കാക്കനാട്: ജില്ലയിലെ റസിഡന്റ്‌സ് അസോസിയേഷനുകളുടെ സംഘടനയായ എഡ്രാക് (EDRAAC) മേഖല പ്രതിനിധികള്‍ക്കായി തെരഞ്ഞെടുപ്പ് ബോധവത്കരണ ക്ലാസ് നടത്തി. ഓണവും ക്രിസ്മസും ഒരുമിച്ച് ആഘോഷിക്കുന്നത് പോലെ വോട്ടിംഗ് ദിനവും ആഘോഷമാക്കണമെന്ന് ഇലക്ഷന്‍ ഡപ്യൂട്ടി കലക്ടര്‍ എസ് ഷാജഹാന്‍ പറഞ്ഞു. 

കാസര്‍കോട് കളക്ടറേറ്റില്‍ ഡി.സി.സ്യൂട്ട് തുടങ്ങുന്നതിന്റെ ഭാഗമായി നീക്കം ചെയ്ത മരഉരുപ്പടികളും ഇരുമ്പ് ഉരുപ്പടികളും ഏപ്രില്‍ 9 ന്  ഉച്ചയ്ക്ക് മൂന്നിന് ലേലം ചെയ്യും.

വാര്‍ഷിക  വരുമാനം  ഒരു  ലക്ഷം  രൂപയില്‍ താഴെ ഉള്ളവരും, എസ് എസ് എല്‍ സി യോഗ്യതയുള്ള 18-25 വയസിനിടയില്‍ പ്രായമുള്ളവരുമായ  ഉദ്യോഗാര്‍ത്ഥികളില്‍  നിന്നും നഗരസഭയിലെ എന്‍ യു എല്‍ എം പദ്ധതിക്ക്  കീഴില്‍  നടത്തുന്ന സി.എന്‍.സി ഓപറേറ്റര്‍ കോഴ്‌സിലേക്ക് അപേക്ഷ  ക്ഷണിച്ചു. കൂടുതല്‍  വിവരങ്ങള്‍ക്ക് -8078429509

സംസ്ഥാനത്തെ പോസ്റ്റ്‌മെട്രിക് തലത്തില്‍ പഠിക്കുന്ന ഒ.ഇ.സി. വിദ്യാര്‍ത്ഥികളുടെ സ്‌കോളര്‍ഷിപ്പിനു ലഭ്യമായ അപേക്ഷകള്‍ ബന്ധപ്പെട്ട സ്ഥാപനങ്ങള്‍ എത്രയും വേഗം അതാത് ജില്ലാ പട്ടികജാതി വികസന ഓഫീസുകളില്‍ ലഭ്യമാക്കി അനുമതി ഉത്തരവ് വാങ്ങണം. മാര്‍ച്ച് 23 നകം ക്ലെയിം സ്റ്റേറ്റ്‌മെന്റ് നല്‍കി അര്‍ഹരായ വിദ്യാര്‍ത്ഥികള്‍ക്ക് കുടിശ്ശിക ഉള്‍പ്പെടെ വിദ്യാഭ്യാസാനുകൂല്യങ്ങള്‍          ലഭിക്കുന്നതിന് നടപടി സ്വീകരിക്കണമെന്ന്  എല്ലാ വിദ്യാഭ്യാസ സ്ഥാപന മേലധികാരികളോടും  പിന്നാക്ക വിഭാഗ വികസന വകുപ്പ് കോഴിക്കോട് മേഖലാ ഡെപ്യൂട്ടി ഡയറക്ടര്‍ അറിയിച്ചു

സിവില്‍ സ്റ്റേഷനില്‍ ജില്ലാ ഇന്‍ഫര്‍മേഷന്‍ ഓഫീസ് കെട്ടിട നിര്‍മ്മാണ സ്ഥലത്ത് നിന്ന് മുറിച്ച് മാറ്റിയ വിറകിന് ഉപയോഗിക്കാവുന്ന മരങ്ങള്‍ ലേലം ചെയ്യും. മാര്‍ച്ച് 26 ന് വൈകിട്ട് മൂന്നിന് കളക്‌റേറ്റിലാണ് ലേലം. കൂടുതല്‍ വിവരങ്ങള്‍ക്ക്  04994 255145

വിട്ടുമാറാതെയുള്ള ചുമയാണ് ക്ഷയരോഗത്തിന്റെ ആദ്യ ലക്ഷണം. ചുമ ചികിത്സിക്കേണ്ട രോഗലക്ഷണമായി അധികമാരും കാണാത്തതിനാല്‍ പലപ്പോഴും സ്വയം ചികിത്സിക്കുകയാണ് പതിവ്. സ്ഥിതി ഗുരുതരമാകുമ്പോഴാണ് പലരും ആശുപത്രികളില്‍ ചികിത്സ തേടുന്നത്. ചികിത്സ ആരംഭിച്ച് രോഗത്തിന് കുറച്ച് ശമനം വരുമ്പോഴേക്കും പലരും മരുന്ന് നിര്‍ത്തുകയും പിന്നീട് മരുന്നേല്‍ക്കാത്ത (എംഡിആര്‍) ക്ഷയരോഗികളായി മാറുകയും ചെയ്യുന്നു.

ലോകക്ഷയരോഗദിനാചരണത്തിന്റെ (മാര്‍ച്ച് 24) ഭാഗമായുള്ള ജില്ലാതല പരിപാടികള്‍ മാര്‍ച്ച് 23ന് നടത്തും ലോക ഒളിമ്പിംക്‌സ് താരം ഡോ. പി ടി ഉഷ മുഖ്യാതിഥിയാകും. ഇറ്റ്‌സ് ടൈം …ക്ഷയരോഗം തുടച്ചുനീക്കുവാന്‍ സമയമായി ,വായുജന്യരോഗങ്ങള്‍ക്കെതിരെ ജാഗ്രത എന്നതാണ് ക്ഷയരോഗദിനസന്ദേശം. ദിനാചരണത്തിന്റെ ജില്ലാതല ഉദ്ഘാടനം രാവിലെ 11ന് കാസര്‍കോട് ജനറല്‍ ആശുപത്രിക്ക് സമീപം ജില്ലാ കളക്ടര്‍ ഡോ.ഡി സജിത്ത് ബാബു നിര്‍വഹിക്കും. ജില്ലാ മെഡിക്കല്‍ ഓഫീസര്‍ ഡോ. എ പി ദിനേശ് കുമാര്‍ അധ്യക്ഷനാകും. പരിപാടിയില്‍ ജില്ലയില്‍ മുതിര്‍ന്ന ഡോ.ബി എസ് റാവുവിനെ ആദരിക്കും.

ലോകസഭാ തെരഞ്ഞെടുപ്പില്‍ വോട്ടര്‍മാരെ കൂടുതല്‍ പങ്കെടുപ്പിക്കാനും ഒരു വോട്ടുപോലും പാഴാകാതിരിക്കാനുമുള്ള ബോധവല്‍ക്കരണത്തിന്റെ ഭാഗമായി തെരഞ്ഞെടുപ്പ് കമ്മീഷന്‍ ആഭിമുഖ്യത്തില്‍ ജില്ലയിലെ കോളേജ് വിദ്യാര്‍ത്ഥികള്‍ക്കായി പോസ്റ്റര്‍ രചനാ മത്സരം സംഘടിപ്പിച്ചു. തെരഞ്ഞെടുപ്പ് കമ്മീഷന്റെ ഭാഗമായുള്ള സിസ്റ്റമാറ്റിക് വോട്ടര്‍സ് എഡ്യുക്കേഷന്‍ ആന്റ് ഇലക്ടറല്‍ പാര്‍ട്ടിസിപ്പേഷന്‍ (എസ്‌വിഇഇപി) കാസര്‍കോട് ജില്ലാ വിഭാഗമാണ് മത്സരം സംഘടിപ്പിച്ചത്. അലാമിപ്പള്ളി പുതിയ ബസ് സ്റ്റാന്റില്‍ കാഞ്ഞങ്ങാട് സബ് കളക്ട്ര്‍ അരുണ്‍ കെ വിജയന്‍ ഉദ്ഘാടനം ചെയ്തു.  സ്വീപ്പ് നോഡല്‍ ഓഫീസര്‍ മുഹമ്മദ് നൗഷാദ്  അധ്യക്ഷത വഹിച്ചു.

സ്റ്റാറ്റിക്കല്‍ സര്‍വലന്‍സ് ടീമും ഫ്‌ളൈയിങ് സ്‌ക്വാഡും  പിടികൂടുന്ന പണം  രേഖകള്‍ ഉള്ളതാണെങ്കില്‍ യഥാസമയം തിരിച്ചുനല്‍കുന്നതിന് തെരഞ്ഞടുപ്പ് നിരീക്ഷണ വിഭാഗം  നോഡല്‍ ഓഫീസര്‍ കൂടിയായ ജില്ലാ ഫിനാന്‍സ് ഓഫീസര്‍ കെ സതീശന്‍  കണ്‍വീനര്‍ ആയി  അപ്പീല്‍ കമ്മിറ്റി രൂപീകരിച്ചു. തെരഞ്ഞെടുപ്പ് പ്രചരണത്തിന് കള്ളപ്പണം ഉപയോഗിക്കുന്നതും പണവും മറ്റ് പാരിതോഷികങ്ങളും നല്‍കി വോട്ടര്‍മാരെ സ്വാധീനിക്കുന്നത് തടയാനുമാണ് ഫ്‌ളൈയിങ് സ്‌ക്വാഡിന് രൂപം നല്‍കിയത്. ലോക്‌സഭാ തെരഞ്ഞെടുപ്പ് കുറ്റമറ്റതും സുതാര്യവും ആക്കുന്നതിന് ഇതിലൂടെ സാധിക്കും.