പയ്യോളി നഗരസഭയില്‍ 123 പേരാണ് മത്സര രംഗത്തുളളത്. 36 വാര്‍ഡുകളിലായി 57 പുരുഷന്മാരും 66 പേര്‍ സ്ത്രീകളുമാണ് സ്ഥാനാര്‍ത്ഥികളായി ഉള്ളത്. 81 പത്രികകള്‍ പിന്‍വലിച്ചു. 

ഫറോക്ക് മുനിസിപ്പാലിറ്റിയിൽ ഇത്തവണ 38 ഡിവിഷനുകളിലായി 123 സ്ഥാനാർത്ഥികളാണ് മത്സരിക്കുന്നത്. ഫറോക്ക് മുൻസിപ്പാലിറ്റിയിൽ 68 പുരുഷന്മാരും 55 സ്ത്രീകളുമാണ് സ്ഥാനാർത്ഥി പട്ടികയിലുള്ളത്.

മുക്കം മുൻസിപ്പാലിറ്റിയിൽ 119 സ്ഥാനാർത്ഥികളാണ് ഇത്തവണ തെരഞ്ഞെടുപ്പ് ചൂടിലേക്കിറങ്ങാൻ തയ്യാറായിരിക്കുന്നത്. 33 ഡിവിഷനുകളിലായി ഇതിൽ 66 പുരുഷന്മാരും 53 സ്ത്രീകളുമാണ് മത്സരിക്കുന്നത്.

കുന്ദമംഗലം ബ്ലോക്കിൽ നിന്നും 19 ഡിവിഷനുകളിൽ നിന്നായി 68 സ്ഥാനാർത്ഥികളാണ് മത്സരിക്കുന്നത്. 

കുന്ദമംഗലം ബ്ലോക്കിനെ കാരശ്ശേരി, കുമാരനെല്ലൂർ, പന്നിക്കോട്, ചെറുവാടി, കട്ടാങ്ങൽ, മാവൂർ, ചെറൂപ്പ, കുറ്റിക്കാട്ടൂർ, ചെറുകുളത്തൂർ, പുവ്വാട്ടുപറമ്പ, പെരുമണ്ണ, പയ്യടി മീത്തൽ, കുരുവട്ടൂർ, പൈങ്ങോട്ടുപുറം, ചാത്തമംഗലം, കൊടിയത്തൂർ, പോലൂർ, ചെത്തു കടവ്, കുന്ദമംഗലം എന്നിങ്ങനെയാണ്  ഡിവിഷനുകൾ തിരിച്ചിരിക്കുന്നത്.

ഇതിൽ 32 പുരുഷന്മാരും 36 സ്ത്രീകളുമാണ് മത്സരിക്കുന്നത്.

കോഴിക്കോട് ബ്ലോക്കിൽ 13 ഡിവിഷനുകളിൽ നിന്നായി ഇത്തവണ 37 സ്ഥാനാർത്ഥികളാണ് അങ്കത്തട്ടിലേക്കിറങ്ങുന്നത്. കോഴിക്കോട് ബ്ലോക്കിൽ ഇരിങ്ങല്ലൂർ, പാലാഴി, പന്തീരങ്കാവ്, കൊടൽ നടക്കാവ്, മണക്കടവ്, ഒളവണ്ണ, ഒടുമ്പ്ര, ചാലിയം, വടക്കുമ്പാട്, മണ്ണൂർ, കടലുണ്ടി, വട്ടപറമ്പ, കടുക്ക ബസാർ ഡിവിഷനുകളാണുള്ളത്. ഇതിൽ 16 പുരുഷന്മാരും 21 സ്ത്രീകളുമാണ് ഉള്ളത്.

തദ്ദേശ തെരഞ്ഞെടുപ്പുമായി ബന്ധപ്പെട്ട  മുന്നൊരുക്കങ്ങൾ ജില്ലകലക്ടറും ജില്ലാ വരണാധികാരിയുമായ സാംബശിവ റാവുവിന്റെ നേതൃത്വത്തിൽ  വിലയിരുത്തി. തെരെഞ്ഞെടുപ്പ് നിരീക്ഷകൻ ജി. ഗോകുൽ സന്നിഹിതനായി. 

തെരഞ്ഞെടുപ്പ് നടപടികളുടെ പുരോഗതി യോഗം അവലോകനം ചെയ്തു. 

കലക്ടറുടെ ചേമ്പറിൽ നടന്ന യോഗത്തിൽ എഡിഎം റോഷ്നി നാരായൺ, ,  പോലീസ് കമ്മീഷണർ എ. വി ജോർജ്, സബ്  കലക്ടർ ജി പ്രിയങ്ക, അസിസ്റ്റന്റ് കലക്ടർ ശ്രീധന്യ സുരേഷ്, പഞ്ചായത്ത് ഡെപ്യുട്ടി ഡയറക്ടർ ഷാജി ജോസഫ് തുടങ്ങിയവർ പങ്കെടുത്തു.

എറണാകുളം : ജില്ലയിലെ സ്വകാര്യ ലാബുകളിലും ആശുപത്രികളിലും കോവിഡ് പരിശോധന നടത്തുന്നതിനുള്ള നിരക്ക് പുനഃനിർണയിച്ചു കൊണ്ട് ജില്ലാ ദുരന്ത നിവാരണഅതോറിറ്റി ചെയർമാൻ കൂടിയായ ജില്ലാ കളക്ടർ ഉത്തരവിറക്കി. പുതുക്കിയ നിരക്ക് പ്രകാരം ആർ. ടി. പി. സി. ആർ പരിശോധനക്ക് 2100 രൂപയും ട്രൂ നാറ്റ് പരിശോധനക്ക് 2100 രൂപയും ആന്റിജൻ പരിശോധനക്ക് 625രൂപയും ജീൻ എക്സ്പെർട്ട് പരിശോധനക്ക് 2500 രൂപയും ഈടാക്കാൻ സാധിക്കു. സ്വാബ്ബിങ് ചാർജ്, പി. പി. ഇ കിറ്റ് ചാർജ് തുടങ്ങിയവ  ഉൾപ്പടെയാണ് ഈ തുക.

അനധികൃത മദ്യ ഉത്പാദനവും വില്‍പ്പനയും നിയന്ത്രിച്ച് നടപടി സ്വീകരിക്കുന്നതിനായി എക്‌സൈസ്, പോലീസ്, റവന്യൂ വകുപ്പുകള്‍  സംയുക്തമായി ജില്ലയുടെ അതിര്‍ത്തി പ്രദേശങ്ങള്‍ ഉള്‍പ്പെടെയുള്ള സ്ഥലങ്ങള്‍ കേന്ദ്രീകരിച്ച് വ്യാപകമായ പരിശോധന നടത്തും. ജില്ലാ കലക്ടര്‍ ഡി. ബാലമുരളിയുടെ അധ്യക്ഷതയില്‍ തിരഞ്ഞെടുപ്പ് ക്രമസമാധാനപാലനവുമായി ബന്ധപ്പെട്ട് കലക്ടറേറ്റില്‍ ചേര്‍ന്ന ജില്ലാതല ഉദ്യോഗസ്ഥരുടെ യോഗത്തിലാണ് തീരുമാനം.

തിരഞ്ഞെടുപ്പ് പ്രചരണത്തിനായി സ്ഥാനാര്‍ഥികള്‍ക്ക് മൈക്ക് അനുവദിക്കുന്നതിന് ഡി.വൈ.എസ്.പി. ഓഫീസില്‍ നേരിട്ട് അപേക്ഷ സമര്‍പ്പിക്കാമെന്ന് യോഗത്തില്‍ അറിയിച്ചു.

കോവിഡ് 19 ബാധിതരായി ജില്ലയില്‍ നിലവില്‍ 4771 പേരാണ് ചികിത്സയിലുള്ളത്.  ഇന്ന് (നവംബർ 24) ജില്ലയില്‍ 453 പേര്‍ക്കാണ് രോഗം സ്ഥിരീകരിച്ചത്. ഇന്ന് 131 പേരെ ആശുപത്രിയില്‍ പ്രവേശിപ്പിക്കുകയും ചെയ്തു.  

ഇതുവരെ 89482 സാമ്പിളുകള്‍ പരിശോധനയ്ക്കായി അയച്ചതില്‍ 88090 പരിശോധനാ ഫലങ്ങളാണ് ലഭ്യമായത്. ഇന്ന് 320 പരിശോധനാ ഫലങ്ങളാണ് ലഭിച്ചത്. പുതുതായി 328 സാമ്പിളുകൾ അയച്ചു. 36076 പേർക്കാണ് ഇതുവരെ  പരിശോധനാഫലം പോസിറ്റീവായത്. ഇതുവരെ 30876 പേർ രോഗമുക്തി നേടി. 

തദ്ദേശ തിരഞ്ഞെടുപ്പുമായി ബന്ധപ്പെട്ട് പൊതു സ്ഥലങ്ങളില്‍ അനധികൃതമായി പ്രചാരണ സാമഗ്രികള്‍ ഉപയോഗിക്കുന്നത് നീക്കം ചെയ്യുന്നതിനും നടപടി സ്വീകരിക്കുന്നതിനുമായി ജില്ലാതലത്തില്‍ ഏഴ് ആന്റി ഡീഫേസ്‌മെന്റ് സ്‌ക്വാഡുകള്‍ രൂപീകരിച്ചു. ജില്ലാതലത്തില്‍ ഒന്നും താലൂക്കടിസ്ഥാനത്തില്‍ ആറും ഉള്‍പ്പടെയാണ് ഏഴ് സ്‌ക്വാഡുകള്‍ രൂപീകരിച്ചത്. സ്‌ക്വാഡുകള്‍ ഇന്ന് (നവംബര്‍ 24) മുതല്‍ പ്രവര്‍ത്തനമാരംഭിക്കും. 

 പൊതുജനങ്ങള്‍ താഴെപ്പറയുന്ന നമ്പറുകളിലാണ് പരാതികള്‍ അറിയിക്കേണ്ടത്.