* ചികിത്സയിലുള്ളവർ 70,925; മൂന്നു പുതിയ ഹോട്ട് സ്‌പോട്ടുകൾ

പട്ടികജാതി - പട്ടികവർഗ്ഗ ക്ഷേമ പ്രവർത്തനങ്ങൾ സംബന്ധിച്ച മികച്ച റിപ്പോർട്ടിനുള്ള ഡോ. ബി. ആർ. അംബേദ്കർ മാധ്യമ അവാർഡിന് അപേക്ഷ ക്ഷണിച്ചു.  പട്ടികജാതി വികസന വകുപ്പാണ് അവാർഡ് നൽകുന്നത്. അച്ചടി, ദൃശ്യ, ശ്രവ്യ മാധ്യമങ്ങളിലെ മികച്ച റിപ്പോർട്ടുകൾക്കാണ് അവാർഡ്.

കിറ്റ്‌സ് നടത്തുന്ന ആറു ദിവസത്തെ പൂൾ ലൈഫ് ഗാർഡ് പരിശീലനത്തിന് നീന്തൽ അറിയാവുന്ന പട്ടികജാതി-പട്ടികവർഗ വിഭാഗത്തിലെ സ്ത്രീകൾക്ക് അപേക്ഷിക്കാം. പ്രായപരിധി 20-45 വയസ്സ്.  ആദ്യം അപേക്ഷിക്കുന്ന 125 പേർക്ക് ആണ് പരിശീലനം. അപേക്ഷിക്കാനുള്ള അവസാന തിയതി ഡിസംബർ രണ്ട്. കൂടുതൽ വിവരങ്ങൾക്ക്: www.kittsedu.org, ഫോൺ: 0471-2329539.
പി.എൻ.എക്‌സ്. 4035/2020

കിറ്റ്‌സ് നടത്തുന്ന 40 ദിവസം നീണ്ടു നിൽക്കുന്ന സൗജന്യ ആയുർവേദ തെറാപ്പിസ്റ്റ് കോഴ്‌സിലേക്ക് 18നും 40നും മദ്ധ്യേ പ്രായമുള്ള സ്ത്രീകൾക്ക് അപേക്ഷിക്കാം. ആദ്യം അപേക്ഷിക്കുന്ന 100 പേർക്ക് ആണ് പരിശീലനം. അപേക്ഷിക്കാനുള്ള അവസാന തിയതി ഡിസംബർ രണ്ട്. കൂടുതൽ വിവരങ്ങൾക്ക്: www.kittsedu.org, ഫോൺ: 0471-2329539.
പി.എൻ.എക്‌സ്. 4034/2020

2020 മാർച്ച് 31ൽ നാല് വർഷമോ അതിൽ കൂടുതലോ നികുതി കുടിശ്ശികയുള്ള വാഹനങ്ങൾക്ക് (2016 ഏപ്രിൽ ഒന്നിനു ശേഷമുള്ള കാലയളവിലേക്ക് നികുതി അടച്ചിട്ടില്ലാത്ത എല്ലാതരം വാഹനങ്ങൾക്കും) ഒറ്റത്തവണ തീർപ്പാക്കൽ പദ്ധതി അനുസരിച്ച് ഡിസംബർ 31 വരെ കുടിശ്ശിക അടയ്ക്കാം. നാല് വർഷമോ അതിൽ കൂടുതലോ കാലം നികുതി കുടിശ്ശിക ഉണ്ടായിരുന്നതും, എന്നാൽ റവന്യൂ റിക്കവറി വഴി ഭാഗീകമായോ പൂർണ്ണമായോ കുടിശ്ശിക ഈടാക്കിയിട്ടുള്ളതുമായ വാഹനങ്ങൾക്കും അവസരം പ്രയോജനപ്പെടുത്താം. കുടിശ്ശിക അടയ്ക്കുന്നതിന് വാഹനവുമായി ബന്ധപ്പെട്ട രേഖകൾ ആവശ്യമില്ല.

പി.എസ്.സി നടത്തുന്ന ഡിപ്പാർട്ടുമെന്റൽ പരീക്ഷയ്ക്ക് പട്ടികജാതി പട്ടികവർഗ വിഭാഗങ്ങളിൽപ്പെട്ട സർക്കാർ ഉദ്യോഗസ്ഥരെ പ്രാപ്തരാക്കുന്നതിനായി ഐ.എം.ജി പ്രത്യേക സൗജന്യ ഓൺലൈൻ പരിശീലനം നടത്തുന്നു. ഓൺലൈൻ പരിശീലനം ജനുവരി ആദ്യവാരം ആരംഭിക്കും.

ലോകായുക്ത ദിനാഘോഷത്തോടനുബന്ധിച്ച്  ഞായറാഴ്ച വൈകുന്നേരം അഞ്ചു മുതൽ ആറു വരെ ഗൂഗിൾ മീറ്റിലൂടെ ഓൺലൈനായി പൊതുയോഗം സംഘടിപ്പിച്ചു. ലോകായുക്ത  ജസ്റ്റിസ് സിറിയക് ജോസഫ്  യോഗത്തിൽ അധ്യക്ഷത വഹിച്ചു. ഉപ ലോകായുക്താമാരായ  ജസ്റ്റിസ് എ കെ ബഷീർ, ജസ്റ്റിസ് ബാബു മാത്യു പി. ജോസഫ്, എന്നിവർ ചടങ്ങിൽ സംസാരിച്ചു. ലോകായുക്ത രജിസ്ട്രാർ ആൻഡ് ജില്ലാ ജഡ്ജി  ജി അനിൽ കുമാർ,  കേരള ലോകായുക്ത അഡ്വക്കേറ്റ്സ് ഫോറം പ്രസിഡന്റ് അഡ്വ. ചെറുന്നിയൂർ പി ശശിധരൻ നായർ, സ്‌പെഷ്യൽ ഗവ: പ്ലീഡർ അഡ്വ. പാതിരിപ്പള്ളി കൃഷ്ണകുമാരി  എന്നിവർ സംസാരിച്ചു. അഭിഭാഷകർ, ഉദ്യോഗസ്ഥർ, പൊതുജനങ്ങൾ എന്നിവർ പങ്കെടുത്തു.
പി.എൻ.എക്‌സ്. 4031/2020

തദ്ദേശ സ്വയംഭരണ തിരഞ്ഞെടുപ്പിനായി പോളിംഗ് ഉദ്യോഗസ്ഥരെ നിയമിക്കുന്നതിന് ഉദ്യോഗസ്ഥരുടെ വിവരങ്ങള്‍ edrop.gov.in എന്ന വെബ്‌സൈറ്റില്‍ നവംബര്‍ 20 നുള്ളില്‍  അപ്‌ലോഡ്  ചെയ്യണം. തദ്ദേശ സ്വയംഭരണ സ്ഥാപന സെക്രട്ടറിമാര്‍ തങ്ങളുടെ അധികാര പരിധിയിലുള്ള എല്ലാ സ്ഥാപനങ്ങളും ഇ ഡ്രോപ്പില്‍ ഉള്‍പ്പെട്ടിട്ടുണ്ടെന്ന് ഉറപ്പ് വരുത്തണമെന്നും നിശ്ചിത പരിധിക്കുള്ളില്‍ കര്‍ശനമായി ഡാറ്റാ എന്‍ട്രി പൂര്‍ത്തിയാക്കണമെന്നും ജില്ലാ കലക്ടര്‍ അറിയിച്ചു.