ചികിത്സകര്‍ രോഗികളോട് അനുകമ്പയുള്ളവരാകണമെന്ന് കേരള ആരോഗ്യ ശാസ്ത്ര സര്‍വ്വകലാശാല വൈസ് ചാന്‍സലര്‍ ഡോ. എം.കെ.സി. നായര്‍ പറഞ്ഞു. സര്‍വ്വകലാശാലയുടെ പത്താമത് ബിരുദദാനം നിര്‍വ്വഹിച്ച് സംസാരിക്കുകയായിരുന്നു അദ്ദേഹം. ആരോഗ്യ വിദ്യാഭ്യാസ രീതിശാസ്ത്രത്തിനും, വൈദ്യശാസ്ത്ര ഗവേഷണങ്ങള്‍ക്കും വലിയ പ്രാധാന്യമാണ് സര്‍വ്വകലാശാല നല്‍കുന്നതെന്നും, മികവുറ്റ പഠന സൗകര്യങ്ങള്‍ ഒരുക്കുന്നത് കര്‍ശന നിഷ്‌കര്‍ഷയാണ് പുലര്‍ത്തുന്നതെന്നും അദ്ദേഹം വ്യക്തമാക്കി. ആരോഗ്യ കുടുംബക്ഷേമ വകുപ്പ് അഡിഷണല്‍ ചീഫ് സെക്രട്ടറി രാജീവ് സദാനന്ദന്‍ മുഖ്യാതിഥിയായി.

കേരള മീഡിയ അക്കാദമി കൊച്ചി സെന്ററില്‍ ആരംഭിക്കുന്ന ഫോട്ടോ ജേര്‍ണലിസം കോഴ്‌സിനുള്ള അപേക്ഷകള്‍ അയയ്ക്കാനുള്ള തീയതി മെയ് 6 വരെ നീട്ടി. അടിസ്ഥാന യോഗ്യത പ്ലസ് ടു. കോഴ്‌സ് കാലാവധി മൂന്നുമാസം. സര്‍ക്കാര്‍ അംഗീകാരമുള്ള കോഴ്‌സിന് 25,000/- രൂപയാണ് ഫീസ്. 30 സീറ്റുകള്‍ വരെ ഒഴിവുണ്ടാകും. അപേക്ഷാ ഫോറം അക്കാദമി വെബ്‌സൈറ്റായ www.keralamediaacademy.org ല്‍ നിന്നു ഡൗണ്‍ലോഡ് ചെയ്ത് സെക്രട്ടറി, കേരള മീഡിയ അക്കാദമി, കാക്കനാട്, കൊച്ചി-30 എന്ന വിലാസത്തില്‍ അപേക്ഷിക്കണം. അപേക്ഷയോടൊപ്പം സര്‍ട്ടിഫിക്കറ്റുകലുടെ പകര്‍പ്പും വയ്ക്കണം. ഫോണ്‍: 0484 2422275, 2422068.

സാംസ്‌കാരിക കാര്യ വകുപ്പിന്റെ കീഴില്‍ ആറന്മുളയില്‍ പ്രവര്‍ത്തിക്കുന്ന വാസ്തുവിദ്യാ ഗുരുകുലത്തില്‍ ഭാവിയില്‍ ഉണ്ടാകുന്ന വിവിധ പ്രോജക്ടുകളിലെ സാങ്കേതിക ജോലികള്‍ക്കും സ്ഥാപനം നടത്തുന്ന കോഴ്‌സുകളിലെ അദ്ധ്യാപന ജോലിക്കും ആവശ്യാനുസരണം നിയോഗിക്കുന്നതിനായി യോഗ്യരായ ഉദ്യോഗാര്‍ത്ഥികലുടെ ഒരു പാനല്‍ തയ്യാറാക്കുന്നു. വാസ്തുവിദ്യാ ഗുരുകുലത്തില്‍ നിന്നും വിവിധ കോഴ്‌സുകളില്‍ യോഗ്യത നേടിയവരെയാണ് പരിഗണിക്കുക. PGDTA (പോസ്റ്റ് ഗ്രാഡുവേറ്റ് ഡിപ്ലോമ ഇന്‍ ട്രഡീഷണല്‍ ആര്‍ക്കിടെക്ചര്‍-(B.Arch, B.tech civil, M.Arch, M.tech civil (structural)) ഉള്ളവര്‍ക്ക് മുന്‍ഗണന.

കേരള കാര്‍ഷിക സര്‍വ്വകലാശാല മണ്ണുത്തിയിലെ സെന്‍ട്രല്‍ ട്രയിനിംഗ് ഇന്‍സ്റ്റിറ്റ്യൂട്ടിനോട് ചേര്‍ന്ന് പ്രവര്‍ത്തിക്കുന്ന യൂണിവേഴ്‌സിറ്റി എംപ്ലോയ്‌മെന്റ് ഇന്‍ഫര്‍മേഷന്‍ & ഗൈഡന്‍സ് ബ്യൂറോ, യൂണിവേഴ്‌സിറ്റി അസിസ്റ്റന്റ് തസ്തികയിലേയ്ക്ക് പി.എസ്.സി. നടത്തുന്ന മത്സരപരീക്ഷയ്ക്ക് അപേക്ഷിച്ച ഉദ്യോഗാര്‍ത്ഥികള്‍ക്കായി ഒരു മാസം നീണ്ടുനില്‍ക്കുന്ന സൗജന്യ പരിശീലന ക്ലാസ്സുകള്‍ സംഘടിപ്പിക്കുന്നു. 2019 മെയ് 6ന് ആരംഭിച്ച് ജൂണ്‍ 13ന് സമാപിക്കുന്ന ക്ലാസ്സില്‍ പങ്കെടുക്കുവാന്‍ താത്പര്യമുള്ള ഉദ്യോഗാര്‍ത്ഥികള്‍ എത്രയും വേഗം ബന്ധപ്പെടുക. ഫോണ്‍: 0487 2371579.

ജലകൃഷി വികസന ഏജന്‍സി, കേരളം (അഡാക്ക്) എറണാകുളം മേഖലാ ഓഫീസ് മുഖേന എറണാകുളം, തൃശ്ശൂര്‍ ജില്ലകളിലായി നടപ്പിലാക്കുന്ന കൈപ്പാട്- പൊക്കാളി സംയോജിത മത്സ്യ-നെല്‍കൃഷി പദ്ധതിയിലേക്ക് ഗുണഭോക്താക്കളെ തിരഞ്ഞെടുക്കുന്നതിന് അപേക്ഷകള്‍ ക്ഷണിച്ചു. കര്‍ഷകര്‍, കര്‍ഷക തൊഴിലാളികള്‍, മത്സ്യത്തൊഴിലാളികള്‍ എന്നിവരുടെ 5-പേരില്‍ കുറയാത്ത അംഗങ്ങളുള്ള ഗ്രൂപ്പുകള്‍ക്കോ, സ്വയംസഹായ സംഘങ്ങള്‍ക്കോ, ആക്റ്റിവിറ്റി ഗ്രൂപ്പുകള്‍ക്കോ അപേക്ഷിക്കാം. തിരഞ്ഞെടുക്കപ്പെടുന്ന ഓരോ ഗ്രൂപ്പും 5 ഹെക്ടറില്‍ കുറയാത്ത കൃഷി സ്ഥലം സ്വന്തമായോ പാട്ട വ്യവസ്ഥയിലോ കൈവശം ഉള്ളവരായിരിക്കണം.

  ജില്ലാ സ്‌പോര്‍ട്‌സ്  കൗണ്‍സിലിന്റെ  ആഭിമുഖ്യത്തില്‍ മെയ് ഒന്നിന് കോട്ടയം നെഹ്‌റു സ്റ്റേഡിയത്തില്‍ മെയ്ദിന കായികമേള സംഘടിപ്പിക്കും.  അത്‌ലറ്റിക്‌സ്  വിഭാഗത്തിലുളള മത്സരത്തില്‍ പങ്കെടുക്കാന്‍ താല്പര്യമുള്ള പുരുഷ-വനിതാ   തൊഴിലാളികള്‍   ട്രേഡ് യൂണിയന്‍ മേലധികാരികള്‍  സാക്ഷ്യപെടുത്തിയ എന്‍ട്രികള്‍ സഹിതം രാവിലെ  9.30 ന് സ്റ്റേഡിയത്തില്‍ എത്തണം. ഫോണ്‍  0481- 2563825

കുഷ്ഠരോഗ നിര്‍ണ്ണയത്തിനായി അശ്വമേധം എന്ന പേരില്‍ ആരോഗ്യ വകുപ്പ് നടത്തുന്ന ഭവന സന്ദര്‍ശന യഞ്ജത്തിന്റെ ഭാഗമായി പ്രചരണ വാഹന പര്യടനം ആരംഭിച്ചു. കുഷ്ഠരോഗം സംബന്ധിച്ച് പൊതുജനങ്ങള്‍ക്കുള്ള ആശങ്കകള്‍ അകറ്റുന്നതിനും രോഗ നിര്‍ണ്ണയത്തിനുള്ള ഭവന സന്ദര്‍ശനം വിജയകര മാക്കുന്നതിനുമുള്ള സന്ദേശങ്ങളാണ് പ്രചരണ വാഹനത്തിലൂടെ നല്‍കുന്നത്. കളക്‌ട്രേറ്റില്‍ നിന്നാരംഭിച്ച പര്യടനം ജില്ലാ കളക്ടര്‍ പി. കെ. സുധീര്‍ബാബു ഫ്‌ളാഗ് ഓഫ് ചെയ്തു. ജില്ലാ മെഡിക്കല്‍ ഓഫീസര്‍ ഡോ. ജേക്കബ്ബ് വര്‍ഗീസ്, മാസ് മീഡിയ ഓഫീസര്‍ ഡോമി.

തെക്ക് കിഴക്കന്‍ ബംഗാള്‍ ഉള്‍ക്കടിലിന്റെയും ഇന്ത്യന്‍ മഹാസമുദ്രത്തിന്റെ ഭൂമധ്യരേഖാ പ്രദേശത്തിന്റെയും ഇടയിലായി രൂപം കൊണ്ട 'ഫോനി' ചുഴലിക്കാറ്റ് കഴിഞ്ഞ 6 മണിക്കൂറില്‍ കൂടുതല്‍ ശക്തി പ്രാപിച്ചു കൊണ്ട് മണിക്കൂറില്‍ 4 കിമീ വേഗതയില്‍ വടക്ക് ദിശയില്‍ സഞ്ചരിച്ച് ഇന്ത്യന്‍ സമയം രാവിലെ 8.30 നോട് കൂടി തെക്ക് കിഴക്കന്‍ ബംഗാള്‍ ഉള്‍ക്കടലിലെ 8.7 എന്‍  അക്ഷാംശത്തിലും 86.9 ഇ രേഖാംശത്തിലും എത്തിയിരിക്കുന്നു. തമിഴ്‌നാട്ടിലെ ചെന്നൈയില്‍ നിന്ന് 870 കിമീയും ആന്ധ്രപ്രദേശിലെ മച്ചിലിപട്ടണത്തില്‍ നിന്ന് 1040 കിമീ ദൂരത്തിലുമാണ് നിലവില്‍ ഫോനി എത്തിയിരിക്കുന്നത്.

എംപ്ലോയബിലിറ്റിസെന്റര്‍ മുഖേന ജില്ലയിലെ പ്രമുഖ സ്വകാര്യ വിദ്യാഭ്യാസസ്ഥാപനങ്ങളിലേക്ക് എല്‍.പി.എസ്.എ, യു.പി.എസ്.എ, എച്ച്.എസ്.എ  എന്നീ വിഭാഗങ്ങളില്‍ അധ്യാപകരെ നിയമിക്കുന്നു. ടി.ടി.സി, ഡിഗ്രി(ബി.എഡ്) യോഗ്യയുള്ളവര്‍  മെയ് നാലിന്  10ന്   നടക്കുന്ന കൂടിക്കാഴ്ചയില്‍  ബയോഡാറ്റയുമായി ഹാജരാകണം. ഫോണ്‍ : 04832 734 737