കേരളത്തിന്റെ വികസന മാതൃകകളിൽ പുതിയൊരു അധ്യായത്തിന് തുടക്കം കുറിക്കുന്ന വിജ്ഞാനകേരളം ജനകീയ ക്യാമ്പയിൻ തൃശ്ശൂരിൽ തൊഴിൽ പൂരം തീർക്കുകയാണ്. ആധുനിക സാങ്കേതിക വിദ്യകളും പുതിയ കാഴ്ചപ്പാടുകളും ആശയങ്ങളും പ്രയോജനപ്പെടുത്തി തൊഴിൽരഹിതർ ഇല്ലാത്ത കേരളത്തെ ഒറ്റക്കെട്ടായി പടുത്തുയർത്തുകയാണ് വിജ്ഞാന തൃശ്ശൂർ. തൊഴിൽ പൂരം മെഗാ ജോബ് ഫെയറിന്റെ സംഘാടനവുമായി ബന്ധപ്പെട്ട് പ്രധാന ഉദ്യോഗസ്ഥരുടെയും വിവിധ ഏജൻസി പ്രതിനിധികളുടെയും യോഗം ചേർന്നു. തൃശ്ശൂർ കളക്ടറേറ്റ് കോൺഫറൻസ് ഹാളിൽ ചേർന്ന യോഗത്തിന് ജില്ലാ പഞ്ചായത്ത് പ്രസിഡന്റ് വി.എസ് പ്രിൻസ്, അഡീഷണൽ ജില്ലാ മജിസ്ട്രേറ്റ് ടി. മുരളി എന്നിവർ നേതൃത്വം നൽകി.

  തൃശ്ശൂർ ജില്ലയിൽ ചൊവ്വാഴ്ച വൈകീട്ട് പെയ്ത കനത്ത മഴയിലും കാറ്റിലും 1,66,77,000 രൂപയുടെ വ്യാപക നാശനഷ്ടം സംഭവിച്ചു. ശക്തമായ കാറ്റിലും കനത്ത മഴയെയും തുടർന്ന് നാശനഷ്ടങ്ങൾ സംഭവിച്ച തൃശ്ശൂർ പുല്ലഴിയിലെ വീടും, വൈദ്യുതി പോസ്റ്റുകൾ വീണ് നാശം സംഭവിച്ച ഒളരി കൊട്ടിൽ റോഡ് ഭാഗവും ജില്ലാ കളക്ടർ അർജുൻ പാണ്ഡ്യൻ സന്ദർശിച്ചു. 

വൈദ്യുതി ലൈനുകൾ പൊട്ടി വീഴുകയും വീടിൻ്റെ ട്രസ് വർക്ക് പൂർണ്ണമായും തകരുകയും ചെയ്ത സ്ഥലങ്ങളിൽ കളക്ടർ നേരിട്ടെത്തി നാശനഷ്ടങ്ങൾ വിലയിരുത്തി.

സംസ്ഥാന സർക്കാരിന്റെ നാലാം വാർഷികത്തോടനുബന്ധിച്ച് മെയ് 17 മുതൽ 23 വരെ കനകക്കുന്നിൽ സംഘടിപ്പിക്കുന്ന എന്റെ കേരളം പ്രദർശന വിപണന മേളയിൽ ഐസ്ക്രീം വിൽപ്പന നടത്തുന്നതിന് ക്വട്ടേഷൻ ക്ഷണിച്ചു. താത്പര്യമുള്ള ഏജൻസികൾ ഏപ്രിൽ 30 വൈകീട്ട് 5ന് മുമ്പ് തിരുവനന്തപുരം കളക്ടറേറ്റിലെ എൽ.ആർ ഡെപ്യൂട്ടി കളക്ടർ മുമ്പാകെ ക്വട്ടേഷൻ സമർപ്പിക്കേണ്ടതാണ്.

കേന്ദ്ര സര്‍ക്കാരിന്റെ പഞ്ചായത്ത് ക്ഷമതാ നിര്‍മ്മാണ്‍ സര്‍വോത്തം സന്‍സ്ഥാന്‍ പുരസ്‌കാരത്തിന് തുടര്‍ച്ചയായി രണ്ടാം തവണയും കില (കേരള ഇന്‍സ്റ്റിറ്റ്യൂട്ട് ഓഫ് ലോക്കല്‍ അഡ്മിനിസ്‌ട്രേഷന്‍) അര്‍ഹമായി. തദ്ദേശ സ്വയഭരണ സ്ഥാപനങ്ങളുടെ കാര്യശേഷി വര്‍ധനവിനും അവരുടെ നൈപുണ്യ വികസനം പ്രോത്സാഹിപ്പിക്കുന്നതിനും നടത്തിയ പ്രവര്‍ത്തനങ്ങളിലെ മികവാണ് കിലയ്ക്ക് ദേശീയ പുരസ്‌കാരത്തിന് വഴിയൊരുക്കിയത്.

 വിജ്ഞാന കേരളം ക്യാമ്പയിനിന്റെ ഭാഗമായി തൃശ്ശൂരില്‍ സംഘടിപ്പിക്കുന്ന മെഗാ ജോബ് ഫെയറില്‍ പങ്കെടുക്കുന്നതിനുള്ള രജിസ്‌ട്രേഷന്‍ ഇന്ന് (ഏപ്രില്‍ 25) അവസാനിക്കും. ഡി ഡബ്ല്യു എം എസ് പോര്‍ട്ടല്‍ വഴി 17,820 ഉദ്യോഗാര്‍ത്ഥികളാണ് ഇതുവരെ രജിസ്റ്റര്‍ ചെയ്ത് വിവിധ തൊഴിലുകള്‍ക്കായി അപേക്ഷിച്ചിട്ടുള്ളത്. ഏപ്രില്‍ 26 ലെ മെഗാ ജോബ് ഫെയറിന് മുന്നോടിയായി ഏപ്രില്‍ 21 മുതല്‍ 25 വരെ നടത്തിയ പരിശീലന പരിപാടിയില്‍ 5,230 ഉദ്യോഗാര്‍ത്ഥികള്‍ പരിശീലനം പൂര്‍ത്തിയാക്കി.

'എന്റെ കേരളം' മേള സംസ്ഥാന സർക്കാരിന്റെ വികസന പ്രവർത്തനങ്ങളുടെ നേർക്കാഴ്ച്ചയാകും : മന്ത്രി രാമചന്ദ്രൻ കടന്നപ്പള്ളി