മഹാകവി മോയിന്‍കുട്ടി വൈദ്യര്‍ മാപ്പിള കലാ അക്കാദമിയുടെ വാര്‍ഷിക പരിപാടിയായ വൈദ്യര്‍ മഹോത്സവം നാളെ മുതല്‍ ഞായറാഴ്ച വരെ അക്കാദമിയില്‍ നടക്കും. ഡിസംബര്‍ അവസാനവാരത്തില്‍ നടക്കേണ്ടിയിരുന്ന വൈദ്യര്‍ മഹോത്സവം 2018ലെ മഹാപ്രളയത്തിന്റെ പശ്ചാത്തലത്തില്‍ റദ്ദാക്കപ്പെട്ടതായിരുന്നു.
അക്കാദമിയില്‍ എല്ലാ വര്‍ഷവും പാട്ടു പാടാന്‍ എത്തുന്ന മുതിര്‍ന്ന കലാകാര•ാരുടെ അഭ്യര്‍ത്ഥന മാനിച്ച് ആഘോഷങ്ങള്‍ ഒഴിവാക്കിയുള്ള സംഗമങ്ങളാണ് നടക്കുന്നത്. ഗാന്ധിജിയുടെ 150-ാം ജ•വാര്‍ഷികവും 70-ാം രക്ത സാക്ഷ്യവും അനുബന്ധിച്ച് ഗാന്ധി സ്മൃതിയിലാണ് വൈദ്യര്‍ മഹോത്സവം.

    കലക്ടറേറ്റിലെ കെ.എല്‍ 10 എവി 3266 നമ്പര്‍ ബൊലേറോ വാഹനത്തിന് ഒരു ട്യൂബ് ലെസ് ടയര്‍ മാറ്റുന്നതിന് ക്വട്ടേഷന്‍ ക്ഷണിച്ചു. ക്വട്ടേഷന്‍ ഡെപ്യൂട്ടി കലക്ടര്‍ (ജനറല്‍), കലക്ടറേറ്റ്, മലപ്പുറം വിലാസത്തില്‍ മാര്‍ച്ച് 28ന് വൈകുന്നേരം മൂന്നിനകം ലഭിക്കണം. 

    മനുഷ്യാവകാശ കമ്മീഷന്‍ അംഗം കെ. മോഹന്‍കുമാര്‍ ഏപ്രില്‍ 10ന് തിരൂര്‍ റസ്റ്റ് ഹൗസില്‍ സിറ്റിങ് നടത്തും.  

മഹാകവി മോയിന്‍കുട്ടി വൈദ്യര്‍ മാപ്പിള കലാ അക്കാദമി കൊണ്ടോട്ടിയിലെയും പരിസര പ്രദേശങ്ങളിലെയും വാദ്യകലാകാര•ാരുടെ സ്ഥിതിവിവരം ശേഖരിക്കുന്നു. ഹാര്‍മോണിയം, തബല തുടങ്ങിയ വാദ്യോപകരണ കലാകാര•ാര്‍ അക്കാദമിയുടെ 92071 73451 എന്ന നമ്പറിലേക്ക് വാട്‌സ് ആപ്പ് ആയോ എസ് എം എസ് ആയോ പേരും വിലാസവും അറിയിക്കുക.

മലപ്പുറം ഗവ. കോളേജ് എന്‍.എസ്.എസ് യൂനിറ്റ് മലപ്പുറം കൃഷി ഭവന്റെ സാമ്പത്തിക സഹായത്തോടെ കോളേജ് ടെറസിനു മുകളില്‍ നടത്തുന്ന  വിഷ രഹിത പച്ചക്കറി പദ്ധതിക്ക് തുടക്കമായി. എല്ലാ കാലാവസ്ഥകളിലും കൃഷിയിറക്കാവുന്ന റെയ്ന്‍ ഷെല്‍ട്ടറിന് കീഴിലാണ് കൃഷി നടത്തുന്നത്.

ലോക ദന്താരോഗ്യ ദിനത്തില്‍  പെരിന്തല്‍മണ്ണ ജില്ലാശുപത്രിയില്‍ അത്യാധുനിക സൗകര്യത്തോടെ  നവീകരിച്ച ദന്തല്‍ ലാബ്, ദന്തല്‍ യൂനിറ്റ്  എക്‌സറേ എന്നിവയുടെ പ്രവര്‍ത്തനം ആരംഭിച്ചു.  പല്ലെടുക്കല്‍, ക്ലീനിങ്, റൂട്ട് കനാല്‍ ചികിത്സകള്‍ക്ക് പുറമെ പല്ല് വെച്ച് പിടിപ്പിക്കല്‍ ( ഇംപ്ലാന്റ് ) സൗകര്യവും  ഇവിടെ ഒരുക്കിയിട്ടുണ്ട്.

വെസ്റ്റ് നൈല്‍ രോഗം സ്ഥിരീകരിച്ച മലപ്പുറം എ.ആര്‍ നഗറില്‍ കോട്ടയം വെക്ടര്‍ കണ്‍ട്രോള്‍ റിസര്‍ച് സെന്ററില്‍ (വിസിആര്‍സി) നിന്നുള്ള സംഘം പരിശോധന നടത്തി. ഓഫീസര്‍ ഇന്‍ ചാര്‍ജ് ഡോ. എന്‍ പ്രദീപ് കുമാര്‍, ഡോ. പ്രശാന്ത് സൈനി, ഡോ. അബിദ എന്നിവരാണ് സംഘത്തിലുണ്ടായിരുന്നത്. സ്ഥലത്ത് ക്യൂലക്സ് കൊതുകുകളുടെ സാന്നിധ്യം കണ്ടെത്തിയിട്ടുണ്ട്. സ്ഥലത്ത് നിന്നും കൊതുകുകളെ പരിശോധനക്കായി ശേഖരിച്ചു. രണ്ട് ദിവസത്തിനകം പരിശോധന ഫലം ലഭിക്കും.