ജില്ലാ എംപ്ലോയ്്‌മെന്റ് എക്‌സ്‌ചേഞ്ചിന്റെ കീഴിലുളള എംപ്ലോയബിലിറ്റി സെന്ററില്‍ മേയ് നാലിന് രാവിലെ 10.30 ന് സ്വകാര്യ മേഖലയിലെ ഒഴിവുകളി ലേക്ക് അഭിമുഖം നടത്തും. നിലവില്‍ എംപ്ലോയബിലിറ്റി സെന്ററില്‍ ആജീവാനന്ത രജി സ്‌ട്രേഷന്‍ നടത്തിയിട്ടുളളവര്‍ക്ക് കൂടിക്കാഴ്ചയ്ക്ക് പങ്കെടുക്കാം. രജിസ്‌ട്രേഷന്‍ നടത്തിയിട്ടി ല്ലാത്ത പങ്കെടുക്കാന്‍ താല്‍പര്യമുളളവര്‍ക്ക് ബന്ധപ്പെട്ട സര്‍ട്ടിഫിക്കറ്റുകളുടെയും തിരിച്ചറിയല്‍ കാര്‍ഡിന്റെയും പകര്‍പ്പ് സഹിതം 250 രൂപ ഫീസ് അട ച്ച് രജിസ്‌ട്രേഷന്‍ നടത്തി.ഇന്റര്‍വ്യൂന് പങ്കെടുക്കാം. ഫോണ്‍: 9207155700,04994 297470

യൂണിവേഴ്‌സിറ്റി അസിസ്റ്റന്റ് പരീക്ഷയ്ക്ക് അപേക്ഷിച്ചിട്ടുളള ജില്ലയിലെ കാസര്‍കോട്, മഞ്ചേശ്വരം താലൂക്കുകളിലെ ബിരുദധാരികളായ ഉദ്യോഗാര്‍ത്ഥികള്‍ക്കായി ജില്ലാ എംപ്‌ളോയ്‌മെന്റ് എക്‌സ്‌ചേഞ്ചിന്റെ ആഭിമുഖ്യത്തില്‍ 30 ദിവസത്തെ സൗജന്യ കോച്ചിംഗ് ക്‌ളാസ് നടത്തും.  കോച്ചിംഗ് ക്‌ളാസില്‍ പങ്കെടുക്കാന്‍ താത്പര്യമുളള ഉദ്യോഗാര്‍ത്ഥികള്‍ മേയ് 10 നകം ജില്ലാ എംപ്‌ളോയ്‌മെന്റ് എക്‌സ്‌ചേഞ്ചില്‍ അപേക്ഷ നല്‍കണം.  യൂനിവേഴ്‌സിറ്റി അസിസ്റ്റന്റ് പരീക്ഷയ്ക്ക് അപേക്ഷിച്ച ഉദ്യോഗാര്‍ത്ഥികളുടെ അഭാവത്തില്‍ പരീക്ഷയ്ക്ക് അപേക്ഷിക്കാത്ത ഉദ്യോഗാര്‍ത്ഥികളെയും പരിഗണിക്കും.  ഫോണ്‍- 04994 255582.

കേരള മീഡിയ അക്കാദമി കൊച്ചി സെന്ററില്‍ ആരംഭിക്കുന്ന ഫോട്ടോ ജേര്‍ണലിസം കോഴ്‌സിനുള്ള അപേക്ഷകള്‍ അയയ്ക്കാനുള്ള തീയതി മേയ് 6 വരെ നീട്ടി. അടിസ്ഥാന യോഗ്യത പ്ലസ് ടു. കോഴ്‌സ് കാലാവധി മൂന്നുമാസം. സര്‍ക്കാര്‍ അംഗീകാരമുള്ള കോഴ്‌സിന് 25,000 രൂപയാണ് ഫീസ്.  30 സീറ്റുകള്‍ വരെ ഒഴിവുണ്ടാകും. അപേക്ഷാ ഫോറം അക്കാദമി വെബ്‌സൈറ്റായ www.keralamediaacademy.org ല്‍ നിന്നു ഡൗണ്‍ലോഡ് ചെയ്ത് സെക്രട്ടറി, കേരള മീഡിയ അക്കാദമി, കാക്കനാട്, കൊച്ചി-30 എന്ന വിലാസത്തില്‍ അപേക്ഷിക്കണം.  അപേക്ഷയോടൊപ്പം സര്‍ട്ടിഫിക്കറ്റുകളുടെ പകര്‍പ്പും വയ്ക്കണം.

പൊതുമേഖലാസ്ഥാപനമായ കെല്‍ട്രോണിന്റെ തിരുവനന്തപുരത്തുള്ള വഴുതക്കാട് നോളജ്‌സെന്ററിലേക്ക് എസ്എസ്എല്‍സി, പ്ലസ് ടു, ഐടിഐ, വിഎച്ച്എസ്ഇ, ഡിഗ്രി,ഡിപ്ലോമ പാസായവരില്‍ നിന്നും  ഒട്ടനവധി തൊഴില്‍ സാധ്യതകളുള്ള വിവിധ ആനിമേഷന്‍, മള്‍ട്ടീമീഡിയ കോഴ്‌സുകളിലേയ്ക്ക് അപേക്ഷ ക്ഷണിച്ചു. ഗ്രാഫിക്ക് ഡിസൈനിംഗ്, ആനിമേഷന്‍, മള്‍ട്ടീമീഡിയ എന്നീ മേഖലകളിലെ മികച്ച അവസരങ്ങള്‍ കണക്കിലെടുത്താണ് പൊതുമേഖലാ സ്ഥാപനമായ കെല്‍ട്രോണ്‍ വര്‍ഷങ്ങളായി ആനിമേഷന്‍, മള്‍ട്ടീമീഡിയ കോഴ്‌സുകള്‍ വിജയകരമായി നടത്തിവരുന്നത്. വിശദവിവരങ്ങള്‍ക്ക്: നമ്പര്‍: 0471 2325154, 4016555.    

ജില്ലയില്‍ 1277 അധ്യാപകര്‍ പരിശീലനം പൂര്‍ത്തിയാക്കി

സംസ്ഥാനത്തെ ഒന്നു മുതല്‍ പന്ത്രണ്ടുവരെ ക്ലാസുകളില്‍ പഠിപ്പിക്കുന്ന മുഴുവന്‍ അധ്യാപരകര്‍ക്കും കേരള ഇന്‍ഫ്രാസ്ടക്ചര്‍ ആന്റ് ടെക്‌നോളി ഫോര്‍ എഡ്യൂക്കേഷന്റെ (കൈറ്റ്) നേതൃത്വത്തില്‍ നാലു ദിവസത്തെ ഐസിടി പരിശീലനം നല്‍കുന്ന പദ്ധതിയുടെ ഒന്നാം ബാച്ച് ജില്ലയില്‍ പൂര്‍ത്തിയായി.  പ്രൈമറി-അപ്പര്‍ പ്രൈമറി വിഭാഗങ്ങളിലെ 1277 അധ്യാപകരാണ് 46 പരിശീലന കേന്ദ്രങ്ങളിലായി പരിശീലനം പൂര്‍ത്തിയാക്കിയത്.

ജില്ലയില്‍ വേനല്‍മഴ പെയ്തതോടുകൂടി മഴക്കാലരോഗങ്ങള്‍ക്ക് സാധ്യത. കഴിഞ്ഞ ദിവസം വെള്ളരിക്കുണ്ട് ഭാഗത്ത് ഡെങ്കുപ്പനി സ്ഥിരീകരിച്ച  സാഹചര്യത്തില്‍ മലയോര പ്രദേശങ്ങളില്‍ താമസിക്കുന്നവര്‍  വളരെ ശ്രദ്ധിക്കേണ്ടതാണെന്നു ജില്ലാ മെഡിക്കല്‍ ഓഫീസര്‍ അറിയിച്ചു. റബര്‍, കവുങ്ങ്(കമുക്) തോട്ടങ്ങളിലെ ചിരട്ട, പാള മുതലായവ വെള്ളം കെട്ടിനിന്ന് കൊതുകു വളരാനുള്ള  സാഹചര്യം ഉള്ളതായാണ് ആരോഗ്യവകുപ്പിന്റെ പരിശോധനയില്‍ കണ്ടെത്തിയിരിക്കുന്നത്.

ദേശീയ ചുഴലിക്കാറ്റ് അപകടസാധ്യത ലഘൂകരണ പദ്ധതിയുടെ (എന്‍സിആര്‍എംപി) ഭാഗമായി ജില്ലാതല ദുരന്തനിവാരണ അതോറിറ്റി ആരോഗ്യ വകുപ്പിന്റെ സഹായത്തോടെ ദുരന്തനിവാരണ പരിശീലനം സംഘടിപ്പിച്ചു. കളക്ടറേറ്റ് മിനികോണ്‍ഫറന്‍സ് ഹാളില്‍ സംഘടിപ്പിച്ച പരിശീലന പരിപാടി എഡിഎം:സി ബിജു ഉദ്ഘാടനം ചെയ്തു. ഡിസാസ്റ്റര്‍ മാനേജ്‌മെന്റ് മേഖലയില്‍ ഫലപ്രദമായ മുന്നൊരുക്കങ്ങള്‍ നടത്തുന്നതിലാണു കേരളത്തിനു പ്രകൃതി ദുരന്തങ്ങളെ കാര്യക്ഷമമായി നേരിടാന്‍ സാധിക്കുന്നതെന്ന് അദ്ദേഹം പറഞ്ഞു. ദുരന്ത നിവാരണ പ്രക്രിയകളില്‍ സ്റ്റാന്റേഡ് ഓപ്പറേഷന്‍ പ്രൊസീജര്‍ തയ്യാറാക്കുന്നതിനു ദുരന്തനിവാരണ പരിശീലനങ്ങള്‍ക്കു സാധിക്കുമെന്നും അദ്ദേഹം പറഞ്ഞു. 

കാസര്‍കോട് ജില്ലയെ വരള്‍ച്ചയില്‍ നിന്ന് മോചിപ്പിക്കുന്നതിനുള്ള ജില്ലാ ഭരണകൂടത്തിന്റെ പ്രവര്‍ത്തനങ്ങള്‍ ശ്രദ്ധേയമാകുന്നു. ദാഹമകറ്റാന്‍ വെള്ളത്തിനായി പരക്കംപായുന്ന നിരവധി കുടുംബങ്ങള്‍ക്ക് അനുഗ്രഹമായി ജില്ലാ കളക്ടര്‍ ഡോ ഡി സജിത്ത് ബാബുവിന്റെ നേതൃത്വത്തില്‍ നിരവധി പ്രവര്‍ത്തങ്ങളാണ് നടത്തുന്നത്. 

കാസര്‍കോട് വികസന പാക്കേജില്‍ ജല സംരക്ഷണ പ്രവര്‍ത്തനങ്ങള്‍ക്ക് മുന്‍ഗണന നല്‍കുമെന്ന് ജില്ലാ കളക്ടര്‍ ഡോ.സജിത് ബാബു പറഞ്ഞു. കളക്ടറേറ്റില്‍ ചേര്‍ന്ന ജില്ലയിലെ ജലസംരക്ഷണ പ്രവര്‍ത്തനങ്ങുടെയും നദീതതട വികസനപദ്ധതികളുടെയും അവലോകന യോഗത്തില്‍ സംസാരിക്കുകയായിരുന്നു കളക്ടര്‍. 

    പൂലന്തറ-തിട്ടയത്തുകോണം-മത്തനാട്-പിരപ്പന്‍കോട് റോഡില്‍ കലുങ്കിന്റെ നിര്‍മാണം നടക്കുന്നതിനാല്‍ ഇന്ന് (മേയ് 1) മുതല്‍ ഒരു മാസം ഇതുവഴിയുള്ള ഗതാഗതം നിരോധിച്ചതായി പൊതുമരാമത്ത് വകുപ്പ് എക്‌സിക്യൂട്ടീവ് എന്‍ജിനീയര്‍ അറിയിച്ചു.  കിണറ്റുമുക്ക് നിന്നും പൂലന്തറ, പോത്തന്‍കോട് ഭാഗത്തേയ്ക്ക് പോകേണ്ട വാഹനങ്ങള്‍ വേളാവൂര്‍ വഴി പോത്തന്‍കോട്-വെഞ്ഞാറമൂട് ബൈപ്പാസ് റോഡ് വഴി പോകണം. പോത്തന്‍കോട്, പൂലന്തറ നിന്നും കിണറ്റുമുക്ക് പോകേണ്ട വാഹനങ്ങള്‍ പോത്തന്‍കോട്-വെഞ്ഞാറമൂട് ബൈപ്പാസ് റോഡ് വഴി വേളാവൂര്‍ വന്നു പോകേണ്ടതാണെന്നും അറിയിപ്പില്‍ പറയുന്നു.                        (പി.ആര്‍.പി. 531/2019)