കൊയിലാണ്ടി ടൗണ്‍ എംപ്ലോയ്മെന്റ് എക്സ്ചേഞ്ചില്‍ 2015 ഡിസംബര്‍ 31  വരെ ലൈറ്റ് മോട്ടോര്‍ വെഹിക്കിള്‍ യോഗ്യത രജിസ്റ്റര്‍ ചെയ്ത ഉദ്യോഗാര്‍ത്ഥികളുടെ താല്‍ക്കാലിക സീനിയോറിറ്റി ലിസ്റ്റ് പരിശോധനയ്ക്കായി തയ്യാറായിട്ടുണ്ട്. ഉദ്യോഗാര്‍ത്ഥികള്‍ക്ക് ഫെബ്രുവരി 27 നുളളില്‍ ഓഫീസില്‍ ലിസ്റ്റ് പരിശോധിച്ച്  പരാതിയുണ്ടെങ്കില്‍ അപേക്ഷ സമര്‍പ്പിക്കാം. അപേക്ഷകള്‍ ഫെബ്രുവരി 27 ന് അഞ്ച് മണി വരെ രജിസ്ട്രേഷന്‍ കാര്‍ഡും എല്ലാ അസ്സല്‍ സര്‍ട്ടിഫിക്കറ്റുകളും സഹിതം കൊയിലാണ്ടി ടൗണ്‍ എംപ്ലോയ്മെന്റ് എക്സ്ചേഞ്ചില്‍ നല്‍കാം. 

കോഴിക്കോട് ഗവ. എഞ്ചിനീയറിങ്ങ് കോളേജിലെ കെമിക്കല്‍ എഞ്ചിനീയറിംഗ് വിഭാഗത്തിലെ റിസര്‍ച്ച് ലാബിലേക്ക് ജി.സി.എം.എസ് ഉപകരണത്തിനുവേണ്ടി ഹീലിയം ഗ്യാസ് (99.9995%) റീഫില്‍ ചെയ്യുന്നതിന് വേണ്ടി മത്സര സ്വഭാവമുളള ക്വട്ടേഷന്‍ ക്ഷണിച്ചു. ക്വട്ടേഷന്‍ സ്വീകരിക്കുന്ന അവസാന തീയതി മാര്‍ച്ച് ഒന്നിന് രണ്ട് മണി വരെ. ഫോണ്‍ : 0495 2383220, 2383210. വെബ്സൈറ്റ് : ംംം.ഴലരസസറ.മര.ശി.

ആലപ്പുഴ : കലകൾക്ക് മനുഷ്യരെ ഒന്നിപ്പിക്കാൻ അപൂർവ്വ ശേഷിയുണ്ട്. കലകൾക്ക് മാത്രമേ അത് സാധിക്കുകയുള്ളൂവെന്ന് മന്ത്രി പി തിലോത്തമൻ. . തണ്ണീർമുക്കം ഗ്രാമ പഞ്ചായത്തിന് കീഴിലുള്ള കാക്കത്തുരുത്ത് പാടശേഖരത്തിലെ  കൊയ്ത്തുത്സവ സമാപന സമ്മേളനവും  600 പദ്ധതികളുടെ ഉദ്ഘാടനവും നിർവഹിച്ച്  സംസാരിക്കുകയായിരുന്നു മന്ത്രി പി. തിലോത്തമൻ. 

. 

തണ്ണീർമുക്കം : എല്ലാ സർക്കാർ വിദ്യാലയങ്ങളും മികവിന്റെ കേന്ദ്രങ്ങളായി മാറണം എന്ന്  ഭക്ഷ്യ സിവിൽ സപ്ലൈസ് വകുപ്പുമന്ത്രി  പി. തിലോത്തമൻ.

സർക്കാരിന്റെ പ്രധാന പദ്ധതികളിൽ ഒന്നാണ് പൊതു വിദ്യഭ്യാസ സംരക്ഷണ യജ്ഞം. സ്‌കൂളിന്റെ ഭൗതിക സാഹചര്യങ്ങൾ മെച്ചപ്പെടുത്തുവാൻ  ആലപ്പുഴ ജില്ലാ പഞ്ചായത്ത് ഫണ്ട് ഉപയോഗിച്ച് നിർമ്മിച്ച തണ്ണീർമുക്കം   ഗവ ഹയർ സെക്കന്ററി സ്‌കൂൾ കെട്ടിടം ഉദ്ഘാടനം ചെയ്ത് സംസാരിക്കുകയായിരുന്നു  മന്ത്രി പി. തിലോത്തമൻ. 

സംസ്ഥാന സർക്കാരിന്റെ 1000 ദിനാഘോഷത്തിന്റെ ഭാഗമായി ഇ.എം.എസ്.സ്‌റ്റേഡിയത്തിൽ നടക്കുന്ന പ്രദർശന-വിൽപ്പന മേളയുടെ ഭാഗമായി ഇന്ന്( ഫെബ്രുവരി 22) വൈകിട്ട് ആറിന് മെഗാ മജെസ്റ്റിക് ഫ്യൂഷൻ അരങ്ങേറും. നന്ദനം സിംഫണി ഓർക്കസ്ട്രയാണ് പരിപാടി അവതരിപ്പിക്കുന്നത്. മേളകൾക്കും ഫ്യൂഷനും പ്രവേശനം സൗജന്യമാണ്.

ആലപ്പുഴ: സംസ്ഥാന സർക്കാരിന്റെ 1000 ദിനാഘോഷത്തിന്റെ ഭാഗമായി ഇ.എം.എസ്.സ്‌റ്റേഡിയത്തിൽ നടക്കുന്ന പ്രദർശന-വിൽപ്പന മേളയുടെ ഭാഗമായി ഇന്ന്( ഫെബ്രുവരി 22) ഉച്ചയ്ക്ക് ശേഷം രണ്ടുമണിക്ക് പച്ചക്കറി കൃഷി സംബന്ധിച്ച സെമിനാർ നടക്കും.റിട്ടയേർഡ് കൃഷി ജോയിന്റ് ഡയറക്ടർ പി.എസ്.സോമൻ വിഷയാവതരണം നടത്തും. തുടർന്ന് കർഷകർക്കുള്ള സംശയനിവാരണത്തിനും അവസരം ഉണ്ടാകും.

sir

ആലപ്പുഴ: സംസ്ഥാന സർക്കാരിന്റെ ആയിരം ദിനാഘോഷത്തിന്റെ  ഭാഗമായി ഇ.എം.എസ് സ്റ്റേഡിയത്തിൽ നടക്കുന്ന മേള കാണാൻ ഫ്രഞ്ച് സംഘവും. ഫ്രാൻസിൽ നിന്നുള്ള 10 സംഘമാണ് മേള കാണാൻ എത്തിയത്. 20 വർഷമായി കേരളത്തിൽ വരുന്ന ഫ്രഞ്ച് പൗരൻ അലന്റെ നേതൃത്വത്തിലുള്ള സംഘമാണ് മേള കാണാൻ എത്തിയത്. ആലപ്പുഴയിൽ മുപ്പാലത്താണ് സംഘം താമസിക്കുന്നത്. ജില്ലാ ഇൻഫർമേഷൻ ഓഫീസിന്റെ സ്റ്റാളിലെത്തിയ സംഘം പുസ്തകങ്ങളും വികസന വാർത്തകളുടെ വീഡിയോ ദൃശ്യങ്ങളും കണ്ടു. പൊതുമരാമത്ത് വകുപ്പിന്റെ നിർമിതി മോഡലും ഹോമിയോപ്പതി വകുപ്പിന്റെ സ്റ്റാളുകളിലും ഏറെ നേരം ചെലവഴിച്ചാണ് സംഘം മടങ്ങിയത്.