പാലക്കാട് ജില്ലയില്‍ ഇന്ന് (ഫെബ്രുവരി 24) 109 പേര്‍ക്ക് കോവിഡ് 19 സ്ഥിരീകരിച്ചതായി ആരോഗ്യവകുപ്പ് അധികൃതര്‍ അറിയിച്ചു. ഇതില്‍  സമ്പര്‍ക്കത്തിലൂടെ രോഗബാധ ഉണ്ടായ 40 പേര്‍, ഉറവിടം അറിയാതെ രോഗം ബാധിച്ച 58 പേര്‍,  ഇതര സംസ്ഥാനത്ത്  നിന്നും  വന്ന 10 പേർ, ഒരു ആരോഗ്യ പ്രവർത്തകൻ എന്നിവര്‍ ഉള്‍പ്പെടും. 343 പേര്‍ക്ക് രോഗമുക്തി ഉള്ളതായും അധികൃതര്‍ അറിയിച്ചു.

ഇന്ന് രോഗം സ്ഥിരീകരിച്ചവരുടെ വിവരങ്ങൾ

പാലക്കാട് സ്വദേശികൾ - 13 പേർ 

ഒറ്റപ്പാലം സ്വദേശികൾ - 10 പേർ

കിഴക്കഞ്ചേരി സ്വദേശികൾ - 9 പേർ

വാണിയംകുളം, ഷൊർണൂർ, മണ്ണാർക്കാട് സ്വദേശികൾ - 5 പേർ വീതം

കളിമണ്‍ ഉല്‍പ്പന്ന നിര്‍മ്മാണവും വിപണനവും കുലത്തൊഴിലായി സ്വീകരിച്ചിട്ടുള്ള സമുദായത്തിലെ വ്യക്തികള്‍ക്ക് കളിമണ്‍പാത്ര നിര്‍മ്മാണ വിപണന ക്ഷേമ വികസന കോര്‍പ്പറേഷന്‍ കളിമണ്‍പാത്ര നിര്‍മ്മാണ വിപണന ആവശ്യങ്ങള്‍ക്ക് വായ്പ നല്‍കുന്നു. ആറു ശതമാനം പലിശ നിരക്കില്‍ വായ്പാ തുക പരമാവധി രണ്ടു ലക്ഷം രൂപയാണ്. അപേക്ഷകര്‍ പരമ്പരാഗത കളിമണ്‍ ഉല്‍പ്പന്ന നിര്‍മ്മാണ മേഖലയില്‍ തൊഴില്‍ ചെയ്യുന്നവരോ അവരുടെ ആശ്രിതരോ  ആയിരിക്കണം. തിരിച്ചടവ് കാലാവധി 60 മാസമാണ്. അപേക്ഷകരുടെ പ്രായപരിധി 18 നും 55 നും മദ്ധ്യേ. കുടുംബ വാര്‍ഷികവരുമാനം മൂന്നു ലക്ഷം കവിയരുത്.

ചിറ്റൂര്‍ ഗവ. കോളേജില്‍ ഇംഗ്ലീഷ് വിഭാഗത്തില്‍ ഗസ്റ്റ് ലക്ചററുടെ ഒഴിവുണ്ട്. 55 ശതമാനം മാര്‍ക്കോടെയുള്ള ബിരുദാനന്തര ബിരുദമാണ് യോഗ്യത. നെറ്റ് യോഗ്യതയുള്ളവര്‍ക്ക് മുന്‍ഗണന. താത്പര്യമുള്ളവര്‍ അസ്സല്‍ സര്‍ട്ടിഫിക്കറ്റുകള്‍ സഹിതം ഫെബ്രുവരി 26 ന് രാവിലെ 10 ന് പ്രിന്‍സിപ്പാള്‍ മുമ്പാകെ കൂടിക്കാഴ്ചയ്ക്ക് എത്തണം.

തയ്യല്‍ മേഖലയില്‍ ജോലി ചെയ്യാന്‍ താത്പര്യമുള്ളവരും കേരളത്തിന് പുറത്ത് ജോലി ചെയ്യാന്‍ സന്നദ്ധരുമായിട്ടുള്ള 18 വയസ്സിനു മുകളില്‍ പ്രായമുള്ള വനിതകള്‍ക്ക് തൊഴില്‍ അവസരം ഒരുക്കുന്നു. ഈ മേഖലയില്‍ തൊഴില്‍ നൈപുണ്യം ഉള്ളവര്‍ക്ക് മുന്‍ഗണന. പേര് രജിസ്റ്റര്‍ ചെയ്യുന്നവര്‍ക്ക് ചിറ്റൂര്‍ സി. ഡി. സിയുടെ ആഭിമുഖ്യത്തില്‍  നടത്തുന്ന തൊഴില്‍ മേളയില്‍ പങ്കെടുക്കാം. ഏകദേശം ആയിരത്തോളം ഒഴിവുകളിലേക്കാണ് നിയമനം. താല്‍പര്യമുള്ളവര്‍ 04923 223297 ല്‍ രജിസ്റ്റര്‍ ചെയ്യണമെന്ന് എംപ്ലോയ്‌മെന്റ് ഓഫീസര്‍ അറിയിച്ചു.

സര്‍ക്കാര്‍ സ്ഥാപനമായ കെല്‍ട്രോണില്‍ വിവിധ കമ്പ്യൂട്ടര്‍ കോഴ്സുകളിലേക്ക് അപേക്ഷ ക്ഷണിച്ചു. ഡി. സി. എ( യോഗ്യത പ്ലസ് ടു),  ടാലി,  എം.എസ് ഓഫീസ് ( യോഗ്യത എസ.് എസ്. എല്‍. സി)  കോഴ്സുകളിലേക്ക് സണ്‍ഡേ, ഒഴിവുദിന ബാച്ചിലേക്കാണ് അപേക്ഷ ക്ഷണിച്ചത്. താത്പര്യമുള്ളവര്‍ യോഗ്യത തെളിയിക്കുന്ന സര്‍ട്ടിഫിക്കറ്റുകളുമായി പാലക്കാടുള്ള കെല്‍ട്രോണ്‍ നോളജ് സെന്ററില്‍ എത്തണം. ഫോണ്‍- 0491 2504599,  9847412359.

കൊഴിഞ്ഞാമ്പാറ,  നാട്ടുകല്‍ പി.ഒ, വാരിയാര്‍ ചള്ള സ്വദേശിയായ നടരാജന്റെ മകള്‍ അഹല്യയെ (14) 2019 നവംബര്‍ 18 മുതല്‍ കാണാതായതായി കൊഴിഞ്ഞാമ്പാറ പോലീസ് സ്റ്റേഷന്‍ ഹൗസ് ഓഫീസ് ഇന്‍സ്പെക്ടര്‍ അറിയിച്ചു. നാലര അടി ഉയരം, കറുപ്പുനിറം, തമിഴ്, മലയാളം എന്നിവ സംസാരിക്കും. കൊഴിഞ്ഞാമ്പാറ സ്റ്റേഷനില്‍ കേസ് രജിസ്റ്റര്‍ ചെയ്ത് അന്വേഷണം നടന്നുവരുന്നു. ഇവരെക്കുറിച്ച് എന്തെങ്കിലും വിവരം ലഭിക്കുന്നവര്‍ 04923 272224, 9497941950 നമ്പറുകളില്‍ വിവരം അറിയിക്കേണ്ടതാണ്.