തൃത്താല ഗവ. ആര്‍ട്സ് ആന്‍ഡ് സയന്‍സ് കോളേജില്‍ എം.എസ്.സി മാത്തമാറ്റിക്സ് വിത്ത് ഡാറ്റ സയന്‍സില്‍ എസ്.സി വിഭാഗത്തില്‍ രണ്ടൊഴിവുകളും എസ്.ടി വിഭാഗത്തില്‍ ഒരൊഴിവുമുണ്ട്. അര്‍ഹരായവര്‍ ഫെബ്രുവരി 27 ന് വൈകിട്ട് മൂന്നിനകം അപേക്ഷ സമര്‍പ്പിക്കണമെന്ന് പ്രിന്‍സിപ്പാള്‍ ഇന്‍ ചാര്‍ജ്ജ് അറിയിച്ചു. ഫോണ്‍: 0466 2270335, 0466 2270353.

മേനോന്‍ പാറ - ഒഴലപ്പതി റോഡില്‍ നവീകരണ പ്രവര്‍ത്തി നടക്കുന്നതിനാല്‍ ഇന്ന് (ഫെബ്രുവരി 25) മുതല്‍ മാര്‍ച്ച് മൂന്ന് വരെയും മാര്‍ച്ച് അഞ്ച് ആറ് തിയ്യതികളിലും വാഹന ഗതാഗതം നിരോധിച്ചതായി അസിസ്റ്റന്റ് എഞ്ചിനീയര്‍ അറിയിച്ചു. വാഹനങ്ങള്‍ പരിശിക്കല്‍ - സത്രം - കരുവപ്പാറ വഴി തിരിഞ്ഞു പോകേണ്ടതാണ്.

പറളി ഗ്രാമപഞ്ചായത്തില്‍  കുടിവെള്ള പദ്ധതിയുടെ ഭാഗമായി പ്ലംബര്‍ കം മീറ്റര്‍ റീഡര്‍ തസ്തികയില്‍ ദിവസ വേതനാടിസ്ഥാനത്തില്‍ നിയമനം നടത്തുന്നു. ഐ.ടി.ഐ / ഐ.ടി.സിയില്‍ പ്ലംബിംഗ് കോഴ്സ് അല്ലെങ്കില്‍ തത്തുല്യ യോഗ്യതയുള്ളവര്‍ക്ക് മുന്‍ഗണന. താത്പ്പര്യമുള്ളവര്‍ യോഗ്യത, പ്രവൃത്തി പരിചയം തെളിയിക്കുന്ന അസല്‍ രേഖകള്‍ സഹിതം ഫെബ്രുവരി 27 ന്  രാവിലെ 11 ന് പറളി പഞ്ചായത്ത് ഓഫീസില്‍ എത്തണമെന്ന് സെക്രട്ടറി അറിയിച്ചു.

തരൂര്‍ മണ്ഡലത്തിലെ കണ്ണമ്പ്ര കിന്‍ഫ്ര പാര്‍ക്ക് പദ്ധതി പ്രഖ്യാപനം പട്ടികജാതി- പട്ടികവര്‍ഗ- പിന്നാക്കക്ഷേമ- നിയമ- സാംസ്‌കാരിക- പാര്‍ലമെന്ററികാര്യ മന്ത്രി എ.കെ ബാലന്‍ ഇന്ന് (ഫെബ്രുവരി 25) രാവിലെ 10.30 ന് പാലക്കാട് കലക്ടറേറ്റില്‍ നിര്‍വഹിക്കും.