ഒറ്റപ്പാലം ബ്ലോക്ക് പഞ്ചായത്ത് പരിധിയിലെ വിവിധ തദ്ദേശസ്വയംഭരണ സ്ഥാപനങ്ങളിലേയ്ക്കുള്ള തിരഞ്ഞെടുപ്പുമായി ബന്ധപ്പെട്ട് രാഷ്ട്രീയ പാര്‍ട്ടി പ്രതിനിധികളുടെ യോഗം ഇന്ന് ( നവംബര്‍ 17) വൈകീട്ട് മൂന്നിന് ഒറ്റപ്പാലം ബ്ലോക്ക് പഞ്ചായത്ത് കോണ്‍ഫറന്‍സ് ഹാളില്‍ നടക്കുമെന്ന് ഒറ്റപ്പാലം ബ്ലോക്ക് പഞ്ചായത്ത് വരണാധികാരി കൂടിയായ ക്ഷീരവികസന വകുപ്പ് ഡെപ്യൂട്ടി ഡയറക്ടര്‍ അറിയിച്ചു.

ആലപ്പുഴ: സംസ്ഥാന ബാലാവകാശ കമ്മീഷനും ജില്ലാ ശിശു സംരക്ഷണ യൂണിറ്റും സംയുക്തമായി നവംബര്‍ 14 മുതല്‍ നവംബര്‍ 20 വരെ 'മഞ്ചാടി 2020' ബാലാവകാശ വാരാചരണമായി ആചരിക്കുന്നു. ഇതിന്റെ ഭാഗമായി ജില്ലാ ശിശു സംരക്ഷണ യൂണിറ്റിന്റെ  ആഭിമുഖ്യത്തില്‍ ജില്ലയിലെ കുട്ടികള്‍ക്കായി ഓണ്‍ലൈനില്‍ വിവിധ മത്സരങ്ങളും സംഘടിപ്പിക്കുന്നുണ്ട്.

നവംബര്‍ 14ന് നടക്കുന്ന പെയിന്റിംഗ് (വാട്ടര്‍ കളര്‍) മത്സരത്തില്‍ 5 മുതല്‍ 12 വയസ് വരെ പ്രായമുള്ള കുട്ടികള്‍ക്ക് പങ്കെടുക്കാം. മത്സരത്തില്‍ പങ്കെടുക്കുന്ന കുട്ടികള്‍ വാട്ടര്‍ കളര്‍ ഉപയോഗിച്ച് ചാച്ചാജിയുടെ ചിത്രം വരച്ച് ചിത്രവും ചിത്രം വരച്ചതിന്റെ വീഡിയോയും അയക്കണം.

പാലക്കാട് ഭാരതീയ ചികിത്സാ വകുപ്പും നാഷണല്‍ ആയുഷ് മിഷനും സംയുക്തമായി അഞ്ചാമത് ആയുര്‍വേദ ദിനം ആഘോഷിച്ചു. 'കോവിഡിനെ നേരിടാം ആയുര്‍വ്വേദത്തിലൂടെ'  എന്ന വിഷയത്തില്‍ ജില്ലയിലെ എല്ലാ ആയുര്‍വ്വേദ ആശുപത്രികളിലും സെമിനാര്‍ സംഘടിപ്പിച്ചു. അന്നേ ദിവസം സംഘടിപ്പിച്ച പ്രബന്ധ മത്സരത്തില്‍ ഡോക്ടര്‍മാരുടെ വിഭാഗത്തില്‍ ഡോ. അലിഷാ ജോണും ആയുര്‍വ്വേദ വിദ്യാര്‍ത്ഥി വിഭാഗത്തില്‍ ഡി. നികിതയും ഒന്നാം സ്ഥാനം കരസ്ഥമാക്കി.

ചിറ്റൂര്‍ ഗവ.കോളേജില്‍ നവംബര്‍ 18ന് നടത്താനിരുന്ന കമ്പ്യൂട്ടര്‍ സയന്‍സ് ഗസ്റ്റ് അധ്യാപക കൂടിക്കാഴ്ച റദ്ദാക്കിയതായി പ്രിന്‍സിപ്പാള്‍ അറിയിച്ചു.

ആലപ്പുഴ: കോഴിക്കോട് ഇംഹാന്‍സില്‍ പോസ്റ്റ് ബേസിക് ഡിപ്ലോമ ഇന്‍ സൈക്യാട്രിക് നഴ്‌സിങ് 2020-21 കോഴ്‌സിലേക്ക് അപേക്ഷ ക്ഷണിച്ചു. യോഗ്യത ജനറല്‍ നഴ്‌സിങ്/ ബി.എസ്.സി നഴ്‌സിങ്/ പോസ്റ്റ് ബേസിക് ബി.എസ്.സി നഴ്‌സിങ് ബിരുദം. അപേക്ഷിക്കേണ്ട അവസാന തീയതി നവംബര്‍ 30. അപേക്ഷ ഫോറം ഇംഹാന്‍സ് ഓഫീസില്‍ നിന്ന നേരിട്ടും www.imhans.ac.in എന്ന വെബ്‌സൈറ്റ് വഴിയും ലഭിക്കും. വിശദവിവരങ്ങള്‍ക്ക് 9745156700, 9605770068.

ഗവ.വിക്ടോറിയ കോളേജില്‍ സുവോളജി വകുപ്പിന് സമീപത്ത് അക്കാദമിക് നോളേജ് സെന്റര്‍ നിര്‍മ്മാണ സ്ഥലത്തെ രണ്ട് മഴ മരങ്ങള്‍ നവംബര്‍ 23 ന് ഉച്ചക്ക് രണ്ടിന് പരസ്യമായി ലേലം ചെയ്യും. 500 രൂപയാണ് നിരതദ്രവ്യം. ഫോണ്‍: 0491 2576773.

ആലപ്പുഴ:  ശിശുദിന ആഘോഷങ്ങളുടെ ഭാഗമായി ആലപ്പുഴ മെഡിക്കൽ കോളേജിലെ റീജിയണൽ ഏർലി ഇൻറർവെൻഷൻ സെൻറർ - ഒട്ടിസം സെൻററിൽ ചൈൽഡ് സൈക്യാട്രി ക്ലിനിക്ക് പ്രവർത്തനം പുനരാരംഭിച്ചു.  മാനസിക വെല്ലുവിളി നേരിടുന്ന കുട്ടികൾക്ക് വേണ്ടിയുള്ള ക്ലിനിക് എല്ലാ ബുധനാഴ്ചയും രാവിലെ 10 മണി മുതൽ 12 വരെയുള്ള സമയത്ത് പ്രവർത്തിക്കും. മെഡിക്കൽ കോളേജിലെ ശിശുരോഗ വിഭാഗം, മനോരോഗ വിഭാഗം, ആർ ഇ ഐ സി എന്നിവയുടെ സംയുക്താഭിമുഖ്യത്തിലാണ് ക്ലിനിക് പ്രവർത്തിക്കുന്നത്. 9846413850 എന്ന നമ്പറിൽ മുൻകൂറായി വിളിച്ചു ബുക്ക് ചെയ്ത ശേഷം ക്ലിനിക്കിന്റെ സേവനം പ്രയോജനപ്പെടുത്താമെന്ന് ഓട്ടിസം സെൻറർ മാനേജർ അറിയിച്ചു. 
 

കോവിഡ് 19 വാക്സിന്‍ ലഭ്യമാകുന്ന മുറയ്ക്ക് ആദ്യഘട്ടത്തില്‍ സര്‍ക്കാര്‍, സ്വകാര്യ മേഖലയിലെ മുഴുവന്‍ ആരോഗ്യപ്രവര്‍ത്തകര്‍ക്കും വാക്‌സിന്‍ നല്‍കാന്‍ തീരുമാനിച്ചതിന്റെ അടിസ്ഥാനത്തില്‍ ജില്ലയിലെ സര്‍ക്കാര്‍, സ്വകാര്യമേഖലയില്‍ പ്രവര്‍ത്തിക്കുന്ന അലോപ്പതി, യുനാനി, ആയുര്‍വ്വേദം, ഹോമിയോ വിഭാഗത്തിലുള്ള രജിസ്റ്റര്‍ ചെയ്ത സ്ഥാപനങ്ങളിലെ ആരോഗ്യ പ്രവര്‍ത്തകരുടെ വിവരങ്ങള്‍ തയ്യാറാക്കുന്നു.