കോളേജ് വിദ്യാഭ്യാസ വകുപ്പ് ഉപഡയറക്‌ട്രേറ്റുമായി ബന്ധപ്പെട്ട ഫയലുകളില്‍ തീര്‍പ്പു കല്‍പ്പിക്കുന്നതിനുളള ഫയല്‍ അദാലത്ത് നാളെ                    (ഫെബ്രുവരി 22)  രാവിലെ 11ന് സിഎംഎസ് കോളേജ് ഗ്രേറ്റ് ഹാളില്‍ നടക്കും. 

* 1000 ദിനാഘോഷത്തിന്റെ സംസ്ഥാനതല ഉദ്ഘാടനം നിര്‍വഹിച്ചു

 വികസനത്തിലും അടിസ്ഥാനസൗകര്യത്തിലും സ്വപ്നം കാണാന്‍ കഴിയാത്ത മുന്നേറ്റമാണ് 1000 ദിനം കൊണ്ട് കേരളത്തിലുണ്ടായതെന്ന് മുഖ്യമന്ത്രി പിണറായി വിജയന്‍ പറഞ്ഞു. നാട് മാറ്റം ആഗ്രഹിച്ചപ്പോള്‍ സര്‍ക്കാരതിന് കൂടെനിന്നു, അപ്പോള്‍ അതിന്റേതായ മാറ്റങ്ങളുണ്ടായെന്നും അദ്ദേഹം പറഞ്ഞു. സംസ്ഥാന സര്‍ക്കാരിന്റെ ആയിരം ദിനാഘോഷങ്ങളുടെ സംസ്ഥാനതല ഉദ്ഘാടനം കോഴിക്കോട് കടപ്പുറത്ത് നിര്‍വഹിച്ചു സംസാരിക്കുകയായിരുന്നു അദ്ദേഹം.

    പ്രളയനന്തരം ജില്ലയിലെ വൈദ്യുതി ബന്ധം പുനസ്ഥാപിക്കുന്നതില്‍ അഭിനന്ദനാര്‍ഹമായ നേട്ടം കൈവരിച്ച കെ.എസ്.ഇ.ബിയുടെ പ്ലോട്ട് ഘോഷയാത്രയില്‍ വേറിട്ട കാഴ്ചയായി. 450 ഉദ്യോഗസ്ഥര്‍ പങ്കെടുത്ത കെ.എസ്.ഇ.ബിയുടെ പ്ലോട്ടില്‍ ജില്ലയിലെ വിവിധ ഭാഗങ്ങളിലെ ലൈന്‍മാന്‍മാര്‍ യൂണിഫോമും ഹെല്‍മെറ്റും ധരിച്ചാണ് ആഘോഷത്തിന്റെ ഭാഗമായത്. പുരപ്പുറ സോളാര്‍ സൗര പദ്ധതി, സുരക്ഷ സന്ദേശങ്ങള്‍ ഉള്‍ക്കൊള്ളുന്ന പ്ലക്കാര്‍ഡുകള്‍ രണ്ട് ഇ-വെഹിക്കിള്‍ തുടങ്ങിയവ പ്ലോട്ടില്‍ അണിനിരത്തി. 

കോഴിക്കോട് ജില്ലാ പഞ്ചായത്തിന് 157.24 കോടി രൂപയുടെ ബജറ്റ്. നവകേരള നിര്‍മാണത്തിനുള്ള കാല്‍വയ്പെന്ന വിശേഷണത്തോടെ വൈസ് പ്രസിഡന്റ് റീന മുണ്ടേങ്ങാട്ട് 147.80 കോടി രൂപ ചെലവ് പ്രതീക്ഷിക്കുന്ന 9.44 കോടി രൂപയുടെ മിച്ചബജറ്റാണ് അവതരിപ്പിച്ചത്. പൊതുമരാമത്ത് പ്രവൃത്തികള്‍ക്കായി 71.12 കോടി രൂപ മാറ്റിവച്ചിട്ടുണ്ട്. പട്ടികജാതി വികസനത്തിനായി 13.08 കോടിയും ലൈഫ് ഭവനപദ്ധതിക്കായി 9.8 കോടിയുമുണ്ട്. മാമ്പുഴ നവീകരണ പദ്ധതിയുടെ രണ്ടാംഘട്ടത്തിന് 10 ലക്ഷം രൂപ വകയിരുത്തിയിട്ടുണ്ട്. നിലവിലുള്ള ആസ്തികളുടെ സംരക്ഷണത്തിനായി 11.6 കോടിയും നീക്കിവച്ചിരിക്കുന്നു.