ആലപ്പുഴ:  അമ്പലപ്പുഴയിലെ  കുഞ്ചൻ നമ്പ്യാർ സ്മാകര സമിതിയുടെ നേതൃത്വത്തിൽ മെയ് അഞ്ചിന്  കുഞ്ചൻ ദിനാഘോഷം നടത്തുന്നു .  രാവിലെ ഒമ്പതു മുതൽ  കുഞ്ചൻ നമ്പ്യാർ സ്മാരക കേന്ദ്രത്തിൽ  നടക്കുന്ന  ആഘോഷ പരിപാടിയിൽ തുള്ളൽ കലാകാര സംഗമം, തുള്ളൽ ത്രയം അവതരണം, കവിസമ്മേളനം, തുള്ളൽ കലാകാരനുള്ള കുഞ്ചൻ നമ്പ്യാർ പുരസ്‌ക്കാര സമർപ്പണം, ഹാസ്യ പ്രതിഭ  പുരസ്‌ക്കാര സമർപ്പണം, നാടകം എന്നിവ നടക്കും. വൈകിട്ട് അഞ്ചിന് നടക്കുന്ന സാംസ്‌കാരിക സമ്മേളന ഉദ്ഘാടനവും  കുഞ്ചൻ നമ്പ്യാർ പുരസ്‌കാര സമർപ്പണവും  തിരുവിഴ  ജയശങ്കർ നിർവഹിക്കും  സ്മാരക സമിതി ചെയർമാൻ ഡോ പള്ളിപ്പുറം മുരളി അധ്യക്ഷത വഹിക്കും.

ചെങ്ങന്നൂർ:  ഇരമല്ലിക്കര ദേവസ്വം ബോർഡ് ശ്രീഅയ്യപ്പകോളേജിൽ ഗസ്റ്റ് അദ്ധ്യാപകരുടെ ഒഴിവിലേക്ക് അഭിമുഖം നടത്തുന്നു. 13 ന് രാവിലെ 10-ന് കമ്പ്യൂട്ടർ സയൻസ് ,ഉച്ചയ്ക്ക് രണ്ടിന് മലയാളം.14- ന് രാവിലെ 10-ന് ഇലക്ട്രോണിക്സ്, 12-ന് ടെക്നിക്കൽ അസിസ്റ്റന്റ് ( ഇലക്ട്രോണിക്സ് ), രണ്ടിന് കണക്ക്,  സ്റ്റാറ്റിസ്റ്റിക്സ്, 15-ന് രാവിലെ 10-ന് കൊമേഴ്സ് എന്നീ വിഷയങ്ങളിൽ കൂടിക്കാഴ്ച നടക്കും. ഉദ്യോഗാർത്ഥികൾ അസ്സൽ സർട്ടിഫിക്കറ്റും അനുബന്ധ രേഖകളുമായി അന്നേ ദിവസം ഹാജരാകണമെന്ന് പ്രിൻസിപ്പൽ അറിയിച്ചു. ഫോൺ 0479-2427615.

ആലപ്പുഴ: ചെങ്ങന്നൂർ ഗവ. വനിത ഐ.ടി.ഐയിൽ ഹ്രസ്വകാല കോഴ്‌സായ സ്റ്റെനോഗ്രാഫി ഇംഗ്ലിഷ് ആൻഡ് കമ്പ്യൂട്ടർ ഓഫീസ് ഒട്ടോമേഷൻ കോഴ്‌സിലേക്ക് അപേക്ഷ ക്ഷണിച്ചു. മൂന്നു മാസമാണ് കാലാവധി. വനിതകൾക്ക് മാത്രമാണ് പ്രവേശനം.  ഈ കോഴ്‌സ് സ്റ്റാഫ് സെലക്ഷൻ കമ്മീഷൻ, കേരള പബ്ലിക് സർവ്വീസ് കമ്മീഷൻ എന്നിവയുടെ സ്റ്റെനോഗ്രാഫി, കോൺഫിഡൻഷ്യൽ അസിസ്റ്റന്റ്, എൽ.ഡി ടൈപ്പിസ്റ്റ് എന്നീ തസ്തികകളിലേക്ക് സ്‌കിൽ ടെസ്റ്റിന് പരിശീലിപ്പിക്കുന്നതാണ്. വിശദവിവരത്തിന്  ഫോൺ: 0479- 2457496.

ആലപ്പുഴ: എക്സൈസ് റേഞ്ച് പരിധിയിൽ നിന്നും വിവിധ കേസുകളിലായി 10 കിലോ കഞ്ചാവും ഒരു ആൾട്ടോ കാറുമടക്കം മൂന്നു പേരെ ആലപ്പുഴ എക്സൈസ് റേഞ്ച് ഇൻസ്പെക്ടർ വി. ജെ. റോയ് അറസ്റ്റ് ചെയ്തു. ഇതിൽ രണ്ടു പേർ മലപ്പുറം സ്വദേശികളും ഒരാൾ  ആലപ്പുഴ സ്വദേശിയുമാണ്. കഴിഞ്ഞ ദിവസം അര കിലോ കഞ്ചാവുമായി എക്സൈസ് സംഘം പിടികൂടിയ ആളിൽ നിന്നും ലഭിച്ച രഹസ്യവിവരത്തെ തുടർന്ന് നടത്തിയ  നിരീക്ഷണത്തിലാണ് പ്രതികൾ വലയിലായത്. മലപ്പുറം ജില്ലയിൽ നിന്നും വ്യാപകമായി കഞ്ചാവ് ആലപ്പുഴയ്ക്ക് എത്തുന്നതായി ആലപ്പുഴ എക്സൈസ് ഇന്റലിജൻസിന്റെ രഹസ്യ അറിയിപ്പും ഉണ്ടായിരുന്നു.

ആലപ്പുഴ: ആലപ്പുഴ നഗരസഭയിലെ  കനാൽ ജലഗതാഗത നവീകരണത്തിന്റെ  ഒന്നാംഘട്ട പ്രവൃത്തിയുമായി ബന്ധപ്പെട്ട്  നിർമ്മാണത്തിന് തടസ്സമായി  കൊമേഴ്സ്യൽ കനാലിന്റെയും വാടക്കനാലിന്റെയും വെസ്റ്റ് ജങ്ഷൻ കനാലിന്റെയും ഇരുകരകളിലുമായി വീണുകിടക്കുന്നതും അപകടാവസ്ഥയിൽ നിൽക്കുന്നതും മുറിച്ചുമാറ്റിയതുമായ മരങ്ങൾ മെയ് ഒമ്പതിന് രാവിലെ 11ന് ഇറിഗേഷൻ സബ് ഡിവിഷൻ അസിസ്റ്റന്റ് എക്സിക്യൂട്ടീവ് എൻജിനീയർ ലേലം ചെയ്യും.കൂടുതൽ വിവരം ഇറിഗേഷൻ സെക്ഷൻ അസി. എൻജിനീയറുടെ കാര്യാലയത്തിൽ പ്രവൃത്തി സമയത്ത്  അറിയാം. വിശദവിവരത്തിന് ഫോൺ: 0477-2252212. 

ആലപ്പുഴ:കേന്ദ്ര ധനകാര്യ മന്ത്രാലയത്തിന്റെ വിജ്ഞാപനപ്രകാരം കേന്ദ്ര ചിട്ടി നിയമം 1982 കേരളത്തിലും പ്രാബല്യത്തിലുണ്ടെന്നും അനധികൃത ചിട്ടി നടത്തുന്നവർക്കെതിരെ ജാഗ്രത പാലിക്കണമെന്നും ജില്ല രജിസ്ട്രാർ മുന്നറിയിപ്പു നൽകി. കേന്ദ്ര ചിട്ടി നിയമപ്രകാരം അനുമതികൂടാതെ ചിട്ടി തുടങ്ങുന്നതിനുള്ള ലഘുലേഖകളോ പരസ്യങ്ങളോ നോട്ടീസോ  മറ്റു  രേഖകളോ പുറത്തിറക്കരുത്.

തിരുവനന്തപുരം ഡ്രഗ്‌സ് ടെസ്റ്റിംഗ് ലബോറട്ടറിയിലെയും, എറണാകുളം റീജിയണൽ ഡ്രഗ്‌സ് ടെസ്റ്റിംഗ് ലബോറട്ടറിയിലെയും പരിശോധനയിൽ ഗുണനിലവാരമില്ലാത്തതെന്ന് കണ്ടെത്തിയ താഴെപ്പറയുന്ന ബാച്ച് മരുന്നുകളുടെ വിൽപ്പനയും വിതരണവും സംസ്ഥാനത്ത് നിരോധിച്ചതായി ഡ്രഗ്‌സ് കൺട്രോൾ വകുപ്പ് അറിയിച്ചു.  ഈ ബാച്ചുകളുടെ സ്റ്റോക്ക് കൈവശമുളളവർ അവയെല്ലാം വിതരണം ചെയ്തവർക്ക് തിരികെ അയച്ച് പൂർണ വിശദാംശങ്ങൾ അതത് ജില്ലയിലെ ഡ്രഗ്‌സ് കൺട്രോൾ ഓഫീസിൽ അറിയിക്കണം. മരുന്നിന്റെ പേര്, ഉത്പാദകർ, ബാച്ച് നം, കാലാവധി എന്നിവ ക്രമത്തിൽ:

ദേശീയ വിദ്യാഭ്യാസ ഗവേഷണ പരിശീലന സമിതി(എൻ.സി.ഇ.ആർ.ടി.)യുടെ നേതൃത്വത്തിൽ സംഘടിപ്പിക്കുന്ന ദേശീയ യോഗാ ഒളിമ്പ്യാഡിൽ പങ്കെടുക്കേണ്ട സംസ്ഥാന ടീമിനെ തെരഞ്ഞെടുക്കുന്നതിനുള്ള സംസ്ഥാനതല യോഗാ ഒളിമ്പ്യാഡ് മേയ് ആറ്, ഏഴ് തീയതികളിൽ തിരുവനന്തപുരം മൈലം ഗവ.ജി.വി.രാജ സ്‌പോർട്‌സ് സ്‌കൂളിൽ നടക്കും. സംസ്ഥാനത്തെ 14 ജില്ലകളിൽ നിന്നും ദേശീയ-അന്തർദ്ദേശീയ താരങ്ങൾ ഉൾപ്പെടെ 200 ലധികം പ്രതിഭകൾ പങ്കെടുക്കുമെന്ന് എസ്.സി.ഇ.ആർ.ടി. ഡയറക്ടർ അറിയിച്ചു.

പി.എൻ.എക്സ്. 1214/19