തദ്ദേശ സ്ഥാപനങ്ങളിലേക്കുള്ള തിരഞ്ഞെടുപ്പ്
കോട്ടയം ജില്ലയില്‍ സമര്‍പ്പിക്കപ്പെട്ട നാമനിര്‍ദ്ദേശ പത്രികകള്‍

(രാത്രി 10.15 വരെ അപ്‌ഡേറ്റ് ചെയത്)

ഇന്ന്(19/11/20) ലഭിച്ചത്
..............

ജില്ലാ പഞ്ചായത്ത്     -137
ബ്ലോക്ക് പഞ്ചായത്തുകള്‍  -  725
ഗ്രാമ പഞ്ചായത്തുകള്‍     -4767
മുനിസിപ്പാലിറ്റികള്‍        - 1204
.............................................
ആകെ                   -  6833

കോട്ടയം ജില്ലാ പഞ്ചായത്ത് തിരഞ്ഞെടുപ്പിനായി സമര്‍പ്പിക്കപ്പെട്ട നാമനിര്‍ദേശ പത്രികകളുടെ വിശദാംശങ്ങള്‍
==================
ആകെ പത്രികകള്‍-203
അവസാന ദിവസമായ ഇന്നലെ(നവംബര്‍ 19) ലഭിച്ചത്- 137

കോട്ടയം ജില്ലാ പഞ്ചായത്തിലേക്ക് മത്സരിക്കുന്നതിനായി സമര്‍പ്പിക്കപ്പെട്ടിട്ടുള്ള നാമനിര്‍ദേശ പത്രികകളുടെ സൂക്ഷ്മ  പരിശോധന ഇന്ന്(നവംബര്‍ 20) രാവിലെ 11 മുതല്‍ ജില്ലാ പഞ്ചായത്ത് ഹാളില്‍ നടക്കും. വരണാധികാരിയായ ജില്ലാ കളക്ടര്‍ എം. അഞ്ജനയാണ് സൂക്ഷ്മപരിശോധന നടത്തുക. ഒന്നുമുതല്‍ 11 വരെ ഡിവിഷനുകളിലെ പത്രികകള്‍ രാവിലെയും 12 മുതല്‍ 22 വരെ ഡിവിഷനുകളിലേത് ഉച്ചകഴിഞ്ഞ് രണ്ടു മുതലുമാണ് പരിശോധിക്കുക. സ്ഥാനാര്‍ഥിക്കും നിര്‍ദേശകനും ഏജന്റിനും മാത്രമാണ് പ്രവേശനം അനുവദിക്കുക.

കോട്ടയം കളക്ടറേറ്റിലും മിനി സിവില്‍ സ്റ്റേഷനുകളിലും മുനിസിപ്പാലിറ്റികളിലും ഇന്ന്(നവംബര്‍ 20) പൊതുജനങ്ങളുടെ  സന്ദര്‍ശനത്തിന് കര്‍ശന നിയന്ത്രണം ഏര്‍പ്പെടുത്തിയതായി ജില്ലാ കളക്ടര്‍ അറിയിച്ചു. വരണാധികാരികളുടെ ഓഫീസുകളില്‍ നാമനിര്‍ദേശ പത്രികകളുടെ സൂക്ഷ്മ പരിശോധന നടക്കുന്ന സാഹചര്യത്തില്‍ കോവിഡ് പ്രതിരോധ നടപടികളുടെ ഭാഗമായി തിരക്ക് ഒഴിവാക്കുന്നതിനായാണ് നിയന്ത്രണം.

=======================================

കോട്ടയം ജില്ലയില്‍  342 പേര്‍ക്കു കൂടി കോവിഡ് സ്ഥിരീകരിച്ചു. 340 പേർക്കും സമ്പര്‍ക്കം മുഖേനയാണ് വൈറസ് ബാധിച്ചത്.  സംസ്ഥാനത്തിനു പുറത്തു നിന്നെത്തിയ   രണ്ടു പേർ രോഗബാധിതരായി. പുതിയതായി 4764 പരിശോധനാഫലങ്ങളാണ് ലഭിച്ചത്. 

രോഗം ബാധിച്ചവരില്‍ 156 പുരുഷന്‍മാരും 143 സ്ത്രീകളും 43 കുട്ടികളും ഉള്‍പ്പെടുന്നു. 60 വയസിനു മുകളിലുള്ള 39 പേര്‍ക്ക് കോവിഡ് സ്ഥിരീകരിച്ചിട്ടുണ്ട്.

തദ്ദേശ സ്വയം ഭരണ സ്ഥാപനങ്ങളിലേക്കുള്ള തിരഞ്ഞെടുപ്പിന്റെ പ്രചാരണ പ്രവര്‍ത്തനങ്ങളില്‍ സ്ഥാനാര്‍ത്ഥികളും രാഷ്ട്രീയ കക്ഷികളും  തിരഞ്ഞെടുപ്പ് കമ്മീഷന്റെ മാര്‍ഗനിര്‍ദേശങ്ങള്‍ പാലിക്കുന്നു എന്ന് ഉറപ്പാക്കുന്നതിനായി താലൂക്ക് തലത്തില്‍ ആന്റി ഡീഫേ്‌സ്‌മെന്റ് സ്‌ക്വാഡുകള്‍ പ്രവര്‍ത്തനമാരംഭിച്ചു. 

======================

പായിപ്പാട് ഗ്രാമപഞ്ചായത്തിലെ 15-ാം വാര്‍ഡ് കോവിഡ് കണ്ടെയ്ന്‍മെന്‍റ് സോണായി പ്രഖ്യാപിച്ച്  കോട്ടയം ജില്ലാ കളക്ടര്‍ എം. അഞ്ജന ഉത്തരവായി.

കോട്ടയം മുനിസിപ്പാലിറ്റി - 5, മാഞ്ഞൂർ ഗ്രാമപഞ്ചായത്ത് - 5 എന്നീ വാർഡുകൾ കണ്ടെയ്ൻമെൻ്റ് സോൺ പട്ടികയിൽ നിന്ന് ഒഴിവാക്കി.

നിലവില്‍ 14 തദ്ദേശഭരണ സ്ഥാപന മേഖലകളിലായി 23  കണ്ടെയ്ന്‍മെന്‍റ് സോണുകളാണുള്ളത്. പട്ടിക ചുവടെ(തദ്ദേശ സ്ഥാപനം, വാര്‍ഡ് എന്ന ക്രമത്തില്‍)

മുനിസിപ്പാലിറ്റികള്‍
=========

1.കോട്ടയം  -   33, 38, 47, 3

2. ചങ്ങനാശേരി -  31

3. ഈരാറ്റുപേട്ട -  21, 22, 23

=======
തദ്ദേശസ്വയംഭരണ സ്ഥാപനങ്ങളിലേക്കുള്ള തിരഞ്ഞെടുപ്പിനായി സമര്‍പ്പിക്കപ്പെട്ട നാമനിര്‍ദേശ പത്രികകളുടെ സൂക്ഷ്മ പരിശോധന ഇന്ന്(നവംബര്‍ 20) നടക്കും. കോവിഡ് പ്രോട്ടോക്കോള്‍ പാലിച്ച് അതത് തദ്ദേശ സ്ഥാപനങ്ങളിലെ വരണാധികാരികളാണ്  സൂക്ഷ്മ പരിശോധന നടത്തുക. 

സംസ്ഥാന തിരഞ്ഞെടുപ്പ് കമ്മീഷന്‍റെ നിര്‍ദേശപ്രകാരം ജില്ലയിലെ എല്ലാ കേന്ദ്രങ്ങളിലും ഇതിനുള്ള ക്രമീകരണങ്ങള്‍ ഏര്‍പ്പെടുത്തിയിട്ടുണ്ട്. 
സൗകര്യപ്രദവും വായുസഞ്ചാരമുളളതുമായ ഹാളുകളാണ് സൂക്ഷ്മ പരിശോധനയ്ക്കായി സജ്ജമാക്കിയിട്ടുള്ളത്. പരിശോധനയ്ക്ക് മുന്നോടിയായി ഹാളുകള്‍ അണുവിമുക്തമാക്കും.  

തദ്ദേശ ഭരണ സ്ഥാപന തിരഞ്ഞെടുപ്പുമായി ബന്ധപ്പെട്ട് വരണാധികള്‍ക്കും ഉപവരണാധികള്‍ക്കുമുള്ള സംശയങ്ങള്‍ ദൂരീകരിക്കുന്നതിന് കളക്ടറേറ്റിൽ ഹെല്‍പ്പ് ഡസ്‌ക് രൂപീകരിച്ചു.

ജില്ലാതല മാസ്റ്റര്‍ മാസ്റ്റര്‍ ട്രെയിനര്‍മാരായ കെ. ബാബുരാജ്, സി.ആര്‍ പ്രസാദ് , കെ. എ തോമസ് എന്നിവര്‍ക്കാണ് ഹെല്‍പ്പ് ഡസ്‌കിന്റെ ചുമതല.  സാങ്കേതിക വിവരങ്ങളുമായി ബന്ധപ്പെട്ട സംശയ നിവാരണ പ്രവര്‍ത്തനങ്ങളുടെ മേല്‍നോട്ടത്തിന് അക്ഷയ ജില്ലാ പ്രോജക്ട് മാനേജര്‍ കെ. ധനേഷിനെയാണ് നിയോഗിച്ചിട്ടുള്ളത്.