സംസ്ഥാന സര്‍ക്കാരിന്റെആയിരം ദിനാഘോഷങ്ങള്‍ക്ക്തുടക്കംകുറിച്ച്തിരൂരില്‍ നടത്തിയവിളംബരഘോഷയാത്ര ആവേശംതീര്‍ത്തു. താഴേപാലം സ്റ്റേഡിയത്തിന് സമീപത്ത് നിന്നും തുടങ്ങിയഘോഷയാത്ര നഗരംചുറ്റി പ്രദര്‍ശന മൈതാനത്ത് സമാപിച്ചു. കേരളത്തിന്റെപൈതൃകവുംസംസ്‌കാരവുംവിളിച്ചോതുന്ന ഘോഷയാത്രയില്‍ നിരവധി പേര്‍ അണിനിരന്നു. വിവിധ കലാപ്രകടനങ്ങളും നിശ്ചലദൃശ്യങ്ങളും നഗരത്തെ വര്‍ണാഭമാക്കി.

സംസ്ഥാന സര്‍ക്കാരിന്റെ 1000 ദിനാഘോഷത്തോടനുബന്ധിച്ച് ഇന്ന് (ഫെബ്രുവരി 20) ചെറുതോണിയില്‍ നടക്കുന്ന സാംസ്‌കാരിക റാലിക്കും പൊതുസമ്മേളനത്തിനും ശേഷം കലാസന്ധ്യയില്‍ തിരുവനന്തപുരം നാട്ടരങ്ങ് അവതരിപ്പിക്കുന്ന നാടന്‍ പാട്ടുകളും കലാരൂപങ്ങളും കോര്‍ത്തിണക്കിയ മന്ദാരക്കാവ് അരങ്ങേറും.

വികസനമെത്തിക്കുന്ന കാര്യത്തില്‍സര്‍ക്കാര്‍രാഷ്ട്രീയം നോക്കിയല്ല പ്രവര്‍ത്തി ക്കുന്നതെന്ന് ഉന്നത വിദ്യാഭ്യാസവകുപ്പ് മന്ത്രി ഡോ.കെ.ടിജലീല്‍ പറഞ്ഞു. പരപ്പനങ്ങാടി ഹാര്‍ബറിന് 112 കോടിരൂപ അനുവദിച്ച്അതിന്റെ പ്രവര്‍ത്തി ഉദ്ഘാടനം നിര്‍വ്വഹിച്ചത് ഇതിന് ഉദാഹരണമാണെന്നും മന്ത്രി പറഞ്ഞു. സംസ്ഥാന സര്‍ക്കാരിന്റെആയിരം ദിനങ്ങള്‍ പൂര്‍ത്തിയാക്കുന്നതിന്റെ ഭാഗമായി ഫെബ്രുവരി 20 മുതല്‍ 27 വരെതിരൂരില്‍ നടക്കുന്ന ജില്ലാതല പ്രദര്‍ശനങ്ങളുടെയും സെമിനാറുകളുടെയും സാംസ്‌കാരിക പരിപാടികളുടെയും ഉദ്ഘാടനം നിര്‍വ്വഹിച്ച്‌സംസാരിക്കുകയായിരുന്നു മന്ത്രി.

സംസ്ഥാന സര്‍ക്കാരിന്റെ 1000 ദിനാഘോഷങ്ങളുടെ ജില്ലാതല ഉദ്ഘാടനം ഇന്ന് ( 20.2.19) വൈകിട്ട് അഞ്ചിന് വൈദ്യുതിമന്ത്രി എം.എം മണി ഉദ്ഘാടനം ചെയ്യും. ജില്ലാതല ഉദ്ഘാടനത്തോടനുബന്ധിച്ച് വൈകിട്ട് നാലിന് വാഴത്തോപ്പ് കവലയില്‍ നിന്നും സാംസ്‌കാരിക റാലി ആരംഭിക്കും. തുടര്‍ന്ന് നടക്കുന്ന പൊതുസമ്മേളനവും ആരോഗ്യജാഗ്രത പരിപാടിയുടെ ജില്ലാതല ഉദ്ഘാടനവും ആരോഗ്യസന്ദേശ യാത്രയുടെ ഫ്‌ളാഗ് ഓഫും  ഇടുക്കി കുടിയേറ്റ സ്മാരക മ്യൂസിയത്തിന്റെ ശിലാസ്ഥാപനവും വൈദ്യുതിമന്ത്രി നിര്‍വഹിക്കും. 

മലപ്പുറം ബിആര്‍സി ഉപജില്ല യു.പി വിഭാഗം കുട്ടികള്‍ക്കായി ഖൊഖൊടൂര്‍ണമെന്റ് സംഘടിപ്പിച്ചു. പൂക്കോട്ടൂര്‍ ഗവ. ഹയര്‍സെക്കന്‍ഡറി സ്‌കൂള്‍ ഗ്രൗണ്ടില്‍ നടന്ന മത്സരം ടിവി ഇബ്രാഹിം എം.എല്‍.എ ഉദ്ഘാടനം ചെയ്തു. ഉപജില്ലയിലെ വിവിധ സ്‌കൂളില്‍ നിന്നായി 14 ടീമുകള്‍ പങ്കെടുത്തു. കെ.ജി റസിയ, അനീസ് ബാബു, മുഹമ്മദലി, എം.എം ഷീബ, എം.ആര്‍ ഐശ്വര്യ, സുനന്ദ ദേവി, വി. കെരാജേഷ്, പി.ലത, അബ്ദുല്‍അസീസ്, മേരിസോണിയ തുടങ്ങിയവര്‍ നേതൃത്വം നല്‍കി.
പരിപാടിയില്‍ എ.ഇ.ഒ പി. ഹുസൈന്‍ അധ്യക്ഷനായിരുന്നു. ബി.പി.ഒ ടോമി മാത്യൂ, പ്രിന്‍സിപ്പാള്‍ വേണുഗോപാല്‍, കെ.അബ്ദുല്‍ അസീസ് തുടങ്ങിയവര്‍  സംസാരിച്ചു.