ആലപ്പുഴ :വികസനത്തിന്റെ വസന്തകാലമാണ് സംസ്ഥാനത്തുടനീളം നടക്കുന്നതെന്ന്  അഡ്വ.യു.പ്രതിഭാ എം.എൽ.എ. സംസ്ഥാന സർക്കാരിന്റെ ആയിരം ദിനാഘോഷവുമായി ബന്ധപ്പെട്ട് ഇ.എം.എസ് സ്റ്റേഡിയത്തിൽ നടക്കുന്ന സെമിനാർ ഉദ്ഘാടനം ചെയ്ത് സംസാരിക്കുകയായിരുന്നു അവർ . ശുചിത്വമിഷന്റെ നേതൃത്വത്തിൽ ശുചിത്വ മികവ്  എന്ന വിഷയത്തിലാണ് സെമിനാർ നടന്നത്. ഈ സർക്കാരിന് ഭരണകാലത്ത് വിസ്മയകരമായ മാറ്റങ്ങളാണ് ജില്ലയിൽ ഉണ്ടായത്.

ആലപ്പുഴ: സംസ്ഥാന സർക്കാരിന്റെ ആയിരം ദിനാഘോഷത്തിന്റെ ഭാഗമായി ആലപ്പുഴ ഇ.എം.എസ്. സ്റ്റേഡിയത്തിലെത്തുന്ന വനിതകൾക്ക് സ്വയം പ്രതിരോധത്തിന് ഒരു കൈ പരീക്ഷിക്കാനും അവസരം. എല്ലാം ശ്രദ്ധിച്ച് അടവുകൾ പറഞ്ഞുതരാൻ പരിശീലനം ലഭിച്ച വനിതാപോലീസ് സംഘം ഇവിടെ എപ്പോഴും റഡി. ഒരു കൈ പയറ്റാം എന്ന് കരുതിയവരെ മലർത്തിയടിച്ച ശേഷം അടവുകൾ പറഞ്ഞുകൊടുക്കും. സ്വയം പ്രതിരോധത്തിന്റെ മുറകളാണ് ഇവിടെ സ്ത്രീകൾക്ക് പരിചയപ്പെടുത്തുന്നത്. പഴയത് പോലല്ല, ഇവിടെ ഇത് പഠിക്കാനും ക്ലാസിന്റെ ഷെഡ്യൂൾ അറിയാനും വനിതകൾ ഏറെപ്പേരെത്തുന്നു. കേരള പോലീസും ജനമൈത്രി പോലീസും ചേർന്നാണ് നിർഭയ എന്ന സ്റ്റാൾ സജ്ജമാക്കിയത്.

വീടുകളില്‍ വെളിച്ചമെത്തിക്കല്‍ മാത്രമല്ല മനുഷ്യമനസ്സുകളില്‍ കൂടി വെളിച്ചം നിറക്കുകയെന്നത് വളരെ പ്രധാനമാണെന്നും അതിനു വേണ്ടിയുള്ള പ്രവര്‍ത്തനങ്ങള്‍ കൂടിയാണ് പിണറായി വിജയന്റെ നേതൃത്വത്തിലുള്ള സംസ്ഥാന സര്‍ക്കാര്‍ ചെയ്തു കൊണ്ടിരിക്കുന്നതെന്നും സംവിധായകന്‍ പ്രിയനന്ദനന്‍. മന്ത്രിസഭയുടെ ആയിരം ദിനാഘോഷങ്ങളുടെ ഭാഗമായി ജില്ലാ ഇന്‍ഫര്‍മേഷന്‍ ഓഫീസ് സംഘടിപ്പിച്ച അതിജീവനം ഡോക്യുമെന്ററി ഫെസ്റ്റിവലില്‍ മുഖ്യപ്രഭാഷണം നടത്തുകയായിരുന്നു അദ്ദേഹം. 

തകര്‍ച്ച നേരിട്ട പൊതുവിദ്യാലയങ്ങളെ മുന്‍പന്തിയിലെത്തിക്കാന്‍ പൊതുവിദ്യാഭ്യാസ സംരക്ഷണ യജ്ഞം സഹായകമായെന്നും ഇതിന്റെ ഭാഗമായി രണ്ട് വര്‍ഷം കൊണ്ട് 3.41 ലക്ഷം കുട്ടികളുടെ വര്‍ധന പൊതുവിദ്യാലയങ്ങളില്‍ ഉണ്ടാക്കാനായെന്നും മുഖ്യമന്ത്രി പിണറായി വിജയന്‍ പറഞ്ഞു. പെരളശ്ശേരിയില്‍ മുണ്ടലൂര്‍ ന്യൂ എല്‍ പി സ്‌കൂളിനായി നിര്‍മ്മിച്ച കെട്ടിടം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. 

പട്ടയകേസുകൾ മാറ്റി

നാളെയും(ഫെബ്രുവരി 22) ഫെബ്രുവരി 27 നും കലക്ടറേറ്റിൽ വിചാരണക്ക് വെച്ച ഇരിട്ടി, തലശ്ശേരി താലൂക്കുകളിലെ ദേവസ്വം പട്ടയ കേസുകൾ യഥാക്രമം മാർച്ച് 22, 27 തീയതികളിലേക്ക് മാറ്റിയതായി ഡെപ്യൂട്ടി കലക്ടർ(ഡിഎം&എൽടി) അറിയിച്ചു.

ജില്ലാ ആശുപത്രി സൂപ്പർ സ്‌പെഷാലിറ്റി ബ്ലോക്ക്: 

പ്രവൃത്തി ഉദ്ഘാടനം നാളെ (ഫെബ്രു. 22)

സംസ്ഥാന മന്ത്രിസഭയുടെ ആയിരം ദിനാഘോഷത്തോടനുബന്ധിച്ച് സംഘടിപ്പിക്കുന്ന മെഗാ എക്‌സിബിഷനിൽ തിരക്കേറുന്നു. വിവിവ സർക്കാർ വകുപ്പുകളുടെയും തദ്ദേശ സ്ഥാപനങ്ങളുടെയും മിഷനുകളുടെയും സ്റ്റാളുകളാണ് എക്‌സിബിഷനിലുള്ളത്.  വൈദ്യുതി വകുപ്പ് ഒരുക്കിയ സ്റ്റാളിൽ പഴശ്ശി ഡാമിൽ പുതുതായി നിർമ്മിക്കുന്ന പവർ സ്റ്റേഷന്റെ മാതൃകയും പ്രവർത്തനവും പ്രദർശന കവാടത്തിൽ തന്നെ ഒരുക്കിയിരിക്കുന്നു. സ്റ്റാൾ സംസ്ഥാന വൈദ്യുതി ബോർഡ് ഡയറക്ടർ ഡോ  വി ശിവദാസൻ ഉദ്ഘാടനം ചെയ്തു. 

2020 ഓടെ ജലപാത കന്യാകുമാരി വരെ എത്തുമെന്നും കഴിഞ്ഞ ബജറ്റിൽ സർക്കാർ പദ്ധതിക്ക് വലിയ പ്രാധാന്യമാണ് നൽകിയിരിക്കുന്നതെന്നും ജലവിഭവ വകുപ്പ് മന്ത്രി കെ കൃഷ്ണൻകുട്ടി പറഞ്ഞു.  തിരുവനന്തപുരം-കാസർകോട് ജലപാതയുടെ ഭാഗമായ സുൽത്താൻ തോട് കനാലിന്റെ നവീകരണ പ്രവൃത്തി ഉദ്ഘാടനം ചെയ്ത് സംസാരിക്കുകയായിരുന്ന അദ്ദേഹം.

തളിപ്പറമ്പ് ബ്ലോക്ക് പഞ്ചായത്ത് പി എം എ വൈ, ലൈഫ് ഭവന പദ്ധതിയിൽ ഉൾപ്പെടുത്തി നിർമ്മാണം പൂർത്തീകരിച്ച വീടുകളുടെ താക്കോൽദാനവും ഗുണഭോക്തൃ സംഗമവും ജലസേചന വകുപ്പ് മന്ത്രി കെ കൃഷ്ണൻകുട്ടി ഉദ്ഘാടനം ചെയ്തു. മറ്റൊരു സംസ്ഥാനത്തും ചെയ്യാത്ത രീതിയിലാണ് കേരളത്തിൽ ലൈഫ് മിഷന്റെ പദ്ധതികൾ ആവിഷ്‌കരിച്ച് നടപ്പാക്കുന്നതെന്ന് താക്കോൽദാനം നിർവഹിച്ചുകൊണ്ട് മന്ത്രി പറഞ്ഞു.