വഴിയോര ഭാഗ്യക്കുറി വില്‍പനക്കാര്‍ക്കുളള ബീച്ച്‌ അംബ്രല്ല വിതരണവും പ്രളയധനസഹായ വിതരണവും ഫെബ്രുവരി 25 ഉച്ചയ്‌ക്ക്‌ 2 ന്‌ തേക്കിന്‍കാട്‌ മൈതാനത്ത്‌ വിദ്യാര്‍ത്ഥി കോര്‍ണറില്‍ കൃഷി വകുപ്പ്‌ മന്ത്രി അഡ്വ. വി എസ്‌ സുനില്‍കുമാര്‍ നിര്‍വഹിക്കും. മേയര്‍ അജിത വിജയന്‍ അദ്ധ്യക്ഷത വഹിക്കും. ജില്ലാ പഞ്ചായത്ത്‌ പ്രസിഡണ്ട്‌ മേരി തോമസ്‌ മുഖ്യാതിഥിയാകും. മുനിസിപ്പല്‍ കൗണ്‍സിലര്‍ എം എസ്‌ സമ്പൂര്‍ണ്ണ, ക്ഷേമനിധി ബോര്‍ഡംഗം ടി ബി സുബൈര്‍ തുടങ്ങിയവര്‍ ആശംസ നേരും. മുന്‍ എംഎല്‍എ ബാബു എം പാലിശ്ശേരി സ്വാഗതവും ജില്ലാ ഭാഗ്യക്കുറി ക്ഷേമനിധി ഓഫീസര്‍ കെ എസ്‌ ഷാഹിത നന്ദിയും പറയും.

പ്രളയക്കെടുതിയില്‍ വീടുകള്‍ക്ക്‌ സംഭവിച്ച നാശനഷ്‌ടത്തിന്റെ തോത്‌ കണക്കാക്കി വീടുകളുടെ വിവരങ്ങള്‍ പരിശോധന നടത്തുന്നതിന്‌ വിരമിച്ച സിവില്‍ എഞ്ചിനീയര്‍മാരെ കരാര്‍ വ്യവസ്ഥയില്‍ നിയമിക്കുന്നു. പ്രതിദിനം 1500 രൂപ വേതനം. താല്‍പര്യമുളളവര്‍ ഫെബ്രുവരി 23 നകം അപേക്ഷ jsdmtsr.ker@nic.in എന്ന ഇ-മെയില്‍ വിലാസത്തിലോ ജില്ലാ കളക്‌ടറേറ്റില്‍ നേരിട്ടോ നല്‍കണം. 

വ്യവസായ പരിശീലന വകുപ്പിന്റെ ആഭിമുഖ്യത്തില്‍ നവീകരിച്ച റിലേറ്റഡ്‌ ഇന്‍സ്‌ട്രക്ഷന്‍ സെന്റര്‍ പ്രവര്‍ത്തനം ജില്ലാ കളക്‌ടറേറ്റില്‍ കൃഷി വകുപ്പ്‌ മന്ത്രി അഡ്വ. വി.എസ്‌. സുനില്‍കുമാര്‍ ഉദ്‌ഘാടനം നിര്‍വഹിച്ചു. പാട്ടുരായ്‌ക്കലില്‍ വാടക കെട്ടിടത്തില്‍ പ്രവര്‍ത്തിച്ചിരുന്ന ഓഫീസാണ്‌ കളക്ടറേറ്റില്‍ പ്രവര്‍ത്തനം ആരംഭിച്ചത്‌. വിദ്യാര്‍ത്ഥികള്‍ക്ക്‌ സാമ്പത്തിക സഹായത്തോടെ അപ്രന്റീസ്‌ പരിശീലനം നല്‍കുന്ന വ്യവസായ പരിശീലന വകുപ്പിന്റെ ജില്ലയിലെ സ്ഥാപനമാണിത്‌. യോഗത്തില്‍ അസിസ്‌റ്റന്റ്‌ കളക്ടര്‍ പ്രേം കൃഷ്‌ണന്‍ അധ്യക്ഷത വഹിച്ചു. ട്രെയിനിങ്‌ ഓഫീസര്‍ ജീന ചിത്ര, എ.വി.

എഞ്ചിനീയറിങ്ങ്‌ പഠനത്തിന്റെ ഭാഗമായി ഇന്റണ്‍ഷിപ്പ്‌ ആരംഭിക്കുമെന്ന്‌ ഉന്നത വിദ്യാഭ്യാസ വകുപ്പ്‌ മന്ത്രി ഡോ. കെ ടി ജലീല്‍. തൃശൂര്‍ ഗവണ്‍മെന്റ്‌ എഞ്ചിനീയറിംഗ്‌ കോളേജിലെ മില്ലേനിയം ഓഡിറ്റോറിയത്തില്‍ അക്കാദമിക്‌ ബ്ലോക്കിന്റെ ഉദ്‌ഘാടനവും വജ്രജൂബിലി ആഘോഷ സമാപന പ്രഖ്യാപനവും നിര്‍വഹിച്ചു സംസാരിക്കുകയായിരുന്നു മന്ത്രി.

പുല്ലൂറ്റ്‌ കെ കെ ടി എം ഗവണ്‍മെന്റ്‌ കോളേജ്‌ മാഗസിന്‍ അച്ചടിച്ചു നല്‍കുന്നതിന്‌ ക്വട്ടേഷന്‍ ക്ഷണിച്ചു. ക്വട്ടേഷന്‍ സ്വീകരിക്കുന്ന അവസാന തീയതി മാര്‍ച്ച്‌ 5. കൂടുതല്‍ വിവരങ്ങള്‍ക്ക്‌ ഫോണ്‍ : 0480-2802213.

കളള്‌ വ്യവസായ തൊഴിലാളി ക്ഷേമനിധി ബോര്‍ഡ്‌ തൊഴിലാളികളുടെ മക്കള്‍ക്കുളള സ്വര്‍ണ്ണമെഡല്‍, സ്‌കോളര്‍ഷിപ്പ്‌, ലാപ്‌ടോപ്പ്‌, ക്യാഷ്‌ അവാര്‍ഡ്‌ എന്നിവയുടെ വിതരണത്തിന്റെ സംസ്ഥാനതല ഉദ്‌ഘാടനം ഫെബ്രുവരി 25 രാവിലെ 10.30 ന്‌ കേരള സാഹിത്യ അക്കാദമി ഹാളില്‍ തൊഴില്‍-എക്‌സൈസ്‌ വകുപ്പ്‌ മന്ത്രി ടി പി രാമകൃഷ്‌ണന്‍ നിര്‍വഹിക്കും. ജില്ലാതല സ്‌കോളര്‍ഷിപ്പ്‌ വിതരണം കൃഷി വകുപ്പ്‌ മന്ത്രി അഡ്വ. വി എസ്‌ സുനില്‍കുമാര്‍ നിര്‍വഹിക്കും. ഉന്നതവിജയം നേടിയവര്‍ക്കുളള ക്യാഷ്‌ അവാര്‍ഡ്‌ തദ്ദേശസ്വയംഭരണ വകുപ്പ്‌ മന്ത്രി എ സി മൊയ്‌തീന്‍ വിതരണം ചെയ്യും. ക്ഷേമനിധി ബോര്‍ഡ്‌ ചെയര്‍മാന്‍ കെ എം സുധാകരന്‍ അദ്ധ്യക്ഷത വഹിക്കും.

ഇന്‍ഫര്‍മേഷന്‍ ആന്‍ഡ്‌ പബ്ലിക്ക്‌ റിലേഷന്‍സ്‌ വകുപ്പിന്‍െ്‌റ ആഭിമുഖ്യത്തില്‍ ജില്ലാ ഭരണകൂടം, വിദ്യാഭ്യാസ വകുപ്പ്‌, ലൈബ്രറി കൗണ്‍സില്‍ തുടങ്ങിയവയുടെ സഹകരണത്തോടെ സംഘടിപ്പിക്കുന്ന അതിജീവനം ഡോക്യുമെന്‍്‌ററി ഫെസ്‌റ്റ്‌ ഫെബ്രുവരി 25, 26, 27 തീയതികളില്‍ കുട്ടനെല്ലൂര്‍ ശ്രീ സി അച്ച്യുതമേനോന്‍ ഗവ. കോളേജില്‍ നടക്കും. 25 ന്‌ രാവിലെ 10 ന്‌ മേയര്‍ അജിത വിജയന്‍ ഉദ്‌ഘാടനം നിര്‍വഹിക്കും. വാര്‍ഡ്‌ കൗണ്‍സിലര്‍ എം എന്‍ ശശിധരന്‍ അദ്ധ്യക്ഷത വഹിക്കും. ചലച്ചിത്ര സംവിധായകരായ പ്രിയനന്ദനന്‍, കെ.ആര്‍. മനോജ്‌കുമാര്‍ എന്നിവര്‍ മുഖ്യാതിഥികളാകും. കോളേജ്‌ പ്രിന്‍സിപ്പല്‍ ഡോ. സി.സി. ബാബു പങ്കെടുക്കും.

സംസ്ഥാന സര്‍ക്കാരിന്റെ 1000 ദിനത്തിന്റെ ഭാഗമായി ഇന്ന്‌ (ഫെബ്രുവരി 22) തേക്കിന്‍കാട്‌ മൈതാനത്ത്‌ ലേബര്‍ കോര്‍ണറില്‍ വൈകീട്ട്‌ 6.30 ന്‌ കലാമണ്‌ഡലം അച്ച്യുതാനന്ദനും സംഘവും അവതരിപ്പിക്കുന്ന മിഴാവില്‍ പഞ്ചാരി മേളം നടക്കും. തുടര്‍ന്ന്‌ വൈകീട്ട്‌ 8 ന്‌ തൃശൂര്‍ ലൈബ്രറി കൗണ്‍സിലിന്റെ നവോത്ഥാന ചലച്ചിത്ര പ്രദര്‍ശനവുമുണ്ടാകും.

സംസ്‌ഥാന സര്‍ക്കാരിന്റെ ആയിരം ദിനാഘോഷത്തിന്റെ ഭാഗമായി തൃശൂര്‍ തേക്കിന്‍കാട്‌ മൈതാനിയില്‍ ജില്ലാ ഇന്‍ഫര്‍മേഷന്‍ ഓഫീസ്‌ സംഘടിപ്പിച്ച ഫോട്ടോ പ്രദര്‍ശന സ്റ്റാള്‍ ശ്രദ്ധേയമായി. സര്‍ക്കാര്‍ നടപ്പാക്കിയ നിരവധി ക്ഷേമപദ്ധതികളുടെ നേര്‍ക്കാഴ്‌ചയായ ഫോട്ടോപ്രദര്‍ശനം നിരവധി സന്ദര്‍ശകരെ ആകര്‍ഷിച്ചു. സംസ്ഥാന കൃഷിവകുപ്പ്‌ മന്ത്രി അഡ്വ. വി.എസ്‌. സുനില്‍കുമാര്‍, എം.എല്‍.എമാരായ അഡ്വ. കെ. രാജന്‍, ബി.ഡി ദേവസി, മുരളി പെരുനെല്ലി, തൃശൂര്‍ കോര്‍പറേഷന്‍ മേയര്‍ അജിത ജയരാജന്‍, ജില്ലാ പഞ്ചായത്ത്‌ പ്രസിഡന്റ്‌ മേരി തോമസ്‌,ജില്ലാ കളക്ടര്‍ ടി. വി. അനുപമ, പബ്ലിക്‌ റിലേഷന്‍സ്‌ ഡിപ്പാര്‍ട്ട്‌മെന്‍റ്‌ ഡയറക്ടര്‍ ടി.വി.