സംസ്ഥാന സര്‍ക്കാരിന്റെ ആയിരം ദിനാഘോഷ പരിപാടിയുടെ ഭാഗമായി കാഞ്ഞങ്ങാട് അലാമിപ്പള്ളിയിലെ വേദിയില്‍ ജില്ലയിലെ 20 വികസന പദ്ധതികള്‍ മുഖ്യമന്ത്രി പിണറായി വിജയന്‍ ഇന്ന് ഉദ്ഘാടനം ചെയ്യും. 275.52 കോടി രൂപയുടെ പദ്ധതികളാണ് മുഖ്യമന്ത്രി ഉദ്ഘാടനം ചെയ്യുന്നത്.

കെ.ടെറ്റ് കാറ്റഗറി 1, 2, 3, 4 പരീക്ഷകളുടെ ഉത്തരസൂചികകൾ പരീക്ഷാഭവന്റെ വെബ്‌സൈറ്റിൽ പ്രസിദ്ധീകരിച്ചു. ഉത്തരസൂചികകളിൽ പരീക്ഷാർത്ഥികൾക്ക് ഏതെങ്കിലും തരത്തിലുള്ള പരാതികളുണ്ടെങ്കിൽ വെബ്‌സൈറ്റിലുള്ള നിശ്ചിത ഫോർമാറ്റിൽ അവയ്ക്ക് ആധാരമായ രേഖകൾ സഹിതം ഈ മാസം 27 ന് മുമ്പ് നേരിട്ടോ തപാൽ മാർഗ്ഗമോ പരീക്ഷാസെക്രട്ടറി പരീക്ഷാഭവൻ, പൂജപ്പുര, തിരുവനന്തപുരം-12 എന്ന വിലാസത്തിൽ നൽകണം.

പി.എൻ.എക്സ്. 651/19

ഫെബ്രുവരി 28 മുതൽ നടക്കേണ്ടിയിരുന്ന എസ്.എസ്.എൽ.സി ഐ.റ്റി പ്രാക്ടിക്കൽ പരീക്ഷ മാർച്ച് ഒന്നിന് എല്ലാ പരീക്ഷാകേന്ദ്രങ്ങളിലും ആരംഭിക്കുമെന്ന് പരീക്ഷാഭവൻ അറിയിച്ചു.  ഫെബ്രുവരി 18ന് നടക്കേണ്ടിയിരുന്ന എസ്.എസ്.എൽ.സി മോഡൽ പരീക്ഷ ഫെബ്രുവരി 28 നു നടക്കും.

പി.എൻ.എക്സ്. 650/19

കേരള ദേവസ്വം റിക്രൂട്ട്മെന്റ് ബോർഡിൽ 25200-54000 രൂപ ശമ്പള സ്‌കെയിലിലുള്ള ക്ലാർക്ക് തസ്തികയിലേക്ക് ഡെപ്യൂട്ടേഷൻ വ്യവസ്ഥയിൽ സംസ്ഥാന സർക്കാർ വകുപ്പുകളിൽ സമാന തസ്തികകളിൽ സേവനമനുഷ്ഠിക്കുന്ന ജീവനക്കാരിൽ നിന്നും അപേക്ഷകൾ ക്ഷണിച്ചു. അപേക്ഷ ബോർഡ് ഓഫീസിൽ ലഭിക്കേണ്ട അവസാന തീയതി മാർച്ച് ആറ്.  വിശദാംശങ്ങൾ  www.kdrb.kerala.gov.in  എന്ന വെബ്സൈറ്റിൽ ലഭ്യമാണ്. 

പി.എൻ.എക്സ്. 649/19

മെഡിക്കൽ വിദ്യാഭ്യാസ ഡയറക്ടറുടെ കീഴിൽ പ്രവർത്തിക്കുന്ന ചൈൽഡ് ഡെവലപ്പ്‌മെന്റ് സെന്ററിൽ നടത്തി വരുന്ന പോസ്റ്റ് ഗ്രാജ്വേറ്റ് ഡിപ്ലോമ ഇൻ ക്ലിനിക്കൽ ചൈൽഡ് ഡെവലപ്പ്‌മെന്റ് കോഴ്‌സിന്റെ ഒഴിവുള്ള ഒരു സീറ്റിൽ പ്രവേശനത്തിനുള്ള കേന്ദ്രീകൃത അലോട്ട്‌മെന്റ് ഇന്ന് (ഫെബ്രുവരി 22) തിരുവനന്തപുരം എൽ.ബി.എസ്. സെന്ററിൽ രാവിലെ 10 ന് നടക്കും. റാങ്ക് ലിസ്റ്റിൽ ഉൾപ്പെട്ട അപേക്ഷകർ ഒറിജിനൽ സർട്ടിഫിക്കറ്റുകൾ സഹിതം നേരിട്ട് ഹാജരാകണം. അലോട്ട്‌മെന്റ് ലഭിക്കുന്നവർ അപ്പോൾ തന്നെ ഫീസ് ഒടുക്കി പ്രവേശനം നേടേണ്ടതാണ്. കൂടുതൽ വിവരങ്ങൾക്ക്: 2560360, 362, 363, 364, 365.

പി.എൻ.എക്സ്. 647/19

മലയോര കര്‍ഷകന്റെ ആത്മാഭിമാനമുണര്‍ത്തുന്ന കുടിയേറ്റ സ്മാരക മ്യൂസിയത്തിന്റെ ശിലാസ്ഥാപന കര്‍മ്മം സര്‍ക്കാരിന്റെ ആയിരം ദിനാഘോഷ ജില്ലാതല ഉദ്ഘാടന വേദിയില്‍ മന്ത്രി എം.എം.മണി നിര്‍വ്വഹിച്ചു.

ഇടുക്കി ആര്‍ച്ച് ഡാമിന് സമീപമാണ് ജില്ലയിലെ കര്‍ഷക കുടിയേറ്റത്തിന്റെ ചരിത്രം അടയാളപ്പെടുത്തുന്ന സ്മാരകം നിര്‍മ്മിക്കുന്നത്. മൂന്നു കോടി രൂപയാണ്

സംസ്ഥാന സര്‍ക്കാരിന്റെ ആയിരം ദിനാഘോഷങ്ങളുടെ ജില്ലാതല ഉദ്ഘാടനത്തിന് മുന്നോടിയായി നടന്ന സാംസ്‌കാരിക റാലി ജനപങ്കാളിത്തവും വ്യത്യസ്ഥതയും കൊണ്ട് ജനശ്രദ്ധയാകര്‍ഷിച്ചു.  വാദ്യമേളങ്ങളുടെ അകമ്പടിയോടെ നടന്ന സാംസ്‌കാരിക റാലിക്ക്  കഥകളി ദൃശ്യം, പുലികളി, വനിതകളുടെ പഞ്ചാരിമേളം തുടങ്ങിയവ മികവേകി. ലിംഗസമത്വവും അനാചാരങ്ങള്‍ക്കെതിരെ പോരാടി രക്തസാക്ഷിയായ നങ്ങേലിയുടെ കഥ ദൃശ്യാവിഷ്‌കരിച്ച് 'നങ്ങേലി മുതല്‍ ഞങ്ങള്‍ വരെ' എന്ന മുദ്രാവാക്യം ഉയര്‍ത്തുന്ന കുടുംബശ്രീയുടെ ഫ്‌ലോട്ട് അനാചാരങ്ങള്‍ക്കെതിരെയും ലിംഗസമത്വത്തിന്റെ ആവശ്യകതയും വിളിച്ചറിയിക്കുന്നതായിരുന്നു.