പൊതുധനകാര്യ സമീപനങ്ങളെക്കുറിച്ചുളള  പുനർവിചിന്തനം എന്ന വിഷയത്തിൽ ഗുലാത്തി ഇൻസ്റ്റിറ്റ്യൂട്ട് ഓഫ് ഫിനാൻസ് ആൻഡ് ടാക്സേഷൻ മാർച്ച് 18 മുതൽ 21

- ആകെ 784 പരാതികൾ പരിഗണിച്ചു

തദ്ദേശ സ്ഥാപനങ്ങളിലെ വാര്‍ഡ് വിഭജനവും അതിര്‍ത്തി നിര്‍ണയവും സംബന്ധിച്ച പരാതികള്‍ പരിഹരിക്കുന്നതിനായി നിശ്ചയിച്ച ഡീലിമിറ്റേഷൻ കമ്മിഷൻ കോടതി വിധിയെ തുടർന്ന് മരവിപ്പിച്ചിരുന്ന പരാതികളുടെ ഹിയറിങ് പൂർത്തിയാക്കി. ഡീലിമിറ്റേഷന്‍ കമ്മിഷൻ ചെയര്‍മാനും സംസ്ഥാന തെരഞ്ഞെടുപ്പ് കമ്മിഷണറുമായ എ ഷാജഹാൻ, കമ്മിഷൻ അംഗം എസ് ഹരികിഷോർ എന്നിവരുടെ നേതൃത്വത്തില്‍ കോഴിക്കോട് ഗവ. ഗസ്റ്റ് ഹൗസിൽ നടന്ന ഹിയറിങ്ങിൽ ആകെ 784 പരാതികൾ പരിഗണിച്ചു. 

കേരളത്തിൽ ഒറ്റപ്പെട്ടയിടങ്ങളിൽ ഇന്ന് (17/03/2025)  ഇടിമിന്നലോടു കൂടിയ മഴയ്ക്കും മണിക്കൂറിൽ 30 മുതൽ 40 കിലോമീറ്റർ വരെ വേഗതയിൽ ശക്തമായ കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് അറിയിച്ചു.

നെടുമങ്ങാട് സര്‍ക്കാര്‍ ടെക്‌നിക്കല്‍ ഹൈസ്‌കൂളിലെ എട്ടാം ക്ലാസ് പ്രവേശനത്തിനായി അപേക്ഷകള്‍ സ്വീകരിക്കുന്നു. www.polyadmission.org/ths എന്ന ലിങ്ക് വഴി വിദ്യാര്‍ഥികള്‍ക്ക് ഓണ്‍ലൈനായി ഏപ്രില്‍ എട്ടു വരെയാണ് അപേക്ഷിക്കാനാകുക.

പൊതുവിദ്യാഭ്യാസത്തോടൊപ്പം സ്‌പെഷ്യലിസ്റ്റ് ട്രേഡുകളായ ഫിറ്റിംഗ്, വെല്‍ഡിംഗ്, ഇലക്ട്രിക്കല്‍ വയറിംഗ് മെയ്ന്റനന്‍സ് ഓഫ് ഡൊമസ്റ്റിക് അപ്ലയന്‍സസ്, മെയ്ന്റനന്‍സ് ഓഫ് ടു ത്രീ വീലര്‍, ടേണിംഗ്, ഇലക്ട്രോപ്ലേറ്റിംഗ് എന്നിവയിൽ പരിജ്ഞാനം നേടാന്‍ വിദ്യാര്‍ഥികള്‍ക്ക് അവസരം ലഭിക്കും. ഫോൺ: 9846170024, 7907788350, 9446686362, 9645814820, 7907938093, 9446547098

സംസ്ഥാന ന്യൂനപക്ഷ കമ്മീഷന്‍ സിറ്റിംഗ് ഇന്ന് (18.03.2025) രാവിലെ 11ന് കമ്മീഷന്റെ ശാസ്തമംഗലം ഓഫീസിലെ കോര്‍ട്ട് ഹാളില്‍ നടക്കും. കമ്മീഷന്‍ ചെയര്‍മാന്‍ എ.എ.റഷീദ് ഹര്‍ജികള്‍ പരിഗണിക്കും.

സിറ്റിംഗില്‍ നിലവിലുള്ള പരാതികള്‍ പരിഹരിക്കുന്നതിനോടൊപ്പം പുതിയ പരാതികളും സ്വീകരിക്കും. പരാതികള്‍ കമ്മീഷന്റെ 9746515133 എന്ന വാട്ട്‌സ് ആപ്പ് നമ്പറിലും അയക്കാവുന്നതാണ്.

കേരള മോട്ടോര്‍ തൊഴിലാളി ക്ഷേമനിധി ബോര്‍ഡ് ജില്ലാ ഓഫീസിന്റെ ആഭിമുഖ്യത്തില്‍, ഓട്ടോറിക്ഷാ തൊഴിലാളിയായിരിക്കെ മരണപ്പെട്ട പൂവച്ചല്‍ സ്വദേശിയായ റഫീക്കിന്റെ ആശ്രിതര്‍ക്കുള്ള ധനസഹായം നൽകി.

ക്ഷേമനിധി ഉദ്യോഗസ്ഥര്‍ പൂവച്ചലിലെ വീട്ടിലെത്തിയാണ് റഫീക്കിന്റെ ഭാര്യയ്ക്ക് അപകട മരണാനന്തര ധനസഹായം കൈമാറിയത്. ജി.സ്റ്റീഫന്‍ എംഎല്‍എ, ക്ഷേമനിധി ബോര്‍ഡ് ജില്ലാ എക്‌സിക്യൂട്ടീവ് ഓഫീസര്‍ വി.സജീവ്കുമാര്‍ തുടങ്ങിയവര്‍ പങ്കെടുത്തു.

വാമനപുരം മണ്ഡലത്തിലെ ആനാട്, പനവൂര്‍ പഞ്ചായത്തുകളിലെ റോഡുകളുടെ നവീകരണത്തിനായി 77.24 ലക്ഷം രൂപയുടെ ഭരണാനുമതി ലഭിച്ചതായി ഡി.കെ. മുരളി എം.എല്‍എ അറിയിച്ചു. എം എൽ എ യുടെ ആസ്തി വികസന പദ്ധതി പ്രകാരമാണ് റോഡുകൾ നവീകരിക്കാൻ ഉത്തരവായത്.

ആനാട് പഞ്ചായത്തിലെ ചുള്ളിമാനൂര്‍ - എല്‍.എം എല്‍ പി എസ്‌ നട - വഞ്ചുവം റോഡ് (39.77 ലക്ഷം), വാലിക്കാണം - കുന്നില്‍ റോഡ് കലുങ്ക് നിര്‍മാണം ഉള്‍പ്പെടെ (10 ലക്ഷം), പനവൂര്‍ പഞ്ചായത്തിലെ കരിക്കുഴി-തുറുവേലി വട്ടറത്തല റോഡ് (17.47 ലക്ഷം), നിരപ്പില്‍ - വരമ്പശേരി - ചൊര്‍ണോട് റോഡ് (10 ലക്ഷം) എന്നിവ നവീകരിക്കുന്നതിനാണ് ഭരണാനുമതിയായിട്ടുള്ളത്.

കുടുംബശ്രീ ആലപ്പുഴ ജില്ലാ മിഷന്റെ ആഭിമുഖ്യത്തിൽ  ദീൻ ദയാൽ ഉപാധ്യായ ഗ്രാമീൺ കൗശല്യ യോജന (ഡി.ഡി.യു.ജി.കെ.വൈ) പദ്ധതിയുടെ ഭാഗമായി പൂർവ്വ വിദ്യാർഥി സംഗമം 'റിട്രേസ് 2025' സംഘടിപ്പിച്ചു.

  മുൻ എം.പി എ.എം ആരിഫ്  ആലപ്പുഴ പഗോഡ റിസോർട്ടിൽ നടന്ന പരിപാടി
 ഉദ്ഘാടനം ചെയ്തു. കുടുംബശ്രീ ജില്ലാ മിഷൻ  കോർഡിനേറ്റർ എസ്.രഞ്ജിത്ത്   അധ്യക്ഷത വഹിച്ചു.  കോർപ്പറേറ്റ് ട്രെയിനർ അരുൺ ജോസ് ലൈഫ്‌ സ്കിൽസ് ആൻഡ് മോട്ടിവേഷൻ എന്ന വിഷയത്തിൽ ക്ലാസ് നയിച്ചു. പൂർവ വിദ്യാർഥികളുടെ  അനുഭവങ്ങൾ പങ്കുവയ്ക്കലും, കുട്ടനാട് ഇടന്തല കൂട്ടത്തിന്റെ ചെണ്ട- നാടൻ പാട്ട് ഫ്യൂഷനും പരിപാടിയുടെ ഭാഗമായി നടന്നു.

നാഷണൽ ഇൻസ്റ്റിറ്റ്യൂട്ട് ഓഫ് സ്പീച് ആൻഡ് ഹിയറിങും സംസ്ഥാന സാമൂഹ്യ നീതി വകുപ്പും സംയുക്തമായി ഭിന്നശേഷിക്കാർക്കായി  സമഗ്ര ആർത്തവാരോഗ്യ വിദ്യാഭ്യാസം  എന്ന വിഷയത്തിൽ മാർച്ച് 19ന് വെബ്ബിനാർ നടത്തും.

        പട്ടികജാതി വികസന വകുപ്പിന്റെ നിയന്ത്രണത്തിൽ തിരുവനന്തപുരം ജില്ലയിലെ മണ്ണന്തലയിൽ പ്രവർത്തിക്കുന്ന ഗവ. പ്രീ എക്സാമിനേഷൻ ട്രെയിനിങ് സെന്ററിൽ സൗജന്യ നീറ്റ് 2025 പരീക്ഷ പരിശീലനം നൽകുന്നു. 2025 വർഷത്തിൽ നീറ്റ് പരീക്ഷ എഴുതുന്നതിലേക്കായി ഓൺലൈൻ അപേക്ഷ സമർപ്പിച്ച തിരുവനന്തപുരം, കൊല്ലം, പത്തനംതിട്ട ജില്ലകളിലെ എസ്.സി, എസ്.ടി, ഒ.ബി.സി വിഭാഗം വിദ്യാർഥികൾക്ക് അപേക്ഷിക്കാം.