പാലക്കാട് ഗവ. കോമേഴ്സ്യല്‍ ഇന്‍സ്റ്റിറ്റൂട്ടില്‍ ജില്ലാ പഞ്ചായത്തിന്‍റെ സഹകരണത്തോടെ നടത്തുന്ന മൂന്ന് മാസത്തെ കമ്പ്യൂട്ടര്‍ കോഴ്സുകളില്‍ അപേക്ഷിക്കാം. എം.എസ്.ഓഫീസ്, ഡി.ടി.പി, ടാലി, ഡാറ്റ എന്‍ട്രി, വേഡ് പ്രൊസസ്സിങ്ങ് എന്നീ കോഴ്സുകളിലാണ് പ്രവേശനം.  താല്‍പ്പര്യമുളളവര്‍ ഏപ്രില്‍ എട്ടിന് നേരിട്ട് ഓഫീസില്‍ വരേണ്ടതാണ്.  എസ്.എസ്.എല്‍.സി, ടാലി കോഴ്സുകള്‍ക്ക് പ്ലസ്ടു, കോമേഴ്സാണ് യോഗ്യത.  പട്ടികജാതി, പട്ടികവര്‍ഗ വിദ്യാര്‍ഥികള്‍ക്ക് 50 ശതമാന ഫീസ് ഇളവ് ലഭിക്കും. കൂടുതല്‍ വിവരങ്ങള്‍ക്ക് ഫോണ്‍ - 0491 2532371, 2521790 ഫോണ്‍ നമ്പറുമായി ബന്ധപ്പെടേണ്ടതാണ്.

    2016 നവംബര്‍ 11 ന് പ്രസിദ്ധീകരിച്ച ഗസറ്റ് നോട്ടിഫിക്കേഷന്‍ പ്രകാരം പാലക്കാട് എക്സൈസ് വകുപ്പില്‍ സിവില്‍ എക്സൈസ് ഓഫീസര്‍, ട്രെയിനി (ബൈ ട്രാന്‍സ്ഫര്‍) തസ്തികയില്‍ ഇതുവരെ അപേക്ഷകളൊന്നൂം തന്നെ ലഭ്യമായിട്ടില്ലെന്ന് ജില്ലാ പി.എസ്.സി ഓഫീസര്‍ അറിയിച്ചു.

   പൊതുതെരഞ്ഞെടുപ്പുമായി ബന്ധപ്പെട്ട് പൊതുജനങ്ങള്‍ക്കുളള പരാതികള്‍ കേന്ദ്ര തെരഞ്ഞെടുപ്പ് കമ്മീഷന്‍ നിയോഗിച്ച പൊതുനിരീക്ഷകന്റെ ശ്രദ്ധയില്‍പ്പെടുത്താം. പരാതികള്‍ വൈകീട്ട് 4 മുതല്‍ 5 വരെ കല്‍പ്പറ്റ പൊതുമരാമത്ത് വിശ്രമ മന്ദിരത്തിലെ ഓഫീസില്‍ നേരിട്ട് സ്വീകരിക്കും. പരാതികള്‍ observergnrl@gmail.com എന്ന വിലാസത്തിലും 9188619591, 04936 205800 എന്ന ഫോണ്‍ നമ്പരുകളിലും അറിയിക്കാം. മണിപ്പൂര്‍ കായിക യുവജനക്ഷേമവും ഉപഭോക്തൃകാര്യവും വകുപ്പ് കമ്മീഷണറും  സെക്രട്ടറിയുമായ ബോബി വൈക്കോമാണ് വയനാട് ലോക്‌സഭാ മണ്ഡലത്തിലെ പൊതുനിരീക്ഷകന്‍.

* വ്യാഴാഴ്ച ലഭിച്ചത് 149 പത്രികകൾ

* എറണാകുളത്ത് പത്രിക സമർപ്പിച്ചവരിൽ ട്രാൻസ്ജെൻഡറും

ലോക്സഭാ തിരഞ്ഞെടുപ്പിന് സംസ്ഥാനത്തെ 20 മണ്ഡലങ്ങളിലായി ആകെ ലഭിച്ചത് 303 നാമനിർദേശപത്രികകൾ. വ്യാഴാഴ്ച (എപ്രിൽ നാല്) മാത്രം ലഭിച്ചത് 149 പത്രികകളാണ്.

കേരള സർക്കാർ സ്ഥാപനമായ ഐ.എച്ച്.ആർ.ഡിയുടെ തിരുവനന്തപുരം മെഡിക്കൽ കോളേജിനടുത്ത് പുതുപ്പള്ളി ലെയ്‌നിലുള്ള റീജിയണൽ സെന്ററിൽ ഏപ്രിൽ പത്തിന് ആരംഭിക്കുന്ന ജാവ, സി പ്ലസ് പ്ലസ്, ഐ.ടി മാസ്റ്റർ കോഴ്‌സ്, ഇലക്‌ട്രോണിക്‌സ് ഹ്രസ്വകാല കോഴ്‌സുകളിലേക്ക് അപേക്ഷ ക്ഷണിച്ചു.  പ്ലസ്ടു, എസ്.എസ്.എൽ.സി എന്നിവയാണ് യോഗ്യതകൾ.  ഫോൺ: 0471-2550612, 9400519491, 9447375982.

പി.എൻ.എക്സ്. 1067/19

കേരള സംസ്ഥാന പിന്നാക്ക വിഭാഗ വികസന കോർപ്പറേഷന് 2018ലെ ഫ്യൂച്ചർ കേരള ബ്രാൻഡ്‌സ് പുരസ്‌കാരം ലഭിച്ചു. കേരളത്തിലെ ഏറ്റവും ഉത്തരവാദിത്വപൂർണമായ സോഷ്യൽ ബ്രാൻഡ് എന്ന ഗണത്തിലാണ് കോർപ്പറേഷനെ അവാർഡിന് തെരഞ്ഞെടുത്തത്. കോർപ്പറേഷൻ ചെയർമാൻ റ്റി.കെ സുരേഷ്, മാനേജിംഗ് ഡയറക്ടർ കെ.ടി ബാലഭാസ്‌കരൻ എന്നിവർ ചെന്നൈ ബ്രിട്ടീഷ് ഡെപ്യൂട്ടി ഹൈകമ്മീഷണർ ജെറമി പിൽമോർ ബെഡ്‌ഫോർഡിൽ നിന്നും അവാർഡ് ഏറ്റുവാങ്ങി.

പി.എൻ.എക്സ്. 1066/19

കാഞ്ഞങ്ങാട് മീനാപ്പീസ്  കടപ്പുറത്ത്  പ്രവര്‍ത്തിക്കുന്ന പെണ്‍കുട്ടികള്‍ മാത്രം താമസിച്ചു പഠിക്കുന്ന   ജി ആര്‍ എഫ് ടി എച്ച് എസ് ഫോര്‍ ഗേള്‍സ് സ്‌കൂളിലെ അടുത്ത അധ്യായന വര്‍ഷത്തേക്ക്  എട്ട്,പത്ത് ക്ലാസിലേക്ക്  അംഗീകൃത മത്സ്യത്തൊഴിലാളികളുടെ പെണ്‍മക്കളില്‍ നിന്നും അപേക്ഷ ക്ഷണിച്ചു. അപേക്ഷ ഫോറത്തിനായി സ്‌കൂളുമായി  ബന്ധപ്പെടണം. ഫോണ്‍ നമ്പര്‍ 0467 2203946