പുത്തനത്താണി ബൈപ്പാസ്സില്‍ പ്രവൃത്തി നടക്കുന്നതിനാല്‍ ഇതിലൂടെയുള്ള വാഹന ഗതാഗതം ഇന്ന് (മെയ് നാല്) മുതല്‍ നിരോധിച്ചു.  വാഹനങ്ങള്‍ പുത്തനത്താണി ജങ്ഷന്‍ വഴി പോകണം.

നാഷണല്‍ ട്രസ്റ്റ് ലോക്കല്‍ ലെവല്‍ കമ്മിറ്റിയോഗം മെയ് 13 ന് രാവിലെ 10ന് ജില്ലാ കലക്ടറുടെ ചേമ്പറില്‍ ചേരും.

കല്ലൂര്‍ രാജീവ് ഗാന്ധി ആശ്രമ വിദ്യാലയത്തില്‍ ഹയര്‍ സെക്കന്ററി കോഴ്‌സ് പ്രവേശനത്തിന് അപേക്ഷ ക്ഷണിച്ചു.കാട്ടുനായ്ക്ക വിഭാഗത്തില്‍പ്പെട്ട പത്താംക്ലാസ് ജയിച്ച വിദ്യാര്‍ത്ഥികള്‍ക്ക് അപേക്ഷിക്കാം. കൊമേഴ്‌സ്, ഹ്യൂമാനിറ്റീസ് വിഭാഗത്തിലേക്കാണ് പ്രവേശനം.  അപേക്ഷാ ഫോം   സ്‌കൂളിന് പുറമേ കല്‍പ്പറ്റ ഐ.റ്റി.ഡി.പി. ഓഫീസ്, സുല്‍ത്താന്‍ ബത്തേരി, മാനന്തവാടി ട്രൈബല്‍ ഡവലപ്‌മെന്റ് ഓഫീസ് എന്നിവിടങ്ങളിലും ലഭിക്കും.  ജാതി, വരുമാനം, യോഗ്യത പരീക്ഷയുടെ പകര്‍പ്പ് എന്നിവ സഹിതമുള്ള അപേക്ഷ മെയ് 20 വരെ സ്‌കൂളില്‍ സ്വീകരിക്കും.

കേരള സംസ്ഥാന ഭവന നിര്‍മ്മാണ ബോര്‍ഡില്‍ നിന്നും വായ്പയെടുത്ത ഗുണഭോക്താക്കളുടെ വായ്പ കുടിശ്ശിക തീര്‍പ്പാക്കുന്നതിന് ജില്ലയില്‍ ഫെബ്രുവരി 8 ന് നടത്തിയ അദാലത്തില്‍ പങ്കെടുത്ത്  സമ്മത പത്രം ഒപ്പിട്ട് നല്‍കിയ ഗുണഭോക്താക്കള്‍ മൂന്ന് മാസ കാലാവധി തികയുന്ന മെയ് 8നകം കുടിശ്ശിക അടക്കണം. അല്ലാത്തപക്ഷം അദാലത്തില്‍ അനുവദിച്ച ഇളവുകള്‍ നഷ്ടപ്പെടുമെന്ന് വയനാട് ഡിവിഷന്‍ എക്‌സിക്യൂട്ടീവ് എഞ്ചിനീയര്‍   അറിയിച്ചു.

നഴ്‌സസ് വാരാഘോഷം മെയ് ആറു മുതല്‍ 12 വരെ വിപുലമായ പരിപാടികളോടെ ജില്ലയിലെ വിവിധ കേന്ദ്രങ്ങളില്‍ നടക്കും. മെയ് ആറ് രാവിലെ 8.30 ന് പെരിന്തല്‍മണ്ണ ജില്ലാ ആശുപത്രിയില്‍  ജില്ലാ നഴ്സിങ് ഓഫീസര്‍ എന്‍. എന്‍ ഓമന പതാക ഉയര്‍ത്തും. തുടര്‍ന്ന് നടക്കുന്ന നഴ്സസ് വാരാഘോഷ സന്ദേശ വിളംബര റാലി പെരിന്തല്‍മണ്ണ ഡി.വൈ.എസ്.പി. ശിവദാസന്‍ പി.എ ഫ്ളാഗ് ഓഫ് ചെയ്യും.

മെയ് 22ന് സുല്‍ത്താന്‍ ബത്തേരി റസ്റ്റ് ഹൗസില്‍ നടത്തിനാരുന്ന കാര്‍ഷിക കടാശ്വാസ കമ്മീഷന്‍ സിറ്റിംഗ് മാറ്റി.  പുതുക്കിയ തീയതി പിന്നീട് അറിയിക്കും.

മഴക്കാല പൂര്‍വ്വ ശുചീകരണത്തിന് ജില്ലാതല കര്‍മപദ്ധതി തയ്യാറാക്കുന്നതിന്  യോഗം തിങ്കളാഴ്ച (മെയ് ആറ്) രാവിലെ 11 ന് മന്ത്രി ഡോ. കെ.ടി ജലീലിന്റെ അദ്ധ്യക്ഷതയില്‍ യോഗം ചേരും. മലപ്പുറം ടൗണ്‍ഹാളില്‍ നടക്കുന്ന യോഗത്തില്‍ ജില്ലയിലെ എം.പിമാര്‍, എം.എല്‍.എമാര്‍, ജില്ലാ പഞ്ചായത്ത് പ്രസിഡന്റ്, ജില്ലാ കലക്ടര്‍ തുടങ്ങിയവര്‍ പങ്കെടുക്കും.