ഭാഗ്യക്കുറി ക്ഷേമനിധി: മുച്ചക്ര വാഹനം നല്‍കും

       കടന്നപ്പള്ളി-പാണപ്പുഴ ഗ്രാമ പഞ്ചായത്തിലെ ഏര്യം പുഴയ്ക്ക് കുറുകെ നിര്‍മ്മിക്കുന്ന പൂരക്കടവ് വിയര്‍ കം ട്രാക്ടര്‍വേയുടെ പ്രവൃത്തി ഉദ്ഘാടനം ജലവിഭവ വകുപ്പ് മന്ത്രി കെ കൃഷ്ണന്‍കുട്ടി നിര്‍വ്വഹിക്കും. ഇന്ന്് (ഫെബ്രുവരി 21) വൈകീട്ട് 4.30 ന്  ആലക്കാട് പി എച്ച് സിക്ക് സമീപം നടക്കുന്ന ചടങ്ങില്‍ ടി വി രാജേഷ് എം എല്‍ എ അധ്യക്ഷനാകും. പി കരുണാകരന്‍ എം പി, ജില്ലാ പഞ്ചായത്ത് പ്രസിഡന്റ് കെ വി സുമേഷ്, ജില്ലാ കലക്ടര്‍ മീര്‍ മുഹമ്മദ് അലി തുടങ്ങിയവര്‍ പങ്കെടുക്കും.

       സാമൂഹ്യനീതി വകുപ്പിന് കീഴില്‍ കണ്ണൂര്‍ അഴീക്കോട് ചാലിലെ ഗവ.വൃദ്ധമന്ദിരം സെക്കന്‍ഡ് ഇന്നിംഗ്‌സ് ഹോം എന്ന പദ്ധതിയില്‍ ഉള്‍പ്പെടുത്തി ദേശീയ നിലവാരത്തിലേക്ക് ഉയര്‍ത്തുന്നു.  ഇതിന്റെ ഭാഗമായുള്ള രണ്ടാംഘട്ട പ്രവര്‍ത്തനത്തിന്റെ ഉദ്ഘാടനം ഫെബ്രുവരി 22 ന് ഉച്ച 12.30 ന് ആരോഗ്യ സാമൂഹ്യനീതി വകുപ്പ് മന്ത്രി കെ കെ ശൈലജ ടീച്ചര്‍ നിര്‍വഹിക്കും.  കെ എം ഷാജി എം എല്‍ എ അധ്യക്ഷത വഹിക്കും.

       തിരുവനന്തപുരം-കാസര്‍കോട് ജലപാതയുടെ ഭാഗമായ കണ്ണൂര്‍ ജില്ലയിലെ കുപ്പം പുഴയേയും പാലക്കോട് പുഴയേയും ബന്ധിപ്പിക്കുന്ന സുല്‍ത്താന്‍ കനാലിന്റെ നവീകരണ പ്രവൃത്തിയുടെ ഉദ്ഘാടനം ജലവിഭവ വകുപ്പ് മന്ത്രി കെ കൃഷ്ണന്‍കുട്ടി ഇന്ന് (ഫെബ്രുവരി 21) നിര്‍വഹിക്കും. വൈകീട്ട് 2.30 ന് മാടായി സൗത്ത് എല്‍ പി സ്‌കൂള്‍ പരിസരത്ത് നടക്കുന്ന ചടങ്ങില്‍ ടി വി രാജേഷ് എം എല്‍ എ അധ്യക്ഷനാകും.

       മന്ത്രി രാമചന്ദ്രന്‍ കടന്നപ്പള്ളി മുഖാന്തരം നിര്‍ദ്ദേശിച്ച കണ്ണൂര്‍ നിയോജക മണ്ഡലത്തിലെ അഞ്ച് റോഡുകളുടെ പുനരുദ്ധാരണത്തിന് 1.75 കോടി രൂപ അനുവദിച്ചു.  കൗസല്യ കമ്പനി-കാനത്ത്കാവ്-തോട്ടട-59.70 ലക്ഷം, ദൈവത്താര്‍ റോഡ് തോട്ടട- 59.3 ലക്ഷം, കാഞ്ഞിരവയല്‍ പി എം വില്ല റോഡ്-17.1 ലക്ഷം, ആറ്റടപ്പ എല്‍ പി സ്‌കൂള്‍ കുന്നപ്രം റോഡ്-25.60 ലക്ഷം, പാലേരികുന്ന്-കാപ്പാട് റോഡ്-14.10 ലക്ഷം എന്നിങ്ങനെയാണ് അനുവദിച്ചത്.  ഭരണാനുമതി ലഭിച്ച പ്രവത്തികള്‍ ഉടന്‍ പൂര്‍ത്തിയാക്കാന്‍ മന്ത്രി നിര്‍ദ്ദേശം നല്‍കി.

       ലോകസഭാ തെരഞ്ഞെടുപ്പുമായി ബന്ധപ്പെട്ട് വിവിപാറ്റ്, ഇ.വി.എം മെഷീനുകളുടെ പ്രവര്‍ത്തനം സമ്മതിദായകര്‍ക്ക് പരിചയപ്പെടുത്തുന്നതിനും ബോധവല്‍ക്കരിക്കുന്നതിനുമായി പോളിംഗ് കേന്ദ്രങ്ങളില്‍ ബോധവത്കരണ പരിശീലന ക്യാമ്പയിന്‍ സംഘടിപ്പിക്കുന്നു. കണ്ണൂര്‍ നിയമസഭാ മണ്ഡലത്തിലെ ബൂത്ത് നമ്പര്‍ 136 മുതല്‍ ബൂത്ത് നമ്പര്‍ 141 വരെയുള്ളവര്‍ക്ക് ഫെബ്രുവരി 21ന് പോളിംഗ് സ്റ്റേഷനില്‍ പരിശീലനം നല്കുന്നു.  രാവിലെ ഒമ്പതിന് കുറ്റിക്കകം സൗത്ത് എ.എല്‍.പി. സ്‌കൂള്‍, 11.30ന് ഊര്‍പ്പഴശ്ശിക്കാവ് എ.യു.പി. സ്‌കൂള്‍, 2.30ന് ആവേര ഗ്രാമ മന്ദിരം എന്നിവിടങ്ങളിലാണ് പരിശീലനം.

 കേരള സംസ്ഥാന വെയര്‍ ഹൗസിംഗ് കോര്‍റേഷന്‍ നബാര്‍ഡ് പദ്ധതിയില്‍ ഉള്‍പ്പെടുത്തി പയ്യന്നൂര്‍ വെയര്‍ ഹൗസില്‍ നിര്‍മ്മാണം പൂര്‍ത്തിയാക്കിയ 1300 മെട്രിക് ടണ്‍ സംഭരണ ശേഷിയുള്ള പുതിയ ഗോഡൗണുകളുടെ ഉദ്ഘാടനം ഫെബ്രുവരി 22ന് വൈകീട്ട് അഞ്ചിന് റവന്യു വകുപ്പ് മന്ത്രി ഇ. ചന്ദ്രശേഖരന്‍ നിര്‍വഹിക്കും. കൃഷി മന്ത്രി വി.എസ് സുനില്‍കുമാര്‍ മുഖ്യാതിഥിയാവും. സി. കൃഷ്ണന്‍ എം.എല്‍.എ അധ്യക്ഷത വഹിക്കും. പി. കരുണാകരന്‍ എം.പി മുഖ്യപ്രഭാഷണം നടത്തും.

       ആര്‍ദ്രം പദ്ധതിയിലുള്‍പ്പെടുത്തി പ്രാഥമികാരോഗ്യ കേന്ദ്രങ്ങളെ കുടുംബാരോഗ്യ കേന്ദ്രങ്ങളാക്കി മാറ്റുന്ന പദ്ധതിയുടെ ആദ്യ ഘട്ടം ജില്ലയില്‍ പൂര്‍ത്തിയായി. 11 ആശുപത്രികളെയാണ് ജില്ലയില്‍ നിന്ന് തെരഞ്ഞെടുത്തിരുന്നത്. പതിനൊന്നാമത് കുടുംബാരോഗ്യ കേന്ദ്രത്തിന്റെ ഉദ്ഘാടനം തില്ലങ്കേരിയില്‍ ആരോഗ്യ വകുപ്പ് മന്ത്രി കെ കെ ശൈലജ ടീച്ചര്‍ നിര്‍വഹിക്കും.  ഫെബ്രുവരി 22ന് വൈകീട്ട് 6.30 ന് നടക്കുന്ന ചടങ്ങില്‍ ഇരിട്ടി ബ്ലോക്ക് പഞ്ചായത്ത് പ്രസിഡന്റ്  എന്‍ ടി റോസമ്മ അധ്യക്ഷത വഹിക്കും.