ഇടുക്കി ജില്ലാ വികസന സമിതിയുടെ ഫെബ്രുവരി മാസത്തെ യോഗം 23ന് രാവിലെ 11ന് കലക്ടറേറ്റ് കോണ്‍ഫറന്‍സ് ഹാളില്‍ ചേരും.

മൃഗസംരക്ഷണ വകുപ്പ് നടത്തുന്ന 20-ാമത് കന്നുകാലി സെന്‍സസിന് മുന്നോടിയായി ജില്ലാ മൃഗസംരക്ഷണ ഓഫീസിന് കീഴില്‍ ആരംഭിച്ചിട്ടുള്ള പ്രാരംഭ പ്രവര്‍ത്തനങ്ങള്‍ വിലയിരുത്തുന്നതിനും അവലോകനം ചെയ്യുന്നതിനും കന്നുകാലി സെന്‍സസിന്റെ ജില്ലാ സമിതി അംഗങ്ങളുടെ യോഗം ഫെബ്രുവരി 22ന് ഉച്ചക്ക് 12 മണിക്ക് ജില്ലാ പഞ്ചായത്ത് പ്രസിഡന്റിന്റെ ചേമ്പറില്‍ ചേരും.

പൈനാവ് കേന്ദ്രീയ വിദ്യാലയത്തില്‍ 2019-20 അധ്യയനവര്‍ഷത്തേക്കുള്ള താല്‍ക്കാലിക തസ്തികകളിലേക്ക് അധ്യാപകരെ തിരഞ്ഞെടുക്കുന്നതിനുള്ള വാക്ക് ഇന്‍ ഇന്റര്‍വ്യൂ ഫെബ്രുവരി 22, 23  തീയതികളില്‍ വിദ്യാലയത്തില്‍ നടത്തും. കൂടുതല്‍ വിവരങ്ങള്‍ക്ക്  ംംം.സ്ശറൗസസശ.ഴീ്.ശി 

സംസ്ഥാനത്തെ വൈദ്യുതി മേഖലയില്‍ കാലാനുസൃതമായ സാങ്കേതിക മാറ്റങ്ങളും പരിഷ്‌ക്കാരങ്ങളും ഉള്‍ക്കൊണ്ടുകൊണ്ട്   മുട്ടത്ത് നിര്‍മ്മിച്ചിരിക്കുന്ന 110/11 കെ.വി. സബ്‌സ്റ്റേഷന്റെ ഉദ്ഘാടനം 23ന്  രണ്ട് മണിക്ക് വൈദ്യുതി വകുപ്പു മ ്രന്തി  എം എം മണി നിര്‍വ്വഹിക്കും. പി.ജെ. ജോസഫ് എം.എല്‍.എ അധ്യക്ഷത വഹിക്കും. അഡ്വ. ജോയ്‌സ് ജോര്‍ജ്ജ് എം.പി മുഖ്യാതിഥിയായിരിക്കും. 

സംസ്ഥാന ബാലാവകാശ സംരക്ഷണ കമ്മീഷനും ജില്ലാ ചൈല്‍ഡ് പ്രൊട്ടക്ഷന്‍ യൂണിറ്റ് -  വനിതാ ശിശു വികസന വകുപ്പും സംയുക്തമായി ത്രതല പഞ്ചായത്തുകളിലെ ബാല സംരക്ഷണ സമിതികളുടെ ശാക്തീകരണത്തിനായി  രണ്ടാഘട്ടം ഏകദിന ശില്‍പ്പശാല സംഘടിപ്പിച്ചു. മലപ്പുറം ടൗണ്‍ ഹാളില്‍ നടന്ന പരിപാടി പി.ഉബൈദുള്ള എം.എല്‍.എ ഉദ്ഘാടനം ചെയ്തു. ജില്ലയിലെ എല്ലാ പഞ്ചായത്തുകളും ബാല സൗഹൃദമാക്കുന്നതിനുള്ള  നടപടികള്‍ സ്വീകരിക്കണമെന്ന് എം.എല്‍.എ പറഞ്ഞു.  

പ്രളയബാധിത മേഖലയില്‍ പുനര്‍ നിര്‍മ്മാണത്തില്‍ ഏര്‍പ്പെട്ടിരിക്കുന്നവര്‍ക്ക് വീട് പണിയുമായി ബന്ധപ്പെട്ട് സൗജന്യ സേവനങ്ങള്‍ നല്‍കുവാന്‍ ജില്ലയില്‍  നാല് ഷെല്‍ട്ടര്‍ ഹബ്ബുകള്‍ പ്രവര്‍ത്തിച്ചുവരുന്നു. വീട് പണിയുമായി ബന്ധപ്പെട്ട് വിദഗ്ധ ഉപദേശം, മണ്ണിടിച്ചില്‍ പ്രദേശങ്ങളിലും ഉരുള്‍പൊട്ടല്‍ മേഖലയിലും  പണിയുന്ന വീടുകള്‍ പണിയുമ്പോള്‍ ശ്രദ്ധിക്കേണ്ട മുന്‍കരുതലുകള്‍, മറ്റിതര സുരക്ഷാ ക്രമീകരണങ്ങള്‍, വൈകല്യ സൗഹൃദ ഭവനങ്ങളുടെ നിര്‍മ്മാണം തുടങ്ങിയ മേഖലയിലാണ് ഷെല്‍ട്ടര്‍ ഹബ്ബുകള്‍ സൗജന്യ സേവനങ്ങള്‍ നല്‍കുന്നത്. 

മത്സ്യത്തൊഴിലാളികള്‍ക്കായി മുട്ടത്തറ പാര്‍പ്പിട സമുച്ചയ മാതൃകയില്‍ പൊന്നാനിയില്‍ നിര്‍മ്മിക്കുന്ന ഫ്‌ലാറ്റ് നിര്‍മ്മാണം എട്ടുമാസംകൊണ്ട് പൂര്‍ത്തി യാക്കുമെന്ന് സ്പീക്കര്‍ പി. ശ്രീരാമകൃഷ്ണന്‍. പൊന്നാനി മത്സ്യ ബന്ധന തുറമുഖ പരിസരത്ത് മത്സ്യത്തൊഴിലാളികള്‍ക്കുള്ള പാര്‍പ്പിടസമുച്ചയതറക്കല്ലിടല്‍ചടങ്ങിലെ പൊതു സമ്മേളനം ഉദ്ഘാടനംചെയ്തുസംസാരിക്കുകയിരുന്നുഅദേഹം. മത്സ്യബന്ധന മേഖലയിലും സര്‍ക്കാര്‍ ശരിയായദിശയിലാണ് പോകുന്നതെന്നും പദ്ധതികള്‍ വേഗതയില്‍ യാഥാര്‍ത്ഥ്യമാക്കുമെന്നും സ്പീക്കര്‍ പറഞ്ഞു.