തെരഞ്ഞെടുപ്പുമായി ബന്ധപ്പെട്ട് ജില്ലയിലെ പോസ്റ്റിങ്ങ് ഓര്‍ഡര്‍ ലഭിച്ച് ഇതുവരെ പരിശീനത്തിന് പങ്കെടുക്കാത്ത പാലക്കാട് താലൂക്കിലെ ഉദ്യോഗസ്ഥര്‍ പാലക്കാട് വിക്ടോറിയ ഗവ. കോളെജിലും ആലത്തൂര്‍ താലൂക്കിലെ ഉദ്യോഗസ്ഥര്‍ മിനി സിവില്‍ സ്റ്റേഷന്‍, ആലത്തൂര്‍ എ.എസ്.എം.എം ഹൈസ്കൂള്‍ എന്നിവിടങ്ങളിലുമായി ഇന്ന് (ഏപ്രില്‍ അഞ്ചിന് )രാവിലെ 9.30 നോ ഉച്ചയ്ക്ക് 1.30 നോ പരിശീലനത്തിനെത്തണമെന്ന് ജില്ലാ ഇലക്ഷന്‍ ഓഫീസര്‍ അറിയിച്ചു.

    ആലത്തൂര്‍ പാര്‍ലമെന്‍റ് നിയോജകമണ്ഡലം തെരഞ്ഞെടുപ്പ് നടപടികളുടെ നിരീക്ഷകനായി ജെ.ഡി ദേശായി ചുമതലയേറ്റു. ജില്ലാ പഞ്ചായത്ത് കാര്യാലയത്തിന് അടുത്തുളള ടൂറിസം വകുപ്പിന്‍റെ ഗസ്റ്റ് ഹൗസാണ് നിരീക്ഷന്‍റെ പ്രവര്‍ത്തന കാര്യാലയം. രാവിലെ 9 മുതല്‍ 10 മണിവരെ പൊതുജനങ്ങള്‍ക്ക് സന്ദര്‍ശനാനുമതി ഉണ്ടായിരിക്കുന്നതാണ്. ഒബ്സര്‍വറെ 9188619586,  ീയലെൃ്ലൃമഹമവേൗൃ@ഴാമശഹ മുഖേന നിരീക്ഷകനെ ബന്ധപ്പെടാവുന്നതാണ്.

നവോദയ വിദ്യാലയത്തിലേക്ക് ആറാം ക്ലാസ് പ്രവേശന പരീക്ഷ ഏപ്രില്‍ ആറിന്  ജില്ലയിലെ വിവിധ കേന്ദ്രങ്ങളില്‍ നടക്കും.  അപേക്ഷിച്ചവര്‍ രാവിലെ 10ന് അതത് കേന്ദ്രങ്ങളില്‍ ഹാജരാകണം.

ബത്തേരി താലൂക്കില്‍  പുതിയ റേഷന്‍ കാര്‍ഡിനായി അപേക്ഷിച്ചവരില്‍ ടോക്കണ്‍ നമ്പര്‍ 5000 ന് മുകളില്‍ ഉളള മുഴുവനാളുകളുടേയും  റേഷന്‍ കാര്‍ഡ് ഏപ്രില്‍ 9  മുതല്‍ വിതരണം ചെയ്യും. അപേക്ഷകര്‍ പേരുള്‍പ്പെട്ട പഴയ റേഷന്‍ കാര്‍ഡും, ടോക്കണ്‍ നമ്പരും (ഫീസ്: പൊതുവിഭാഗം, സബ്‌സിഡി  റേഷന്‍ കാര്‍ഡൊന്നിന് -100 രൂപയും, മുന്‍ഗണനാ, എ.എ.വൈ കാര്‍ഡൊന്നിന് 50 രൂപയും)  ഹാജരാക്കണം. മറ്റ് ആവശ്യങ്ങള്‍ക്ക് അപേക്ഷിച്ചവര്‍ റേഷന്‍ കാര്‍ഡ് തിരുത്തി  സാക്ഷ്യപ്പെടുത്തി വാങ്ങണം. 5000 താഴെ  ടോക്കണ്‍ നമ്പര്‍ ഉളള റേഷന്‍ കാര്‍ഡ് കൈപ്പറ്റാത്തവര്‍ക്കും കാര്‍ഡ് നല്‍കും.

താല്‍പ്പര്യമുളളവര്‍ക്ക് നാമനിര്‍ദേശപത്രിക  ഏപ്രില്‍ എട്ട് വരെ  പിന്‍വലിക്കാം. ഇന്ന് (ഏപ്രില്‍ അഞ്ച്) നടക്കുന്ന സൂക്ഷ്മ പരിശോധനയ്ക്ക് ശേഷം അംഗീകൃത സ്ഥാനാര്‍ഥികളുടെ പട്ടിക തയ്യാറാക്കും. പട്ടികയില്‍ ഉള്‍പ്പെട്ട സ്ഥാനാര്‍ഥികള്‍ക്കാണ് പത്രിക പിന്‍വലിക്കാനാവുക. അംഗീകൃത രാഷ്ട്രീയ പാര്‍ട്ടി സ്ഥാനാര്‍ഥികളുടെ പത്രികകള്‍ അംഗീകരിച്ചാല്‍ അവരുടെ ഡമ്മി സ്ഥാനാര്‍ത്ഥി പത്രിക പിന്‍വലിക്കുന്നതാണ്.