ജില്ലയില്‍ നവംബര്‍ 19 വ്യാഴാഴ്ച  337 പേര്‍ക്ക് കൊവിഡ് ബാധ സ്ഥിരീകരിച്ചു. 314 പേര്‍ക്ക് സമ്പര്‍ക്കം മൂലമാണ് രോഗബാധ. 11 പേര്‍ ഇതര സംസ്ഥാനങ്ങളില്‍ നിന്നെത്തിയവരും രണ്ട് പേർ വിദേശത്ത് നിന്നെത്തിയവരും 10 പേര്‍ ആരോഗ്യ പ്രവര്‍ത്തകരുമാണ്.

തദ്ദേശ ഭരണ സ്ഥാപനങ്ങളിലേക്ക് നടക്കുന്ന തെരഞ്ഞെടുപ്പ് പൂര്‍ണ്ണമായും ഹരിത പെരുമാറ്റച്ചട്ടമനുസരിച്ച് നടപ്പാക്കുന്ന സ്വീകരണ/ വിതരണ/ വോട്ടെണ്ണല്‍ കേന്ദ്രങ്ങള്‍ക്ക് ശുചിത്വമിഷന്‍ അംഗീകാരപത്രം നല്‍കും.  ഹരിത പെരുമാറ്റച്ചട്ടങ്ങള്‍ പൂര്‍ണ്ണമായും പാലിക്കുന്ന ജില്ലയിലെ അഞ്ച് സ്വീകരണ/ വിതരണ/ വോട്ടെണ്ണല്‍ കേന്ദ്രങ്ങള്‍ക്കാണ് അംഗീകാരപത്രം നല്‍കുക.
ജില്ലാ തലത്തില്‍ രൂപീകരിക്കുന്ന പരിശോധനാ സംഘം  കേന്ദ്രങ്ങള്‍ സന്ദര്‍ശിച്ച് വിലയിരുത്തും. തെരഞ്ഞെടുപ്പ് കമ്മീഷന്റെ നിര്‍ദേശങ്ങളും, ശുചിത്വമിഷന്‍ എക്‌സിക്യൂട്ടീവ് ഡയറക്ടര്‍ പ്രസിദ്ധീകരിച്ച ഹരിത പെരുമാറ്റച്ചട്ടവുമനുസരിച്ചാണ് വിലയിരുത്തല്‍

കോഴിക്കോട് ഗവൺമെന്റ് ലോ കോളേജിൽ 2020-21 അധ്യായന വർഷത്തിൽ ത്രിവത്സര, പഞ്ചവത്സര എൽ.എൽ.ബി കോഴ്‌സുകളിൽ സാമ്പത്തികമായി പിന്നാക്ക വിഭാഗത്തിൽ  (EWS)  ഒഴിഞ്ഞു കിടക്കുന്ന സീറ്റുകളിലേക്ക് 25ന് രാവിലെ 11ന് സ്‌പോട്ട് അഡ്മിഷൻ നടക്കും. പ്രോസ്‌പെക്ടസ് അനുസരിച്ചുളള എല്ലാ രേഖകളും സർട്ടിഫിക്കറ്റുകളും പ്രവേശനസമയത്ത് ഹാജരാക്കണം. പ്രവേശന പരീക്ഷാ കമ്മീഷണർ പ്രസിദ്ധപ്പെടുത്തിയിട്ടുളള റാങ്ക് ലിസ്റ്റിൽ ഉൾപ്പെട്ടവരും ഇതു വരെ പ്രവേശനം ലഭിച്ചിട്ടില്ലാത്തതുമായ വിദ്യാർത്ഥികൾ മാത്രമേ സ്‌പോട്ട് അഡ്മിഷന് പങ്കെടുക്കാൻ പാടുളളൂ. ഫോൺ: 0495 2730680.
പി.എൻ.എക്‌സ്. 4091/2020

തിരുവനന്തപുരം ഗവൺമെന്റ് കോളേജ് ഓഫ് ടീച്ചർ എഡ്യൂക്കേഷനിൽ ദ്വിവത്സര എം.എസ് കോഴ്‌സിലേക്ക് പട്ടിക വർഗ്ഗ വിഭാഗത്തിൽ ഒരു സീറ്റ് ഒഴിവുണ്ട്. അർഹരായ വിദ്യാർത്ഥികൾ 24ന് ഉച്ചക്ക് ഒന്നിന് മുൻപ് കോളേജിൽ അപേക്ഷ സമർപ്പിക്കണം. അപേക്ഷാ ഫോറം കോളേജ് ഓഫീസിൽ നിന്നും രാവിലെ പത്ത് മുതൽ ഉച്ചയ്ക്ക് രണ്ട് വരെ വിതരണം ചെയ്യും. വില 55 രൂപ. ഫോൺ: 0471 2323964.
പി.എൻ.എക്‌സ്. 4090/2020

സെന്റർ ഫോർ കണ്ടിന്യൂയിംഗ് എജ്യൂക്കേഷൻ കേരളയുടെ മേൽനോട്ടത്തിൽ പ്രവർത്തിക്കുന്ന സ്വാശ്രയ കോളേജായ മൂന്നാർ എൻജിനിയറിങ് കോളേജിൽ ബി.ടെക് കോഴ്‌സുകളിലേക്ക് സ്‌പോട്ട് അഡ്മിഷൻ നടത്തുന്നു. കമ്പ്യൂട്ടർ സയൻസ് ആന്റ് എൻജിനിയറിങ്, ഇലക്ട്രിക്കൽ ആന്റ് ഇലക്‌ട്രോണിക്‌സ് എൻജിനിയറിങ്, ഇലക്‌ട്രോണിക്‌സ് ആന്റ് കമ്മ്യൂണിക്കേഷൻ എൻജിനിയറിങ്, മെക്കാനിക്കൽ എൻജിനിയറിങ് എന്നീ ഒന്നാം വർഷ കോഴ്‌സുകളിൽ ഒഴിവുളള മെരിറ്റ് മാനേജ്‌മെന്റ് സീറ്റുകളിലേക്ക് കീം 2020 യോഗ്യത നേടിയവർക്ക് പങ്കെടുക്കാം.

കൈറ്റ് വിക്ടേഴ്‌സിൽ ഫസ്റ്റ് ബെൽ ഡിജിറ്റൽ ക്ലാസുകളുടെ ഭാഗമായി ഇന്നും നാളെയും (നവംബർ 21, 22) പുതിയ ക്ലാസുകൾ സംപ്രേഷണം ചെയ്യും.  ശനിയാഴ്ച്ച അഞ്ച്, ആറ്, ഏഴ് ക്ലാസുകളിലെ കേരള പാഠാവലി, അറബിക്, സംസ്‌കൃതം, ഉറുദു, ഐസിടി ക്ലാസുകളാണ് സംപ്രേഷണം ചെയ്യുന്നത്.  രണ്ട് ദിവസവും രാവിലെ 10.30-ന് 'ഹലോ ഇംഗ്ലീഷും' 11 മണിക്ക് ശനിയാഴ്ച്ച ലിറ്റിൽ കൈറ്റ്‌സ് എക്‌സ്‌പേർട്ട് ക്ലാസ് വിഭാഗത്തിൽ 'സൈബർ സ്‌പേസിലെ വ്യാജവാർത്തകൾ' എന്ന വിഷയത്തെക്കുറിച്ച് മിർ മുഹമ്മദ് ഐ.എ.എസിന്റെ ക്ലാസും, ഞായറാഴ്ച്ച സ്‌ക്രാച്ച് പ്രോഗ്രാമിംഗ് ക്ലാസും ഉണ്ടായിരിക്കും.

സ്‌കോൾ-കേരള മുഖേനെയുളള 2020-22 ബാച്ച് ഒന്നാം വർഷ ഹയർ സെക്കണ്ടറി കോഴ്‌സുകളുടെ പ്രവേശന തിയതി ദീർഘിപ്പിച്ചു. പിഴയില്ലാതെ 30 വരെയും, 60 രൂപ പിഴയോടെ ഡിസംബർ എട്ട് വരെയും ഫീസടച്ച് രജിസ്റ്റർ ചെയ്യാം. ഓൺലൈൻ രജിസ്‌ട്രേഷനും മാർഗ്ഗനിർദ്ദേശങ്ങൾക്കും www.scolekerala.org  സന്ദർശിക്കുക. ഓൺലൈൻ രജിസ്‌ട്രേഷൻ നടത്തിയശേഷം അപേക്ഷയുടെ പ്രിന്റൗട്ടും അനുബന്ധ രേഖകളും രണ്ട് ദിവസത്തിനകം എക്‌സിക്യൂട്ടീവ് ഡയറക്ടർ, സ്‌കോൾ-കേരള, വിദ്യാഭവൻ, പൂജപ്പുര പി.ഒ, തിരുവനന്തപുരം 12 എന്ന വിലാസത്തിൽ സ്പീഡ്/രജിസ്റ്റേർഡ് തപാൽ മാർഗ്ഗം അയച്ചുതരണം.

കേരളപ്പിറവി ദിനത്തോടനുബന്ധിച്ച് തൃശൂർ ജില്ലാ ഇൻഫർമേഷൻ ഓഫീസ് സ്‌കൂൾ വിദ്യാർഥികൾക്കും സർക്കാർ ജീവനക്കാർക്കുമായി നടത്തിയ ഉപന്യാസ മത്സരങ്ങളുടെ ഫലം പ്രഖ്യാപിച്ചു. സ്‌കൂൾ വിദ്യാർഥികൾക്കായി നടത്തിയ ഉപന്യാസ മത്സരത്തിൽ (വിഷയം: അമ്മ മലയാളം) അലീന ബാബു (സെന്റ് ജോസഫ്സ് എച്ച് എസ് എസ്, മേലൂർ), സോന റോസ് ജെയ്സൺ (എൽ എഫ് സി ജി എച്ച് എസ് എസ്, മമ്മിയൂർ), ജയേന്ദു കെ എസ് (സാന്ദീപനി വിദ്യാനികേതൻ) എന്നിവർ യഥാക്രമം ഒന്നും രണ്ടും മൂന്നും സ്ഥാനങ്ങൾ നേടി.

സംസ്ഥാന ന്യൂനപക്ഷ ക്ഷേമ വകുപ്പിന് കീഴില്‍ കൊടുങ്ങല്ലൂരില്‍ പ്രവര്‍ത്തിക്കുന്ന മത്സര പരീക്ഷ പരിശീലന കേന്ദ്രമായ കോച്ചിംഗ് സെന്റര്‍ ഫോര്‍ മൈനോരിറ്റി  യൂത്ത്‌സ് എന്ന സ്ഥാപനത്തില്‍ അഡ്മിഷന്‍ ആരംഭിച്ചു. 2021 ജനുവരി ഒന്നിന് ആരംഭിക്കുന്ന പുതിയ റെഗുലര്‍, ഹോളിഡേ ബാച്ചിലേക്കാണ് അഡ്മിഷന്‍ ആരംഭിച്ചത്.
സൗജന്യമായി നടത്തുന്ന പരിശീലനത്തിന് പി എസ് സി, യു പി എസ് സി, പരീക്ഷയ്ക്ക് തയ്യാറെടുക്കുന്ന 18 വയസ്സ് പൂര്‍ത്തിയായവര്‍ക്ക് അപേക്ഷിക്കാം.