ഇടുക്കി ജില്ലയില്‍ തദ്ദേശ സ്വയംഭരണ സ്ഥാപനങ്ങളിലേക്കുളള പൊതുതിരഞ്ഞെടുപ്പിനു ഉദ്യോഗസ്ഥരെ നിയമിക്കുന്നതിനുളള നടപടിക്രമങ്ങള്‍ ആരംഭിച്ചു. ഇലക്ഷന്‍ കമ്മീഷന്റെ www.edrop.gov.in എന്ന വെബ്‌സൈറ്റ് വഴിയാണ് ഡാറ്റ എന്‍ട്രി നടത്തേണ്ടത്. മുന്‍ തിരഞ്ഞെടുപ്പുകളില്‍ നിന്നും വ്യത്യസ്തമായി ഈ വര്‍ഷം ജീവനക്കാര്‍ ജോലി ചെയ്യുന്ന സ്ഥാപന മേധാവികള്‍ നേരിട്ടാണ് അവരുടെ ജീവനക്കാരുടെ വിവരങ്ങള്‍ ഇലക്ഷന്‍ കമ്മീഷന്റെ വെബ്‌സൈറ്റില്‍  എന്‍ട്രി ചെയ്യേണ്ടത്.

തദ്ദേശ സ്ഥാപനങ്ങളിലെ പൊതുതെരഞ്ഞെടുപ്പില്‍ മത്സരിക്കുന്ന സ്ഥാനാര്‍ഥികളുടെ നാമനിര്‍ദേശ പത്രിക സമര്‍പ്പണം ജില്ലയില്‍ തുടരുന്നു. ജില്ലാപഞ്ചാത്ത്, ബ്ലോക്ക്, ഗ്രാമപഞ്ചായത്ത്, നഗരസഭ, എന്നിവിടങ്ങളിലേക്കായി ഇന്നലെ (നവംബര്‍ 16)  2,086 പത്രികകളാണ് ലഭിച്ചത്. ജില്ലാ പഞ്ചായത്തിലേക്ക് അഞ്ചും നഗരസഭകളിലേക്ക് 241 ഉം ബ്ലോക്ക് പഞ്ചായത്തുകളിലേക്ക് 20 ഉം ഗ്രാമപഞ്ചായത്തുകളിലേക്ക് 1,820 നാമനിര്‍ദേശ പത്രികകളുമാണ് ലഭിച്ചത്.

നഗരസഭകളിലേക്ക് ലഭിച്ച നാമനിര്‍ദേശ പത്രികകള്‍

ജില്ലയില്‍ കോവിഡ് വ്യാപനം തുടരുന്ന സാഹചര്യത്തില്‍ ശബരിമല തീര്‍ത്ഥാടനത്തിന്  പോകുന്നത് കോവിഡ് നിയന്ത്രണം പാലിച്ചായിരിക്കണമെന്ന് ജില്ലാ മെഡിക്കല്‍ ഓഫീസര്‍ ഡോ. കെ. സക്കീന അറിയിച്ചു.

ശബരിമല തീര്‍ത്ഥാടകര്‍ താഴെ പറയുന്ന നിര്‍ദേശങ്ങള്‍ കര്‍ശനമായും പാലിക്കണം.

തദ്ദേശ സ്വയംഭരണ സ്ഥാപനങ്ങളിലേക്കുള്ള തെരഞ്ഞെടുപ്പില്‍ മാതൃകാ പെരുമാറ്റചട്ടം കര്‍ശനമായി പാലിക്കുന്നുണ്ടെന്ന് ഉറപ്പുവരുത്താന്‍ താലൂക്ക് തലത്തില്‍ ആന്റി ഡിഫേസ്‌മെന്റ് സ്‌ക്വാഡ് രൂപീകരിച്ചു. തഹസില്‍ദാര്‍മാരുടെ നേതൃത്വത്തിലാണ് സ്‌ക്വാഡ് രൂപീകരിച്ചിട്ടുള്ളത്. പെരുമാറ്റചട്ട ലംഘനം നടത്തിയവര്‍ക്ക് അവ നീക്കം ചെയ്യുന്നതിന്  നോട്ടീസ് നല്‍കുകയും നിശ്ചിത സമയത്ത് നീക്കം ചെയ്യാത്തവ സ്‌ക്വാഡ് നീക്കം ചെയ്യുകയും ചെയ്യും.  പൊതുസ്ഥലങ്ങളിലെ ബോര്‍ഡുകള്‍, ബാനറുകള്‍, പൊതുസ്ഥാപനങ്ങളിലെ വഹകള്‍, റോഡുകള്‍, ചുമരെഴുത്തുകള്‍ എന്നിവയാണ് നീക്കം ചെയ്യുക.  ഇതിന് വരുന്ന ചെലവുകള്‍ ബന്ധപ്പെട്ടവരില്‍ നിന്ന് ഈടാക്കും.

നേരിട്ടുള്ള സമ്പര്‍ക്കത്തിലൂടെ 476 പേര്‍ക്ക് വൈറസ്ബാധ
14 പേര്‍ക്ക് ഉറവിടമറിയാതെ രോഗബാധ
ആരോഗ്യ മേഖലയില്‍ പ്രവര്‍ത്തിക്കുന്ന രണ്ട് പേര്‍ക്കും രോഗബാധ
രോഗബാധിതരായി ചികിത്സയില്‍ 6,425 പേര്‍
ആകെ നിരീക്ഷണത്തിലുള്ളത് 75,057 പേര്‍

കോഴിക്കോട് പോസ്റ്റല്‍ ഡിവിഷനില്‍ പോസ്റ്റല്‍ ലൈഫ് ഇന്‍ഷുറന്‍സ് ഗ്രാമീണ തപാല്‍ ഇന്‍ഷുറന്‍സ് വിപണനത്തിനായി കമ്മീഷന്‍ വ്യവസ്ഥയില്‍ 18 നും 50നുമിടയില്‍ പ്രായമുള്ളവരെ ഡയറക്ട് ഏജന്റായും 65 വയസില്‍ താഴെ പ്രായമുള്ള കേന്ദ്ര, സംസ്ഥാന സര്‍വീസില്‍ നിന്ന് വിരമിച്ചവരെ ഫീല്‍ഡ് ഓഫീസറായും നിയമിക്കുന്നതിന് അപേക്ഷ ക്ഷണിച്ചു.  മൊബൈല്‍ നമ്പറോടുകൂടിയ ബയോഡാറ്റയും വയസ്, യോഗ്യത, മുന്‍പരിചയം എന്നിവ തെളിയിക്കുന്ന രേഖകളും postalrect.clt@gmail.com എന്ന  ഇ.മെയിലില്‍ അയക്കണം. അവസാന തീയതി ഡിസംബര്‍ 2.  ഫോണ്‍ 04952386166, 7907420624.

ജില്ലയില്‍ ഹോമിയോപ്പതി വകുപ്പില്‍ നഴ്സ് ഗ്രേഡ് തസ്തികയിലെ (കാറ്റഗറി 091/2015) റാങ്ക് ലിസ്റ്റ് റദ്ദായതായി ജില്ലാ പി.എസ്.സി. ഓഫീസര്‍ അറിയിച്ചു.

കെ.എ.എസ്.പി,  എന്‍എച്ച്.എം, എസ്.റ്റി, എച്ച്.എം.സി, വിമുക്തി മിഷന്‍ തുടങ്ങിയ കേന്ദ്ര സംസ്ഥാന സര്‍ക്കാറുകളുടെ വിവിധ പദ്ധതികള്‍ക്കു കീഴില്‍ നിലമ്പൂര്‍ ജില്ലാ ആശുപത്രിയില്‍ പ്രവേശിപ്പിക്കുന്ന രോഗികള്‍ക്ക് ലാബ്, സ്‌കാനിങ്/എക്‌സറേ/ഇസിജി, രോഗികള്‍ക്ക് മരുന്ന് ലഭ്യമാക്കല്‍ (ഫാര്‍മസി) തുടങ്ങിയ സേവനങ്ങള്‍ നല്‍കാന്‍ തയ്യാറുള്ള സ്ഥാപനങ്ങളില്‍ നിന്നും ദര്‍ഘാസ് ക്ഷണിച്ചു. ദര്‍ഘാസ് സ്വീകരിക്കുന്ന അവസാന തീയതി നവംബര്‍ 25. കൂടുതല്‍ വിവരങ്ങള്‍ക്ക് ആശുപത്രി ഓഫീസുമായി ബന്ധപ്പെടണം. ഫോണ്‍: 04931 220351.

· 68 പേര്‍ക്ക് രോഗമുക്തി

വയനാട് ജില്ലയില്‍ ഇന്ന് (16.11.20) 37 പേര്‍ക്ക് കോവിഡ് സ്ഥിരീകരിച്ചതായി ജില്ലാ മെഡിക്കല്‍ ഓഫീസര്‍ ഡോ.ആര്‍. രേണുക അറിയിച്ചു. 68 പേര്‍ രോഗമുക്തി നേടി. 36 പേര്‍ക്ക് സമ്പര്‍ക്കത്തിലൂടെയാണ് രോഗബാധ. രണ്ട് പേരുടെ  സമ്പര്‍ക്കവിവരം  ലഭ്യമല്ല.
ഇതോടെ ജില്ലയില്‍ കോവിഡ് സ്ഥിരീകരിച്ചവരുടെ ആകെ എണ്ണം 8811 ആയി. 7808 പേര്‍ ഇതുവരെ രോഗമുക്തരായി. ചികിത്സയിലിരിക്കെ 61 മരണം. നിലവില്‍ 942 പേരാണ് ചികിത്സയിലുള്ളത്. ഇവരില്‍ 546 പേര്‍ വീടുകളിലാണ് ഐസൊലേഷനില്‍ കഴിയുന്നത്.