്.ഇയുടെയും നേതൃത്വത്തിൽ നടക്കുന്ന പരിപാടിയിൽ റിസോഴ്സ് പേഴ്സണലുകളായ ഡോ.റ്റി.വി.അന്ന മേഴ്സി, ജൂഡിൻ ജോൺ ചാക്കോ, വേണുഗോപാൽ എന്നിവർ പങ്കെടുക്കും.
പി.എൻ.എക്‌സ്. 4046/2020

പട്ടികജാതി - പട്ടികവർഗ്ഗ ക്ഷേമ പ്രവർത്തനങ്ങൾ സംബന്ധിച്ച മികച്ച റിപ്പോർട്ടിനുള്ള ഡോ. ബി. ആർ. അംബേദ്കർ മാധ്യമ അവാർഡിന് അപേക്ഷ ക്ഷണിച്ചു. പട്ടികജാതി വികസന വകുപ്പാണ് അവാർഡ് നൽകുന്നത്. അച്ചടി, ദൃശ്യ, ശ്രവ്യ മാധ്യമങ്ങളിലെ മികച്ച റിപ്പോർട്ടുകൾക്കാണ് അവാർഡ്.