സംസ്ഥാന സര്‍ക്കാരിന്റെ 1000 ദിന പരിപാടികളോടനുബന്ധിച്ച് സാമൂഹ്യനീതി വകുപ്പിന് കീഴിലുള്ള പൊതുമേഖലാ സ്ഥാപനമായ കേരള സംസ്ഥാന വികലാംഗ ക്ഷേമ കോര്‍പ്പറേഷന്‍ കോട്ടയം ജില്ലയില്‍ ഭിന്നശേഷിക്കാര്‍ക്കായി സഹായ ഉപകരണ നിര്‍ണ്ണയ വിതരണക്യാമ്പ് നടത്തുന്നു. ഫെബ്രുവരി 24ന് രാവിലെ 9 മുതല്‍ നാഗമ്പടം മൈതാനത്താണ് ക്യാമ്പ് നടക്കുക. ക്യാമ്പില്‍ പങ്കെടുക്കുന്നവര്‍ മെഡിക്കല്‍ ബോര്‍ഡ് നല്‍കിയ ഭിന്നശേഷി സര്‍ട്ടിഫിക്കറ്റും ആധാര്‍കാര്‍ഡും റേഷന്‍ കാര്‍ഡും(ഒറിജിനലും 2 കോപ്പിയും) 2 പാസ്‌പോര്‍ട്ട് സൈസ് ഫോട്ടോയും സഹിതം ഹാജരാകണം. ഡോക്ടര്‍മാരുടെ നിര്‍ദേശ പ്രകാരമായിരിക്കും ഉപകരണങ്ങള്‍ വിതരണം ചെയ്യുക.

സംസ്ഥാന സര്‍ക്കാരിന്റെ 1000 ദിനാഘോഷത്തോടനുബന്ധിച്ച് പകര്‍ച്ചവ്യാധികള്‍ക്കെതിരെ പൊതുജനങ്ങളെ ജാഗരൂകരാക്കാന്‍ ആരോഗ്യ വകുപ്പിന്റെ നേതൃത്വത്തില്‍ കോട്ടയത്ത് നടന്ന ആരോഗ്യ സന്ദേശ യാത്ര ഭക്ഷ്യ സിവില്‍ സപ്ലൈസ് മന്ത്രി പി. തിലോത്തമന്‍ ഫ്‌ലാഗ് ഓഫ് ചെയ്തു. ജില്ലാ കലക്ടര്‍ പി.കെ.സുധീര്‍ ബാബു, സബ് കലക്ടര്‍ ഈശപ്രിയ എന്നിവര്‍ പങ്കെടുത്തു. തിരുനക്കര ഗാന്ധി സ്‌ക്വയറില്‍ നിന്നും ആരംഭിച്ച യാത്ര ശാസ്ത്രി റോഡ് വഴി നാഗമ്പടം മൈതാനത്ത് അവസാനിച്ചു.

സംസ്ഥാന സര്‍ക്കാരിന്റെ 1000 ദിനത്തോടനുബന്ധിച്ച്  നടത്തപ്പെടുന്ന ഉത്പന്ന-പ്രദര്‍ശന-സേവന- വിപണന മേള ശ്രദ്ധേയമാകുന്നു. സര്‍ക്കാരിന്റെ വിവിധ വകുപ്പുകളുടെ ഉത്പന്ന-സേവന- വിപണന പ്രദര്‍ശനമാണ് മേളയില്‍ ഉള്‍പ്പെടുത്തിയിരിക്കുന്നത്. വകുപ്പുകളുടെ 86 സ്റ്റാളുകളാണ് കോട്ടയം നാഗമ്പടം പോപ്പ് മൈതാനത്ത്   സജ്ജീകരിച്ചിരിക്കുന്നത്. ആയുര്‍വേദം, അലോപ്പതി, ഹോമിയോപ്പതി വിഭാഗങ്ങളുടെ മെഡിക്കല്‍ ചെക്കപ്പിനായി നാലു പ്രത്യേക സ്റ്റാളുകളും ക്രമീകരിച്ചിട്ടുണ്ട്.

നാഗമ്പടം മൈതാനിയില്‍ ഇന്ന് (ഫെബ്രുവരി 21) രാവിലെ 10ന് സമകാലിന സ്ത്രീ എന്ന വിഷയത്തില്‍ വനിതാ ശിശുവികസന വകുപ്പ് സെമിനാര്‍ നടത്തും. വൈകിട്ട് 4.30ന് കോട്ടയം  ഓള്‍ഡേജ് ചില്‍ഡ്രന്‍സ് ഹോമിലേയും അന്തേവാസികള്‍ അവതരിപ്പിക്കുന്ന കലാപരിപാടികളും തുടര്‍ന്ന് കാളിദാസ കലാകേന്ദ്രത്തിന്റെ  നാടകം കരുണ അരങ്ങേറും

(കെ.ഐ.ഒ.പി.ആര്‍-324/19) 

സംസ്ഥാനസര്‍ക്കാരിന്റെ 1000 ദിനാഘോഷത്തോടനുബന്ധിച്ച് നടക്കുന്ന ജില്ലാതല ആഘോഷങ്ങള്‍ക്ക് തുടക്കം കുറിച്ചത് 1000 ബലൂണുകള്‍ പറത്തി. ഉദ്ഘാടനസമ്മേളനത്തിന് മുമ്പുള്ള ആരോഗ്യ സന്ദേശ യാത്ര പ്രദര്‍ശന നഗരിയില്‍ പ്രവേശിച്ചതിന്‌ശേഷമാണ് മന്ത്രി പി.തിലോത്തമന്‍, അഡ്വ. കെ സുരേഷ് കുറുപ്പ് എം.എല്‍.എ, സി. കെ ആശ എം എല്‍ എ, ജില്ലാ പോലീസ് മേധാവി എസ് ഹരിശങ്കര്‍, എ ഡി എം അലക്‌സ് ജോസഫ്,  ഡി റ്റി പി സി സെക്രട്ടറി ഡോ. ബിന്ദു നായര്‍, ജില്ലാ സപ്ലൈ ഓഫീസര്‍ എം പി ശ്രീലത, ജില്ലാ ഇന്‍ഫര്‍മേഷന്‍ ഓഫീസര്‍ സിനി കെ.

    അക്ഷയ സംരംഭകന്‍ സിന്റോ മോഹനന് സംസ്ഥാന സര്‍ക്കാരിന്റെ ആയിരം ദിനത്തില്‍ ആധാര്‍ എന്റോള്‍ ചെയ്യുന്നതിനുള്ള ടൂള്‍ കിറ്റ് സമ്മാനം. ലാപ്‌ടോപ്,             സ്‌കാനര്‍, ജി പി എസ് ഉപകരണം എന്നിവയടങ്ങുന്ന 1.25 ലക്ഷം രൂപയുടെ കിറ്റ്  നാഗമ്പടം മൈതാനിയില്‍ നടന്ന ജില്ലാതലാഘോഷ ചടങ്ങില്‍  മന്ത്രി പി തിലോത്തമനില്‍ നിന്ന് സിന്റോ ഏറ്റു വാങ്ങി. പട്ടികവര്‍ഗ്ഗ വിഭാഗത്തില്‍പ്പെട്ട അക്ഷയ സംരംഭകര്‍ക്കായി  നടപ്പാക്കുന്ന പ്രത്യേക പദ്ധതിയുടെ ഭാഗമായാണ്  സൗജന്യമായി ടൂള്‍കിറ്റ് നല്‍കിയത്.

ഐ ആന്റ് പി.ആര്‍.ഡി ഒരുക്കിയ പൂമുഖത്ത് നാട മുറിച്ച് പ്രദര്‍ശന സ്റ്റാളുകളുടെ ഉദ്ഘാടനം ഭക്ഷ്യ- സിവില്‍ സപ്ലൈസ് വകുപ്പ് മന്ത്രി പി. തിലോത്തമന്‍ നിര്‍വഹിച്ചു. സംസ്ഥാന സര്‍ക്കാറിന്റെ 1000 ദിനത്തോടനുബന്ധിച്ച് ഫെബ്രുവരി 27 വരെ കോട്ടയം നാഗമ്പടം മൈതാനിയില്‍ നടക്കുന്ന മേളയുടെ ഉദ്ഘാടനമാണ് മന്ത്രി നിര്‍വഹിച്ചത്.