ഇലക്ഷന്‍ കമ്മീഷന്റെ പൊതുനിരീക്ഷകന്‍ എസ് ഗണേഷ്  കളക്ടറേറ്റില്‍ പ്രവര്‍ത്തിക്കുന്ന എംസിഎംസി സെല്‍ സന്ദര്‍ശിച്ച് സെല്ലിന്റെ പ്രവര്‍ത്തനങ്ങള്‍ വിലയിരുത്തി. ജില്ലാകളക്ടര്‍ ഡോ ഡി സജിത് ബാബു പൊതുനിരീക്ഷകനെ അനുഗമിച്ചു.തെരഞ്ഞെടുപ്പ് പ്രവര്‍ത്തനങ്ങള്‍ ഏകോപിപ്പിക്കുന്ന കണ്‍ട്രോള്‍ റൂമും നിരീക്ഷകന്‍ സന്ദര്‍ശിച്ച് തൃപ്തി രേഖപ്പെടുത്തി.

പൊതുജനങ്ങള്‍ക്ക് തെരഞ്ഞെടുപ്പ് കമ്മീഷന്റെ ജില്ലയിലെ പൊതുനിരീക്ഷകന്‍ എസ്.ഗണേഷിന് പരാതികള്‍ സമര്‍പ്പിക്കാം. തെരഞ്ഞെടുപ്പ് കമ്മീഷന്റെ സി വിജില്‍ മൊബൈല്‍ ആപ്പിലൂടെയും പരാതികള്‍ സമര്‍പ്പിക്കാം. അനധികൃതമായി പണം കടത്തുന്നതായി കണ്ടെത്തിയാലും പണം നല്‍കി വോട്ടിന് പ്രേരിപ്പിച്ചാലും നിരീക്ഷകന് പരാതി നല്‍കാം. ഫോണ്‍: 6238805690,9188619593. ഇ-മെയില്‍ വിലാസം- genobsksd@gmail.com. ലെയ്‌സണ്‍ ഓഫീസര്‍-9496334442

ലോക്‌സഭാ തെരഞ്ഞെടുപ്പിനോടനുബന്ധിച്ച് കാസര്‍കോട് പാര്‍ലമെന്റ് മണ്ഡലത്തിലെ പൊതുതെരഞ്ഞെടുപ്പ് നിരീക്ഷകന്‍ എസ്.ഗണേഷ് ചുമതലയേറ്റു. തമിഴ്‌നാട് കേഡര്‍ ഐ.എ.എസ് ഉദ്യോഗസ്ഥനാണ്.
ജില്ലാ വരണാധികാരികൂടിയായ ജില്ലാ കളക്ടര്‍ ഡോ.ഡി.സജിത് ബാബു, ജില്ലാ പോലീസ് മേധാവി ജെയിംസ് ജോസഫ് എന്നിവര്‍ ചേര്‍ന്ന് കളക്ടറേറ്റില്‍ സ്വീകരിച്ചു. തെരഞ്ഞെടുപ്പുമായി ബന്ധപ്പെട്ട് പ്രവര്‍ത്തനങ്ങള്‍ അദ്ദേഹം വിലയിരുത്തി. അസി.റിട്ടേണിംഗ് ഓഫീസര്‍മാര്‍, നോഡല്‍ ഓഫീസര്‍മാര്‍ എന്നിവരുടെ യോഗത്തില്‍ ജില്ലയിലെ പ്രവര്‍ത്തനങ്ങള്‍ അദ്ദേഹം അവലോകനം ചെയ്തു.  

ലോക്‌സഭാ തെരഞ്ഞെടുപ്പ് സമയത്ത് വാര്‍ത്തകളും പരസ്യങ്ങളും കൈകാര്യം ചെയ്യുമ്പോള്‍ പ്രാദേശിക ചാനലുകള്‍ ഉള്‍പ്പെടെയുള്ള ദൃശ്യ-ശ്രവ്യമാധ്യമങ്ങളും പത്രങ്ങളും എന്തൊക്കെ ശ്രദ്ധിക്കണമെന്നു വ്യക്തമാക്കി പെയ്ഡ് ന്യൂസ് ബോധവത്ക്കരണ സെമിനാര്‍. ചട്ടങ്ങള്‍ പാലിക്കാതെ വാര്‍ത്തകളും പരസ്യങ്ങളും നല്‍കിയാല്‍ ഉണ്ടാകാവുന്ന പ്രത്യാഘാതങ്ങള്‍ സെമിനാറില്‍ വിദ്ഗധര്‍ വിശദീകരിച്ചു. മാധ്യങ്ങളില്‍ തെരഞ്ഞെടുപ്പ് പരസ്യങ്ങള്‍ സ്വീകരിക്കുമ്പോള്‍ ശ്രദ്ധിക്കേണ്ട കാര്യങ്ങ ളും ചര്‍ച്ചയായി. 

തെരഞ്ഞെടുപ്പ് സമയത്ത് മാധ്യമങ്ങള്‍ നിഷ്പക്ഷതയോടെയാകണം റിപ്പോര്‍ട്ട് ചെയ്യേണ്ടതെന്നു ജില്ലാ കളക്ടര്‍ ഡോ.ഡി.സജിത് ബാബു പറഞ്ഞു. പത്രങ്ങളായാലും ദൃശ്യമാധ്യങ്ങളായാലും ഏതെങ്കിലുമൊരു സ്ഥാനാര്‍ഥിയെ അധിക്ഷേപിക്കുന്ന തരത്തിലോ മഹത്വവത്ക്കരിക്കുന്നതരത്തിലോ വാര്‍ത്തകളോ ഫീച്ചറുകളോ നല്‍കരുതെന്നും ജില്ലാ വരണാധികാരികൂടിയായ അദ്ദേഹം പറഞ്ഞു.  

ഐ.എച്ച്.ആർ.ഡി നടത്തുന്ന പോസ്റ്റ് ഗ്രാജ്വേറ്റ് ഡിപ്ലോമ ഇൻ കമ്പ്യൂട്ടർ ആപ്ലിക്കേഷൻ, പോസ്റ്റ് ഗ്രാജ്വേറ്റ് ഡിപ്ലോമ ഇൻ ഓഡിയോ എഞ്ചിനീയറിംഗ്, ഡിപ്ലോമ ഇൻ ഡാറ്റാ എൻട്രി, ടെക്‌നിക്‌സ് ആന്റ് ഓഫീസ് ഓട്ടോമേഷൻ, ഡിപ്ലോമ ഇൻ കംപ്യൂട്ടർ ആപ്ലിക്കേഷൻ, സർട്ടിഫിക്കറ്റ് കോഴ്‌സ് ഇൻ ലൈബ്രറി ആന്റ് ഇൻഫർമേഷൻ സയൻസ് എന്നീ കോഴ്‌സുകളുടെ ഒന്നും രണ്ടും സെമസ്റ്റർ റഗുലർ/സപ്ലിമെന്ററി പരീക്ഷകൾ (2018, 2010/2011 സ്‌കീമുകൾ) 2019 ജൂണിൽ നടത്തും. വിദ്യാർത്ഥികൾ പഠിക്കുന്ന / പഠിച്ചിരുന്ന സെന്ററുകളിൽ 20 വരെ ഫൈൻ കൂടാതെയും 26 വരെ 100 രൂപ ഫൈനോടെയും പരീക്ഷയ്ക്ക് രജിസ്റ്റർ ചെയ്യാം. പരീക്ഷാ ടൈംടേബിൾ മേയ് രണ്ടാം വാരത്തിൽ പ്രസിദ്ധീകരിക്കും.

ഐ.എച്ച്.ആർ.ഡിയുടെ കീഴിലുള്ള തിരുവനന്തപുരം മോഡൽ ഫിനിഷിങ് സ്‌കൂളിൽ സ്‌കൂൾ-കോളേജ് വിദ്യാർത്ഥികൾക്കായി റോബോട്ടിക്‌സിലും ഇന്റർനെറ്റ് ഓഫ് തിങ്‌സിലും അവധിക്കാല പരിശീലനത്തിന് ഒഴിവുള്ള ഏതാനും സീറ്റുകളിലേക്ക് അപേക്ഷ ക്ഷണിച്ചു.

വിഷു, ഈസ്റ്റര്‍ പ്രമാണിച്ച് ഏപ്രില്‍ 13 വരെ ഖാദി ഗ്രാമ വ്യവസായ ബോര്‍ഡിന്‍റെ കീഴിലെ വില്‍പന കേന്ദ്രങ്ങളില്‍ 20 ശതമാനം നോര്‍മല്‍ റിബേറ്റിന് പുറമെ 10 ശതമാനം സ്പെഷ്യല്‍ റിബേറ്റില്‍ ഖാദി തുണിത്തരങ്ങള്‍ ലഭിക്കും. കോട്ടമൈതാനത്ത് പ്രവര്‍ത്തിക്കുന്ന ഖാദി ഗ്രാമ സൗഭാഗ്യ, ടൗണ്‍ ബസ് സ്റ്റാന്‍ഡ് കോംപ്ലക്സ്, കോങ്ങാട് മുനിസിപ്പല്‍ കോംപ്ലക്സ്, തൃത്താല, കുമ്പിടി ഖാദി ഷോറൂമുകളിലും മറ്റ് ഗ്രാമ സൗഭാഗ്യങ്ങളിലും സ്പെഷ്യല്‍ റിബേറ്റ് ലഭിക്കുന്നതാണ്.