ബി.എസ്.സി നഴ്സിംഗ്(ആയുര്‍വേദം), ബി.ഫാം(ആയുര്‍വേദം), പോസ്റ്റ് ബേസിക് ഡിപ്ലോമ ഇന്‍ സ്പെഷ്യാലിറ്റി നഴ്സിംഗ് കോഴ്സുകളിലേക്ക് എല്‍.ബി.എസ് സെന്റര്‍ ഫോര്‍ സയന്‍സ് ആന്റ് ടെക്ക്നോളജി അപേക്ഷ ക്ഷണിച്ചു. www.lbscentre.kerala.gov.in എന്ന വെബ്സൈറ്റ് വഴി ഓണ്‍ലൈനായാണ് അപേക്ഷിക്കേണ്ടത്.  ബി.എസ്.സി നഴ്സിംഗ് ബി.ഫാം കോഴ്സുകള്‍ക്ക് നവംബര്‍ 24ഉം പോസ്റ്റ് ബേസിക് ഡിപ്ലോമ ഇന്‍ സ്പെഷ്യാലിറ്റി നഴ്സിംഗ് കോഴ്സിന് നവംബര്‍ 21 ഉം ആണ് അവസാന തീയതി.  യോഗ്യത, അപേക്ഷ സംബന്ധിച്ച കൂടുതല്‍ വിവരങ്ങള്‍ക്ക് വെബ്സൈറ്റ് സന്ദര്‍ശിക്കുക.  ഫോണ്‍: 0471-2560363, 25

പട്ടികജാതി വികസന വകുപ്പിനു കീഴിലുളള മരിയാപുരം ഗവ. ഐ.ടി.ഐയില്‍ എന്‍.സി.വി.ടി അംഗീകാരമുളള എം.എം.വി (2-വര്‍ഷം), സര്‍വെയര്‍ (2-വര്‍ഷം), കാര്‍പ്പന്റര്‍ (1-വര്‍ഷം) എന്നീ ട്രെഡുകളില്‍ പട്ടികജാതി/പട്ടികവര്‍ഗ വിഭാഗത്തില്‍പ്പെട്ടവര്‍ക്ക് ഏതാനും സീറ്റുകള്‍ ഒഴിവുണ്ട്.  പരിശീലനം സൗജന്യമാണ്.  പരിശീലനക്കാലയളവില്‍ പഠനയാത്ര, സ്റ്റൈപന്റ്, ലാംപ്‌സം ഗ്രാന്റ്, ഉച്ചഭക്ഷണം, പോഷകാഹാര പദ്ധതി, യൂണിഫോം എന്നിവ ലഭിക്കുന്നതാണ്.  കൂടുതല്‍ വിവരങ്ങള്‍ക്ക് 0471-2234230, 9605235311.

ജില്ലയില്‍ ആയുധങ്ങള്‍ കൈവശം സൂക്ഷിക്കുന്നതിനു ലൈസന്‍സ് ഉള്ളവര്‍ ഇന്നു (നവംബര്‍ 17 ചൊവ്വ) വൈകിട്ട് അഞ്ചിനു മുമ്പായി അവരുടെ പരിധിയില്‍ വരുന്ന പോലിസ് സ്റ്റേഷനില്‍ ആയുധങ്ങള്‍ ഹാജരാക്കണമെന്നു ജില്ലാ കളക്ടര്‍ ഡോ. നവ്‌ജ്യോത് ഖോസ അറിയിച്ചു.

ഏതെങ്കിലും കാരണത്താല്‍ ആയുധങ്ങള്‍ കൈയില്‍ സൂക്ഷിക്കേണ്ടവര്‍ ഉണ്ടെങ്കില്‍ മതിയായ കാരണം കാണിച്ചു കൊണ്ടുള്ള പ്രത്യേക അപേക്ഷ ഇന്നു (17 നവംബര്‍) വൈകിട്ട് അഞ്ചിനു മുന്‍പ് അതത് എസ്.എച്ച്.ഒ മാര്‍ക്ക് നല്‍കണം.  നവംബര്‍ 21ന് ചേരുന്ന സ്‌ക്രീനിംഗ് കമ്മിറ്റി ഇക്കാര്യത്തില്‍ തീരുമാനമെടുക്കുമെന്നും കളക്ടറുടെ അറിയിപ്പില്‍ പറയുന്നു.

തെരഞ്ഞെടുപ്പുമായി ബന്ധപ്പെട്ടു രാഷ്ട്രീയ കക്ഷികളും സ്ഥാനാര്‍ഥികളും താത്കാലിക ഓഫിസുകള്‍ തുറക്കുമ്പോള്‍ നിര്‍ദിഷ്ട ദൂരപരിധി കര്‍ശനമായി പാലിക്കണമെന്നു കളക്ടര്‍ നിര്‍ദേശിച്ചു.  പഞ്ചായത്തുകളില്‍ പോളിങ് സ്‌റ്റേഷന്‍ പ്രവര്‍ത്തിക്കുന്ന കെട്ടിടത്തിന്റെ 200 മീറ്റര്‍ പരിധിയിലും നഗരസഭയില്‍ പോളിങ് സ്‌റ്റേഷന്റെ 100 മീറ്റര്‍ പരിധിയിലും തെരഞ്ഞെടുപ്പ് ഓഫിസുകള്‍ പ്രവര്‍ത്തിപ്പിക്കരുത്. പൊതു - സ്വകാര്യ സ്ഥലങ്ങള്‍ കൈയേറിയും, ആരാധനാലയങ്ങള്‍, വിദ്യാഭ്യാസ സ്ഥാപനങ്ങള്‍, ആശുപത്രികള്‍ എന്നിവിടങ്ങളിലും ഇത്തരം ഓഫിസുകള്‍ പാടില്ല.

പ്രചാരണ വാഹനങ്ങള്‍ക്കു പെര്‍മിറ്റ് നിര്‍ബന്ധം, കൈമാറ്റവും പാടില്ല

ഉച്ചഭാഷണിക്കും അനുമതി വേണം

തദ്ദേശ സ്വയംഭരണ സ്ഥാപനങ്ങളിലേക്കുള്ള തെരഞ്ഞെടുപ്പിന്റെ പരസ്യ പ്രചാരണത്തില്‍ പെരുമാറ്റച്ചട്ടം കര്‍ശനമായി പാലിക്കാന്‍ സ്ഥാനാര്‍ഥികള്‍ പ്രത്യേക ശ്രദ്ധവയ്ക്കണമെന്നു ജില്ലാ തെരഞ്ഞെടുപ്പ് ഓഫിസര്‍കൂടിയായ കളക്ടര്‍ ഡോ. നവ്‌ജ്യോത് ഖോസ. തെരഞ്ഞെടുപ്പ് പ്രചാരണത്തിനായി ഇരുചക്ര വാഹനമുള്‍പ്പെടെയുള്ള വാഹനങ്ങള്‍ ഉപയോഗിക്കുമ്പോള്‍ അതതു റിട്ടേണിങ് ഓഫിസര്‍മാരില്‍നിന്നുള്ള അനുമതി നിര്‍ബന്ധമായും വാങ്ങിയിരിക്കണമെന്നും കളക്ടര്‍ നിര്‍ദേശിച്ചു.

തദ്ദേശസ്വയംഭരണ സ്ഥാപനങ്ങളിലേക്കുള്ള തിരഞ്ഞെടുപ്പിന്റെ പ്രചാരണ പരസ്യങ്ങള്‍ പ്രദര്‍ശിപ്പിക്കുമ്പോള്‍ സംസ്ഥാന തിരഞ്ഞെടുപ്പ് കമ്മീഷന്റെ നിര്‍ദേശങ്ങള്‍ കര്‍ശനമായി പാലിക്കണമെന്ന് ജില്ലാ തിരഞ്ഞെടുപ്പ് ഓഫീസര്‍ കൂടിയായ ജില്ലാ കളക്ടര്‍ എസ് ഷാനവാസ് അറിയിച്ചു. അധികാരികളുടെ രേഖാമൂലമുള്ള മുന്‍കൂര്‍ അനുമതിയില്ലാതെ പൊതു സ്ഥാപനങ്ങളുടെ കെട്ടിടങ്ങളിലോ വസ്തുവകകളിലോ വൈദ്യുതി പോസ്റ്റുകളിലോ മൊബൈല്‍ ടവറുകളിലോ ടെലിഫോണ്‍ പോസ്റ്റുകളിലോ തിരഞ്ഞെടുപ്പ് പരസ്യം സ്ഥാപിക്കുവാനോ പതിക്കുവാനോ വരയ്ക്കുവാനോ എഴുതുവാനോ പാടില്ല.

തദ്ദേശ തിരഞ്ഞെടുപ്പുമായി ബന്ധപ്പെട്ട് ഇലക്ട്രോണിക് വോട്ടിംഗ് യന്ത്രങ്ങൾ ഉപയോഗിച്ചുള്ള മോക് പോൾ ഇരിങ്ങാലക്കുട പഴയ താലൂക്ക് ഓഫീസിൽ നടത്തി. ത്രിതല പഞ്ചായത്തുകൾക്കുവേണ്ടി ഉപയോഗിക്കുന്ന മൾട്ടി പോസ്റ്റ് യന്ത്രങ്ങളിലാണ് മോക്ക് പോൾ നടത്തിയത്. വിവിധ രാഷ്ട്രീയ പാർട്ടി പ്രതിനിധികളുടെയും ഉദ്യോഗസ്ഥരുടെയും സാന്നിധ്യത്തിലാണ് മോക് പോൾ സംഘടിപ്പിച്ചത്.
ഓരോ വോട്ടിംഗ് യന്ത്രങ്ങളിലും 50 വീതം വോട്ടുകൾ രേഖപ്പെടുത്തി. സ്ഥാനാർത്ഥികളുടെ ചിഹ്നങ്ങളിൽതന്നെ വോട്ടുകൾ കൃത്യമായി രേഖപ്പെടുത്തുന്നുണ്ടോയെന്ന് ഉറപ്പുവരുത്തുന്നതിനാണ് മോക്പോൾ നടത്തുന്നത്.

എൽ.ബി.എസ് പൂജപ്പുര വനിതാ എൻജിനിയറിങ് കോളേജിൽ ഒഴിവുളള ബി.ടെക്  സീറ്റുകളിൽ സ്‌പോട്ട് അഡ്മിഷൻ നടത്തുന്നു. പ്രവേശന പരീക്ഷ റാങ്ക് ലിസ്റ്റിലുള്ളവർ 19ന് രാവിലെ 11ന് കോളേജിൽ എത്തണം. കമ്പ്യൂട്ടർ സയൻസ്, ഇൻഫർമേഷൻ ടെക്‌നോളജി, ഇലക്‌ട്രോണിക്‌സ് ആൻഡ് കമ്യൂണിക്കേഷൻ, സിവിൽ എൻജിനിയറിങ്, അപ്ലൈഡ് ഇലക്‌ട്രോണിക്‌സ് വിഭാഗങ്ങളിലാണ് ഒഴിവ്. വിശദവിവരങ്ങൾക്ക്:  www.lbt.ac.in,  www.lbskerala.gov.in, ഫോൺ: 0471 2349232, 9895983656, 9447347193.
പി.എൻ.എക്‌സ്. 4030/2020

തിരുവനന്തപുരം കോളേജ് ഓഫ് എൻജിനിയറിങ്ങിൽ മെക്കാനിക്കൽ എൻജിനിയറിങ് വിഭാഗത്തിൽ ദിവസവേതനാടിസ്ഥാനത്തിൽ ഗസ്റ്റ് അധ്യാപകരുടെ ഒഴിവിൽ 19ന് അഭിമുഖം നടക്കും. മെക്കാനിക്കൽ വിഷയത്തിൽ തുല്യമായ ബി.ടെക്/ എം.ടെക് ബിരുദമുള്ളവർ (ഏതെങ്കിലും ഒരു യോഗ്യത ഫസ്റ്റ് ക്ലാസ്സിലായിരിക്കണം പാസ്സാകേണ്ടത്) മെക്കാനിക്കൽ വിഭാഗത്തിൽ രാവിലെ പത്തിന് മുൻപ് അസ്സൽ സർട്ടിഫിക്കറ്റുമായി ഹാജരാകണം.
പി.എൻ.എക്‌സ്. 4029/2020

കെ.എസ്.ഇ.ബിയുടെ 2017-18, 2018-19 വർഷത്തെ വരവു ചെലവു കണക്കുകളെ സംബന്ധിച്ച റഗുലേറ്ററി കമ്മീഷൻ പൊതുതെളിവെടുപ്പ് ഡിസംബർ 15നും 22നും നടക്കും. കോവിഡ് പശ്ചാത്തലത്തിൽ വീഡിയോ കോൺഫറൻസിലൂടെയാണ് തെളിവെടുപ്പ്. കെ.എസ്.ഇ.ബി നൽകിയ കണക്കുകൾ കമ്മീഷന്റെ വെബ്‌സൈറ്റിൽ പ്രസിദ്ധീകരിച്ചിട്ടുണ്ട്. ഇതു സംബന്ധിച്ച അഭിപ്രായങ്ങളും നിർദ്ദേശങ്ങളും തപാൽ മാർഗ്ഗമോ ഇ-മെയിലൂടെയോ  (kserc@erckerala.org) ഡിസംബർ 10ന് മുൻപ് കമ്മീഷൻ ഓഫീസിൽ നൽകണം.