പൊതു തിരഞ്ഞെടുപ്പ് മാതൃകാ പെരുമാറ്റച്ചട്ടം നടപ്പാക്കുന്നതിന്‍റെ ഭാഗമായി രൂപീകരിച്ച ആന്‍റി ഡീഫെയ്സ്മെന്‍റ് സ്ക്വാഡ് ജില്ലയില്‍ ഇതുവരെ നീക്കിയത 41400 നിരോധിത പ്രചരണ സാമഗ്രികള്‍ . ഇതില്‍ പൊതുയിടങ്ങളില്‍ നിന്നും 36095 പോസ്റ്റര്‍, 1190 ബാനറുകള്‍, 3854 കൊടികള്‍, 261 ചുവരെഴുത്തുകള്‍ എന്നിവയാണ് നീക്കിയത്. ഇന്നലെ (മാര്‍ച്ച് 5) മാത്രം 3673 നിരോധിത പ്രചരണ സാമഗ്രികളാണ് നീക്കിയത്.

    പാലക്കാട്  ലോക്സഭാ മണ്ഡലം അസിസ്റ്റന്‍റ് റിട്ടേണിംഗ് ഓഫീസറും സര്‍വ്വേ ആന്‍ഡ് ലാന്‍ഡ് റെക്കോര്‍ഡ് ഡെപ്യൂട്ടി ഡയറക്ടറുമായ ആര്‍. സോമനാഥന്‍, ആലത്തൂര്‍ ലോക്സഭാ മണ്ഡലം അസിസ്റ്റന്‍റ് റിട്ടേണിംഗ് ഓഫീസറും  ഡെപ്യൂട്ടി കലക്ടറുമായ( ലാന്‍റ് റവന്യു) ഡോ. എം.സി.റെജില്‍ എന്നിവരെ യഥാക്രമം പാലക്കാട്, ആലത്തൂര്‍ പാര്‍ലമെന്‍റ് മണ്ഡലങ്ങളുടെ  ഇ.വി.എം ബാലറ്റ് പേപ്പര്‍ പ്രിന്‍റിംഗ് പ്രൂഫ് റീഡിങ്ങ് നിര്‍വഹിക്കുന്നതിനായി ചുമതലപ്പെടുത്തി.

 
 പാലക്കാട് ലോക്സഭമണഡലത്തിലെ സൂഷ്മപരിശോധന പൂര്‍ത്തിയായതോടെ സ്ഥാനാര്‍ത്ഥികളുടെ എണ്ണം 10 ആയി. പ്രധാന സ്ഥാനാര്‍ത്ഥികളുടെ നാമനിര്‍ദേശ പത്രികകള്‍ സൂഷ്മപരിശോധനയില്‍ അംഗീകരിക്കപ്പെട്ടതോടെ ഡമ്മി സ്ഥാനാര്‍ത്ഥികളായി സമര്‍പ്പിച്ച പത്രികകള്‍ സ്വഭാവികമായി റദ്ദാക്കപ്പെടുകയായിരുന്നു. പാലക്കാട് ലോക്സഭാ മണ്ഡലത്തില്‍ 13 നാമനിര്‍ദേശപത്രികകളായിരുന്നു സമര്‍പ്പിക്കപ്പെട്ടിരുന്നത്.  സി.പി.ഐ.(എം) ഡമ്മി സ്ഥാനാര്‍ത്ഥി സുഭാഷ് ചന്ദ്രബോസ്, കോണ്‍ഗ്രസ് ഡമ്മി സ്ഥാനാര്‍ത്ഥി പി.വി രാജേഷ്, ബി.ജെ.പി ഡമ്മി സ്ഥാനാര്‍ത്ഥി  സുകുമാരന്‍ എന്നിവരുടെ നാമനിര്‍ദേശ പത്രികകളാണ് റദ്ദായത്. 

രാഷ്ട്രീയ പാര്‍ട്ടികളുടെ യോഗം 6 ന്

   കോഴിക്കോട് പാര്‍ലമെന്റ് മണ്ഡലത്തിലെ കുന്ദമംഗലം നിയോജക മണ്ഡലത്തില്‍  എല്ലാ രാഷ്ട്രീയ പാര്‍ട്ടികളുടെയും യോഗം ഏപ്രിൽ ആറിന് രാവിലെ  11 മണിക്ക്  കുന്ദമംഗലം ബ്ലോക്ക് പഞ്ചായത്ത് ഹാളില്‍ ചേരും. യോഗത്തില്‍ എല്ലാ രാഷ്ട്രീയ കക്ഷി പ്രതിനിധികളും പങ്കെടുക്കണമെന്ന് അസി റിട്ടേണിംഗ് ഓഫീസര്‍ അറിയിച്ച

സൂര്യാതപം: 13 പേർ ചികിത്സതേടി

സൂര്യതാപത്തെ തുടർന്ന് ഇന്ന് (ഏപ്രിൽ 5) ജില്ലയിൽ 13 പേർ ചികിത്സതേടി. 

തിരുവനന്തപുരം ഗവ.ആയുർവേദ കോളേജ് ബാലരോഗത്തിന്റെ കീഴിൽ അഞ്ച് മുതൽ 12 വയസ്സുവരെയുള്ള കുട്ടികളിൽ കണ്ടുവരുന്ന ബ്രോങ്കിയൽ ആസ്ത്മ മുതലായ ശ്വാസകോശരോഗങ്ങൾക്ക് ഏപ്രിൽ 16 മുതൽ സൗജന്യ യോഗ പരിശീലനവും ശ്വാസകോശ വികാസ പരിശോധനകളും (സ്‌പൈഗോമെട്രി) നൽകുന്നു. താല്പര്യമുള്ളവർ പൂജപ്പുര സ്ത്രീകളുടേയും കുട്ടികളുടേയും ആശുപത്രിയുമായി ബന്ധപ്പെടുക. ഫോൺ: 9495992148

പി.എൻ.എക്സ്. 1071/19

കേരള സ്റ്റേറ്റ് ലൈബ്രറി കൗൺസിൽ സംസ്ഥാനത്തെ ഹൈസ്‌കൂൾ വിദ്യാർത്ഥികളെ പങ്കെടുപ്പിച്ച് നടത്തുന്ന അഖിലകേരള വായനോൽസവത്തിന്റെ പുസ്തകങ്ങൾ പ്രഖ്യാപിച്ചു. സ്‌കൂൾതലം, താലൂക്ക്തലം, ജില്ലാതലം, സംസ്ഥാനതലം എന്നീ നാല് ഘട്ടങ്ങളിലായാണ് ഹൈസ്‌കൂൾതല മൽസരം നടത്തുന്നത്. സ്‌കൂൾതല മത്സരം ജൂലൈ നാലിനും താലൂക്ക് തലത്തിൽ ആഗസ്റ്റ് നാലിനും ജില്ലാ തലത്തിൽ സെപ്റ്റംബർ 22നും സംസ്ഥാനതലത്തിൽ നവംബർ 9, 10 തിയതികളിലുമാണ് മത്സരം. മത്സരങ്ങൾക്കായി തെരെഞ്ഞെടുത്ത പുസ്തകങ്ങളുടെ വിവരം ചുവടെ 

എല്ലാവരും വോട്ട് ചെയ്യണമെന്ന സന്ദേശവുമായി കന്യാകുമാരി മുതൽ കാശ്മീർ വരെയുള്ള ഹിമസാഗർ എക്‌സ്പ്രസിന് തിരുവനന്തപുരം സെൻട്രൽ റെയിൽവേസ്റ്റേഷനിൽ സ്വീകരണം നൽകി. ജോ. ചീഫ് ഇലക്ടറൽ ഓഫീസർ ജീവൻബാബു, സീനിയർ ഡിവിഷണൽ കൊമേഴ്‌സ്യൽ മാനേജർ ഡോ. രാജേഷ്ചന്ദ്രൻ, സ്വീപ് ജില്ലാ നോഡൽ ഓഫീസർ ഡോ.ടി. ഷാജി എന്നിവർ ചേർന്ന് ട്രെയിൻ ഫ്‌ളാഗ് ഓഫ് ചെയ്തു.