ആരാധനാലയങ്ങള്‍ കേന്ദ്രീകരിച്ച് രാഷ്ട്രീയ പാര്‍ട്ടികളോ സ്ഥാനാര്‍ഥികളോ തിരഞ്ഞെടുപ്പ് പ്രചരണം നടത്താന്‍ പാടില്ലെന്ന് ജില്ലാ തിരഞ്ഞെടുപ്പ് ഓഫീസര്‍ കൂടിയായ ജില്ലാ കളക്ടര്‍ പി.കെ സുധീര്‍ ബാബു പറഞ്ഞു. മതപരവും സാമുദായികവും ഭാഷാപരവുമായ വിദ്വേഷം പരത്തും വിധമുള്ള   പ്രചരണങ്ങള്‍ക്കെതിരെ കര്‍ശന നടപടി സ്വീകരിക്കും. 

ലോക്‌സഭ തിരഞ്ഞെടുപ്പിന്റെ  മാതൃകാ പെരുമാറ്റ ചട്ടലംഘനവുമായി ബന്ധപ്പെട്ട് പൊതുജനങ്ങള്‍ക്ക് നേരിട്ട് പരാതി നല്‍കാന്‍ കഴിയുന്ന സി- വിജില്‍ ആപ്ലിക്കേഷന്‍ മുഖേന ജില്ലയില്‍ ലഭിച്ച പരാതികളുടെ എണ്ണം 100 ആയി. 

നൂറുശതമാനം പോളിംഗ് ലക്ഷ്യമിട്ട് കോട്ടയം ജില്ലയിലെ തിരഞ്ഞെടുപ്പ് വിഭാഗം നടത്തുന്ന പ്രചാരണ പരിപാടികള്‍ക്ക് ഊര്‍ജ്ജം പകരാന്‍ ചലച്ചിത്ര നടി മിയയും. സിസ്റ്റമാറ്റിക് വോട്ടര്‍ എജ്യുക്കേഷന്‍ ആന്റ് ഇലക്ടറല്‍ പാര്‍ട്ടിസിപ്പേഷന്റെ (സ്വീപ്) ഭാഗമായാണ് മിയയുടെ വീഡിയോ സന്ദേശം സമൂഹ മാധ്യമങ്ങളിലൂടെ പങ്കുവയ്ക്കുന്നത്. 

ലോക്‌സഭാ തിരഞ്ഞെടുപ്പുമായി ബന്ധപ്പെട്ട പരസ്യങ്ങള്‍ മാധ്യമങ്ങള്‍ക്ക് നല്‍കുന്നതിനു മുമ്പ്  ജില്ലാതല മീഡിയ സര്‍ട്ടിഫിക്കേഷന്‍ ആന്റ് മോണിട്ടറിംഗ് കമ്മിറ്റിക്ക് (എം.സി.എം.സി)സമര്‍പ്പിച്ച് അംഗീകാരം നേടണമെന്ന് ജില്ലാ തിരഞ്ഞെടുപ്പ് ഓഫീസര്‍കൂടിയായ ജില്ലാ കളക്ടര്‍ പി.കെ. സുധീര്‍ബാബു അറിയിച്ചു. 

ലോക്സഭാ തിരഞ്ഞെടുപ്പില്‍ പോളിംഗ് ജോലിക്ക് നിയോഗിക്കുന്നതിന് ഉദ്യോഗസ്ഥരുടെ ലിസ്റ്റ് ഇനിയും സമര്‍പ്പിക്കാത്ത ഓഫീസ് മേധാവികള്‍ ഇന്ന്  (മാര്‍ച്ച് 22) ഉച്ചകഴിഞ്ഞ് രണ്ടിന് മുമ്പ് കളക്ട്രേറ്റിലെ തിരഞ്ഞെടുപ്പ് വിഭാഗത്തില്‍ നേരിട്ട് എത്തിക്കണമെന്ന് ജില്ലാ കളക്ടര്‍ അറിയിച്ചു.

സംസ്ഥാനത്ത് പോസ്റ്റ്‌മെട്രിക് തലത്തില്‍ പഠിക്കുന്ന ഒ.ഇ.സി വിദ്യാര്‍ത്ഥികളുടെ സ്‌കോളര്‍ഷിപ്പിന് ലഭിച്ച അപേക്ഷ ബന്ധപ്പെട്ട സ്ഥാപനങ്ങള്‍ എത്രയും വേഗം അതത് ജില്ലാ പട്ടികജാതി വികസന ഓഫീസുകളില്‍ നല്‍കി അനുമതി ഉത്തരവ് വാങ്ങേണ്ടതും മാര്‍ച്ച് 23നകം ക്ലെയിം സ്റ്റേറ്റ്‌മെന്റ് നല്‍കി അര്‍ഹരായ വിദ്യാര്‍ത്ഥികള്‍ക്ക് കുടിശിക ഉള്‍പ്പെടെ വിദ്യാഭ്യാസ ആനുകൂല്യങ്ങള്‍ ലഭിക്കുന്നതിന് നടപടി സ്വീകരിക്കേണ്ടതുമാണെന്ന് പിന്നാക്ക വിഭാഗ വികസന വകുപ്പ് എറണാകുളം മേഖലാ ഡെപ്യൂട്ടി ഡയറക്ടര്‍ അറിയിച്ചു.

കൊച്ചി ദക്ഷിണ നാവികാസേന  മുഖ്യാലയത്തിന്റെ ആഭിമുഖ്യത്തില്‍ നേവിയില്‍ നിന്നും വിരമിച്ച സൈനികരുടെയും അവരുടെ വിധവകളുടെയും സംഗമം ഇടുക്കി ജില്ലാ സൈനികക്ഷേമ ഓഫീസില്‍ മാര്‍ച്ച് 23ന് രാവിലെ 11 മുതല്‍ ഉച്ചക്ക് ഒരുമണിവരെ നടത്തും. പെന്‍ഷന്‍ സംബന്ധിച്ചും മറ്റിതര പരാതികള്‍ സമര്‍പ്പിക്കുന്നതിനും ക്ഷേമ പദ്ധതികള്‍ പരിചയപ്പെടുത്തുന്നതിനും അവസരം പ്രയോജനപ്പെടുത്തണമെന്നും ജില്ലാ സൈനിക ക്ഷേമ ഓഫീസര്‍ അറിയിച്ചു. ഫോണ്‍ 04862 222904.