ആലപ്പുഴ: പുറക്കാട് ഗവ. ഐ.ടി.ഐയിൽ നിന്നും ഇന്റീരിയർ ഡിസൈൻ ആൻഡ് ഡെക്കറേഷൻ, വെൽഡർ എന്നീ ട്രേഡുകളിൽ പരിശീലനം പൂർത്തിയാക്കി വിജയിച്ച ട്രെയിനികളിൽ എൻ.ടി.സി കൈപ്പറ്റാത്തവരും, ഓഗസ്റ്റ് 2014 മുതൽ പ്രവേശനം നേടിയവരിൽ കോഷൻ ഡെപ്പോസിറ്റ് കൈപ്പറ്റാത്തവരും ഐടിഐയിൽ നേരിട്ട് ഹാജരായി  തെളിവുകൾ ഹാജരാക്കി തുക കൈപ്പറ്റണം.

ആലപ്പുഴ: അഞ്ചുവർഷമോ അതിൽ കൂടുതലോ നികുതി കുടിശികയുള്ള നോൺ ട്രാൻസ്‌പോർട്ട് വാഹനങ്ങൾക്കും ട്രാൻസ്‌പോർട്ട് വാഹനങ്ങൾക്കും കുടിശിക ഒറ്റത്തവണയായി അടയ്ക്കാൻ അവസരം. ട്രാൻസ്‌പോർട്ട് വാഹനങ്ങൾക്ക് അവസാനത്തെ അഞ്ചുവർഷത്തെ നികുതി ഉൾപ്പടെയുള്ള ആകെ തുകയുടെ 20 ശതമാനം മാത്രം നികുതി അടച്ചാൽ മതി. നോൺ ട്രാൻസ്‌പോർട്ട് വാഹനങ്ങൾക്ക് തുകയുടെ 30 ശതമാനം നികുതി അടച്ചാൽ മതി. ഇത്തരം വാഹനങ്ങളുടെ 2019 മാർച്ച്  31 വരെ ഉണ്ടായിരുന്ന എല്ലാ നികുതി കുടിശികയും എഴുതിതള്ളും.

ആലപ്പുഴ: ലോകസഭ തിരഞ്ഞെടുപ്പിൽ മാവേലിക്കര മണ്ഡലത്തിലേക്കുള്ള പൊതുനിരീക്ഷകൻ വികാസ് യാദവ് മണ്ഡലത്തിലെത്തി. 2003 ബാച്ച് ഹരിയാന  കേഡർ ഐ.എ.എസ് ഉദ്യോഗസ്ഥനാണ്.  കായംകുളം എൻ.ടി.പി.സി ഗസ്റ്റ് ഹൗസിലാണ് ക്യാമ്പ്. മാവേലിക്കര  മണ്ഡലത്തിലെ തിരഞ്ഞെടുപ്പുമായി ബന്ധപ്പെ പരാതികൾ നേരിൽ ഉന്നയിക്കാൻ നേരിട്ടോ മൊബൈൽ നമ്പരിലോ ബന്ധപ്പെടാം. ഫോൺ:  9188619578. 

ആലപ്പുഴ: ലോക്‌സഭ തിരഞ്ഞെടുപ്പിനുള്ള നാമനിർദേശ പത്രികകളുടെ സൂക്ഷ്മപരിശോധന പൂർത്തിയായപ്പോൾ ആലപ്പുഴ മണ്ഡലത്തിൽ 12 സ്ഥാനാർഥികളും മാവേലിക്കരയിൽ 10 സ്ഥാനാർഥികളുമാണ് അവശേഷിക്കുന്നത്. ഇനി ഈ മാസം എട്ടിന് വൈകീട്ട് മൂന്നിന് പത്രികകൾ പിൻവലിക്കാനുള്ള സമയം തീരുന്നതോടെ മാത്രമേ മൽസര  രംഗത്തുള്ളവരുടെ യഥാർഥ ചിത്രം വ്യക്തമാകൂ. 

ലോക്‌സഭാ തിരഞ്ഞെടുപ്പില്‍ വയനാട് മണ്ഡലത്തില്‍ നിന്നു മല്‍സരിക്കുന്ന സ്ഥാനാര്‍ത്ഥികളുടെ നാമനിര്‍ദേശ പത്രികകളുടെ സൂക്ഷ്മ പരിശോധന പൂര്‍ത്തിയായി. ജില്ലാ കലക്ടര്‍ എ ആര്‍ അജയകുമാറിന്റെ നേതൃത്വത്തില്‍ നടന്ന സൂക്ഷ്മ പരിശോധനയില്‍ 22 പത്രികകള്‍ സാധുവാണെന്നു കണ്ടെത്തി. കേസുകള്‍ സംബന്ധിച്ച് കൂടുതല്‍ വ്യക്തത വരുത്തേണ്ടതിനാലും വിശദ പരിശോധനയ്ക്കുമായി സ്വതന്ത്ര സ്ഥാനാര്‍ത്ഥിയായ സരിത എസ് നായരുടെ പത്രികയിന്മേല്‍ തീരുമാനമെടുക്കുന്നത് ഇന്നത്തേക്ക് (ശനി) മാറ്റി. സ്ഥാനാര്‍ത്ഥികളുടെയും രാഷ്ട്രീയപ്പാര്‍ട്ടി നേതാക്കളുടെയും സാന്നിധ്യത്തിലായിരുന്നു സൂക്ഷ്മ പരിശോധന. 

പാലക്കാട് ടൗണ്‍ ബസ് സ്റ്റാന്‍ഡിലുള്ള കൈത്തറി ഹാന്‍വീവ് ഷോറൂമില്‍ വിഷുവിനോടനുബന്ധിച്ച് കൈത്തറി തുണിത്തരങ്ങള്‍ക്ക് 20 ശതമാനം വരെ റിബേറ്റ്.  കൈത്തറി മുണ്ടുകള്‍ ,സെറ്റ് മുണ്ടുകള്‍, സെറ്റ് സാരി, ത്രഡ് വര്‍ക്ക് സാരികള്‍, കോട്ടന്‍ സാരികള്‍ ,ബെഡ്ഷീറ്റുകള്‍ ,പില്ലോ കവര്‍, യൂണിഫോം തുണിത്തരങ്ങള്‍, കോട്ടണ്‍ ഷര്‍ട്ട് ,തോര്‍ത്ത് , എന്നിവയയ്ക്കാണ് റിബേറ്റ്.  സര്‍ക്കാര്‍ ,അര്‍ദ്ധ സര്‍ക്കാര്‍ പൊതുമേഖലാ സ്ഥാപനങ്ങളിലെ ജീവനക്കാര്‍ക്ക് തവണവ്യവസ്ഥയില്‍ നിബന്ധനകള്‍ക്ക് വിധേയമായി 5000 രൂപയുടെ തുണിത്തരങ്ങള്‍ വരെ വായ്പയായി ലഭിക്കുന്നതാണ്. ഏപ്രില്‍ 6 മുതല്‍ 14 വരെയാണ് റിബേറ്റ്.