ലോക്സഭാ തെരഞ്ഞെടുപ്പിനുള്ള കണ്ണൂര്‍ മണ്ഡലത്തില്‍ നിന്നുള്ള സ്ഥാനാര്‍ഥിയായി കെ സുധാകരന്‍  റിട്ടേണിംഗ് ഓഫീസര്‍ കൂടിയായ ജില്ലാ കലക്ടര്‍ മീര്‍ മുഹമ്മദ് അലി മുമ്പാകെ നാമനിര്‍ദ്ദേശ പത്രിക സമര്‍പ്പിച്ചു. ഇന്ത്യന്‍ നാഷണല്‍ കോണ്‍ഗ്രസ് സ്ഥാനാര്‍ഥിയായാണ് അദ്ദേഹം പത്രിക സമര്‍പ്പിച്ചത്. 

കണ്ണൂര്‍ പാറക്കണ്ടി സ്വദേശിയായ സുധാകരന്‍  കണ്ണൂര്‍ നിയോജക മണ്ഡലത്തിലെ വോട്ടറാണ്. കോഴിക്കോട് സര്‍വകലാശാലയില്‍ നിന്നും ചരിത്രത്തില്‍ ബിരുദവും ബിരുദാനന്തര ബിരുദവും മംഗലാപുരം സര്‍വകലാശാലയില്‍ നിന്നുള്ള നിയമ ബിരുദവുമാണ് വിദ്യാഭ്യാസ യോഗ്യത. 

ആലപ്പുഴ: മാവേലിക്കര ലോക്സഭ മണ്ഡലത്തിലെ സ്വതന്ത്ര  സ്ഥാനാർഥിയായി  ഉഷ അശോകൻ വരണാധികാരിയായ ജില്ലാകളക്ടർ എസ്.സുഹാസ് മുമ്പാകെ ഇന്നലെ നാമനിർദേശ പത്രിക നൽകി.  കൂടാതെ ആലപ്പുഴയിലെ പി.ഡി.പി.സ്ഥാനാർഥിയായി രാജേന്ദ്രനും ജില്ലാ കളക്ടർ മുമ്പാകെ നാമനിർദ്ദേശ പത്രിക സമർപ്പിച്ചു. 

പത്രികസമർപ്പണത്തിനുള്ള അവസാന ദിനം ഇന്നാണ്. ഇന്നു വൈകീട്ട് മൂന്നുവരെ പത്രിക നൽകാം. നാളെ (ഏപ്രിൽ 05) രാവിലെ പത്രികകളുടെ സൂക്ഷ്മപരിശോധന നടത്തും. എട്ടിന് വൈകീട്ട് മൂന്നുവരെയാണ് പത്രികകൾ പിൻലിക്കാനുള്ള സമയം. തുടർന്ന് മല്ഡസരരംഗത്തുള്ളവർക്ക് വരണാധികാരി ചിഹ്നങ്ങൾ അനുവദിക്കും. 

ആലപ്പുഴ: ഏപ്രിൽ 3,4 തിയതികളിൽ ജില്ലയിലെ താപനില സാധാരണയിൽ നിന്ന് മൂന്നു മുതൽ നാല് ഡിഗ്രി സെൽഷ്യസ് വരെ ഉയരാൻ സാധ്യതയുണ്ടെന്ന് തിരുവനന്തപുരം കാലാവസ്ഥ കേന്ദ്രം മുന്നറിയിപ്പ് നൽകി. 

ആലപ്പുഴ: ലോക്‌സഭ തിരഞ്ഞെടുപ്പിന്റെ ഭാഗമായി സിവിൽ സ്റ്റേഷനിലെ ഗോഡൗണിൽ സൂക്ഷിച്ചിരുന്ന  വോട്ടിങ് യന്ത്രങ്ങൾ വിതരണം ചെയ്തു. രാവിലെ 7.30 ന് ജില്ല കളക്ടർ എത്തി ഗോഡൗൺ തുറന്ന് ആദ്യ പെട്ടി ജീവനക്കാർക്ക് കൈമാറി. വോട്ടിങ് യന്ത്രങ്ങളുടെ കൈമാററത്തിനുള്ള ഒരുക്കങ്ങൾ കളക്ട്രേറ്റിൽ രണ്ടു ദിവസമായി നടന്നുവരുകയായിരുന്നു. 2339 യൂണിറ്റുകളാണ് നിയോജക മണ്ഡലങ്ങളിലെ വിതരണ കേന്ദ്രങ്ങളിലെ സുരക്ഷ മുറികളിലേക്ക് കൈമാറിയത്.

ലോക്സഭാ തെരഞ്ഞെടുപ്പുമായി ബന്ധപ്പെട്ട്  കേന്ദ്ര തെരഞ്ഞെടുപ്പ് കമ്മീഷന്‍ വയനാട് മണ്ഡലത്തില്‍ നിയോഗിച്ച ജനറല്‍ ഒബ്‌സര്‍വര്‍ ബോബി വൈക്കോം ജില്ലയിലെത്തി. മണിപ്പൂര്‍ സംസ്ഥാന ഭക്ഷ്യ പൊതുവിതരണ വകുപ്പിന്റെയും സ്‌പോര്‍ട്‌സ്, യുവജനകാര്യ വകപ്പിന്റെയും സെക്രട്ടറിയാണ് ഇദ്ദേഹം. ബുധനാഴ്ച്ച കളക്‌ട്രേറ്റില്‍ എത്തിയ അദ്ദേഹം വരണാധികാരിയും ജില്ലാ കളക്ടറുമായ എ.ആര്‍ അജയകുമാറുമായി  കൂടിക്കാഴ്ച്ച നടത്തി. ഫോണ്‍: 9188619591. ഇ-മെയില്‍: observergnrl@gmail.com, bobywaikhom@nic.in. 

ലോക്‌സഭാ തെരഞ്ഞെടുപ്പില്‍ മല്‍സരിക്കുന്ന സ്ഥാനാര്‍ത്ഥികള്‍ക്ക് ഇന്നുകൂടി (മാര്‍ച്ച് 4) നാമനിര്‍ദേശ പത്രിക നല്‍കാം. രാവിലെ 11 മുതല്‍ 3 വരെ  വരണാധികാരി കൂടിയായ കലക്ടര്‍ എ.ആര്‍ അജയകുമാര്‍ പത്രിക സ്വീകരിക്കും. നാളെയാണ് സൂക്ഷ്മ പരിശോധന. നാമനിര്‍ദ്ദേശ പത്രിക പിന്‍വലിക്കാനുള്ള അവസാന തിയ്യതി ഏപ്രില്‍ 8 ആണ്. 23നു പോളിങും മെയ് 23ന് വോട്ടെണ്ണലും നടക്കും. 

    കോഴിക്കോട് കര്‍ഷക പരിശീലന കേന്ദ്രത്തിന്റെ നേതൃത്ത്വത്തില്‍ ഏപ്രില്‍ എട്ട്, ഒന്‍പത്  തിയതികളില്‍ ''ഭക്ഷ്യ സംസ്‌കരണവും മൂല്ല്യ  വര്‍ധിത ഉല്‍പ്പന്നങ്ങളും'' എന്ന വിഷയത്തില്‍ 25 കര്‍ഷകര്‍ക്ക് പരിശീലനം നടത്തുന്നു. താല്‍പര്യമുള്ള കര്‍ഷകര്‍ പേര് രജിസ്റ്റര്‍ ചെയ്യണം.  മുന്‍പ് ഈ കേന്ദ്രത്തില്‍ നിന്നും പരിശീലനം ലഭിച്ചവര്‍ക്ക് രജിസ്ട്രേഷന്‍ അനുവദിക്കുന്നതല്ല. രാവിലെ  10 മുതല്‍ അഞ്ച് വരെ രണ്ട് ദിവസം തുടര്‍ച്ചയായി ക്ലാസ്സ് ഉണ്ടായിരിക്കും.  മുന്‍ഗണന അടിസ്ഥാനത്തിലാണ് കര്‍ഷകരെ തിരഞ്ഞെടുക്കുന്നത്. ഫോണ്‍: 04952373582, 9645698015.