കോഴിക്കോട് കര്‍ഷക പരിശീലന കേന്ദ്രത്തിന്റെ നേതൃത്ത്വത്തില്‍ ഏപ്രില്‍ എട്ട്, ഒന്‍പത്  തിയതികളില്‍ ''ഭക്ഷ്യ സംസ്‌കരണവും മൂല്ല്യ  വര്‍ധിത ഉല്‍പ്പന്നങ്ങളും'' എന്ന വിഷയത്തില്‍ 25 കര്‍ഷകര്‍ക്ക് പരിശീലനം നടത്തുന്നു. താല്‍പര്യമുള്ള കര്‍ഷകര്‍ പേര് രജിസ്റ്റര്‍ ചെയ്യണം.  മുന്‍പ് ഈ കേന്ദ്രത്തില്‍ നിന്നും പരിശീലനം ലഭിച്ചവര്‍ക്ക് രജിസ്ട്രേഷന്‍ അനുവദിക്കുന്നതല്ല. രാവിലെ  10 മുതല്‍ അഞ്ച് വരെ രണ്ട് ദിവസം തുടര്‍ച്ചയായി ക്ലാസ്സ് ഉണ്ടായിരിക്കും.  മുന്‍ഗണന അടിസ്ഥാനത്തിലാണ് കര്‍ഷകരെ തിരഞ്ഞെടുക്കുന്നത്. ഫോണ്‍: 04952373582, 9645698015.

സംസ്ഥാന കൈത്തറി വസ്ത്ര ഡയറക്ടറേറ്റ്, കോഴിക്കോട് ജില്ലാ വ്യവസായ കേന്ദ്രം, കോഴിക്കോട് ജില്ലാ കൈത്തറി വികസന സമിതി എന്നിവയുടെ സംയ്ക്ത ആഭിമുഖ്യത്തില്‍ വിഷു ഹാന്റ്ലും എക്സ്പോ ഇന്ന് (ഏപ്രില്‍ നാല)് മുതല്‍ 14 വരെ കോഴിക്കോട് കോര്‍പ്പറേഷന്‍ ഇ.എം.എസ് സ്റ്റേഡിയം കോമ്പൗണ്ടില്‍ നടത്തും. രാവിലെ ഒന്‍പത് മണി മുതല്‍ രാത്രി എട്ട് മണിവരെ നടക്കുന്ന മേളയില്‍ ജില്ലയിലെയും സമീപ ജില്ലകളിലെയും കൈത്തറി സംഘങ്ങളുടെ കൈത്തറി ഉല്‍പ്പന്നങ്ങളുടെ പ്രദര്‍ശനവും വില്‍പ്പനയും ഉണ്ടായിരിക്കും. മേളയുടെ ഉദ്ഘാടനം ഇന്ന് (ഏപ്രില്‍ നാല് ) വൈകീട്ട് നാല് മണിക്ക് ജില്ലാ വ്യവസായ കേന്ദ്രം ജനറല്‍ മാനേജര്‍ നിര്‍വ്വഹിക്കും. 

സൂര്യാതപത്തെ തുടര്‍ന്ന് ഇന്ന് ( ഏപ്രില്‍ 3) മൂന്ന് പുരുഷന്‍മാരും അഞ്ച് സ്ത്രീകളും അടക്കം 8 പേര്‍ ജില്ലയില്‍ ചികിത്സതേടി. ഇതില്‍ ആറുപേര്‍ക്ക് പൊള്ളലേറ്റിരുന്നു. വിലിംഗപള്ളി, വടകര, ചോറോട്, പെരുവയല്‍, പയ്യോളി, പുതുപ്പാടി എന്നീ പ്രദേശങ്ങളില്‍ നിന്നാണ് കേസുകള്‍ റിപ്പോര്‍ട്ട് ചെയ്തത്. ഇതോടെ ജില്ലയില്‍ ആകെ ചികിത്സ തേടിയവരുടെ എണ്ണം 123 ആയി.
 

ദിവസേന നൂറുകണക്കിന് ആളുകള്‍ സേവനം തേടിയെത്തുന്ന കലക്ട്രേറ്റില്‍ അടിസ്ഥാന സൗകര്യ വികസനത്തിന് ലീഡ് ബാങ്കിന്റെ സഹായം. മൂന്ന് പേര്‍ക്ക് ഇരിക്കാവുന്ന 15 കസേരകളാണ് ലീഡ് ബാങ്ക് നല്‍കിയത്. ആദ്യ ഗഡുവായി സ്റ്റേറ്റ് ബാങ്ക് ഓഫ് ഇന്ത്യ 60000 രൂപയും പഞ്ചാബ് നാഷണല്‍ ബാങ്ക് 20000 രൂപയും നല്‍കി. എ.ഡി.എം ഇ.പി മേഴ്‌സി സഹായങ്ങള്‍ ഏറ്റുവാങ്ങി. ലീഡ് ബാങ്ക് മാനേജര്‍ കെ.എം ശിവദാസന്‍, കാനറ ബാങ്ക് റീജിണല്‍ ഹെഡ് സി.രവീന്ദ്രനാഥ്, കലക്ട്രേറ്റ് സ്റ്റാഫ് വെല്‍ഫയയര്‍ കമ്മിറ്റി അംഗങ്ങള്‍ തുടങ്ങിയവര്‍ ചടങ്ങില്‍ പങ്കെടുത്തു.

സ്റ്റാറ്റീക് സര്‍വൈലന്‍സ് കുന്ദമംഗലം, എലത്തൂര്‍ സ്‌ക്വാഡുകള്‍ ഇന്ന് (ഏപ്രില്‍ 3) രേഖകളില്ലാത്ത 2.16 ലക്ഷം രൂപ പിടികൂടി കലക്ടറേറ്റ് സീനിയര്‍ ഫിനാന്‍സ് ഓഫീസറുടെ നേതൃത്വത്തിലുള്ള അപ്പീല്‍ കമ്മിറ്റിക്ക് കൈമാറി. ഇതുവരെ 52.74 ലക്ഷം രൂപ ജില്ലയില്‍ പിടികൂടിയിട്ടുണ്ട്

പത്തു വർഷത്തോളമായി മുടങ്ങിക്കിടന്ന സംസ്ഥാനത്തെ ഗവൺമെന്റ് എൻജിനീയറിങ് കോളേജ് അധ്യാപകരുടെ സ്ഥാനക്കയറ്റത്തെ സംബന്ധിച്ച സർക്കാർ ഉത്തരവ് റദ്ദാക്കാൻ ഹൈക്കോടതി വിസമ്മതിച്ചതായി ഉന്നത വിദ്യാഭ്യാസമന്ത്രിയുടെ ഓഫീസ് അറിയിച്ചു. 

* ആകെ ലഭിച്ച പത്രികകളുടെ എണ്ണം 154

ലോക്സഭാ തിരഞ്ഞെടുപ്പിന് സംസ്ഥാനത്തെ വിവിധ മണ്ഡലങ്ങളിൽ ബുധനാഴ്ച (ഏപ്രിൽ മൂന്ന്) സമർപ്പിക്കപ്പെട്ടത് 41 നാമനിർദേശപത്രികകൾ. ഇതോടെ ഇതുവരെ ലഭിച്ച പത്രികളുടെ എണ്ണം 154 ആയി.

വയനാട്ടിൽ ഏഴും, കൊല്ലം, പാലക്കാട് മണ്ഡലങ്ങളിൽ നാലു വീതവും, ആറ്റിങ്ങൽ, എറണാകുളം എന്നിവിടങ്ങളിൽ മൂന്നു വീതവും, പത്തനംതിട്ട, കോട്ടയം, ചാലക്കുടി, ആലത്തൂർ, പൊന്നാനി, മലപ്പുറം, വടകര, കണ്ണൂർ എന്നിവിടങ്ങളിൽ രണ്ടുവീതവും, മാവേലിക്കര, ആലപ്പുഴ, ഇടുക്കി, കാസർകോട് എന്നിവിടങ്ങളിൽ ഒന്നുവീതവും പത്രികകളാണ് ബുധനാഴ്ച ലഭിച്ചത്.

തിരുവനന്തപുരം സർക്കാർ വനിതാ കോളേജിൽ 2015-16, 2016-17, 2017-18 അദ്ധ്യയന വർഷത്തെ ഒ.ബി.സി/ എസ്.സി.ബി.സി/ കെ.പി.സി.ആർ/ എസ്.സി വിഭാഗത്തിലെ വിദ്യാർത്ഥിനികൾക്ക് ഇ-ഗ്രാന്റ്‌സിലൂടെ സ്‌പെഷ്യൽ ഫീസിനത്തിൽ ലഭിച്ച തുക ഇതുവരെയും കൈപ്പറ്റാത്തവർ ഏപ്രിൽ 30ന് മുമ്പ് പ്രവർത്തി ദിവസങ്ങളിൽ രാവിലെ 10 മണി മുതൽ ഉച്ചയ്ക്ക് 2 മണിവരെ കോളേജ് ഓഫീസിൽ നിന്നും കൈപ്പറ്റണം. അല്ലാത്തപക്ഷം തുക ഇനിയൊരറിയിപ്പ് കൂടാതെ എസ്.സി ഓഫീസിലേക്ക് തിരിച്ചടക്കുമെന്ന് പ്രിൻസിപ്പൽ അറിയിച്ചു.

പി.എൻ.എക്സ്. 1059/19