മലപ്പുറം ഈസ്റ്റ് ഇലക്ട്രിക്കല്‍ സെക്ഷന്‍ പരിധിയിലുള്ള സിവില്‍ സ്റ്റേഷന്‍, കണ്ണത്തുപാറ, തെക്കേതല, സി.എച്ച്. ബൈപ്പാസ്, ഉമ്മത്തൂര്‍, താമരക്കുഴി, കോട്ടപ്പടി, തിരൂര്‍ റോഡ് ഭാഗങ്ങളില്‍ ഇന്ന്(ഏപ്രില്‍ 7) രാവിലെ ഒമ്പത് മുതല്‍ വൈകീട്ട്  അഞ്ച്   വരെ വൈദ്യുതി മുടങ്ങും.

കേന്ദ്ര കാലാവസ്ഥാ വകുപ്പ് പുറപ്പെടുവിച്ച കാലാവസ്ഥാ വിശകലനത്തില്‍  ഏപ്രില്‍ ഏഴ്, എട്ട് തീയതികളില്‍ തിരുവനന്തപുരം, കൊല്ലം,  പത്തനംതിട്ട, കോട്ടയം, ആലപ്പുഴ,  ഇടുക്കി, എറണാകുളം, പാലക്കാട്,  തൃശ്ശൂര്‍,  മലപ്പുറം, കോഴിക്കോട്, കണ്ണൂര്‍, കാസര്‍ഗോഡ് എന്നീ  ജില്ലകളില്‍ ഉയര്‍ന്ന താപനില ശരാശരിയില്‍ നിന്നും രണ്ടു മുതല്‍ മൂന്ന് ഡിഗ്രി വരെ ഉയരുവാന്‍ സാധ്യതയുണ്ട്.

പൊതുജനങ്ങള്‍ക്കുള്ള നിര്‍ദേശം

- പൊതുജനങ്ങള്‍ 11  മുതല്‍ മൂന്നു വരെ എങ്കിലും നേരിട്ട് സൂര്യപ്രകാശം എല്‍ക്കുന്നത് ഒഴിവാക്കണം
- നിര്‍ജലീകരണം തടയാന്‍ കുടിവെള്ളം എപ്പോഴും ഒരു ചെറിയ കുപ്പിയില്‍ കയ്യില്‍ കരുതണം.

കോഴിക്കാട് കെല്‍ട്രോണിന്റെ നോളേജ് സെന്ററില്‍ സോഫറ്റ് വെയര്‍ -  ഐ. ടി പ്ലാറ്റ് ഫോമുകളില്‍ ബി.ഇ/ബി.ടെക്, എം.സി.എ, ഡിഗ്രി വിദ്യാര്‍ത്ഥികള്‍ക്കായി ജോബ് ഓറിയന്റഡ് ട്രെയിനിങ് പ്രോഗ്രാം ആരംഭിക്കുന്നു. താത്പര്യമുള്ളവര്‍ക്ക് അപേക്ഷ ഫോറത്തിനായി കോഴിക്കോട് പ്രവര്‍ത്തിക്കുന്ന കെല്‍ട്രോണ്‍ നോളജ് സെന്ററുമായി ബന്ധപ്പെടണം. ഫോണ്‍- 8089245760.

വാര്യര്‍മൂല - ചേലക്കടവ്  റോഡില്‍ നവീകരണ പ്രവൃത്തി ഏപ്രില്‍ ഏഴു മുതല്‍  തുടങ്ങുന്നതിനാല്‍  പ്രവൃത്തി തീരുന്നതുവരെ  വാഹന  ഗതാഗതം നിരോധിച്ചിരിക്കുന്നു.

നിലമ്പൂര്‍ ഇന്ദിരാഗാന്ധി മെമ്മോറിയല്‍ മോഡല്‍ റസിഡന്‍ഷ്യല്‍ സ്‌കൂളിലെ എല്‍.പി ക്ലാസ്സില്‍ പഠിക്കുന്ന കുട്ടികള്‍ക്ക് 2019-20 അധ്യയനം വര്‍ഷം യൂനിഫോം, നൈറ്റ് ഡ്രസ്സ് എന്നിവ തുന്നി നല്‍കുന്നതിന് തയ്യാറുള്ള വ്യക്തികളില്‍ നിന്നും സ്ഥാപനങ്ങളില്‍ നിന്നും ക്വട്ടേഷന്‍ ക്ഷണിച്ചു. താത്പര്യമുള്ളവര്‍ ഏപ്രില്‍ 17 വൈകീട്ട് മൂന്നിനകം  സീനിയര്‍ സൂപ്രണ്ട്, ഇന്ദിരാഗാന്ധി മെമ്മോറിയല്‍ മോഡല്‍ റസിഡന്‍ഷ്യല്‍ സ്‌കൂള്‍, നിലമ്പൂര്‍, ചന്തക്കുന്ന്(പി.ഒ), 679329(പിന്‍) എന്ന വിലാസത്തില്‍ ക്വട്ടേഷന്‍ നല്‍കണം. ഫോണ്‍-04931220194.

പാലിയേറ്റീവ് പരിചരണത്തില്‍ ഒന്നര മാസത്തെ ബേസിക്ക് സര്‍ട്ടിഫിക്കറ്റ് കോഴ്‌സ് ഇന്‍ പാലിയേറ്റീവ് കെയര്‍ നഴ്‌സിങ് (ബി.സി.സി.പി.എന്‍) ചെയ്യാന്‍ താല്‍പര്യമുള്ളവര്‍ക്കുള്ള കൂടിക്കാഴ്ച്ച ഏപ്രില്‍ 11  രാവിലെ 10ന്  ആരോഗ്യകേരളം (എന്‍.എച്ച്.എം),  ജില്ലാ ഓഫീസില്‍ നടക്കും. ജനറല്‍, ബി.എസ്.സി നഴ്‌സിങ് യോഗ്യതയുള്ളവര്‍ക്ക് കൂടിക്കാഴ്ചയില്‍ പങ്കെടുക്കാം.  താല്‍പര്യമുള്ളവര്‍  സര്‍ട്ടിഫിക്കറ്റുകള്‍ സഹിതം കൂടിക്കാഴ്ച്ചക്ക് ഹാജരാകണം. ഫോണ്‍-8589995872,8589009377,940084317

അങ്ങാടിപ്പുറം  തിരുമാന്ധാംകുന്ന് ഭഗവതി ക്ഷേത്രത്തിലെ പൂരാഘോഷവുമായി ബന്ധപ്പെട്ട് പെരിന്തല്‍മണ്ണ നഗരസഭ, അങ്ങാടിപ്പുറം ഗ്രാമപഞ്ചായത്ത് എന്നിവിടങ്ങളിലെ സര്‍ക്കാര്‍ ഓഫീസുകള്‍ക്കും വിദ്യാഭ്യാസ സ്ഥാപനങ്ങള്‍ക്കും ഏപ്രില്‍ 11 ഉച്ചവരെ അവധിയായിരിക്കുമെന്ന് ജില്ലാകലക്ടര്‍ അറിയിച്ചു.

 മലപ്പുറം, പൊന്നാനി  ലോക്‌സഭാ മണ്ഡലങ്ങളിലേക്ക്  മത്സരിക്കുന്നതിനായി  പത്രിക സമര്‍പ്പിച്ച 22 സ്ഥാനാര്‍ത്ഥികളില്‍ ഇന്നലെ (ഏപ്രില്‍ ആറ്) ആരും നാമനിര്‍ദേശപത്രിക പിന്‍വലിച്ചില്ല. ഏപ്രില്‍ എട്ട് വൈകുന്നേരം മൂന്നുവരെയാണ് പത്രിക പിന്‍വലിക്കാനുള്ള അവസരം. അന്നുതന്നെ അനംഗീകൃത പാര്‍ട്ടികളുടെ സ്ഥാനാര്‍ത്ഥികള്‍ക്കും സ്വതന്ത്ര സ്ഥാനാര്‍ത്ഥികള്‍ക്കും ചിഹ്നമനുവദിക്കും.  മലപ്പുറത്ത് എട്ടു സ്ഥാനാര്‍ത്ഥികളും പൊന്നാനിയില്‍ 14 സ്ഥാനാര്‍ത്ഥികളുമാണ് മത്സര രംഗത്തുള്ളത്.