പനമരം, കൽപ്പറ്റ ബ്ലോക്ക് പഞ്ചായത്തിലേയും, അതിന് കീഴില്‍ വരുന്ന ഗ്രാമ പഞ്ചായത്തുകളിലേയും വരണാധികാരികളുടെയും ഉപവരണാധികാരികളുടെയും യോഗം കളക്‌ട്രേറ്റ് കോണ്‍ഫറന്‍സ് ഹാളില്‍ ചേര്‍ന്നു.

ജില്ലയില്‍ വനിതാ കോണ്‍സ്റ്റബിള്‍ (കാറ്റഗറി നമ്പര്‍ 08/20) പൊലീസ് കോണ്‍സ്റ്റബിള്‍ (കാറ്റഗറി നമ്പര്‍ 09/20) (എസ്.ടി സ്‌പെഷ്യല്‍ റിക്രൂട്ട്‌മെന്റ് )തസ്തികള്‍ക്ക് നിലമ്പൂര്‍, കാളികാവ്, അരീക്കോട്, വണ്ടൂര്‍ ബ്ലോക്കുകളിലെ വനാന്തരങ്ങളിലെയും വനാതിര്‍ത്തിയിലെയും സെറ്റില്‍മെന്റ് കോളനികളില്‍ നിവസിക്കുന്ന പണിയാന്‍, പ്രത്യേക ദുര്‍ബല ഗോത്രവര്‍ഗത്തില്‍പ്പെട്ട ചോലനായ്ക്കര്‍, കാട്ടുനായ്ക്കന്‍ വിഭാഗങ്ങളില്‍ നിന്ന് സ്വീകാര്യമായ അപേക്ഷ സമര്‍പ്പിച്ചവര്‍ക്കുള്ള ശാരീരിക അളവെടുപ്പും കായികക്ഷമതാ പരീക്ഷയും  നവംബര്‍ 20, 21, 23, 24, 25 തീയതികളില്‍ നിലമ്പൂര്‍ എം.എസ്.പി പൊലീസ് ഗ്രൗണ്ടില്‍ നടത്തും.

ജില്ലാ രജിസ്ട്രാര്‍ (ജനറല്‍) കൊണ്ടോട്ടി നഗരസഭയുടെ വരണാധികാരിയായതിനാല്‍ ഇനിയൊരറിയിപ്പുണ്ടാകുന്നതു വരെ സൊസൈറ്റി രജിസ്‌ട്രേഷന്‍ ഉണ്ടായിരിക്കില്ലെന്ന് രജിസ്ട്രാര്‍ അറിയിച്ചു.

ആതവനാട് മൃഗസംരക്ഷണ പരിശീലന കേന്ദ്രത്തില്‍ രജിസ്റ്റര്‍ ചെയ്തിട്ടുള്ള കര്‍ഷകര്‍ക്ക് 'മുറ്റത്തുതന്നെ മുട്ടയും മാംസവും' എന്ന വിഷയത്തില്‍  നവംബര്‍ 19 വൈകീട്ട് ഏഴ് മുതല്‍ സൗജന്യ വെബിനാര്‍ സംഘടിപ്പിക്കുന്നു. വെബിനാറില്‍ വട്ടംകുളം മൃഗാശുപത്രിയിലെ സീനിയര്‍ വെറ്ററിനറി സര്‍ജന്‍ ഡോ. വി.കെ.പി മോഹന്‍കുമാര്‍ ക്ലാസെടുക്കും. ഗൂഗിള്‍ മീറ്റ് ആപ്ലിക്കേഷന്‍ വഴിയാണ് പരിശീലനം. ഗൂഗിള്‍ മീറ്റ് ലിങ്ക്: https://meet.google.com/caq-zdnf-fvt.  ഫോണ്‍: 0494 296 2296.

കോഴിക്കോട് ജില്ലയിലെ ബേപ്പൂര്‍ നടുവട്ടത്തുളള സര്‍ക്കാര്‍ ക്ഷീര പരിശീലന കേന്ദ്രം  മലപ്പുറം, കോഴിക്കോട്, വയനാട്, കണ്ണൂര്‍, കാസര്‍ഗോഡ് ജില്ലകളിലെ ക്ഷീരകര്‍ഷകര്‍ക്കായി  ഡയറി ഫാമും ലൈസന്‍സിങ്ങ് വ്യവസ്ഥകളും എന്ന വിഷയത്തില്‍ നവംബര്‍ 21 ന്  രാവിലെ 10. ന്  ഓണ്‍ലൈന്‍ ക്ലാസ് സംഘടിപ്പിക്കുന്നു.  പങ്കെടുക്കാന്‍ താല്‍പ്പര്യമുള്ള ക്ഷീരകര്‍ഷകര്‍ 8078180809 എന്ന നമ്പറിലേയ്ക്ക് പേരും ഫോണ്‍ നമ്പറും വാട്ട്സാപ്പ് ചെയ്യുക. 20 ന് ഉച്ചയ്ക്ക് 2  വരെയാണ്  രജിസ്റ്റര്‍ ചെയ്യേണ്ട സമയം.

  എംപ്ലോയ്‌മെന്റ് മുഖേന 2021-2023ല്‍ സാധ്യതയുള്ള തൊഴില്‍ അവസരങ്ങളിലേക്ക് പരിഗണിക്കാന്‍ യോഗ്യരായ ഉദ്യോഗാര്‍ഥികളുടെ താത്ക്കാലിക സീനിയോറിറ്റി ലിസ്റ്റുകള്‍ ജില്ലാ എംപ്ലോയ്‌മെന്റ് എക്‌സ്‌ചേഞ്ചിലും ജില്ലയിലെ ടൗണ്‍ എംപ്ലോയ്‌മെന്റ് എക്‌സ്‌ചേഞ്ചുകളിലും പ്രസിദ്ധീകരിച്ചിട്ടുണ്ട്. ഉദ്യോഗാര്‍ഥികള്‍ക്ക് www.eemployment.kerala.gov.in ലോഗിന്‍ ചെയ്ത് ലിസ്റ്റ് പരിശോധിക്കാം. പരാതികളുണ്ടെങ്കില്‍ പരിഹരിക്കുന്നതിന് എംപ്ലോയ്‌മെന്റ് രജിസ്‌ട്രേഷന്‍ കാര്‍ഡ് സഹിതം ഉദ്യോഗാര്‍ഥികള്‍ രജിസ്റ്റര്‍ ചെയ്തിട്ടുള്ള എംപ്ലോയ്‌മെന്റ് എക്‌സ്‌ചേഞ്ചില്‍ അപേക്ഷ നല്‍കാം.

കല്‍പ്പറ്റ കെ.എം.എം. ഗവണ്‍മെന്റ് ഐ.ടി.ഐയിലെ വിവിധ ട്രേഡുകളിലായി പെണ്‍കുട്ടികള്‍ക്ക് സംവരണം ചെയ്തിട്ടുള്ള ഏതാനും സീറ്റുകള്‍ ഒഴിവുണ്ട്. 2020 ലെ പ്രവേശനത്തിനായി ഓണ്‍ലൈന്‍ അപേക്ഷ സമര്‍പ്പിക്കാത്ത വിദ്യാര്‍ത്ഥികള്‍ക്കും അപേക്ഷിക്കാം. www.itikalpetta.kerala.gov.in എന്ന വെബ്‌സൈറ്റില്‍ അപേക്ഷാ ഫോറം ലഭിക്കും. താല്‍പര്യമുള്ളവര്‍  അപേക്ഷയുടെ പ്രിന്റ് ഔട്ട് എടുത്ത് നവംബര്‍ 19 ന് ഉച്ചയ്ക്ക് 2 നകം കല്‍പ്പറ്റ ഗവണ്‍മെന്റ് ഐ.ടി.ഐയില്‍ നേരിട്ട് ഹാജരാക്കണം. ഫോണ്‍ 04936205519, 9995914652

കേന്ദ്ര സംസ്ഥാന സര്‍ക്കാരുകള്‍ യാത്ര നിയന്ത്രണങ്ങളില്‍ ഇളവുകള്‍ അനുവദിച്ച സാഹചര്യത്തില്‍ ജില്ലയിലെ ബോര്‍ഡര്‍ ഫെസിലിറ്റേഷന്‍ സെന്ററുകളുടെ പ്രവര്‍ത്തനം അവസാനിപ്പിക്കുകയാണെന്ന് ജില്ലാ കളക്ടര്‍ ഡോ. അദീല അബ്ദുള്ള അറിയിച്ചു. കോവിഡ് പ്രതിരോധ പ്രവര്‍ത്തനങ്ങളുടെ ഭാഗമായി ജില്ലയിലേക്ക് പ്രവേശിക്കുന്ന യാത്രക്കാരെ പരിശോധനയ്ക്ക് വിധേയമാക്കുന്നതിനായി മുത്തങ്ങ (കലൂര്‍), ബാവലി, തോല്‍പ്പെട്ടി എന്നിവിടങ്ങളിലാണ് ബോര്‍ഡര്‍ ഫെസിലിറ്റേഷന്‍ സെന്റര്‍ സജ്ജീകരിച്ചിരുന്നത്.

കോവിഡ് രോഗവ്യാപനത്തിന്റെ പശ്ചാത്തലത്തില്‍ രോഗപ്രതിരോധ പ്രവര്‍ത്തനങ്ങളുടെ ഭാഗമായി ജില്ലയില്‍ സി.ആര്‍.പി.സി സെക്ഷന്‍ 144 പ്രകാരം പ്രഖ്യാപിച്ച നിരോധനാജ്ഞ  അവസാനിച്ചു. അതേ സമയം കോവിഡ് പ്രതിരോധ നിയന്ത്രണങ്ങള്‍ തുടരുമെന്ന് ജില്ലാകലക്ടര്‍ കെ. ഗോപാലകൃഷ്ണന്‍ അറിയിച്ചു. നിരോധനാജ്ഞ  നവംബര്‍ 15 അര്‍ധരാത്രിയാണ് അവസാനിച്ചത്. ജിംനേഷ്യം, ടര്‍ഫ്, ഇന്‍ഡോര്‍ സ്‌റ്റേഡിയം, സ്‌പോര്‍ട്‌സ് ക്ലബ്, നീന്തല്‍കുളങ്ങള്‍ തുടങ്ങിയവയ്ക്ക് നിയന്ത്രണങ്ങളോടെ തുറന്ന് പ്രവര്‍ത്തിക്കാം.